手拉麵小廚

營業中

休息中

呢間拉麵店簡直是新蒲崗必吃，多年無來新蒲崗，今日要重溫舊夢七點多來，非常多人要等位，不過在門口望著師傅做拉麵、小籠包時間都過得很快點了一客雲吞担担麵和一客小籠包，小籠包很快就上桌了，隻隻都很飽滿很好吃，皮薄而不易穿。 一個人吃一籠其實也很過份最喜歡它的担担麵是因為他的花生味夠濃，拉麵夠彈牙，最重要的是它的麵可以走辣，可惜伙記姐姐經常忘記走辣要求，又要再等等。睇師傅表演整小籠包好治癒菜肉雲吞大大隻下次再路過一定要再吃

偶然之下係OpenRice 見到呢間，d小籠包好似好吸引，所以8月2號同舊同事就決定黎呢間。第一次黎好好彩有佢帶路成功搵到。食完覺得cp價極高，今日再次到訪，帶埋屋企人過黎食晏一點幾去到已經滿座，不過都係等左一陣就有位。除左必叫既小龍包，照舊咁多湯今次仲叫左拉麵，湯既同炒既都有。豬頸肉出乎預期大塊同juicy 炒野有獲氣！拉麵麵幼同滑！三個人嗌左五樣野太飽唔浪費最後打包左食唔哂既炒年糕如果你都係小籠包愛好者，呢間絕對值得一試

一直都聽過係新蒲崗返工嘅朋友講新蒲崗好多隱世美食 經佢推介黎咗呢間食上海野嘅小店食 一食就愛上咗 每次黎呢邊就會encore!個人覺得呢到嘅小籠包最過癮 佢唔同我地平時食開個款 佢係扁扁地每個都脹卜卜充滿住湯汁咁嘅樣 一定要趁熱食 趁個皮未硬 另外 呢到嘅拉麵都好推介 我最鐘意嗌雞扒擔擔麵 花生味好香 唔算辣 好惹味 雞煎得岩岩好麵質係比較彈牙個隻 係鋪頭出面望個玻璃會見到司傅係到搓麵粉整麵同小籠包 相信真係自家新鮮製經朋友推介後 我就愛上咗黎呢到食野lu

#手拉麵小廚 ➡ Pork chop dan dan noodlesXiao Long Bao -Xiao Long Bao (10/10)The xiao long bao is big in term of size and it's super juicy. It's very good. Probably the best xiao long bao I’ve ever eaten-Pork Chop Dan Dan Noodles (7.5/10)The noodles is good, the chef tailor made in a kitchen which is shown to the public. However the dan dan flavor is not what I was expecting, I don't like this dan dan style. The pork chop is okay.-*please note that the above are just my opinion, and quality of food may

難得黎到新蒲岡,一個好似冇野食既地方其實餓虎藏龍,就上黎開飯睇下有野食依間小店,我重點半黎到都要等一等可想已知有幾好食睇下餐牌,本應想簡人人讚既羊肉麵但見有擔擔麵好忍難,依個moment要爆啦擔擔豬扒麵小辣加豆漿,唔該!睇到個樣都流口水紅紅既湯底其實唔算辣加上面頭菜莆同芝麻,味道豐富我都飲左唔少湯,哈哈豬扒好大塊,有味重有少少肥膏痴住,就係要咁先總括黎講都抵食,又有質數今時今日62蚊我接受到囉見其他人都有食小龍包,滿滿湯汁下次黎一定要試!以上食評只反映本人立場,如有雷同,實屬不幸

不嬲對上海野情有獨鍾，好難得搵到一間抵食又好味嘅上海鋪頭。豬排擔擔湯拉麵 $50豬排炸得好脆，唔會好乾，而且味道好好。拉麵係手製，明顯見到粗幼不一，但係手工麵別有一番風味，配埋個濃郁擔擔麵湯底，十分夾！羊肉搶湯拉麵 $50鍾意食羊肉嘅朋友一定會愛上呢個麵，成碗湯麵充滿著濃郁羊嘅蘇味，估計係用羊骨羊肉去熬製！而且羊肉份量都好多！十分好味！招牌小籠包 $39小籠包一籠有5隻，好大隻！一咬落去係爆汁，最好飲一飲入面d湯先好食！

新蒲崗好多好野食，呢間係其中一間必食既餐廳。呢間小店既小籠包好出名，黎到一定要叫。我鐘意呢度既小籠包，因為佢真係勁多湯！小籠包上既時候仲係熱辣辣出煙既。小籠包皮實淨，夾既時候唔易穿。食落口真係有種幸福既感覺！$42五隻，性價比高過d連鎖上海菜餐廳好多😛

手拉麵小廚係我由中學開始好鍾意食嘅一間餐廳。而我最愛係佢嘅羊肉搶湯拉麵，即使加價仍無阻我對佢嘅愛，偶爾放假我都會去食返碗拉麵。呢碗拉麵最特別就係厚切羊肉片加娃娃菜組成成座山咁高嘅配料。羊肉有少少羶味，但我覺得唔食羶味點解要食羊。最重要係個湯底吸收晒啲羊肉味，再加少少孜然味，所以淨係麵加湯都十分之好食。食完一碗，十分之滿足，食咗咁多年味道都冇變，非常難得。只可惜區外人越來越多，依家放假都會大排長龍，希望可以繼續保持食物水準。

