才哥蝦麵 (已結業)

在奧海城逛了一天，終於感到又餓又累了，卻又不想食奧海城的連鎖餐廳，於是就在Openrice 搜一下附近的小店，最後給我留意到這間小店「才哥蝦麵」，然後便向大角咀角祥街進發🙆‍♀️.餐廳裝修以簡約為主，乾淨企理，少了連鎖餐廳的擁擠，多了小店的寬敞👍.餐牌亦簡而精，大致分為主食類，燉湯類，小食類和飲品。 主食類和燉湯類的價位在$38-$55，而小食亦在$12-$28，定價合理，不錯👍.才哥蝦湯麵 ($55)配菜有鮮蝦，豬肉，蛋，豆卜和菜，而麵底可選擇手打麵或米粉或白飯。 店員向我們推薦米粉，因為米粉更能掛到湯汁呢🙆‍♀️.湯麵一上枱，先嘗一口蝦湯，清甜香口，每喝一口都帶有濃郁蝦的鮮甜，一點膩感都沒有，可見湯底一定花了不少時間去餚製呢💕 而米粉亦充分吸收了蝦湯的精華，掛到不少鮮甜湯汁，果然沒有推薦錯呢😋 蝦肉鮮嫩彈牙，好新鮮.招牌去骨海南雞飯 ($55)這是當天最後一份去骨海南雞飯，我們真是幸運呢🙆‍♀️.去骨海南雞份量足，每個都是皮薄厚肉的雞塊，咬落嫩滑而富有多汁，肉質如慢煮雞般的鮮嫩😍.而油飯令我更為驚奇🙈 同平常食開的油飯不同，飯粒較為硬身卻又恰到好處，粒粒分明而碗底卻不見一絲油汁，咬落富有

大角咀附近一帶好多都食過試過，難得見到一間門外擺滿新開張既花牌既店，就決定左要去試下。印象中依個位本身係一間日式料理餐廳，地理位置唔遠，但係都幾易被忽略（總是鍾意走左去大街覓食🤣新開業一排之後，避開左人潮去食午餐，店唔算大，坐大約二十人左右，岩岩好唔洗等位就入得款式睇落唔算好多，主要係麵食由店名睇到，蝦麵就係佢既招牌菜！所以我就揀左才哥蝦湯麵。蝦麵睇落餡料十足，除了蝦之外，仲有豆卜同豬肉等配料。先試湯底發現有驚喜，湯底係好明顯好濃郁既蝦鮮味，而麵底軟硬程度適中，大蝦又有預先已剝殼，方便食用唔洗自己手動👍🏻，味道亦不錯👍🏻清燉牛展湯熱辣辣既湯，足料入味，同樣係配料十足。但味道同坊間的差不多。感覺湯底幾用心熬製，都好夠味道同料，應該唔係味精加成。兩麵相比之下，蝦湯更出色同有獨特風味

嫲嫲住喺大角咀嗰日探佢順便食埋晏晝。餐廳裝修雅致，由牆上裝飾點綴，到天花垂落嘅燈，都富有濃厚藝術色彩，到達餐廳時，已經有唔少人光顧，現場有大圓枱又有卡位，無論三五知己，抑或一家老少，都適合光顧餐廳主打才哥蝦湯麵，午餐時段更有不同午餐，點餐紙上有嘅食物，都可以任點任食，茹素還是喜歡吃肉人士絕對可以盡情大快朵頤嫲嫲最愛就是羊肉湯。這個羊肉湯真材實料。老人家飲完之後全身都暖。佢話好想再同我再去食。我自己最愛係個湯麵。好濃。😘

大角咀美食多如果你想逐一去試，應該需要1個月時間才能吃得完，這次來到新開的小店「才哥蝦麵」品嚐它們的招牌蝦麵及其他特色小食。餐廳雖然細小，裝修簡潔，有9張檯的座位，但上菜快，效果高，等位時間也不會太耐。「才哥蝦麵」是本店的招牌麵，配料有蝦、豬肉、蛋、豆卜、菜，湯底十分惹味，先來呷一口湯蝦味都算濃郁，點了米粉用意是為了更索湯汁，蝦及豬肉也是新鮮的，其他配料都不過不失，總算是合格的招牌麵啊～至於另一招牌作品「去骨雞飯」，雞肉很嫩滑，雞皮爽香，油香飯惹味，雞湯清甜，也是不錯的美食。小食一樣都不錯，「玻璃魷魚+通菜」配上師傅醬汁， 魷魚彈牙爽口，通菜脆綠沒有菜渣，非常新鮮。「淨蘿蔔」都一樣吸引，也是配上師傅醬汁，蘿蔔清甜，煮得剛好淋而且亦很入味。「蜜蜂桔仔水」有濃郁的桔子味，蜜蜂和桔子比例剛好，桔子的酸給了蜜蜂的甜來中和，味道酸中帶甜，下次來到也可一試。

