手拉麵小廚

營業中

休息中

終於俾我揾到間又平又好食嘅小籠包店😍一籠有5隻 隻隻都好大隻最重要係佢皮薄同埋熱辣辣😋😋 一攞筷子夾起佢已經feel到有好多汁係入面 一咬落去啲汁爆曬出嚟好正🥰肉餡都算多但係唯一缺點就係啲肉唔夠實淨但係唔影響味道 呢間真係好抵食 佢個豆沙鍋餅同雞絲粉皮都好好食 快啲去食!!

被我的朋友稱為全香港最好吃的拉麵，我終於來試吃了！我大約1210到，也許還早吧，所以我們無需排隊就可以入座了！他們提供好多選擇，真的好難選。可是我來之前已經選定要吃什麼了，所以很快就可以點餐。雞絲粉皮— 份量不算多，可是很足夠！粉皮沾著淡淡的芝麻醬,再搭著爽口的青瓜絲和雞絲，很好吃，並不會膩。花雕醉雞—份量還蠻大的，花雕酒很香，醉雞很嫩。我想我應該醉了！豬扒擔擔湯拉麵—還蠻特別的擔擔湯頭！有花生的香味，微微的麻辣，湯頭並不會很濃郁。豬扒蠻多的，拉麵真的很好吃，很彈牙！羊肉搶湯拉麵—竟然沒有羊羶味！湯頭清甜，有大量蔬菜和羊肉片！招牌小籠包—我想說他們家的小籠包稱得上香港數一數二！皮薄餡多，湯頭鮮甜，可惜沒附上薑絲，只有醋供應。我好期待下一次再光臨的時候！

水準依舊！其實好耐以前食過，不過自從佢上左新假期，人氣急升之後，人龍長到嚇親我，所以好耐無黎。隔左好一段時間，突然好懷念呢到既小籠包，於是今晚五六左右點就過左黎，心諗應該無人咁早食晚餐，果然真係無咩人，完全唔洗等位。我地叫左一份小籠包，同埋一碗豬排擔擔麵。小籠包依舊咁juicy，D汁多到一隻湯羹都裝唔住，味道好好，皮薄餡靚。擔擔麵亦都唔遜色，望落去好似好紅好辣，但其實一D都唔辣，好香花生味，面質好有口感，我估應該係手打面，因為呢間野叫手拉麵哈哈哈，豬排都炸得好香。不過價錢就勉強可以接受，見住佢一直加價，就黎拍得住商場既價錢，不過仲保持到食物既水準，就放過你啦！🤣

二人套餐抵食，份量OK，多選擇，夠飽，食物味道中等，小籠包一般，唔算一流，但服務真係，兩位阿姐把口成晚話啲客呢樣唔得，嗰樣唔得，又鬧啲客話未齊人唔可以喺度等噃(有兩位客人自己入座卡位話佢地係三位，應該仲有一位朋友未到)，但你又冇喺門口招呼人入座仲要點菜都嫌人慢，話人點餐都要分兩次叫，以為嗰客聽唔到，又鬧啲老人家唔沖廁，印象中好似有粗口㚒雜成晚聽住兩位阿姐𠵱𠵱哦哦，真難頂，食物幾好食都唔會有下次

一直以為新蒲崗只是一個工廠區，原來佢係一個臥虎藏龍嘅地方，繼朋友介紹嘅陳儀興潮菜同米豬蓮嘅華園甜品，啱啱又發現呢間京川菜手拉麵，店舖細細，我諗主要做街坊生意，我哋都係去開新蒲崗無意發現此店咋。🍴招牌小籠包 $44⭐️⭐️⭐️⭐️好巨真係一d都唔小，最利害係皮薄但夾起唔會穿，5粒都完整無缺，一咬個包湯汁爆晒出嚟，非常滿足！阿sir話呢個係佢食過最好味嘅小籠包🍴花雕醉雞 $75⭐️⭐️⭐️雞件份量幾多，雞滑酒香但唔夠入味，反而杞子大粒兼非常重酒味🍴蔥爆羊肉 $75(淨小菜)⭐️⭐️⭐️⭐️有鑊氣好大碟，大蔥洋蔥爆得好香，羊肉非常羶，茨油香濃，送白飯一流白飯 $10菜蜜x2二人共消費：$204