去新蒲崗搵健先生lunch，見呢間小店有擔擔麵就想試下我叫左雞扒擔擔麵($52)好好食湯底麻得嚟唔太辣，岩我呢啲只能淺嚐辣而又好鐘意花椒味嘅人。雞扒唔乾多汁，好香好味👍🏻麵身軟硬適中，掛湯能力不錯👌🏻我覺得一碗麵佢會俾一棵菜其實係好好我相信我會為左個擔擔麵再幫襯👍🏻👍🏻👍🏻健先生就叫左回鍋牛肉炒拉麵 ($52)以一個男人嘅午餐份量就有點少，健先生話佢食完成碟都未夠食飽😭 牛肉好味，麵有點淋，最差嘅係佢成碟麵都太油喇食完後，碟上剩下嘅油誇張到下次再返黎食，但我諗我都係會揀其他餸嘅擔擔麵🤪

禮拜四咁岩要去新蒲崗果頭，女朋友之前一早話想去試呢間手拉麵既小籠包。所以就順理成章去左試啦🤩地方係新蒲崗入面唔算難搵，平日7點半去到已經再等位啦，但好彩好快有得入～ 環境都好乾淨，卡位既話就更寬敞！一黎就即刻嗌左遠近馳名既小籠包！一場黎到係必須試呢個小籠包！一食落去。哇啲湯汁爆晒出黎！估唔到咁多汁！又熱辣辣。味道好正鮮甜無比，而且包得好好做到皮薄餡靚，好快就已經清左一籠！仲嗌左豬扒擔擔麵。個豬扒開正我口味！正常厚度亦好有豬味，非常香口。擔擔麵都算辣辣地好惹味！另外仲嗌左雞絲粉皮，呢個就正正常常不過不失～都好大碟下既最後都係忍唔住，一人嗌多一籠小籠包先走！食左咁多野咁滿足，每人都係110蚊炸，值得入黎食😋😋

繼畢業後第一份暑期工就好耐無來過新蒲崗 住係附近嘅朋友強力推薦呢間嘅小籠包 講到咁點可以唔試下 舖頭有點細但都容納到20個人左右 人多地小所以我地都等咗一陣🥢招牌小籠包 $48@5勁大粒勁多汁好juicy😋😋大家記得一定係夾住最上高嘅位置先唔會爛 成隻擺落口果下真係無得頂🥢豬頸肉拉麵 $45🍜啲豬頸肉煎得好脆 啲麵係手打嘅好彈牙 好多人都會外賣買返去🥢蔥爆牛肉客飯 $52真係勁多蔥 啲牛肉都好滑下次可以再試其他食物🍜

雞絲粉皮份量多 粉皮夠薄夠滑肉唔會過老 加埋花生醬一流.小籠包一點都不小皮薄饀靚 湯汁多到很滿足功夫絕對比出名的店好 又不貴.回鍋牛肉炒年糕 剛剛好不會太辣哈哈 有點像乾炒牛河 但不算油甜甜的豆乾 煙韌的年糕 嫩滑的牛肉十分滿足 配白飯也可以.羊肉湯麵🍜清甜不羶 陣陣的酒香可惜麵煮得有點淋 上次的口感比較好整體依舊好吃 希望更多人支持小店

耐咗一排無食就突然好想去食呢間鋪唔算大間揀錯放工時間食既話 要排好耐隊唔係講笑我揀時間去唔洗排仲要有卡位坐添第一時間坐低唔洗諗叫個雞絲粉皮同出面唔同係佢啲醬汁我覺得撈埋食好香涼拌易入口同埋好開胃雖然有少少貴之後再整個小籠包都係其中一道吸引勁多人去既原因因為佢真係又大又多汁我會先食上面個頂再倒啲醋再一啖啪落口完美爆發係口入面（小心熱品質保證 所以價錢我覺得合理最後叫得做手拉麵梗係要食手拉麵面口感小硬身係我自己比較鍾意呢啲睇大家個人口味雞扒好大份做到基本外脆內軟要求其實佢唔差 只係小籠包同粉皮我太鍾意所以無點覺得佢特別好食但係佢個湯其實好好味大家不妨下次食面先因為我食到個面已經有啲飽比唔到咩意見

難得去開新蒲崗，一早上網睇定有咩平靚正餐廳。我一向鍾意上海野，見到呢間comment 唔錯，就決定試吓。鋪頭細細，小店一間。坐低叫咗個小籠包，羊肉麵同雲吞。先上枱嘅係羊肉麵，羊肉份量定唔多，但都OK，面嘅湯底算係中規中矩。跟住上枱嘅係小籠包，呢個我真係嚇咗一下。平貴小籠包我都有食過，通常做得冇咁好嘅小籠包個皮好厚，但呢間嘅出品我都係第一次見。皮嘅厚度適中，但小籠包成個變咗樣，好似壓扁左咁，只係見到好多湯喺度，咬開嘅時候啲肉已經上晒變咗肉碎，呢個真係食咁多間都未見過。奇怪在望入廚房個師傅年紀應該好大，好有經驗，懷疑啲小籠包係咪佢出品....雲吞普普通通，用料OK。職員服務亦都正常，但係個小籠包絕對令人失望。

男朋友住黃大仙，對新蒲崗一帶嘅美食瞭如指掌。呢日佢帶我嚟到新蒲崗嘅手拉麵小廚，話我一定好鐘意食佢地嘅羊肉麵，咁就信下佢啦！星期六十二點半嚟到，好多人呀！估唔到呢間餐廳會有咁多捧場客，又見到師傅一路即製小籠包，自然好有期望。入到去即刻叫咗兩個羊肉搶湯拉麵，五個小籠包。好快就有小籠包食。皮薄、餡靚、多汁。男朋友話好食過上海嘅南翔湯包。我本身唔鐘意食小籠包，但都覺得幾好食。食完就到主角羊肉搶湯拉麵。羊肉切到一片片，有咬口又唔會硬，同切絲嘅娃娃菜一齊吸晒啲湯，完美呀！麵煮得啱啱好，保留到口感。一大碗嘅拉麵，十分鐘就食完。價錢唔平不過值呀。