扇火鍋

營業中

休息中

救命，勁想食肉，瘋狂想食肉。差啲就比人拎左去食日本野。由apm行去亞太中心諗住食漢和，上到竟然未開始營養，行返落去二樓食日本野啦，點知見到扇火煱，感動到想喊😭。有幾款火煱揀，因為實在太想食好多好多好多肉，就揀99蚊豬牛放題套餐😍😍要瘋狂點肉😈有一人一煱或一枱一煱供選擇，仲有勁多配料可以揀。本人揀左個美人豆乳湯底，勁香豆漿味🙆🙆🙆一落左個湯即刻去拎配菜，見到有羽衣甘藍，就拎左一大碟，另加幾片冬瓜，夏天消暑（厄自己）。返埋位已經黎左兩碟牛，一碟豬，但個湯仲未滾呀，狂撳温度上升制，點知就比人提醒小心滾瀉😂😂😂兩個人食左8-9碟肉，同好多羽衣甘藍😂😂仲有不同飲品。拎醬料時，見到有咖哩飯，好神奇，試左一碗，係日清味😂最好食係乳酪雪糕，仲有配料加，好正呀（食兩碗，不過份吧……）😍😍😍😍唯一缺點就係我地揀60分鐘，所以好趕地塞落口😂

午餐一人一鍋打邊爐，不用強迫一定食放題，適合細食人士，而且最平的只需$69，很抵食！自選配菜款式都多，而且定期更換，咖喱牛肉飯亦是必食之選，整體性價比都高！飲品選擇亦很多，啤酒亦有任飲！

晚市唔算太夜，七點十五分到，剛剛開始要拿飛。等一張三人枱，初初以為好快，點知等了又等，好幾次想放棄，但唔等都等左咁耐，最後還是不甘心。結果八點先入得，一個 number 足足等左45 分鐘。入到去先知，原來個場都幾細吓，真係唔怪得咁耐啦。價錢牌，吃90 分鐘，第一次吃，當然小試牛刀。呢種係 $179 的牛質素，一分錢 一分貨，有樣你睇。有要求的請自行跳上一級。試左幾個湯底都 ok 穩陣。同一貫的牛 x 一樣， 有個蔬菜區，都幾整潔的。都有幾款不同的丸丸和蔬菜。蔬菜算新鮮，可惜葉片太大太長，令人食得幾狼狽。尤其比較韌身的羽衣甘藍，原片上仲長過個一人鍋，好心切吓啦飲品選擇夠多 甜品有乳酪，味道一般。整體食物都 ok, 對得起價錢。服務亦可以的，快手快腳，尤其埋單和清枱，簡直極速。唯獨是排隊太耐，如果要等位，請做好心理準備。

今日去左扇火鍋食lunch.見到價錢咁抵就試一試最平既LUNCH SET係$68(定量牛/豬肉+蔬菜,飲品送題) 另外可以揀放題set就係多左肉類既放題最後揀左壽喜燒湯底+定量穀飼牛套餐壽喜燒湯底比較重味,湯底有少少咸牛肉quality正常啦,呢個價錢唔會要求咁高因為我個重點係D菜到連我最愛既羽衣甘藍都有,及正我就係為左D菜而來 哈哈Total食左2大碟菜加埋其他小食Eg.丸類/芝士腸等等有個咖哩牛肉飯都幾好食, 呢個好推介!最後食左1個鐘 夠鐘就走Lu,都幾飽同埋幾滿足. 等用餐時都好多人,所以建議訂位.

今日同朋友打算打邊爐 就搵左屋企附近既扇火煱 7點已經到達 唔洗排隊已經有位 門面乾乾淨淨所以都諗住ok我地選擇左169最平既牛肉餐 有包埋牛豬雞同免費自助區 自助區好細 選擇唔多 烏冬好難食 一入口就已經爛哂 其他都好中規中矩 點牛肉必有既醬汁麻醬都好難食 唔會再有第二次

來觀塘行完apm，揾個地方食完晚飯，就去睇戲。e家觀塘已經再發展，附近都開左好多餐廳，就係火鍋都有唔少選擇，競爭一定唔少，質素都應該有返咁上下。一於就揀呢間扇火鍋來試下。當時時間還早，一入去就有位，兩條友仲可以一人一鍋，每人揀一隻湯底，朋友揀左清湯，我就揀左壽喜燒。我地揀左$178的上級牛肉火鍋餐豬肉還可以，唔會鞋口，但牛肉就有d失望，係好大塊，望落去已經少油花，一滾起已經好鞋，已經唔係揀最平的$168的餐，可惜牛肉的質素都係一般。好在配菜種類都好多，仲有我好喜愛的羽衣甘藍，芝士腸估唔到係好爆芝士果隻，佐料都能港式和日式邊爐的不同要求，個人較喜歡麻醬配肉，燒汁就中規中矩。場內仲有大量飲品: 道地烏龍茶，可樂，仲有維他檸檬茶等。甜品仲有乳酪添。

