打邊爐

營業中

休息中

已幾次到訪打邊爐，食物依然新鮮。今次到訪多了3名穿恤衫的侍應，做野好似好快，但完全冇理客人感受，只顧將自己工作做完，例如上菜時根本唔夠位放碟火鍋料，佢哋會就咁夾硬放埋上枱，然後整親原來喺枱面既火鍋料，動作粗魯；又例如食緊糖水時喺你面前執枱，原因係執好枱等你坐得舒服啲，咁點解唔執好枱先上甜品呀大佬？原來的侍應姐姐依舊好禮貌好服務，煮元貝時間剛剛好👍🏻👍🏻

呢排約食飯，個個不是粥底火鍋， 就是打邊爐， 真係好熱氣， 但盛情難卻， 打邊爐都要去店名好貼切， 真正打邊爐位置方便，佐敦地鐵站行幾分鐘就到✌✌地方唔算大，有4張4人枱，一張6人枱，另有一間包房， 但裝修並不馬虎，古風樸雅， 雕花精緻，有心思老闆特別推介，邊爐最佳自制飲品 - 菊花蜜/香茅檸檬薏米水 /竹蔗茅根水 好過飲汽水啤酒，3款全部都試， 覺得香茅檸檬薏米水最特別，帶有 少許澀味， 原來材料中有打碎檸檬皮一齊煲， 維他命c更加豐富😀😀意大利蕃茄薯仔牛坑腩湯唔想食辣， 叫了這個材料十足的湯底， 大大隻意大利蕃茄、薯仔、粟米、中式芹菜、 牛坑腩， 湯非常清甜而且好大 size, 只有兩個人， 唔敢叫太多食物，怕浪費鴨血大件又厚唔會滾下就粉碎， 煙煙靭靭 菜餃份量唔多每人兩隻，原來熟了之後，體積大了差不多一倍， 脹卜卜餡料多多煎午餐肉本來想做火鍋料食， 但煎得香脆可口，講下食下，未放湯都已經食完特制響鈴，最新菜式賣相似一籃玫瑰花，剛炸完即上枱，通常用湯灼食，老板教另一方法，可以點白糖或放糖醋汁。 點白糖食最好 ，咬一口已經全部在口內粉碎， 實在是太鬆脆了 口感似上海的高力豆沙， 如果

有一次在附近閒逛，看到打邊爐這個門面相當吸引，有一個特大魚缸養新鮮海鮮。店內裝修是比較傳統古式風味，晚飯時間已經座無虛席了。竹庶茅根水平日打邊爐最喜愛便是喝些自家製的糖水，因為可以下火嘛，而且感覺較健康。自由配搭混醬，醬料盤很乾淨企理。意大利蕃茄薯仔牛坑腩鍋湯底非常足料，粟米清甜，蕃茄新鮮，牛坑腩本身已經炆得稔，而且牛腩汁滲透至肉心，很嫩滑香濃，湯底不用再加味精，味道已很豐富。鮮牛肉牛肉色水透紅，看得出不是急凍牛肉，肉質比較嫩滑，而且加入牛奶，口感更上一層樓。豬頸肉加入燒酒能夠減去一些豬的肉膩感，酒精亦能帶起鮮味。鴨血切得很工整美觀，非常香滑。菜盤放得很整齊，翠綠外觀很吸引。

A group of friends suggested to meet up for dinner and we suggested hotpot as we can sit down and chat for longer period of time. The Hot Pot was located at Temple Street, few minutes walk from Jordan MTR. Shortly after we have ordered, they brought us a tray of seasoning for us to add onto. There were garlic, spring onion, chilli and XO sauce etc.  Homemade lemon barley drink - It was sweet and cooling, and barley was very chewy. It has strong lemon taste as well. Pig intestine with pepper base

秋風起，又是吃火鍋的好時機。早前和朋友聊起年長後對火鍋質素的要求也相應提高，要吃就吃「高質」的，任食火鍋已經不能滿足我們這群吃火鍋無數的人了。這間餐廳是由達人朋友推薦的，想必質素應該有保證吧。炸魚片頭魚片頭經油炸至金黃色，上桌的時候仍是熱騰騰。外層香口，內裡肉質結實有彈性，配上泰式辣醬，味道更出眾。藥膳醉雞煲藥膳火鍋養身暖胃，黨參、淮山、紅棗等藥材的份量絕對不少，半隻雞在藥材湯中慢慢滾熟，雞肉嫩滑鮮甜，每一口都充滿醇厚的花雕酒香。呷一口湯頭，是濃濃的藥材香味呢。手切霜降安格斯肥牛肥牛色澤鮮美，肉汁香濃，滑嫩口感佳，輕輕一灼就可以吃。如果怕胖的話，可以把邊邊的肥膏部分去掉。新鮮淮山片淮山下鍋煮熟後，外層爽口，內裡綿密，有兩種不同的口感。而且配上養生的藥膳火鍋一起吃，最適合不過。珊瑚蚌輕輕灼熟待珊瑚蚌捲曲就可以食用，鮮味十足，爽口彈牙有口感。手釀流沙蝦丸外層由多隻原隻鮮蝦製成，鮮蝦味濃，一口咬開沙沙的流沙鹹蛋都流出來了，非常邪惡，鹹蛋迷一定不能錯過！蟹籽墨魚滑墨魚滑像棉花般軟綿綿，雖然不像平常的墨魚丸般爽口彈牙，但是卻意外地好吃，有淡淡的墨魚香，沾上一點醬油更提鮮。韭菜餃餃子塞滿了新鮮韭菜

