扇火鍋

營業中

休息中

開在官塘OPC的扇火鍋，我也是老顧客了 這裏除了平時一大鍋的打邊爐外，還有一人一鍋 每人都可以食到自己喜愛的火鍋湯底 價錢呢，就跟肉質素而定 由169-279/位都有，豐儉由人呢~ 至於小童價呢，就睇呢個尺啦~ 呢度座位都幾寬闊，仲有一排卡位 如果係2人，仲有呢D一塊塊板隔住，增加私隱度~ 雖然係老顧客，但都有新驚喜 就係新出的泰式湯底 只要惠顧 HKD 199 以上的套餐就有得揀 新野，當然要試試佢，再加上我最愛的日式傳統壽喜燒鍋湯底, PERFECT 啦~ 冬蔭公湯底好多料，仲有一隻大蝦 湯底幾清新，辣味唔勁，好大眾化，平時少食辣的媽媽都食到無問題 壽喜鍋就係甜甜的味道，用黎淥牛肉就最夾~ 肉的話，我地有3個人，可以每人揀一款 我地個餐係澳洲穀飼牛，仲有牛舌，黑毛豬 穀飼牛非常嫩滑，肥瘦適中 而且仲要係無激素同抗生素，最啱女女食~ 豬肉亦很嫩滑，一D都唔嚡 牛舌雖然薄切，但依然KEEP到爽口~ 肉的話更可以無限ORDER的~ 食完就可以叫待應添加 除左主菜的牛，呢度仲有多款火鍋配料都係任食任拎 每人有一隻碟，用黎裝火鍋料~ 火鍋料基本上都幾新鮮，亦有好多款不同款式~

返學上堂專心咗咁多個鐘，精神消耗不少，放咗學就梗係要同同學仔一齊去食野補充一下消耗咗既能量啦！因為知道觀塘有好多好野食，所以今次就黎到亞太中心2樓既扇火鍋打邊爐。雖然宜家仲係夏天，但係無損大家要打邊爐既決心。平日都會揀90分鐘自選放題。湯底選擇都唔少，可因應自己既喜好去選擇，唔怕揀唔到。跟住就揀要食咩套餐，即係要食咩肉，豚肉、牛肉、日本黎既定係澳洲黎既都有，任君選擇。火鍋配料同埋不含酒精既飲品都係任食任飲。但係今日我地就黎試新湯底，就係冬蔭功湯底啦！坐低冇耐，店員就好快拎咗個冬蔭功鍋上枱，眼見配料真係十足，有虎蝦、魷魚等，絕不馬虎，為湯底增添了一份從海鮮來的鮮甜。當中的泰式香料亦落得好足，聞落去係一種嗅覺既享受，食落酸酸地好開胃，而且有少少辣，好香好惹味。我地揀咗$199既澳洲長期穀飼牛肉套餐，有牛肉、豬肉、牛舌。牛肉望落有條好粗既白邊，開頭以為脂肪多，會好肥，但係夾起一片放入鍋裏面淥熟之後，食落唔係想像中咁肥，而且片牛肉仲沾上冬蔭功湯底既味道，唔駛點任何醬汁就已經好好味！平時食燒肉既時候，燒牛舌就食得多，今次係打邊爐淥牛舌，點知好有驚喜！牛舌淥過之後，咬落仍然有嚼勁，而且仲不失牛味，

今晚好友話想打邊爐，所以話不如試下扇火鍋，反正都未食過，就比次機會試下～一去到睇下Ｄ價錢，係以肉類既質素而定，價錢由hk$169 至$279不等，任食90分鐘！朋友唔想食咁CHEAP，所以我地揀左$199 果款 ~ 由於我地都中意冬陰公湯，所以唔介意SHARE 同一個鍋，個湯底酸酸辣辣好開胃！！另外原來揀呢個湯底，仲可以任飲青檸梳打/象啤咖～呢度火鍋配料種類唔少，丸、菜、腸、菇咩都有，而且望落好新鮮，唔錯！$199 既牛肉既質素都ok，脂肪一D 都唔多，食落都幾鮮嫩，而豬肉好好彩都唔會浮好多油，感覺好好！最後當然要食埋雪糕先滿足啦=]價錢一Ｄ都唔貴，而且坐得舒服，下次可再黎！

依家多左好多食日式火鍋既店舖，自己都試過好幾間，見到呢間未試過又唔太貴，呢晚就決定同埋屋企人試試佢啦價錢以肉類既質素而定，由HKd$169+10%至HKd$279+10%不等，可以任食90分鐘當晚我地就要左中位價HKd$199+10%個款set一人一鍋既好處係唔洗就黎就去，可以揀返自己中意既湯底自己就要左新推出既冬陰公湯，酸酸辣辣幾開胃，仲可以任飲青檸梳打/象啤添其他飲品就係自己出去拎既，汽水都係唔少得既呢度火鍋配料既種類都有唔少啲蔬菜仲好新鮮添而牛肉既質素都ok，脂肪唔會過多，食落都幾嫩但比起牛肉，自己更中意食爽嫩既牛舌呢度亦有得啫fro-yo同雪糕食完火鍋之後食返杯做甜品兼降埋溫就岩岩好啦