Lunch time來食90 mins shabu shabu, 叫左平個餐，豬有驚喜，樣靚，幾好食。牛肉就頭兩盤都唔錯，不過之後叫的就肥左啲，好多肥膏。配料唔錯，係無生根同秋葵就比較失望少少。每人盛惠$142連加一。

午膳時間同一班同事一齊去食嘢，所以我哋都成十幾個人。我覺得呢個價錢嚟講，個質素係正常嘅。我哋都食唔曬啲嘢。飲品任飲，有烏龍茶，普通啤酒都有。啲蔬菜全部任食不過啲選擇真係好少，每樣得幾款咁樣樣。啲丸類都係任食，不過選擇都真係好少。，肉類方面就每人包一碟肉，有雞肉，牛肉，豬肉，每個客人可以是但揀一款，都係正正常常嘅。其實，如果唔係成班同事咁多人搵唔到地方食，未必會去打火鍋。食完今次之後，好坦白講，都唔會再嚟多一次。

成班朋友聚會，同行六七人，係公眾假期出去食飯，冇book位幾乎去到間間餐廳都要等好耐本身想去食放題，但要等好耐就不了～行過呢間門口，見到都有放題不過係打邊爐放題，之前試過都覺得唔錯，日本湯底嘅邊爐有幾款唔同嘅湯底簡，多人嘅好處就係可以揀唔同嘅湯底，湯底可以share烚吓烚吓😹加咗少少錢可以任食嗰啲牛豬部位個人覺得牛舌都幾好食，起碼食咗幾碟另外最好嘅地方就係佢啲配料可以任拎最開心都係打完邊爐，有個甜品自助吧佢有兩三隻味嘅雪糕機我就整咗乳酪味嘅雪糕出面食一杯乳酪雪糕都要另外比錢唔使點等位嘅情況底下都有高質放題邊爐算是性價比高的餐廳

燒肉？火鍋？why not both😍❗️$249 和牛套餐❗️先燒肉後打邊爐店員介紹Step1: 先落一舊肥膏剪香個鑊Step2: 加入大蔥Step3: 加兩滴日本醬油Step4: 落和牛慢火🔥剪至七成熟Step5: 點雞蛋汁食就食得完成✅估唔到d和牛幾好食牛肉味十足，而且幾嫰囗仲要係任食㗎😍😋之後就打邊爐啦食返啲菜，冇咁熱氣🥰色香味： ⭐️⭐️⭐️⭐️性價比：⭐️⭐️⭐️⭐️打卡位：⭐️⭐️⭐️地址：觀塘觀塘道414號亞太中心2樓205號鋪

同朋友行過觀塘亞太中心，超多人排隊，原來成層都係食店，見到樓下水牌，有間火鍋店個名幾特別，扇火鍋🍲，主打燒肉加火鍋，仲有唔同等級既牛肉選擇，而且仲要係任食，好吸引。我地最後簡左澳洲黑毛和牛肉壽喜燒，一次滿足我地既食慾😂巡視左一圈，呢到既配菜，肉類同飲品都好豐富，全部都係飲食任飲，超抵食。店員介紹先落和牛牛油，再加入大蔥京蔥燒香，最後放上和牛慢火煎香，仲可以加入日本醬汁，同蘸日本雞蛋食！嘩、好好食呀！牛肉味十足，牛舌都好爽口，我同frd都係牛魔王，就不停落單叫牛肉勁食。🤤食左幾碟黑毛牛肉同牛舌後，店員就幫我地加入鰹魚湯打邊爐，黑毛和牛打邊爐，輕輕一刷和牛，唔洗蘸雞蛋，點少少麻醬汁，和牛都好滑好好味🤤 食左太多肉，係時候食啲菜，最鐘意食冰菜同皇帝菜，仲有羽衣甘藍🥰最後加埋烏冬索哂濃湯既味道，食到飽飽。值得一提店員服務好好，上菜都好快，下次要帶埋家人黎再食過😊

