戀上台式料理 (已結業)

將軍澳海邊最近多咗好多特色餐廳！ 住喺附近真係幾開心，好似呢間：＜戀上台式料理＞， 就正正係去邊隔離，食物價錢大眾化，環境好舒服。主要食台式菜， 仲有烤肉食。今次約埋好朋友一齊食晚餐。 呢度點餐全部都係用QR code之後手機下單的， 可以清清楚楚見到自己叫咩嘢食同埋幾多錢。佢地嘅烤肉叫爐端燒，如果坐室外會用鐵網+火，我地坐室內就用呢部無油煙的機，第一次用呢款烤食物，覺得幾好喎，無乜油煙，唔會食完成身一陣味，而且烤肉時冇乜痴底，燒出來靚仔！我地分別叫左A4西冷、牛舌、日本和牛、美國特版牛小排～我哋另外有加購：翠玉瓜、粟米、菠蘿全部肉類我都覺得好好味，有肉汁和香濃肉味，燒烤出嚟又特別香口。不過略嫌份量比較少，四個人食每人每樣食物都係食一至兩塊。不過因為好好味，所以就係貴精不貴多吧！我哋另外叫咗台式食物有：台式香腸： 有紅色同埋黑色， 紅色有啲蒜香，我鍾意食紅色， 兩款香腸都外皮香脆脆， 係滋味小食鹽酥炸雞粒 鍾意香口小食必點，送走應該好正！淡淡雞肉～黑松露花枝丸 黑松露味唔算好香，，不過花枝丸好好味，好Q彈，仲會食到粒粒墨魚肉。滷肉飯（配三個前菜） 滷肉飯每一粒珍珠米都充滿滷肉油香，好好

將軍澳海濱長廊開得一間既餐廳。環境絕對優勢餐廳對出就係海，海風輕輕吹過；目睹藍天白雲 ，真令人悅目賞心！配上咁好嘅環境，估唔到食物價格唔高 ，水準又ok 。 ｜⭐Lunch Set 1100-1500 下午套餐$68（前菜+主菜+滷肉飯/刀削麵/陽春面+飲品）+（小食+$10） ｜🔻法式煎焗鹹豬手：鹹豬手烤得外皮香脆 肉質如果再嫩滑d更佳，再配上黃芥辣醬 十分惹味 （正） ｜🔻 戀上三杯雞： 香噴噴的三杯雞，食落有酒香加上香草材料的雞肉,正 ⭐間餐廳必點燒肉呀！ ｜🔻美國特板牛小排： 親手烤牛小排好過癮 牛排烤得好香加上烤汁 食落一d都唔油膩 ｜🔻牛舌：本身有少許鹽加黑椒既牛舌輕輕烤熟佢，食落去好野味，肉質一d都唔韌 （正）

有一個秘密冇同大家講過，就係我以前喺台灣留咗一個月咁耐。係個一個月入面，我有機會住喺台灣嘅寄宿家庭或暫朋友屋企，又去咗三四個唔同嘅區域，所以對於台灣菜嘅認識都唔淺，正宗嘅台灣菜喺香港亦都唔難搵到。不過正正就係因為我嘅要求高，今晚我終於搵到一間都約唔錯嘅台灣菜餐廳。喺唐俊街嘅翩匯坊地下有間【戀上台式料理】，其實就係喺將軍澳海旁嘅旁邊，餐廳設有室內和室外用餐空間，而且呢間都係寵物友善餐廳，歡迎主人帶同毛孩子一起來吃飯。場內更設有多項免費寵物友善設施，包括寵物零食、除臭消毒用品、飲水器等等，無論貓咪還是小狗都一概歡迎！BTW現在微涼的天氣，與朋友坐在室內開揚嘅位置，因為在外的露天雅座都滿了，可能吹住海風食飯、傾吓偈，都約舒服。內外都以木調為主，成個感覺都能放鬆一下，蠻寫意的。仲有一個閱讀嘅片書櫃，文青味又重左了。食物款式蠻多，除了台式飲料和台式料理，也有台式爐端燒，如招牌手工滷肉飯配溏心蛋、鹹酥大大雞扒、士林鹽酥雞等。為食的我們點了一飯一麵一拼盤一飲品，Share食！餐牌好Colourful，見到都想快D食落肚。呢度都係要客人以手機落ORDER，又嚟慢慢揀啦。先到來嘅係🌟口水雞三小拼盤 $6

將軍澳海旁唔止係放狗一流嘅地方，而且海旁側邊都有好多餐廳🍴環境夠曬chill呢日放工來到其中一間台灣餐廳食台式爐端燒🔥呢排天氣轉涼食燒肉啱曬🤓😝-韓燒成日食，台式嘅燒肉就真係第一次食🇹🇼估唔到d肉又幾高汁wor🤩主要有牛同豬肉，我地試左：美國極黑毛豬梅花腩 🐷爐端燒美國特板牛小排 🐂爐端燒牛舌爐端燒牛腱胛爐端燒牛胸健每款肉都好好味，特別係牛小排，就算有時燒耐左都唔會硬，可能係因為油脂分佈均勻嘅關係，牛舌質感一d都唔會韌得濟，而且有時某d肉會有半價優惠tim啊！💞😍另外加$28仲有脆肉瓜/菠蘿/冬菇/粟米🌽揀，平時食串燒我一定會叫燒菠蘿🍍，依家有得親手燒真係別有一番風味，熱辣辣食落去爆多汁而且好甜，一定要試下🤩