今日黎到觀塘行街～行完咁岩落下濕濕，唔知食乜好～好想食菜同肉，於是就搵左間任食邊爐試下～扇火鍋既湯底同某牛字頭一樣都係一人一鍋，你可以揀自己鍾意既湯底再淥自己鍾意既料唔駛放左入爐搵唔番揀左個上級牛肉火鍋，佢個牛同豬都唔錯，每次食到咁上下，d職員都會好醒目咁問你加唔加肉～一d都唔會唔想俾你叫～至於湯底煲到咁上下都會主動加水我地叫左上級牛肉火鍋套餐，連加一每人約$200D牛肉冇佈滿油脂，主要係瘦肉因為牛同豬都唔係咁油，湯底都冇特別浮油～ 出面有菜同其他丸等等既餸不過種類比較少，試唔到好多野～打完邊爐梗係唔少得食雪糕！呢度仲可以揀乳酪味雪糕～不過我覺得食完第一杯再食第二杯，d乳酪味好似稀左唔夠濃味～不過總括成晚都好滿意

同家人食飯，因為要就返大家地點，所以家人訂了觀塘這間火鍋店，我本身是一名經常食牛1、牛x鍋的邊爐人，所以呢類型嘅火鍋店我都非常熟悉，價錢環境食材質素都 瞭如指掌 。未去到時聽家人講佢$169已經唔算平， 咁未試過嘅我當然唔介意去試啦！亂食男女嘛地方不大，一坐低即試牛豬，唉，牛豬都差，無味又鞋又唔好食，湯底也一般，自助吧不算多款，質素也相對低，唯一可讚就只有飲品，好豐富，有8-10款，而家都是較貴的款式。冷氣不大，食到成身汗，打邊爐竟然冷氣唔夠， 簡直就係死罪。唉， 真係無話可說$169食d咁嘅野，應該很難滿足識食嘅人吧！

整間火鍋店就是這麼大預約了晚上6:30的時間，人已經很多了😅😅，只有一個半小時用餐時間，所以一去到都立刻攞隻碟，到外面拎下啲菜啊、魚蛋啊、腸仔啊、蘿蔔啊、粟米啊、金菇啊、番茄啊、雞肉啊、魚柳啊、南瓜啊等等。。。最好的就是有羽衣甘藍這個菜，因為太喜歡食了😋😋這個是一人一鍋的，點了一個豆乳鍋，但係同我之前食過另外一間的豆乳鍋不同，因為無味的。另外點了一個壽喜燒鍋，但這個都是沒有在另外一間的壽喜燒的味道，沒有壽喜燒那種甜甜的味道。因為我們點了$169個套餐，這個套餐已經是這家最便宜的，但他的質素真的比起其他同類型的火鍋店差而且比較貴，牛真的是非常一般，但這個豬給了驚喜，比想像中好吃👍🏿👍🏿👍🏿，比起牛還好吃😋飲品都是任飲的，種類都算很多這算不錯。這個是香芋雪糕再加乳酪，雪糕同乳酪嘅質地比較稀，但味道很好👍🏿👍🏿員工執枱的速度超級快，我們食完雪糕，已經執好了😅😅

扇火鍋是一間我最愛的火鍋店之一，因為好吃又便宜，可謂窮人恩物🤣可是自從它中午時段不接受預約，我便少了光顧，始終一大群人吃飯，預約了的話會比較方便。番茄湯底和豬肉永遠是我會點的食物，因為它的番茄湯很有番茄味，而選豬肉則是因為我不吃牛肉，而且豬肉沒有價錢分，永遠也是最平的那個😂其它的湯底我之前吃過，感覺沒有什麼特別，只有番茄湯才能令我再三回味😆我選了定量的肉，所以只有一盤肉，至於其它配菜則是任吃，飲品也是任喝。配菜的款式都是常見的款：各種丸、青菜、粉麵、飯、蔬菜等。丸的款式隔段時間就換，所以我每次來的時候總會看到和上次不同的款式。扇火鍋最有驚喜的大概就是它有羽衣甘藍提供。羽衣甘藍是出名的健康食物，可是如果在外自己買的話，價錢不平，所以這裡可以任食自然要吃個夠本😌扇火鍋的第二個驚喜是它提供乳酪雪糕任吃，街外的乳酪雪糕動輒就要幾十元一杯，而且一杯的份量並不多，所以這裡可以任吃真的是十分划算😋它還有四款topping(各款脆脆和七彩的糖)和兩款醬(朱古力醬和芒果醬)提供，喜歡的人可自行添加。除了乳酪雪糕，它還有其它雪糕，款式也是不定期轉的，這次是香芋雪糕。香芋雪糕不太有香芋味，味道一般，所以還是

每一兩個月都會去扇食夜晚火煱！因近屋企，以前覺得都唔錯，牛肉keep得住唔太肥，唔太瘦，但今晚再去吃$179牛，點知鞋烚烚又無牛肉味，以為食緊瘦豬肉……以後都好難會再幫襯，失望！

