我愛慢煮 (普慶坊) (已結業)

今日搵食搵到嚟上環普慶坊呢度 之前朋友極力推介我愛慢煮 今次係第一次食慢主系列 真係好期待呀 因為覺得慢煮食物可以保留鮮味同埋肉汁 仲可以保留住食物嘅營養 一試之下 餐廳果然做得出色餐廳裝飾好特別好有外國田園風格 座位都坐得好舒服 半自助形式 先到櫃檯點餐 自取餐具調味料等 慢煮安格斯西冷牛扒 （S）$138西冷牛扒 一人份嚟講都夠飽 無需order要幾多成熟 但煮得啱啱好 再配埋啲香草黑椒鹽等 提升牛肉味 切開仲係粉嫩色嘅肉 又唔會太生 下次食可以叫M Size法式豬鞍架 $138呢個豬安真係好食 外皮煎得好香脆 肉質一啲都唔韌 仲好香口 好juicy 切開豬鞍時仲有好多肉汁必出嚟 厚肉得嚟都好易切開 必食推介慢煮紅酒梨配意大利雪糕 $38枱已經有陣陣嘅紅酒香味 配埋慢煮紅酒梨 真係吸曬啲精華 十分推介呢個甜品 再配埋意大利雪糕 淡淡嘅奶香 加埋散發紅酒味嘅梨 真係一絕呀澳洲檸檬青檸特飲 $38雙檸特飲 十分清新 檸檬加青檸兩種唔同檸味泰國象啤 $32呢度有好多唔同種類嘅手工啤酒 但朋友都係簡返象啤值得一讚 食物好食之餘仲要免加一 多謝朋友推介

話說好耐冇試過港島遊，難得同朋友們一齊放假，我呢d新界人就試下衝出新界，黎到上環揾好野食! 我愛慢煮位於一條寧靜既街頭上面，令人有放慢腳步既感覺餐廳入面燈光好柔和，座位又闊落，仲播住音樂，好適合談心，將煩惱一掃而空。餐廳廚房仲要係開放式，可以望到廚師煮野食。我地簡一個牛板腱扒，同烤豬仔骨餐。可能天氣太熱，勁想食d fresh既野，再加左一個烤大啡菇粟米沙律沙律先上，大啡菇好juicy, 又有陣炭烤既味道，同沙律菜一齊食好夾!我通常食扒都會食幾條薯條先，呢個薯條係熱辣辣，好香脆，我完全冇理熱氣，ko左所有薯條。牛板腱扒都吾錯，好香牛味，而且扒煎得剛好，肉汁又多，吾韌!烤豬仔骨個汁好夠味，而且夠淋吾會韌，我同朋友好快已經清晒最後坐左差不多兩個鐘，一邊食野，一邊傾計，餐廳既環境同氣氛好舒服，睇黎我呢個新界人都要多d出黎先得啦

我愛慢煮，有兩間分店，店鋪是支持醫護的，所有當然黎幫襯！我怕人多，所有五點半已到來吃飯😂環境舒適。還發現連豬的出現價錢親民，配菜甜品大多是二三十元！美式煙烤豬仔骨，肉質勁軟冧！可以好輕易將肉切出黎，配上醬汁，酸酸甜甜，好開胃！平鐵牛扒，廚師拿捏得剛好，七成熟，牛扒旁伴有肥脂，食落口感更豐富。黑松露蕃薯條，二十八元，cp值很高！新鮮炸起，很難不愛上它😂😂另外，甜品，我較為喜愛焦糖朱古力布朗尼不會很甜滯！