打邊爐依個名真係簡單而明。鋪裝而古色古香為主調，侍應非常殷勤，一坐低就問需唔需要飲嘢，又介紹自己有三款自家製飲品，我哋叫咗檸檬薏米水同菊花蜜，兩杯都好足料，菊花蜜有淡淡嘅菊花味打邊爐清熱氣。小食我地叫左炸魚球，即叫即炸，非常香口，如果有埋蜆介點就仲正。老公獨愛胡椒豬肚湯，見佢哋有依款做湯底就一於試吓，原來每日依款湯都只做4個，我地真係好好彩可以試到，侍應會將個豬肚攞出黎剪開，就會見到隻雞係入面，侍應分少少豬肚俾我地再加啲湯就叫我地品嘗一下，個湯真係好足料，又甜又溫胃，我同老公不斷encore個湯，都唔想開始打邊爐著。打邊爐呢，響鈴我哋必叫，尤其係即炸，依間真係不得不提，佢俾啲甜醋我地點，估唔到原來係好夾，可以當餐前小食添。仲有白酒黑毛豬，侍應係我哋面前叫入白酒撈埋啲黑毛豬，浸有白酒嘅黑毛豬，多左一份酒香，提升左豬肉味!

一早一晚感到微涼，莫非連天氣都提示我又係開始打邊爐嘅日子?!  友人同我去左呢間，睇個店名就知食咩裝修走古色古香風格，以電子PAD代替傳統餐牌，多款火鍋湯底及配料選擇，亦提供小食，幾多元化!係多款特色湯鍋中，呢客養生花膠翅裙冬瓜燉鷄鍋 ($268)能夠脫穎而出，不無原因嘅，只係睇D料就知啦超級足料，包括冬瓜環，花膠翅裙，竹笙，松茸，紅棗及鷄餚製而成先飲啖湯，奶白色好鮮甜呀，不禁一口氣飲左一大碗; 跟住再食埋佢個花膠，夠大隻又黏口; 竹笙索湯爽口唔在講; 連帶個冬瓜件亦好鮮甜，再食埋少少鷄肉，超級大滿足!3款自家製飲品 (菊蜜/竹庶茅根水/香茅檸檬薏米水) ($23)，每款都岩打邊爐，比飲汽水更健康，比支香茅檸檬薏米水我呀.......唔該!等緊個湯鍋滾起時，食住呢客黃金炸淮山 ($88)先啦，望見咁多咸蛋黃醬汁包圍住D炸淮山，未食已知邪惡度爆燈即叫即製入口相當熱辣辣，一股咸蛋黃嘅香味佔據晒口腔內，炸淮山口感似食緊炸薯條，令人食唔停口呀!侍應推介呢客日式櫻花牛肉 ($298)，可以一牛兩吃，賣相吸引，肉色鮮明，一片片舖成個山咁!可以當刺身食，點配柚子醋，清新嫩滑!放入湯拖幾拖就食得，肉味

今晚約左班舊同事聚舊，有人就推介食呢間。好啦，咁就試吓佢！地點位於佐敦，都算幾方便。我地打邊爐前已經叫左好多小食，未打已經開始飽飽地😂😂冰火魷魚查淮山鹹蛋黃魚皮炸雲吞檸檬薏米水，清熱有解渴食完小食，我哋仲叫咗魚刺身條魚上嚟嘅時候仲郁郁下架好新鮮，好好食呀！之後條魚食淨左嘅部位就拎去椒鹽炸左佢跟住到打邊爐，食左好多牛最後仲有甜品，好滋潤☺️☺️