收工肚仔餓，一個人不知吃咩好，行下行下，發現呢間小店，是吃小籠包和拉麵等等的，咁啱晒我la，進去試下先，店內不是太大，還蠻小的，坐得不是太舒服，咁看看餐牌先，見多數人都點小籠包的，咁我也叫了一籠，這裡拉麵是即叫即拉的，很不錯，看到師傅功力，之後叫了碗豬扒担担湯拉麵，等了一會麵來了，好香，麵條幾彈牙，成碗紅色的，以為好辣，但其實不辣，很麻香和好香花生醬味，件豬扒幾厚，炸得剛好不會鞋口，還很嫩，以後再試個小籠包先，原來一籠有5隻的，還幾大隻，皮還算薄的，可看到內裡的肉，經驗叫我咬小小皮，放走點熱氣先，因是即叫即整熱的，所以還幾燙口，吃時要小心點，咬下去，滿滿的湯汁巳經破皮巳出，之後放進口內，肉餡好豐滿，皮湯汁一口一隻，超有滿足感呢，總結來說此價錢巳經是街坊價，但又超水準，抵，食物好味，即叫即做，喜歡吃拉麵和小籠包的朋友，一定要來試，超值

新蒲崗一向有好多隱世美食，住喺呢頭或者喺度返工嘅人都知！今日又去到一間隱世小店食上海菜！。雖然近排夜晚市道麻麻，但係喺呢間小店外面都要等位先可以入去食。雞絲粉皮 ($42)材料份量十足，味道不過不失，略嫌醬汁唔夠多，食落有啲乾身。餛飩湯拉麵 ($45)雲吞大大粒，夠曬料，又多粒，皮同餡嘅比例好好！ 麵質爽滑彈牙， 配埋粒粒大餛飩，令人食過返尋味！小籠包 (5隻) ($44)小籠包賣相吸引，件件大大粒，入面好多汁，咬落去大家真係要小心🤣 不過肉質比較鬆散，皮都比較厚，不過喺香港食到呢個質素嘅小籠包都唔錯！

呢間鋪頭嘅拉麵係即刻拉嘅 喺鋪面就會見到今日叫咗籠小籠包 香辣手撕雞拉麵 同埋豆沙鍋餅啲小籠包好大粒可以見到入邊啲湯 有五粒 入邊嘅餡都算多 啲皮都算薄 42蚊 好抵食 手撕雞拉麵唔記得咗影 但係我會話有好大陣麻醬味 類似係雞絲粉皮嗰隻麻醬 唔算辣 應該冇譚仔10小辣 所以唔食得辣嘅都可以叫食嗰時見到對面食嘅雲吞拉麵啲雲吞超級大粒 有五粒咁多 我諗下次都會試吓 最後叫咗個豆沙鍋餅做甜品不過有少少失望因為個外皮一啲都唔脆 果皮係比較口而且軟 不過應該都係啱啱整因為係好熱辣辣 而且等呢一個都等左15分鐘左右

新蒲崗嘅小店，真係有好多款式唔同嘅食，今次食呢間係食手拉麵同小籠包的店。不過因為得自己一個，所以無叫到小籠包，見到有好多其他顧客，小籠包，而且更能大大隻肥嘟嘟，另我下次好想上嚟再試吓。今次食呢個餐時間，麻辣三糸冷麵，都好靚，麵質十分之好，好彈牙。好味。

