扇火鍋

營業中

休息中

其實任食牛肉火鍋我首選牛一。不過今晚放工有人請客, 揀左觀塘呢間任食牛肉鍋。仲要話食好 D, 選了澳洲和牛。因為揀左 $249 的澳洲和牛, 可以追加少許海鮮及火鍋配料, 但我又唔覺得有幾高級, 只係追加左響鈴就算了。牛舌一般, 豬肉片不吃也罷。兩個不算大食之人, 胃納有限, 還是專注返和牛就算了。第一碟上枱的和牛肥到不得了, 叫佢換瘦一點的, 後來上枱的就好得多了。不過每次再 order 都要提出要瘦的。但不得不提, 服務真的十分好, 所有侍應都沒有黑面, 非常好笑容。其後的和牛十分驚喜 ~ 很瘦, 帶少許均勻的雪花, 淥一淥就要吃了, 非常嫩滑, 未至於入口即溶, 但牛味濃郁也很鮮甜。不過如果煮得太熟就會又硬又鞋, 所以吃帶點生的, 5 成熟就最正了。其他配菜可以出面自取, 但選擇沒有牛一的多。雪糕及 yogurt 亦只有各一款味道, 不算太吸引。自助飲品區也沒特别, 選擇同樣不多但還可以的。這是觀塘區一個不錯的選擇, 推介!

今日經公司同事介紹，決定晚餐去打邊爐，原本對日式邊爐沒有太大興趣和期望，但今次吃完後完全改觀。首先我在晚上約九點去拿位子，等了大約五分鐘就可以入座，坐下後先叫了一款中等價錢的牛，然後就可以岀去拿蔬菜等等的食物。當然，肥牛就要和侍應下單才有，但是不影響到我們吃牛的數量，因為每次要牛都有求必應。我選擇了甜豉油湯底，一向吃得比較濃味的我，對這湯底十分滿意，因為對我來說夠甜夠味！另外，飲品選擇也不少，有烏龍茶、汽水等，加上也有雪糕做火鍋後甜品，日後必定會再幫襯，希望可以保持水準。

開始有d涼意，仲唔係打邊爐既季節？！(雖然打邊爐既癮從未有停過🤣今次呢間扇火鍋都係主打日式火鍋，今次去到仲出左泰式主題，有🌶冬蔭功湯底，食落酸酸地香料味幾出，之後d辣先滲出黎！仲配上青檸特飲嫁😆 .揀左澳洲上級長期穀飼牛套餐，牛、牛舌同豬都可以任叫😁，但牛好失望，好肥；反而豬肉片同牛舌更好味。配料方面一般大路野都有，蔬菜類選擇幾多，仲有埋羽衣甘藍，即刻升呢左🤗，丸類方面推介芝士豆腐😁，熱溶既芝士正正子，另外燕餃都唔錯，細細粒食完仲有quota食其他🤘，仲可以落埋青木瓜🤔。唔夠飽都有白飯同炒飯比你，呢期仲有青咖喱牛肉比你撈飯，不過果日無refill喎😑。 甜品有原味乳酪雪糕同草莓雪糕，草莓雪糕較冰感，而乳酪雪糕真係好濃😍😍，仲可以係咁加蜜糖星星同可可球，掃食完火鍋點可以唔整返杯嘆下吖😚 .

琴晚放工見天氣開始轉涼 所以決定打個邊爐先去左觀塘亞太中心扇火鍋 7點左右到 人流都唔少 攞飛等左近半個中先有位 未入座之前職員會幫我地落定單先 可以節省入座後點餐時間一開始我地選擇左 $169最平果個餐 有牛肉同豬肉 飲品無限 湯底選擇左豚骨湯放置在外嘅食物種類都唔算少 蔬菜種類都幾多 我試左將柚子醋溝鼓油 效果唔錯可以中和鼓太咸 一開始職員會送來兩客牛肉加一盒豬 但牛肉質素好差🙈有7成肥膏 得少少肉 所以我地upgrade 至$179 牛肉質素先回復正常食飽仲可以有個飯後甜品 可自助在外擠乳yogurt 🍦

前兩日同左友人去左呢間食自助火鍋慶生，之前有人介紹好似吾錯，加上呢啲天氣好岩打邊爐。呢間野由入座開始計，得90分鐘其實有啲少，你又要去等水滾，比起岀面啲火鍋店其實差啲。之後講食物，種類吾算太多，但都接受到，主要係食啲肉，我地叫左249個款牛同豬。係肉黎講係真係吾錯，食落都算好食，我地叫左好多次，因為係放題關係啦。另外，菜就正常，但配料吾算多選擇，例如腸仔，得脆皮個款，無芝士係入面，蟹柳都一般。最後個甜品方面，個乳酪真係吾錯嘅，係好食。結論不果不失啦，但時間真係少左啲，建議可以去到2個小時就好好啦。