Happy Friday同老公過了去奧海城睇戲，買了飛但未夠鐘，去了大沙咀附近行下，經過這間才哥蝦麵，門口已經傳來陣陣蝦香，一開門味道更濃烈。有名你叫才哥蝦麵，招牌菜當然是以蝦為主，菜單主要是蝦湯麵、撈麵及無骨海南雞飯，另外還有些小食，款式雖然不多，但勝在食物高質，好味既唔雖要多，有一款都好已經是亮點。才哥蝦湯米粉米粉吸收了蝦湯的鮮甜味，而且蝦殼應該是焗或者是炸過，蝦湯味更突出，配料有彈牙蝦肉、豬頸肉、豆卜及豬油渣，豬油渣完全唔油膩，還帶點香脆，整碗蝦湯一滴都無浪費，全碗都入了我肚內，返到屋企刷完牙都有陣陣蝦香留在口腔內。

今日我同朋友去開大角咀, 行行下俾我地見到有間小店, 見到好有特色所以就入去食，其實個名都好明顯係哂蝦麵的, 我地睇完餐牌都知道間鋪頭食蝦麵為主，但因為我今日好想食飯, 有點餓, 所以我冇揀到蝦麵，我揀左海南雞飯。好快海南雞飯到左, 立即一試, 就覺得不得了，個雞既肉質超滑，雞胸一d都唔鞋，碗飯都係好正，蒜香味濃; 另外, 叫左一魷魚通菜同桔仔水, 魷魚通菜味道好夾, 通菜好新鮮, 最特別是個桔仔水, 好有媽媽的味道。我下次再來一定要食下個蝦麵。

今日去完大角咀見客，早左收工見冇咩野做就周圍行吓，原來大角咀真係變咗好多，喺埃華街個頭多咗好多食肆、酒吧。我行吓行吓就見到才哥蝦麵，我見到咁早7點都未夠，已經坐滿晒人，同埋仲要食我最鍾意嘅蝦麵，即刻就入去試吓，我見到老闆娘好親切嘅笑容，仲介紹我蝦麵配米粉係最入味嘅，梗係即刻接受佢嘅意見啦！等左唔使5分鐘，碗麵就到了，先飲一啖湯，好鮮味，好重蝦味，飲完感覺唔到係味精湯嚟嘅，完全冇口渴嘅感覺👍🏻我相信係真材實料嘅蝦湯底。另外我仲叫左沙薑溝雞腳, 好林好入味, 沙薑味岩岩好, 又平$18一碟; 同埋我再叫多個玻璃魷魚+通菜, 魷魚剛剛好, 通茶又新鮮。

今日喺大角咀附近見完客，所以喺附近搵食。 途經見到有間才哥蝦麵，裝修幾是正， 所以行入去試下！店舖入面裝修簡單而精緻，座位都幾舒服！話到明係才哥蝦麵，又點可以少得才哥蝦湯麵呢！ 個面嘅配料有蝦，豬肉，蛋，豆卜 同菜！ 啲蝦好爽口，同啲豬肉係豬頸肉嚟㗎，一啲都唔肥。此外要講下個湯底係用蝦頭嚟淆嘅，好鮮味，的確有驚喜！此外叫咗個招牌去骨雞飯， 啲雞肉比較嫩滑，加埋三種醬料，配上油飯，相當唔錯。淨蘿蔔， 一啲都唔硬，幾好味！ 芝麻手撕雞， 香得嚟又好味，必食！凍西洋菜蜜！

個蝦面抵食， 個湯又甜又香， 料有蝦有肉， 絕對抵對過港島果邊果d. 推介， 值得一試。仲有好多其他野食， 海南雞飯， 豬脾， lunch 絕對值得一黎， 大約5x 蚊碟飯， 岩哂附近番工

