才哥蝦麵 (已結業)

朋友想食海南雞飯，我就帶他去呢間才哥 蝦麵店。上次食過覺得好好味，今次兩個人食可以食多D唔同款式。首先，叫個小食手撕雞，無諗過手撕雞的雞肉都是滑滑的，連皮一起撕 簡直係滑到暈。水魷魚通菜，新鮮。招牌菜蝦撈麵，材料原來都幾豐富: 有蝦，豬頸肉， 豆卜&豬油渣 ，蝦湯香濃無味精。去骨海南雞真係滑到無朋友，朋友都舉腳讚好。再來個牛展燉湯+手工拉麵，牛展淋到無牙都食得，拉麵彈牙+無味精健康愛心湯，好味推介。加埋杯 柑桔水及西洋菜蜜， 喉嚨立即得到滋潤!