假日晚上同兩位朋友相約觀塘食飯，興起打邊爐但人少少，所以就決定黎到呢個扇火鍋食。呢度除左係放題形式，亦有得每人自選一個湯底既細鍋，十分方便。我地分別簡左豚骨鍋、美人豆乳鍋同壽喜燒鍋既湯底，同選擇左$178個款肥牛既set，會配埋雞同豚肉上，其他配菜、醬汁同飲品等就出去自己拎，同普通邊爐放題一樣，不過佢就仲有個咖哩飲同炒飯可供選擇。係湯底選擇上，我個人認為最普通既豚骨鍋味道清清地係最適合自己，而豆乳鍋既豆漿味道有d過重，同食物有些少唔夾。我地今次食得比較健康，主要食左好多生菜、娃娃菜同金菇個類，而我最鐘意就一定係落埋個烏冬一齊食，食完後仲有得自己出去擠雪糕食。其實呢度既食物同飲品選擇都尚算可以，環境理想而且位置便利，所以同三五知己黎食個邊爐都係一個唔錯既選擇。

第一次喺香港獨自到火鍋店食自助放題，位於觀塘apm旁的one Pacific 搭電梯上兩層即到，好方便，本人點了一個$99（未加一）豚肉加牛肉60分鐘放題套餐，湯底有5-6種，我選了壽喜燒湯底，配菜飲品甜品任飲任食，其實，我只吃了兩碟牛肉及一碟豚肉就好飽喇，當然食埋配菜啦，豚肉同埋牛肉都很好好味😋，如果只是想吃配菜多的話，可以點一個$69（未加一）套餐 只限一碟牛或豚肉，配菜飲品甜品任吃㗎😋😋一個人如果口痕，又想擦翻餐的話，下午火鍋放題也是個不錯嘅選擇。

星期五晚第一次去試下呢間，揀左$279 既日本產黑毛和牛，呢個價錢黎既頭二轉牛都真係唔錯，牛舌都好食，上菜超快。但係叫第三碟既時候就要等，但係服務員都好有交帶咁過黎講聲廚房揀緊牛，要過一陣先上到。過一陣就上左一碟同之前上既牛差好遠，食落又乾又硬，就同服務員講叫佢換過碟黎，服務員都好爽快咁話同廚房反影再換過另一碟黎，最後既回覆係我地點既和牛無晒存貨，幫我地轉左去$249 果隻牛。埋單仲講幾句”覺得d 牛點呀？你地食左好少ja wo , 唔食多d 先走？” 咁問可能驚係因為驚我唔happy。令我覺得佢地都好留意客人既感受。幾重視個客~

去年曾經幫襯過，也曾經寫過食評。今天推薦給朋友們，大家十個人浩浩蕩蕩前往...一人一鍋，有多款湯底任揀，枱與枱之間，有足夠空間，感覺舒適...牛肉及豬肉，任點任叫！依然有水凖蔬菜類，選擇很多，冬瓜，南瓜，生菜，甜粟，金菇菜，冬菇，芋頭片，蟲草花，冰豆腐....韓國粉絲...而且，擺放得整齊清潔，令人有好感更有：鷄肉，龍利柳，牛丸，貢丸，魚旦最精彩，日本咖哩汁，配熱辣辣的日本米，或炒飯，咖哩汁，香濃味美，又有口感，好食到狂食兩碗飯飮品陣容也不弱，有多款日式及台式罐裝飲品，又有最新上市的無糖可樂...超好味是甜品，有原味乳酪，美味可口，雖然大家已經食到好full，也忍不住吃上一杯招呼也不錯大家食得開心又扺食，必會再來

好似好耐冇食打邊爐，所以就去咗打邊爐， 朋友就推薦呢間，因為佢話食過質素唔錯，所以就喺呢度食。火鍋湯底都可以有選擇，食物種類包羅萬有， 食火鍋其實嗰啲菜對我嚟講並唔重要，最重要就係有肉，雞肉、豬肉、牛肉 就一定叫， 其他嗰啲牛丸、肉丸又或者啲咩餃子、其他嗰啲嘢對我嚟講並唔重要。呢度啲牛肉同埋豬肉都係好好食，嗰啲牛肉呢都係食得出係有牛肉味嘅，豬肉都唔錯不過就冇牛肉咁好食，雞肉就覺得ok啦普普通通，不停食牛肉，就係我嘅食法。

而家打個邊爐至少都要三位數字..如果想食好少少就分分鐘要二百幾三百蚊😯😯不過位於觀塘嘅呢一間火鍋店就真係超值又抵食如果係午市嘅話最平69蚊就已經包你一碟牛肉跟住配菜仲係任你食限時一個鐘🐢🐢啲配料都幾多有菜有肉有魚蛋啱曬鐘意打邊爐嘅人同時味道都認真唔錯尤其是主打嘅牛， 選用嘅係牛肩肉所以咬起上嚟唔會起邊亦都唔會難嚼，真心唔錯每人埋單都只係79蚊如果想任食牛嘅話亦都只係99蚊加一計番埋都只係一百零蚊咁嘅價錢咁嘅質素認真超值所以係高度推介