牛排食多了，開始有點要求，加上多人介紹慢煮，就特意來這試一下。店以酒吧風格去佈置，雖然位置不大，但有一些特別的物品已令氣氛提升~不論政見，這方向欣賞，真的很有舉杯的衝動~~~炸薯薯條 $28由於沒有蕃薯的，所以變了薯仔的~~脆而不油~~，條身好像落了薯仔法一併去炸，它雖然不肥大，但還是有口感~有黑松露醬味道更升級~蜜糖香草烤雞鎚四隻 $118除了肥大一點，外觀上還是普通的雞鎚~但咬下去就進了另一個世界~~肉嫩得似入口即溶的程度~就是說，嫩得很軟，雞味不會太濃，能很清楚食得出香草味~非常的推薦~~~US安格斯頂級西冷牛扒 (大) $398有了上面的雞鎚~我對這更大期望~~上碟時，店員會自動幫你切好~~如想自己來要先說啊~~而小弟愛自己切的~~所以有點失落~看了肉面我就非常奇怪，不是慢煮？肉色已是淡灰紅，貼邊的肉都是煮了的灰色~食了，一是字 ── 老了，完全的不嫩，而貼邊的灰色肉就說明了是煎過了時間~~積味和肉汁都缺了很多，所以這扣分得很要緊。希望店家留意一下。最後點了兩款甜點~慢煮白酒菠蘿配意大利雪糕 $38雪糕就不過不失不多說~個人感覺，菠蘿面的是一塊糖~脆脆的~咬下去還是去咬xd自己

食肉獸之福®️©️好少過海，去上環朋友屋企，就叫朋友帶我去食黃店同食好西🤤朋友就推薦呢間<我愛慢煮>餐廳之前好support醫護，醫護幫襯有50% off🎗餐廳主打慢煮食物，雞牛羊豬乜都有呢度除咗主菜外，小食選擇好多，仲要唔係貴，真係有選擇困難症，樣樣都想食炸蕃薯條 $28燒露筍苗 $28芝士忌廉波菜苗 $32芝士溫泉蛋大啡菇 $36大啡菇上面有隻大温泉蛋，好動L，拮穿隻蛋，蛋黃連埋大啡菇一齊食，非常邪惡，但又好好食😋蕃薯條炸得好好，甜甜地，真係會食唔停手主菜我地點左牛扒，豬鞍同雞鎚安格斯頂級西冷牛扒(中) $258法式豬鞍架 $138蜜糖香草烤雞鎚四支 $118可能係slow cook關係，西冷牛扒無得揀幾成熟，出黎有少少血水，個人喜好就鍾意偏生，但有朋友仔就嫌生得滯食唔到😟豬鞍煮得最出色，啖啖肉，而且好juicy，一切肉汁溢滿成個盤💯至於雞鎚望落烤得好靚，但點知一切入面未熟🤨要叫staff揀番入去再煮過雞鎚好大支，所以應該難啲煮熟，再煮過之後都仍然美味，雞肉好滑，配埋蜜糖汁香草係面，非常惹味🍗除咗野食，飲品都好多選擇，仲有好多手工啤酒添🍺

黎開上環 記得朋友推介過「我愛慢煮」就黎幫襯下～ 黎呢間舖頭都要小小腳骨力 因為要行斜路或者樓梯路上黎 不過都好 郁動下再食野更滿足🤭 入到去先有職員幫我地探熱 有做好防疫措施 仲送左兩支搓手液 呢度地方唔算太大 但都叫有兩層 因為行幾級樓梯就係另一個area 雖然係下午茶時間去 但都算full👍🏻 teatime 仲有八折添 我叫嗌左牛板腱扒同烤豬仔骨 兩個都係餐 有薯條 沙律同野飲 啲薯條熱辣辣 食落外脆內軟 又唔會油 好好味！而沙律就正常發揮 但值得一讚係佢嘅芝麻醬落得好充足 啖啖沙律都有味 至於牛扒都好味 好淋身好有牛味 夠juicy 下午茶黎講份量都唔細 而豬仔骨就幾有驚喜 烤到好香 食落都好淋 入味之餘唔會太鹹 餐飲我地嗌左一杯水果茶一支手工啤 水果茶熱情果味好重 飲落唔太甜 好fresh好健康 而手工啤就麥味 不過都算易入口 今次黎到冇雞 所以下次要黎試下啲雞嘅菜式！

