捌哥‧馬拉籽 (已結業)

最近多咗好多主打馬來西亞美食嘅餐廳。原來大圍都開咗間，馬來西亞嘅餐廳叫「捌哥‧馬拉籽 」。我好鍾意飲肉骨茶，上次嗌左個細滲，今次嗌個大滲（肉骨茶）。外賣返屋企煮兩個米粉同烚菜，就可以當晚餐，好方便。

從前係大圍街坊的我，間唔中都會去大圍入貨，食下野，懷緬一番！大圍越嚟越多特色小店，今次又試新野，馬來西亞🇲🇾！是日星期六下午約3點半🕞，人流唔算多，安排到樓上雅座⏫！裝修間單得來都幾有特色！最喜愛佢樓上花猫🐱🐈牆畫！餐牌圖文鼎茂，賣相吸引👀，樣樣都想試手機落單📱，我最愛！🌈鮮牛油咖央多士$35多士非常脆口，厚切牛油配上咖央醬，口感十分好！🌈檳城福建蝦麵🌶️配（滲滲=油麵加米粉）$78熱辣辣，香噴噴，廚房效率非常高，落單都無3分鐘，已經上菜！濃沃嘅湯底，豐富嘅配料，好吸晴！五花肉，魚片，四隻大蝦🦐，半隻蛋，加上炸乾蔥 ...好豐富！🌈肉骨茶配一字骨$78先上每人一碗肉骨茶，再送上一字骨，肉骨茶口味剛好，藥材味唔會太重！仲可以免費添飲，一字骨比較大舊，肉質都算滑，點埋黑豉油，蒜蓉，辣椒！正呀！🌈馬來西亞茶$16（上圖）一入口好滑，好香奶味，我十分喜歡🌈茶啡滲$16（下圖）即係馬來西亞板鴛鴦（奶茶+咖啡），咖啡味比較重總結💝：埋單時，發現沒有加一，的確有啲驚喜，樣樣食物都唔錯，下次會試其他野！

食馬拉菜的肉骨茶，有免費添飲我都會飲返3碗到，但依間就真係不想添飲，藥材味是有的，但食完之後口腔感覺到一陣豉油味，豬腳彎的豬皮上的毛未清理乾淨，肉骨茶來說真係相對失望；蝦湯麵係屬正常ok，湯底不錯；鮮油叻咖映多，咖映名稍為淡薄；通菜就係真係通菜，上面係有D醬但食唔到有乜味；話梅桔仔水，偏淡，話梅相當麻麻；服務、門面、座位、衞生情況都ok, 價錢正常，Youtube有唔少人去推，但坦白講，試過就算，不會回味

入到去小店時，已經見到有不少人等位，去到等左一陣間就到樓上入座。肉骨茶是星馬一帶華人食物的代表，今次叫左豬手肉骨茶，大馬肉骨茶做法則多加入了黑醬油的黑湯底，稱為「黑派」。肉骨茶一樣是肉骨，另一樣就是「茶」了，呢度嘅中藥湯可以免費續湯。許多小孩子不愛吃肉骨，父母親也會在白飯上淋湯汁給小孩當作一餐，正因為好湯難求。而人氣小食，嚟到必叫濃香幼滑的咖央醬牛油多士，傳統咖央醬以椰漿、斑蘭葉、鴨蛋或雞蛋等製作，不過來到香港，為遷就港人口味，有的做成不加斑蘭葉的版本，自己覺得加上斑蘭葉會更出色！

琴日睇YouTube 介紹大圍美食，先得知屋企附近開咗呢間馬來西亞餐廳🍴趁放假同媽媽去試試。肉骨茶(豬手仔)$56餐廳肉骨茶是無限任添，如同我一樣只為飲湯，可以平平地揀一款餸的。肉骨茶藥材味唔會太重甜甜地，好啱用黎解辣😆😆豬手仔煮得夠腍，配埋馬來西亞地道嘅黑豉油更美味🤤🤤咖哩喇沙$78喇沙最重要係個湯底🍲勁濃郁嘅咖哩湯🤤🤤帶有少少椰香。食材都相當豐富，麵底可揀油麵，米粉，滲滲 (米粉加油麵)，米線或老鼠粉。我揀咗滲慘，米粉吸收晒湯汁，好惹味，相對下油麵就無乜味。愈食愈辣，對於我來講太辣🥵🥵好彩有任飲肉骨茶🫢🫢魚仔醬啦啦$48啦啦即是蜆，蜆肉飽滿，味道鮮甜，魚仔醬的確惹味，有啲似XO醬嘅感覺。愛他愛他(3件)$38馬來西亞傳統美食，魚肉茸混合各種香料，用香蕉葉包住再烤。薄薄一條，食落好腍，口感唔係我想像中咁🙈有少少魚味，只能說唔係我杯茶😆😆整體來講餐廳食物質素唔錯，建議想食嘅朋友早啲嚟，我12點到等兩張枱入得，離開嘅時候已經大排長龍。