去完泰國之後，對D泰式美食有種念念不忘既感覺。 於是乎今次就黎左<<扇火鍋>>， 平時lunch黎得多~ 今次又係為左個<<冬蔭美鍋>>而來。 話哂一人一鍋，真係衛生好多，D料仲好豐富， 有蝦，湯味又濃，最重要可以DIY自已個鍋。 牛肉、豚肉仲有牛舌好快就送埋上黎， 我個人就鍾意食牛肉多D，肥瘦均勻，入口又鮮又薄身。 出到去有自助食物吧，各類型既蔬菜、丸類， 麵類，甚至魚肉都應有盡有。 魚柳同冬瓜都係我最愛~ 大家記得要拎魚柳， 魚肉好嫩滑、鮮甜，我地食左幾round! 有三個大雪櫃拎飲品，選擇多~ 最正係有部乳酪雪糕機，有兩款醬料， 又有好多配料，可以比自己DIY。 呢個真係大滿足! 泰式青檸梳打水，真係好地道，好夠氣! 仲有象啤任飲，可以不醉無歸!!!

小編今次同大家介紹惹味十足嘅放題泰式火鍋 😊 冬蔭功湯底同澳洲穀飼牛打邊爐好夾，食材新鮮湯底酸辣好味，仲有泰式特飲好好味！🔸冬蔭功湯底 澳洲穀飼牛一人一鍋唔洗爭！創新泰式湯底酸酸辣辣好刺激，唔會太辣但好開胃！同澳洲榖飼牛肉好夾😍 湯底入面仲食到海鮮，有新鮮魷魚🦑 牛肉紋路肥瘦均勻，肉質鮮嫩，推介！🔸自助吧食物除咗肉類任食外，自助吧亦提供不少選擇！有不同泰國新鮮蔬菜，亦有不同丸類！當中芝士魚豆腐係小編至愛！泰國蔬菜天然健康，索埋冬蔭湯汁，very good! 😆🔸泰式特飲 🍋青檸梳打&泰國象啤🐘🍺食火鍋咁燥熱當然要飲翻杯refreshing嘅飲品啦！呢個餐仲有青檸梳打同泰國象啤😍啤酒入口香淳唔苦，女仔飲都好易入口！好正呀☺🔸總結: 泰式冬陰公火鍋味道新鮮👌🏻鍾意泰式又食辣嘅朋友就啱晒啦😌

返工返咗成朝嗌肚餓，跟住放lunch有人提議不如抵邊爐，咁誇張！？！？然後我就跟大隊去咗，以為價錢都要近一百蚊咁上下，點之午市係69加一咋！！有分90分鐘同60分鐘，最平就係60分鐘定食，揀一客肉類，其他蔬菜丸類就自取，野飲小食個啲都係。如果要肉類都任食就貴啲，放lunch時間有限，咁緊係揀定食同埋60分鐘啦。落完單等緊上鍋嘅同時就快手去拎其他食物先～基本嘅丸類：貢丸、魚旦、墨魚丸、獅子狗、芝士魚豆腐。。。我就最愛芝士魚豆腐，入面有好多芝士bit出黎，好食到燙到個嘴😂 菜方面，好驚喜呢度竟然有羽衣甘藍，用佢黎打邊爐真係第一次，可以試試～每位都會有個白色大碟畀你出去拎野，我多數都食菜，咁樣食好似仲健康過普通食個飯。btw我嗌咗番茄湯，出面仲有得拎番茄，然後就可以自己加料，煲個好濃嘅番茄湯啦～食太趕急影唔切啲牛，太約有8片，好大一片，係薄切咁樣，食落唔係好重牛味，不過肉質都不俗嘅，唔會好老。夠鐘前15分鐘就會有人提你埋單，唔驚食得太興奮過咗時間返工，跟住個15分鐘就慢慢食埋個雪糕先，有蜜瓜味同乳酪味，一個清清地一個重酸奶味。埋單都係76蚊，總結就係好抵食！😂

我之前食開扇火鍋都係食179哩個價錢，當然哩個價錢性價比十分高！湯底方面一向都係辣或者甜醬油，而兩個湯底都令到肉類同其他配菜好入味，哩間餐廳係幾正既但今次去食叫左日本和牛同豆腐湯，叫得日本和牛預左又滑又好食，但係黎第二輪啲牛既quality好似仲差過179個d咁又鞋又唔好味，哩度就比較失望囉所以如果去任食既哩d 任食sabusabu，價錢方面真係唔駛叫咁貴，怕食物質素同價錢不能成正比，最後可能失望而回

最近愛上冬蔭公，開胃又暖胃。扇火鍋有一人一鍋就最衞生啦，你有你揀我有我揀，我就梗係揀「冬蔭美鍋」，酸酸地唔會太辣，好多香料，泰式風情，又有蝦同魷魚一齊煮，好鮮味。 牛肉、豚肉、牛舌任點，今日啲豚肉好靚，切到好薄片，pink pink的，香滑軟腍。其他魚柳、雞柳、蔬菜同主食就喺出面任攞。飲品就連泰國象啤都係任飲，每人仲有一杯「青檸薄荷梳打特飲🍹」，係原樽泰國梳打呀！最後甜品環節係任食特濃乳酪雪糕同蜜瓜雪糕。蜜瓜雪糕質感有啲似雪葩，味道好真，低甜又清新，一定要encore！