同朋友食飯 諗住黃店支持下 可惜極為失望，一般無論味道還是麻麻都好少比差評，除非真係差到不能接受。入到店舖地方位係都比較狹窄，一坐低已被告知餐牌主菜上其中三樣已經賣晒，包括豬鞍，鴨髀 和羊膝。無奈之下四個人淨係叫咗一個豬肋骨同安格斯，外加一份菠菜，一份蘆筍，一份啡菇同一份溫泉蛋。可惜全部品質都非常失望。溫泉蛋上枱嘅時候已經係穿咗，蘆筍全部有渣好老，啡菇除咗菇甜味外咩味都無。個菠菜份量超級少，四個人分每個人嘅食大約10條菜葉左右都冇。。主食上枱更失望，牛排同豬肋骨都一定唔係慢煮，牛扒超鞋 有根，加上調味料落超多 除咗鹹味之外一啲牛味都食唔到。 豬肋骨上枱得3支 兩樣都超細份，豬肋骨個味完全就係李錦記叉燒醬個味 完全冇調過味，啲肉仲要係梅嘅。。。 好失望 食餐m記都無禁嬲。。。。重要零服務

⠀整體食物質素不錯，但店舖位置真心好偏僻，好配合隱世感覺。由山腳行到上山頂純到訓練到大家肺活量，外加使人食量大增。⠀⠀個人覺得裝修風格幾有趣，唔同特式feature 了室內外，大家不妨放假去打個卡。

我愛慢煮一直深得我心，而且環境裝飾有特色，食物選擇雖然只有一頁紙但樣樣都好味，價錢仲相當合理又唔使加一，所以時不時都會行去西環幫襯下上次試完一直念念不忘既大啡茹（$36），切開流心蛋，蛋醬同芝士融入大啡菇中令人份外滿足 燒露荀苗($28)好食但冇話特別出色，統綷鐘意食露荀先叫 芝士忌廉菠菜苗（$32）上次食完一試難忘，從來冇諗過咁煮係咁好食，平時食得多芝士同忌廉一定覺得好膩，但如果配菠菜就唔會，所以今次必叫 朋友試完係咁讚既牛油蝦仁串（$36）又有牛油香味又有蝦仁鮮味 今次仲特登試埋芝士車厘茄，酸酸甜甜既車厘茄配上熱溶芝士，組合新奇又惹味，不妨一試法式豬鞍架（$138）其實今次係想試雞䭔／羊後膝可惜下午2點幾已經賣哂所以我就冇叫主食，同朋友share呢個豬鞍，朋友話唔錯不過我唔特別中意食豬所以麻麻 

老公喜歡食肉，是食肉獸，豬肉牛肉都鍾意，所以帶他到我愛慢煮，用慢煮方法料理嘅肉類，特別嫩滑😋😋😋✨荔枝接骨木花特飲 38元味道十分清新的特飲，荔枝味濃，還食到大大粒的荔枝。✨us 安格斯頂級西冷牛扒 138元 （細）肉味濃郁，保持微微的粉紅色，生熟程度剛剛好，肉質好嫩滑。✨炸蕃薯條 28元 這是必嗌嘅菜式，蕃薯條比普通薯條更香甜，所以特定嗌了兩份😋✨慢煮白酒菠蘿伴意大利雪糕 38元很清新的甜品選擇，菠蘿用白酒煮過，酒香四溢。面頭還燒過，有焦糖脆脆，伴雪糕吃一流。 平衡吃完肉類嘅膩。餐廳在普慶坊都有分店，就在新店不遠處，下次可以試埋💯。

炸蕃薯條，蕃薯條炸得好香脆，甜甜的蕃薯條配上黑松露醬，香味更加提升。大啡菇上佈上一層厚厚的芝士，焗到黃金色，色澤好靚。一切開大啡菇，內餡的溫泉蛋汁便湧出來，芝士和蛋汁的配合，令到大啡菇完全冇青味，三者的層次分別，色香味俱全。真空慢煮的西冷牛扒，肉質呈粉嫩色。唔會有好多筋位，百多元的牛扒來說性價比是很高。豬仔骨的醬汁濃郁，肉質軟腍，肉骨能輕易分離。慢煮紅酒梨配意大利雪糕慢煮的梨將紅酒的香味吸收曬，咬下去好多汁。有微熱的紅酒梨配上冰冷的意大利雪糕，夏日中的一大享受。