一家三口黎到，望到海環境好舒適。入到食店，見到有一大個書架，好有台灣風格喔！竟然呢度有爐端燒，望下個價錢仲有特價優惠！我地order 左日本和牛 ，熊本西冷 ，美國牛板腱，牛肉薄切，放上爐燒好快就食得！牛肉入口即溶，牛味濃郁，而且燒到全熟都唔韌，唔洗加任何調味料都已經好好食！正！另外，仲叫左台式紅燒牛肉麵同芝麻雞翼，牛肉麵我揀左刀削麵，湯底一流，味濃，刀削麵條剛剛好，唔會太粗！芝麻雞翼發脆又香。甜品方面，我叫左戀戀窩夫配雞翼雪糕，實在覺得太美味，成件事太幸福喇！仲有草莓沙冰同波蘿四季春，沙冰係超重草苺味，仲見到細細粒草苺碎，正！波蘿四季春，波蘿配以荼，感覺好清新啊！整體環境舒服！

平日放左工有時都唔想再周圍走去搵食，今次懶懶地喺附近食就算啦！經過呢個餐廳見佢環境幾舒服，望出去仲有個少少嘅河畔美環欣賞下，就決定去呢間試下！.黑松露墨魚丸黑松露味不太重，墨魚丸炸完有少少脆口。.士林鹽酥雞炸得幾金黃，咬落去都幾蘇脆，但如果再少多少少炸粉就更好啦！.台式川辣牛肉刀削麵呢個幾好味😋！牛肉份量一啲都唔少，有牛腩同牛展，刀削麵煮得啱啱好彈牙，個湯底好特別紅燒牛肉湯底再加麻麻辣辣咁，愈食愈開胃🤣.芋圓鮮草豆腐花材料十足，有仙草、紅豆、珍珠、豆腐花、士多啤梨🍓，食落滿足哂你幾個口感！

今日黃氏力牆同屋企人，去到將軍澳海濱長廊行下，行行下點知經過呢間台式料理，就被門口招牌吸引住入去試下。（呢度好易搵到。）老婆同我都鍾意飲湯，所以我哋都決定咗揀呢個蟲草花南北杏燉唐排，貪燉湯可以試下佢哋嘅湯，係咪真係咁真材實料。的而且確湯非常足料，真係物超所值。淡淡精華，完全值得推介，真係每日都去飲都唔過份。另外，我哋都order咗呢個台灣紅燒牛肉麵，牛肉非常之入味，值得返食。另外，叫左個士多啤梨生炒骨，一來可以開胃，同時可以睇下師傅手工，因為唔係間間都做得好食，整體不過不失，唯獨炸粉略多 如果改善一下，就非常好。台灣嘢，當然必要叫鹵水牛三寶，所以我哋都一定要嗌，三寶，指牛筋牛肚牛展三種，味滷得非常之好，如果有杯啤酒喺隔離，就更加好，呢度必叫之選！！牛肉拼盤，亦係好多網友推介，咁嘅價錢有咁嘅份量，大家真係要試下，唔信嘅可以睇下我d相睇下咩質素。美國特選牛小排，同樣美味。牛肉拼盤！塊塊都係靚肉，唔好錯過。

放工後想遠離繁囂，海邊吹吹風，不一定要去好遠嘅，近將軍澳海旁呢間台式餐廳就可以食飯之餘，又吹吹海風輕鬆吓。餐廳係以手機QR code落單，十分簡便。點了一份燒和牛，牛肉和脂肪比例平均，與雪花一般，燒一陣就食得，甘香而不膩。燒牛舌，肉質軟腍，灑上黑椒碎令肉味更突出。還有燒菠蘿，新鮮菠蘿香甜又多汁。同小食拼盤配啤酒套餐，有台式香腸、鹽酥雞、甜不辣，連兩杯Hoegaarden，先係$178真係好抵，用來配啤酒🍻最適合不過。如果想睇下書，餐廳又設有飄書櫃，慢慢食下野，睇吓書都幾Relax㗎！