旅行將近，當然要約齊好友傾吓行程啦！朋友建議收工去佐敦集合，六時半收工，大家都贊成去打邊爐，呢個時段人流不會太多，因為可以慢慢傾，慢慢食😌！朋友介紹去呢間《打邊爐》，門面優雅，內裏環境亦好舒適，果然不錯！電子落單又環保！打邊爐之前，當然要食碟小食先！自家製黃金炸准山＄88第一次見准山有呢個煮法，炸得好香口，而且亦保留到食物本身的水份，好惹味！辣汁雜菌沙白蜆鍋＄148蕃茄味濃厚，蜆肉鮮甜，配料有蔬菜菇菌等等．．湯料十足👍🏻👍🏻！頂級牛肉拼盤$398頂級本地牛肉/金錢展，安格斯肥頸脊/肥牛粒，牛胸爽，牛脷托！喜歡食牛既朋友，一次過滿足哂，乜都有！🐂🐃而且脂肪分佈均勻，入口軟滑，牛味濃，不錯👍🏻👍🏻！鮮炸午餐肉／自家製江南魚腐 $68午餐肉和魚腐都是預先煎炸過，所以一放上枱已經好香脆，熱辣辣，可以即食或是打邊爐沾一沾湯汁亦可😋😋！

放假去了旺角行街，朋友突然話想食火鍋，經過望到個招牌寫住（打邊爐）😅，剛剛好不用想就進店，加上裝修格局都好有氣勢，應該有番咁上下，一於試試！六點半時間，人流未開始多，即時入坐，而且環境很闊落😊，所以都坐得很舒服！iPad 落單好方便！辣汁雜菌沙白蜆鍋微微辣度帶點蜆肉的鮮甜，加上大量蔬菜菇菌，味道有點像羅宋湯，可以先喝一碗再打邊爐👍🏻👍🏻！智利特大刀貝蚌大大隻，最緊要無沙，而且夠清甜！頂級牛肉拼盤賣相好靚，脂肪分佈平均，肉味比較重，烚一烚即食已經好嫰滑😋😋！芝心鮮牛肉丸/手釀流沙蝦丸手打牛丸特別爽口，加埋流心芝士就更加有層次，自家製蝦丸好新鮮，有鮮味，加上咸蛋黃好惹味😋😋！自家製飲品打邊爐除了飲啤酒外，飲涼茶都係最佳配搭😌，香茅檸檬薏米水／菊花蜜／竹蔗茅根水，全部自家製，不會太甜剛剛好！

雖然現在仍是炎炎夏日，但仍不阻我想打邊爐啲雅興，今晚和友人來到這間位於佐敦廟街的火鍋店。店舖用上中式裝修，感覺古色古香，座位不算太多，建議提早預約。飲品選了酸梅湯，竹蔗茅根和檸檬薏米水，三款都是家的味道，天然又不會過甜。湯底選擇頗多喜歡簡簡單單的可選皮蛋芫茜鍋或清湯豬骨鍋，若果想奢華點則可選擇花膠翅裙冬瓜燉雞鍋或椰子沙白蜆蟹鍋。我們選了椰子沙白蜆蟹鍋。來到已經聞到陣陣椰子味，鍋內的配料非常豐富，有大量椰子肉、粟米、紅蘿蔔和菇類，重點是有原隻羔蟹和蜆。從相片就可見蟹肉面層佈滿蟹膏，再加上湯汁，鮮甜無比！而且廚師已很細心地先把蟹殻扑碎，即使不用手也可輕易吃到。椰子湯味道清甜，再滲著淡淡海鮮鮮味。因為實在太肚餓，所以先叫一碟小食。鹹蛋黃炸淮山，淮山口感鬆脆，外層的鹹蛋黃醬煮至起沙，十級邪惡，但吃到欲罷不能。美國肥牛，不要看他外表平平，牛味香濃，油脂分佈平均，大讚！墨魚花，它的利害之處是，即使你放在鍋中很長時間後才撈起，它亦不會變韌，保持爽口。這在其他地方也不太常吃到。鹹蛋黃手打蝦丸，蝦丸爽口彈牙，咬開內層是鹹蛋黃，新奇配搭卻是手意想不到的配合。素香豆腐皮，必點！我覺得它是不油炸版的響鈴，只需

今日屋企老細請食飯， 我哋一行四個人，唔計埋手推bb， 就揀咗呢間喺佐敦嘅火鍋店，因為睇過d相，內籠夠大， 冷氣夠凍， 帶埋4歲囡囡去食定要揀一個地方來自大， 坐得夠舒適，無他因為佢個世界級港女。我哋叫咗個好足料嘅靚煲底， 椰子沙白蜆蟹鍋 ，有原隻蟹， 椰子切條， 中尺寸嘅蜆， 呷一口湯清甜。 湯滾起後，先撈底嘅蜆肉食 , 否則甩肉之後就好難搵番出嚟食，浪費了。小食方面叫咗個黃金炸魚皮， 惹味鬆脆，但食完好有內疚感。安格斯肥牛， 砌得好靚，一睇就知係靚牛肉。 梅菜豬肉丸 呢個呢個第一次食， 梅菜釀在中間，為平凡豬肉丸添加味道。鳳城水餃超足料，大大隻，內有木耳，原隻蝦，豬肉，食得出新鮮。野菌雜菜盆菜有砌得好靚，有切片冬瓜，原粒蕃茄， 粟米， 三至四種菌類，及最少兩種青菜， 出面淨係單一個菜都要88蚊，呢度咁多款都係88蚊一盤，好抵。唔記得講佢嘅小食—蕎頭，同埋飲品都好正， 最後仲送咗個西米露甜品。