同事勁愛打邊爐🍲，但中午有得一人🕴🏻一鍋嘅餐廳唔多，今日嚟觀塘開會見到呢間扇火鍋🍲，當然即入嚟試啦！雖然已經成兩點鐘🕑但都坐滿晒人，好彩等咗一陣就入得。有任食60分鐘同90分鐘兩個menu 可以揀，我地揀咗最平嘅$69嚟試，湯底有6種可以揀，唔使5分鐘已經上齊湯底，可以開始打喇！食物種類唔算太多，有10款蔬果🥬🍅、4款魚旦、3款麵、2款菇🍄、2款軟雪糕🍦、2款飯🍚，湯底麵好夠味，特別係麻辣鍋啲香氣傳滿成枱，而豚骨湯比較清淡，壽喜燒鍋嘅咸味就好夠，店員姐姐都好主動加湯，以$69嚟講真係好抵食👍🏻！

第一次係公司ot ，見收工都成8點幾一於食埋飯先，當我諗緊食咩就行到去，行行下去到觀塘道嘅亞太中心，聽好多朋友講嗰度有間牛肉紅必去嘅牛肉火鍋仲有壽喜燒。坐低嘅時候店員好悉心為我地推介唔同壽喜燒既套餐，最後我哋叫咗兩個澳洲黑無喎牛套餐，店員更為我地親自下廚壽喜燒，嗰度除咗食牛之外仲有其他唔同各種類嘅配料，最緊要食日本火鍋一定要食飯，佢嗰度嘅飯香同埋入口嘅口感簡直冇得頂，嘩好有家嘅感覺牛肉食落同一般肥牛係好唔同，好有牛香同埋入口即溶，最重要仲有無限追加牛舌，勾線唔會切得太薄食落好彈牙同埋咬口，配料嘅蔬菜類亦都好新鮮，嗰度嘅冬菜一定要食配合埋火鍋嘅湯底簡直係絕配，最後嗰度仲有無限添加嘅乳酪雪糕，仲有一啲朱古力脆脆俾你自行添加，今日呢個晚餐簡直係有去咗日本食壽喜燒嘅感覺。

自從懷孕時多吃小火鍋養生，現在好像戒不掉～～～ 以往會去apm的但馬屋，但要等位的話午餐實在太趕。有天突然很想吃pepper lunch，卻被$69 shabu-shabu 俘擄去⋯我敢說這裡除了沒有Haagendazs雪糕，其餘的食物八成和但馬屋一樣！我選了壽喜燒湯底，味道很好。而我向來重點都是自助bar的蔬菜 這裡有羽衣甘藍Kale、皇帝菜、娃娃菜、唐生菜，菇類有冬菇、金菇等，類型頗多而且都新鮮～沒有Haagendazs換成是frozen yogurt更是「我杯茶」，因為食太飽然後froyo感覺不會太膩（雖然卡路里-wise只是自欺)。埋單連加一$76，在apm分分鐘food court都要吧～

觀塘亞太中心扇火鍋, 專食牛的放題, 分咗牛的等級而價錢唔同. 詳情可睇餐牌介紹. 我地就揀咗$329日本產特選黑毛和牛套餐. 限時90分鐘. 任飲任食. 和牛亦可無限添加. 呢間扇火鍋. 雖然店舖唔大. 但座位都夠寬鬆. 坐得舒服. 唔會有壓迫感. 今次扇火鍋有個幾特別又吸引我嘅賣點. 正宗壽喜燒鍋. 就係先用牛的脂肪燒熱鍋. 再用洋蔥, 大蒜炒和牛, 炒蝦. 炒完嘅和牛淋上壽喜燒甘露再浸落預先打發好的日本雞蛋. 味道絕對匹配. 雞蛋非常滑, 和牛入口即溶, 又好有洋蔥味道. 真係冇得頂. 雖然限時90分鐘. 其實時間都係足夠的. 係大廳外面有好多不同食物可任取. 什丸, 什菜, 薯粉, 蘿蔔, 芋絲....最特別就係有羽衣甘藍. 呢款菜好有益架. 而且唔係每間食店都有的. 所以要食多d. 炒完和牛之後, 換上另一種普遍食法, 就係落湯底打邊爐, 湯底係堅魚湯. 將和牛放落湯恰3秒已經食得. 味道跟炒的有好大分別. 恰的牛味更加濃郁. 當然都係入口即溶啦. 另外, 仲有豬豚肉. 都係滑及有豬味的. 牛舌, 切得薄薄的. 爽口蝦雖然比較細隻. 但蝦肉新鮮爽口雲吞係一口雲吞. 可以食多幾