捌哥‧馬拉籽 (已結業)

之前好少喺大圍搵到一啲比較特別嘅嘢食！今次有朋友介紹過嚟呢一間，朋友話入面啲嘢食好唔錯㗎 ！於是就過咗嚟試吓啦，當日去等位都要一陣，大概五至10分鐘左右！鮮牛油咖央多士呢個真係不得了！平日都唔鍾意食牛油，但係我食到呢個之後真係好想再叫多一個！娘惹喇沙呢個食完之後覺得印象唔太深刻，唔係好特別。都係屬於重口味朋友，但係覺得個味道層次還好，個面則一般。我知你啦薄餅配娘惹咖喱雞一見到呢個名真係覺得好搞笑，於是就忍唔住叫咗啦！黎到嘅時候個薄餅唔係好大，正常味道，不過個咖喱就有啲辣，自問自己都食得辣覺得都係重口味！仲有兩杯嘢飲係美祿恐龍同埋馬來西亞茶，都係正路野。冇話超級特別或者唔抵。