有位打邊爐專家般的友人推介下，一早訂枱預約。我們比想像的時間早1小時到，但餐廳的職員很有禮貌及親切地邀請我們入座。餐廳環境古色古香，而且座位寬闊十分舒服。打邊爐當然是湯底很重要，於餐廳外面已經看中了蜆類😍所以挑選了椰子沙白蜆蟹鍋，滿足到我想食海鮮而又想點清淡一點的湯底。等湯底途中，就準備混醬了，很多配料，而且每枱一盤，感覺衛生得多！有點口渴，點了自家製的香茅檸檬薏米及胎菊花蜜。香茅檸檬薏米微微酸甜，薏米還大大粒，自家製的不會刻意加糖水，清清甜甜的。而胎菊花蜜香味濃郁，但入口清清的菊花味，帶點自然的蜜糖甜味。友人吩咐我們必點黃金炸魚皮，但他又賣關子，不讓我們知道為什麼是必點。本來以為是獨立包裝一包包的，好像新加坡的那一種，可以浸湯後食，但原來不是這回事！這裏的黃金炸魚皮是自家製的，竟然是自家製黃金鹹蛋黃汁，應該是炒一炒，令所有鹹蛋黃汁遍布於每一片魚皮之上，而且咬下的時候，魚片還是脆熱，所以不是於表面淋汁這樣簡單！驚喜的好食😍湯底到了，滾起時好香的椰子味！沙白卜卜的打開，馬上食，蜆肉還是彈口不過火！有好多蟹肉，由於預先已打碎蟹殼，食的時候不麻煩。還有，粟米超甜，忍不住要大讚！配料方面，果然

這間火鍋店在我家附近，有時行過聞到香氣四溢，今晚決定和男朋友好好享受一下😋湯底點了限量的胡椒豬肚雞鍋，胡椒味好濃，但亦都掩蓋唔到清香的鮮雞味。店員好細心，幫我們把整個豬肚及雞拿出來再剪開，方便我們食用。順帶一提，胡椒豬肚雞有去濕、補脾胃的功效，可以飲多碗喔！黃金炸魚皮是這裡的招牌小食，每一片炸魚皮都有滿滿的咸蛋黃，既咸香又脆口，真系食唔停口。手切霜降安格斯肥牛，這個不得不贊好，每片牛肉油脂分布平均，淡淡濃郁牛肉味，而且很嫩滑。自家制鳳城水餃，記得小時候媽媽曾煮比我吃，今日竟然能夠吃到兒時的味道，好吃得流淚呀😭野菌雜菜盤，簡單一個雜菜盤都看得出店鋪的心思，每片菜都洗得很乾淨，而且很清甜呀！

朋友前一日話想約我去打邊爐，我問佢去邊間餐廳？佢話我咪講左打邊爐囉🙄原來打邊爐就係間舖嘅名😂😂濟公豬骨鍋:胡椒味好濃，唔單止有超甜粟米，秀珍菇同蘿蔔仲有好多有骨髓嘅豬筒骨，超正超足料👍🏻👍🏻鮮炸午餐肉:即食香脆惹味。但放湯後肉質介乎脆同軟之間，口感更佳😋美國肥牛:脂肪比例平均，牛肉味濃👍🏻墨魚花:墨魚爽滑有鮮味，煮耐咗都唔會韌😎炸枝竹:同胡椒湯係絕配，一定要叫🤗手打梅菜豬肉丸:梅菜味唔係好濃，但食得出豬肉新鮮，質感彈牙😋 芝心鳳尾蝦:外層用蝦膠包住，蝦膠爽滑，原隻大蝦新鮮彈牙仲有蝦膏，咬開仲有芝士流出，必吃之選❤❤❤唐生菜:生菜翠綠爽甜，可以中和一下油膩感✌🏻自家製竹蔗茅根水:味道清甜又冰涼，清熱氣首選😍送嘅椰汁西米露侍應服務好好，好有禮貌，會成日幫手加水同撈起火鍋裏面嘅泡泡同油👍🏻👍🏻