聽日講深水埗分店好多好評，知道大圍區開左分店，近近地 weekend 去試下喇， 原來離火車站都有啲遠，大熱天時 到行到流哂汗🥵，到左見鋪仔原來幾細，我諗坐到 16 人左右， 但lunch time 都未坐滿， 我地睇下陣menu 就入去 坐喇， 叫左肉骨茶且同喇唦， 因為聽人講肉骨茶有得再refill。 肉骨茶可能因整定先， 所以等左5分鐘就有， 但喇唦等左好耐， 肉骨茶都就食哂都未有， 我地就揮手想問收銀位嗰哥哥 ，位哥哥真係好專心咁唔知係咪睇緊電話， 叫極都冇反應，最後行去收銀位問佢先得， 原來漏左單囉，又要再等過佢整！ 因為都好肚餓 ,諗住 話refill 肉骨茶 食住先，點知佢話 我地唔係成枱叫肉骨茶 冇得refill 😡 其實我地先兩個人叫兩個餐 ， 你都可以漏單 ？！ 同埋咁得閑襟電話 我唔睇下啲客有冇需要？！ 真係好差囉！ 不推介大家啊！

去到大圍本身諗住食雞粥點個間鋪唔見左🤪見到呢間幾吸引就入座了鮮牛油咖央多士食馬拉野必點前菜💁🏻‍♀️不過今次有啲失望 唔夠香 辣死你媽勁大隻炸髀😋😋仲要炸到岩岩好 唔會乾真真有花生 魚仔 薯仔 雞蛋 青瓜 辣醬最鍾意每樣野食兩啖 岩哂我口味個辣醬有啲料到 配埋個椰漿飯好正👍🏻👍🏻肉骨茶入座時職員會每人斟一碗肉骨茶呢碗口味比較淡口我地再叫左碗肉骨茶 藥材味好夠 啲配料都好入味 再叫左個豬油撈飯 好邪惡但真係好正😈😈柯達柯達係印尼食過一試難忘但呢個小食真係好失望.....完全唔係個回事.....無咩魚味 烤得太乾 完全唔香....仲要唔平🤧🤧主菜係好出色 但小食真係唔ok...

見最近報導話＜捌哥＞衝出英國開店，咁巴幣。 於是去試下大圍店。星期六11：45am , 店舖原來樓上有座位（但沒有上去睇）， 坐樓下， 有4張枱仔。 2人第二枱客， 坐得都舒服， 侍應有禮。辣死你嗎配炸全雞脾 $86（原本話幫我將雞脾一開二， 但最終上枱沒有斬）即炸雞髀脆，但肉較乾， 不夠juice. 綠色椰漿飯， 咖喱薯仔。 我嫌唔夠香醬汁又唔夠出， 如果可以再濃郁d, 椰汁味多d更好。如 做到齋食醬汁配飯（如巴東醬）就perfect.檳城福建蝦油麵 $77上枱時蝦味好濃， 但食落蝦湯又唔出， 有d失望。（以為會好濃蝦湯）檳城香炸鹵肉卷$48炸得太乾， 食唔出鹵肉味， 沒有特色， 如炸鮮竹卷。 魚仔醬蘿蔔糕煎. ? 魚仔醬放蘿蔔糕面。👉👉如炸脆d蘿蔔糕, 用魚仔辣醬再炒蘿蔔糕會更出色。。(可以仿效星洲xo醬炒蘿蔔糕煮法， 會更好味）。總評：馬拉風味唔夠出， 食物味道一般。 6分服務。。7分環境。。7分

【大圍】捌哥‧馬拉籽 — 鮮牛油咖央多士.見疫情開始暖和，加上Ball又有個康復碼，所以襯仲有得堂食，決定要報仇式進食。要誓食晒所有好西，實行「Work Hard, Play Hard, Eat HARDER」嘅精神。.今次去左大圍嘅馬來西亞菜餐廳 — 捌哥‧馬拉籽到食。其實喺佢岩岩新開個陣都有去食，今次係第二次去食。餐廳以白色做主調，無論係地板、牆身又或者係餐桌都係用白色設計。白色餐桌配上木製椅子同竹藤編織嘅長凳，加上豐有馬來西亞特色嘅地板花紋，為餐廳營造出懷舊馬來西亞嘅感覺。餐廳除左給予人有馬來西亞嘅感覺之外，仲可以感受到懷舊香港味道。白色牆身上以黑色墨畫形式，呈現大圍舊時嘅特別地方，例如：青龍水上樂園、三輪家庭車、熱狗巴士，豐有舊香港味道。.其實Ball去呢間餐廳都食左唔少野，例如有惹味蘿蔔糕同湯底濃郁、每啖都飲到蝦味嘅檳城福建蝦麵。不過今次就介紹佢地呢款人氣之選，由馬來西亞空運麵包到港嘅鮮牛油咖央多士。麵包烘成香脆鬆軟嘅多士，每咬一啖都聽到多士香脆嘅聲音。鬆脆多士再加上厚厚嘅牛油同幼滑嘅咖央醬，口感豐富。每啖除左可以品嘗香甜嘅牛油之外，仲可以享受到咖央嘅椰子香同淡淡斑蘭味，簡直