來到出名食小龍包的人氣小店！果然佢地的小龍包系比出面的大隻好多 一龍有5隻🤤 皮好薄所以隔住塊皮都見到入面有幾多湯！夾起都好驚佢爛😂 首先咬穿小小個皮 吸晒入面啲湯先 熱辣辣好正🥰 肉餡都幾有鮮味 真系做得出色😋 唯一覺得佢舊肉有啲太散 可能有啲多肥肉(?) 🧐另外仲試左羊肉湯面😬 哇個湯真系幾騷😂 食羊的都覺得 但證明佢真材實料！佢地啲麵系手拉 所以粗幼不一 但幾有咬口仲好掛湯👍🏻 入面有啲菜同羊肉片 份量好大碗 啱晒中意羊肉又吾中意太油膩的人😉蔥爆牛肉都好惹味😚 有大量的洋蔥 京蔥 牛肉片都吾小🤩 成碟好有鑊氣 超香口🥳 但偏鹹小小 配飯食會比較好🤓 整體真系算出色 可能比好多連鎖的上海餐廳質素更高 經過一定要試下！

今次dinner試左呢間係新蒲崗好出名嘅上海小店，果然無令人失望兩個人分別叫左豬頸肉擔擔湯拉麵同埋招牌小籠包～首先講下個豬頸肉擔擔麵，本身碗麵一嚟到嘅時候見到佢啲湯係紅色以為會好辣，但食落其實得少少辣🤣最頂有啲普通肉碎，啲豬頸肉炸到個邊脆脆地而且唔會太肥，湯底好野味仲有一陣微微嘅花生醬味道至於麵就偏淋～之後到左久仰大名嘅小籠包，真係好巨型🤣先講佢個皮，唔會好似某啲小籠包咁一夾就爛，加上個餡都好足料，保留到鮮甜肉汁總括來說個人認為兩款食物都好好好味價錢經濟實惠，絕對係高度推介

每次嚟必食羊肉湯拉麵。大量羊肉同蔬菜好惹味，連湯底都有好香羊肉味。我仲好鐘意佢嘅小籠包，皮薄多汁，仲可以睇住師傅包，每日新鮮製造。環境係逼咗少少，但無損我對羊肉拉麵嘅熱情。

放咗工之後同男朋友去食上海菜，呢間小店係呢區都幾出名，所以都等左10分鐘到先有位。叫咗個最出名嘅小籠包，果然名不虛傳，個皮係厚啲嗰種，不過好多湯汁，而且即叫即蒸，上枱熱辣辣好好味。另外個豬扒淡淡面都好大份，值得一讚嘅係個羊肉拉麵，我本身唔鍾意食羊都覺得佢整得好香，而且整體價錢算平，值得再試！

小店面積好細，但晚上7點幾已經排左超過十幾人，相信一定有過人之處。叫左一個雞絲拌麵，麵係鋪頭現場手打，非常彈牙爽口，上麵配上雞絲、青瓜絲，好清新，雞絲雖然瘦但都唔鞋，個麻醬係精華所在，好香好滑，唔係花生醬傑嘅感覺，一撈完d麵完全索哂精華，正！涼菜叫左皮蛋豆腐，平日嘅皮蛋豆腐都會有一啲紅紅地色嘅酸辣汁係底，今次完全係白色，我幾乎以為係冇味道，原來寶物沉歸底，下面嘅汁係有少少麻油香味，配合上面嘅芫荽，清淡得嚟都算幾容易入口，恕我詞窮，真係諗唔到點形容嗰種味道，總之就好特別啦另外呢度嘅小籠包亦都係必食嘅，個皮可能會厚咗少少，但係真係好大隻裏面多肉又多汁，性價比高，必食！

喺附近上完興趣班順便搵食，見到有位即刻入去舖面係細啲，坐得唔算太舒服，但食過呢度嘅面真係要再嚟。羊肉搶拉麵：呢度嘅拉麵係現場手拉嘅，係窗出面可以睇到師傅做嘢嘅情況，雖然係小店但尚算幾企理，亦都食得安心。拉麵好有麵粉嘅香味亦都好彈牙，湯底非常之清唔算太鹹，仲好鮮甜，分量好夠好大碗，羊肉完全冇肥膏，而且好有質感好鮮嫩，我夠膽講係我近年嚟食過最好食嘅羊肉湯麵。呢度叫多支豆漿呢就係比現成嘅，不過麵先係主角，所以都過得去啦，非常滿意嘅晚餐，坐可以將就，但係個胃唔可以將就，好食值得再嚟！