一覺睡到中午，出來吃個下午茶☕️特別喜歡普慶坊，很有居家的感覺，走到這裡生活瞬間慢了下來，有小小歐洲的感覺，而且今天天氣特別晴朗☀️整個人也心情舒暢！只要自己內心保持開心🥳就有力量面對每一天的挑戰！.安格斯頂級平鐵牛扒$118肉質鮮嫩多汁，牛扒牛扒的精華在慢煮的調味下面，大放光彩！份量剛剛好，補充蛋白質和能量！芝士溫泉蛋大啡菇$36蘑菇的清甜配上溫泉蛋的濃郁口感，成為了我的必點菜色！六十三度溫泉蛋🥚$8慢煮白酒🍶菠蘿🍍陪義大利🇮🇹雪糕🍦$36菠蘿🍍清爽可口，配上雪糕，瞬間心情就變好，充滿了能量！

這個地方挺適合跟三五好友或兩個人慢慢一邊吃一邊聊天，因為餐廳的周圍都沒有密集的人和建築物，而且餐廳內的燈光裝潢令人坐下有種舒服的感覺。在餐廳安頓好後，侍應很貼心地送上自製的酒精搓手液給我，香港人在這次疫情中真的互相守望，餐廳亦有為醫護提供用餐優惠👍🏻今晚我們的餐單製豐富，首先有48小時慢煮羊後膝，上桌已經聞到一陣很濃郁的香味，羊膝的表面呈金黃色，只是看上去都很有食慾，羊膝入口沒有騷味，外皮脆脆的，內裡肉質嫩，很不錯！另外一樣就是安格斯西冷牛排，雖然是全熟牛排，但是卻有肉汁，質感也不會很難咬，最好的地方是牛排的肉肥瘦比例剛好，在口中越咬越有香味。除了食肉，當然也要食蔬菜，芝士溫泉蛋大啡菇，見到大啡菇就已經相當吸引，因為有一個大大的溫泉蛋在上面，溫泉蛋的熟度剛剛好，流心配上芝士和大啡菇的味道很有驚喜，又不會很膩。芝士忌廉菠菜苗，芝士經過焗後有一層脆脆的口感，菠菜苗新鮮翠綠，中和食肉後的感覺十分好。一杯比利時白啤酒是陪伴我們吃這一餐的朋友，白啤酒有濃郁的橙皮和小麥的香味，沒有一般啤酒的苦味，我很喜歡飲。謝謝侍應熱情的招待，在疫情下加油！

服務態度超差明明無打比我confirm booking 又屈我無聽電話唔比入 之後證明無miss 佢call 又唔講唔好意思 只係話無辦法無位 真係企左係到 叫我轉頭返黎睇下有冇位如果唔係附近乜都無 我先唔會轉頭返黎由食完到走一直有三張空枱 我明白啲訂左枱既客人可能隨時黎 但我認為大部份食客都唔會食足90分鐘我覺得你用正常態度叫我食快啲交枱我無問題食物黎講 油封鴨髀係好食 但咁既態度已經食到好唔高興你唔收加一姐 咁都唔洗毫無尊重食客嫁？咁多黃店唔需要再幫襯佢 唔係老馮幫襯嫁食到一肚氣 講完

今日去上環探朋友，普樂坊係一個中西文化融合嘅地方，有很多外國人居住，亦有不少本地美食。朋友帶路去食慢煮西餐 ！餐廳裝修型格有情調，門口有龍虎壁畫，內裏有中式義薄雲天字牌，大玩本土文化特色。 食物主打慢煮西餐，全場免收加一，又幾經濟實惠！ 安格斯頂級西冷牛扒 (中)低溫慢煮，牛扒不會變形，保持原汁原味，再煎香外層，肉香撲鼻。西冷帶少許脂肪，油脂甘香，肉質鮮甜嫩滑多汁！炸蕃薯條即叫即炸，熱辣辣香脆可口，內裏鬆化煙韌，有天然番薯甜味，配沙律醬突出香脆質感！草莓窩夫配雪糕擺盤賣相精緻，打卡必食甜品。窩夫即叫即做，外層鬆脆，內裏軟熟有蛋味，伴上雲呢拿雪糕和新鮮草莓、藍莓一齊食，酸甜滋味，滿足口感！荔枝接骨木花特飲、西柚青檸特飲除咗賣相吸引，呢度嘅特飲令我十分驚喜 ！荔枝果味香甜。西柚拼青檸配搭恰當，甜度適中，清新冰爽怡人！抗疫期間，每枱顧客奉送兩支自家製酒精潔手液，十分貼心！