夜晚叫外賣，送到黎份量極少叫左以下 ：我知你啦薄餅配娘惹咖哩雞一字骨肉骨茶福建炒麵黃金奶油蜆咖央多士Total $479咖哩雞得1/3兜肉骨茶得個湯&三舊肉，一舊配料都冇全部份量同價錢完全唔成正比味道正常，唔難食但唔係特別好味性價比極低！唔會再食！4個女仔食，最後煮多兩個出前一丁先夠飽！

未食過呢間 決定就試下佢！ 【芽菜雞配黃薑飯】$88勁多肥短芽菜係底 夠晒爽口！ 不過隻雞就麻麻地 偏鞋身 唔係特別滑～ 要點個醬汁先夠味～黃薑飯都好好味！【玻璃魷魚蕹菜】$52魷魚新鮮爽口！ 辣醬真係好辣 不過撈埋蕹菜食就好惹味！😋👍🏻【娘惹喇沙】$78喇沙最重要係湯底～ 勁濃郁咖哩同椰奶！一嚟到已經飲左幾啖👍🏻 食材都豐富同足料～ 麵底就揀左滲滲（米粉加油麵）啲湯好快索晒 店員勁好再refill多碗湯～😋【馬拉沙嗲串燒】$58嗌左兩串牛 一串雞～ 串燒都係雞會好食啲 牛食落有少少鞋🥲【美祿恐龍】$26勁濃郁 透心涼！😋 不過覺得價錢偏貴

之前好少喺大圍搵到一啲比較特別嘅嘢食！今次有朋友介紹過嚟呢一間，朋友話入面啲嘢食好唔錯㗎 ！於是就過咗嚟試吓啦，當日去等位都要一陣，大概五至10分鐘左右！鮮牛油咖央多士呢個真係不得了！平日都唔鍾意食牛油，但係我食到呢個之後真係好想再叫多一個！娘惹喇沙呢個食完之後覺得印象唔太深刻，唔係好特別。都係屬於重口味朋友，但係覺得個味道層次還好，個面則一般。我知你啦薄餅配娘惹咖喱雞一見到呢個名真係覺得好搞笑，於是就忍唔住叫咗啦！黎到嘅時候個薄餅唔係好大，正常味道，不過個咖喱就有啲辣，自問自己都食得辣覺得都係重口味！仲有兩杯嘢飲係美祿恐龍同埋馬來西亞茶，都係正路野。冇話超級特別或者唔抵。

咖央多，冇椰香，只有甜，成份多士只用一塊包，收$30，乜而家D方包咁貴咩。拉茶，唔夠茶味，奶亦唔香，冇馬拉風味，亦唔似茶餐廳。喇沙都算經典，煆殻痴肉，中間開邊，又唔挑腸。其實不如唔好開邊，一邊食，一邊挑腸，真係食到有D嬲。

深水埗人氣馬來西亞餐廳🇲🇾，係大圍開新分店！一直都好想去試，終於搵到機會約埋朋友仔去try下啦🤩～🐭砂煲老鼠粉（$98）：係餐廳人氣之選✨，將D炸蒜、溫泉蛋、蝦米、肉碎等等既配料同老鼠粉撈埋一齊，非常香口😋。加上，份量都好多，4個人食先會食得曬🤣。另外，連埋個gas爐，保證每一啖都係熱辣辣🔥🫓我知你啦薄餅配娘惹咖喱雞（$64）：咖喱同雞煮得好入味，非常鮮嫩，撈埋鬆脆薄餅，口感一流👍🏻🦑辣死你嗎配參巴魷魚（$72）：綠色椰漿飯帶有甜甜既椰子香味🥥，如果唔鍾意可以轉去藍花飯 / 白飯🍚；魷魚都新鮮、爽口彈力～可惜係我個人口味問題，吃唔慣參巴醬味道😂（椰醬飯上兩點係我朋友加上去🙈）🍞鮮牛油咖央多士（$35）：麵包烤得岩岩好，脆卜卜🤤～如果咖央醬再多D就好啊🤫☕️熱馬來西亞茶（$16）：相比港式奶茶，馬拉奶茶🇲🇾奶味會更重、更甜，都好易入口。對我呢個唔鍾意飲咖啡奶茶嘅人㴝講🙈，接受程度好高，會再encore～整體而言，餐廳質素唔錯，不過價錢就有D小貴，但都可接受既🙊

一定要食佢嘅鮮油咖央多士、加個半熟蛋熟蛋要加少少甜豉油同埋胡椒粉撈再用多士點嚟食超正、肉骨茶真係超級抵👍🏻任何一款就可以係任飲㗎你叫最細嘅一佢會不停咁加俾你飲到你飽為止🤣好足料不過我就鍾意胡椒味重啲、唯有自己加❤️叫埋油炸鬼點嚟食一流咖喱薄餅又係一定要食嘅不過老鼠粉嗰啲就麻麻哋福建炒麵好食d😋