揀得啱車仔麵 (已結業)

上環區做野多年，lunch hour周圍都多人，平時多數都係去新紀元大家樂買外賣，今日經過見到新開一間車仔麵店，環境企理乾淨就入去試下。張點餐紙幾得意，好似地鐵線咁。果然快靚正，雖然滿坐，但等左兩三分鐘就有得食。要左咖哩魚旦＋龍蝦丸＋黑松露雞肉餃+雞翼， 雞翼好大隻，夠入味，黑松露雞腿餃夠特別，要左清湯，難得湯底唔會太味精，食完都唔會好口渴。總括來講，價錢唔算平，但都叫正常中上環價，勝在地方乾淨坐得舒服，會再來食。