今日難得可以同太太午膳，可惜時間緊迫，只能選擇公司附近快閃午餐！今次揀咗位於角祥街嘅才哥蝦麵！店舖雖小，但感覺整齊乾淨！👍先來一份才哥蝦撈麵$55用上手打麵，麵質彈牙，比較驚喜係配料既豬油渣和蝦頭，炸得乾透又唔燶，讚👍另外豬頸肉亦很入味！無骨海南雞飯$55雞油飯乾身不會過油，有少許香茅味，配上去左骨既滑雞，啖啖肉😋加上姜蓉和特製醬汁，很惹味！老闆推介每日限定清燉牛展湯$55足二人份量，用上三大塊牛展，加上白蘿蔔，十分清甜，重點係不加味精，啱晒無時間煲湯嘅我哋！加$5蚊仲有特製蜜糖桔仔水，桔仔水依家真係買少見少！人均消費才幾十元，喺呢個區來講算好難得了！另外外賣每份飯麵餐減$5，晚上OT又多一個好選擇！

今晚無飯開，係公司搵食😉奧海城晚飯時間都好full,而且對於我地呢班打工仔都好貴呢！😅一於向大角咀方向進發😎見到角祥街地舖小店易左手，叫 才哥蝦麵 奧運站過去行5分鐘左右拉!店舖吾會太大，老闆做大厨，大概20個位左右，簡約裝修，乾淨企理，店舖用咗落地玻璃，感覺上吾會好侷促！見到店名，當然試下佢D蝦麵😆麵底可揀面或米粉，個人喜歡湯米粉多D，勝在吸湯精華😂😂一上枱，湯好清，香濃嘅蝦味，食得出湯底餚咗好耐👍👍而且無層油，又吾辣。餸有搣殼大蝦、豆卜、豬頸肉、豬油渣！蝦肉甜甜爽口彈牙、豬頸肉係醃過嘅、豬油渣脆口👍👍估唔到如此小店都咁講究去骨海南雞飯，三個醬料，不過不失，跟埋冬瓜湯，海南雞夠滑，唔太肥，跟咗一棵津，好甜😍😍 本人覺得最出色係個油飯，軟硬度適中，食到底都沒有一直油，感覺健康啲😉😉喺街食飯好少叫菜，事關覺得唔係咁抵😅才哥呢度又OK喎！$28水魷通菜，轉汁好惹味，有8塊多水魷，好扺食👍跟餐➕3蚊有汽水，➕5蚊有熱飲，➕7蚊蜜糖桔仔水足料，吾太甜，好飲！晚餐每人70蚊左右，好過好多貴價餐廳🤣🤣

近日聽到好多人講呢間才哥蝦麵，今日上完課揾咗兩個舊同事落嚟試吓。小店在大角咀横街，無花巧裝修，一望就知係小本經營，老闆做大廚，出品周不時會有驚喜。先來一個招牌蝦湯米粉，雖然招牌叫才哥蝦麵，但始終覺得蝦湯配米粉最正；蝦湯米粉一到，未試經已聞到好香的蝦味，試一試啖湯，正， 蝦味鮮濃，睇賣相有點似檳城蝦麵：同樣有豬肉豆卜芽菜，但又無星馬一帶的油和辣。👍再叫1盅燉牛展，1盅燉羊肉，一碟雞腳，加1碗白飯； 兩款燉湯都算是湯靚料足火喉夠，個人特別喜歡羊肉湯，可能是香港少有羊肉湯這類食品。牛展湯有3件厚牛展，足火夠淋，夠味；加碗白飯，確實一流；羊肉湯有4件羊肉，啖湯羊味十足。另外叫多一個雞腳，也是夠味，夠淋；可以補充大量的骨膠原；值得推薦給跑完馬拉松的朋友。還有一碟腸粉，夠滑夠彈，豉油又正。連一杯凍豆漿，3嗰人食， $255

鐘愛東南亞美食的我，看到招牌寫著蝦麵的店就衝了進去。一坐下看餐牌，真的除了蝦麵就沒了，我指是配料的選擇也沒有，只有單一款湯麵和撈麵。另外就看到了羊肉和牛肉湯，想點羊的卻沒有，朋友試了牛的覺得很正。點了蝦湯麵，顏色有點像咖哩，頭一口湯有蝦味但不持久，喝著喝著就是個不錯的馬來風湯頭，但要稱之為蝦湯好像還有距離。碗裡的配料更為奇怪，有蝦當然明白，是鮮甜彈牙的蝦隻。但豆卜和蛋是喇沙的配料吧？難道真的把喇沙和蝦湯麵混為一體？更甚是豬油渣和五花腩片，雖然好吃但真的是蝦麵嗎？去那麼多遍馬來西亞，都沒吃到，竟然在香港吃到了...店家的餐牌也還有些不馬來的小吃，是港式的。什麼豬皮豬肚蘿蔔魚旦腸粉，點了個腸粉，滑度和厚薄都不錯。但你到底是什麼店呀？