平時食日式火鍋，多數都係食壽喜燒，呢度有泰式冬陰功湯底！一向都鍾意食酸辣嘢o既我又點會唔試？食物擺放都算乾淨整齊，唔會話比人夾到亂晒少有o既貴價菜羽衣甘藍都有，平時任食場好少見一人一鍋，冬陰功海鮮湯，裡面有蝦、蜆、菇同冬陰功湯有o既都有配有青檸比你隨意加味除咗一般蔬菜，仲有一d泰式蔬菜，如泰國小茄子等仲有杯泰國青檸梳打，仲要係用返泰國梳打水～唔但止有青檸、仲有原條香茅同薄荷葉～ 好清新解渴～～～牛舌黑豚肉 同 安格斯肥牛牛肉油花都幾靚就算追加d牛肉都keep 到水準雞肉唔多肥膏，我鍾意任食場少見o既蟲草花同秋葵都有最後正返個乳酪做甜品～～～

秋風起，又係打邊爐嘅季節。扇火鍋喺觀塘商貿區「響晒朵」，連午飯時間都好多人等位。近排佢哋推出咗「Thai Fes’18冬蔭美鍋」，一般日式Shaun shabu店都唔會有泰式湯底，即刻約好同事們食返餐～冬蔭湯底最正係酸得嚟帶點辣，辣得嚟又帶點香，越食越開胃。個鍋入面仲有蝦、魷魚添。打邊爐主角當然係肉類，靚牛、靚豬任叫任食，出面仲有多多火鍋配料，魚柳、雞肉好搶手。話明Thai Fes’，當然唔止湯底啦，仲有青咖哩牛肉熟食，飲品有青檸薄荷梳打特飲，成個feel好泰國。可惜甜品無泰式糕點，只有雪糕，唔係就perfect啦。

有時夜晚有少少涼，感覺又係打邊爐既時候，心動不如行動吧市面都有幾間火鍋可以一人一鍋幾方便，今日近近地去左觀塘食間新餐廳食日式火鍋除左一般既日式湯式，咁啱出左泰式冬陰公湯，正呀，反正我地要中間價位既澳洲牛，就可以揀到冬陰公湯泰式冬陰公湯，味道幾地道，有齊泰式香料，味道香辣醒胃我地個餐有澳洲牛肉，豚梅肉，牛舌牛肉滑嫩味濃， 係穀飼牛，油花較多，脂肪雪白 ，肉質較軟腍，雖然薄切，但可以任食都冇咩所謂，我地總共食咗5碟豚梅肉肉質鞋少少，口感厚實牛舌薄切得黎都幾爽口再要肉類既，就要order但要蔬菜配菜就可以自己拎，種類超多有二十幾款，當中都有秋葵，蟲草花，羽衣甘籃連飲品都係任飲但我地個餐就包埋任飲泰象啤或轉飲一杯青檸梳打青檸梳打好爽，連埋枝香茅，但香茅味未算好出最後要食埋甜品，試左乳酪味，奶味特濃，好味

打邊爐通常是2人以上的飯局，但現在的火鍋店為了吸引更多的客人光顧，推出了一人一鍋，邊個話一個人唔可以去打邊爐？這間扇火鍋以90分放題為招來，以澳洲靚牛任食及平價來吸引客人，無可否認是非常成功，餐廳長期爆滿。除了牛肉是要落單外，所有火鍋配料、醬油及飲品都是自由取用。冬陰功湯底香料味十足，有些蝦及魷魚筒在內，有酸味但唔辣，怕辣的朋友都不彷一試。澳洲上級長期殼飼牛色澤鮮艷，切得很薄，碌一碌就食得，牛肉味不錯，而且又腍又嫩；牛舌爽彈，反而豬肉片比較鞋。其他配料有芝士腸、雜丸、午餐肉及多款蔬菜，一定不及牛肉吸引。還有青咖哩牛肉，味道帶點甜辣，送飯不錯。飲品方面有啤酒、汽水及茶等。甜品有乳酪雪糕，絕對要試。

位於觀塘的扇火鍋，今期以泰式為題，新推出了泰式冬陰功湯底及任飲泰國象啤，所以決定同老公去一試。我們要了冬陰功海鮮鍋，有很重的香料味，但又不會太酸太辣，而且有些海鮮在內，令湯底更鮮甜。套餐有幾款肉，澳洲上級長期殼飼牛，有濃郁肉香，肥瘦均勻，油脂不多，有油份甘香而且又夠腍。牛舌切成薄薄一片，爽口彈牙。豬肉片就比較鞋。其他任食有大量蔬菜、丸類、腸仔等，還有炒飯、青咖喱牛肉等等。最後還有乳酪雪糕供應，味道酸酸甜甜，一定要試。