打算同小朋友到位於將軍澳翩匯坊新開的冒險樂園，所以呢日就黎到呢度搵食。第一次黎呢個商場，因為新開，所以好多舖頭仲未開，餐廳就主要集中喺海邊，最後就揀左戀上台式料理。餐廳位於海濱長廊旁邊，可以選擇室外位置，望住個咁靚海嘆午餐真係好悠閒！雖然有海景，但價錢一啲都唔貴，set lunch $62起包飲品，可以追加小食，平日更免收加一。朋友點了鹵水併盤套餐，可以選擇跟白飯丶魯肉或麵條。套餐份量很大，裡面有牛展丶牛腩同雞翼，鹵水好香唔會得個咸字，左飯一流。我就點了特色手工餃麵，餃子隻隻都好肥美，餡料十足，皮又唔會太厚，而刀削麵亦夠爽口彈牙。飲品方面，全部都大大杯，菠蘿橙梳打裡面有件件菠蘿，邊飲邊望海直係好寫意呀！睇menu見到佢地既甜品都好吸引，可惜要下午茶及晚市先提供，下次要再黎試吓先得！

有無人平時想食台灣菜又略嫌有點單調？如果加埋台式爐端燒或者可以滿足你的胃口，有次去海旁散步，發現戀上台式料理有得食爐端燒，感覺幾有新鮮感。台式爐端燒真係第一次食，肉的種類亦不少，有牛舌、牛小排、和牛、牛肩、豬腩肉等，另外有精選牛肉拼盤同海鮮拼盤，幾個人share叫呢個就好抵食喇！我地揀左牛舌同美國特板牛小排，另外叫多幾樣台灣菜式人氣芝麻雞翼、戀上三杯雞、香酥排骨飯，全部都係肉。必叫美國特板牛小排，色澤靚不用多說，口感鮮美嫩滑，入口油香滿溢，肉味濃郁，一啖肉一啖飯好滋味。牛舌薄薄一片，肉質柔軟多汁，輕輕燒一燒即刻食得，直接食或者加燒汁都好好味。兩款同樣高質，如果唔係叫左其他食物，我會想再試更多牛的部位。人氣芝麻雞翼出乎意料地出色，雞皮香脆薄身，熱辣辣放入口，肉質飽滿多汁，好食到一隻接住一隻食。三杯雞係我其中一樣最喜愛的台菜之一，呢度的戀上三杯雞軟滑細嫩，啖啖肉極少骨，醬汁惹味香醇帶一點點甜，送飯一流。食到呢個時候已經飽至九成，仲有個香酥排骨飯配三小碟前菜，青瓜、枝豆、花生。排骨炸得酥脆，再多d肉汁會更正，食埋酸甜爽口的青瓜正好解一解油膩感。

將軍澳海旁開左好多餐廳， 戀上台式料理就係其中一間！估唔到佢既爐端燒都幾好；牛肉種類比較多，當日叫咗個牛肉拼盤，有齊牛舌、牛版腱、牛小排等唔同既部份，所以都幾抵食，而且質素都非常唔錯！同埋佢每一日都會有兩款肉做半價優惠，我當日去嗰日係星期一，呢個係A4宮崎西冷只係$64真係好震撼，睇佢啲油脂分佈就知唔係hea你啦！除此之外，我地都叫左排骨麵，排骨好大件炸得脆身而且熱辣辣，刀削麵煮得軟硬適中，都好唔錯的。仲有佢有outdoor，所以可以帶埋狗仔一齊去，都幾chill嫁！

星期六八點幾都有十幾人排隊，不過等一陣已有位，本身幾期待，食完結論係：唔會再黎，呢個價錢同區大把選擇。2個人叫左：*辣牛肉麵- 普通，湯底唔夠濃，牛肉唔夠冧同入味，附送嗰三小碟份量少到⋯⋯⋯⋯*魯肉飯- 算最好食，但細細碗已$50*滷水三併- 豬耳唔入味仲附送發寶膠粒，雞翼同蛋正常*蠔餅-完全唔掂！無味！一pat 嘢咁！蠔唔新鮮，後悔，希望唔好肚痛*珍奶- 都係無味⋯⋯⋯ 成$30 杯完全想叫回水*燉湯- 普通，偏苦，一舊肉/骨都無最後加埋一食左$350完全唔值

如果唔係狗狗🐶，我地一家四口都唔會咁山長水遠由沙田過將軍澳食飯。我地叫左牛肉麵、魯肉飯、燒肉拼盤、兩杯野飲，總共$572（連加一服務費）。首先，個牛肉麵我老公話湯底好淡，份量非常之少，麵條好普通，我都幾肯定我屋企自己煮嘅都好食過佢。個滷肉飯勉強可以接受，同樣地份量都係非常之少，而且食嘅時候只係微暖，講唔上熱辣辣。個燒肉拼盤我記得就$288但係你都唔好期望份量有幾多，你食緊嘅牛就好似出邊任食打邊爐嗰啲牛博切切攤左係度，你食完都唔知食咗啲乜嘢落肚，我哋仲要已經嗌多兩碗白飯，但係食完都係得六七成飽，真係越打越興。所以奉勸大家唔使山長水遠咁樣入去將軍澳食嘢，真係慳返啲錢好過。我出去食大排檔都冇咁嬲而，佢全部都係自助形式。老實講我哋有隻狗同埋有個小朋友，行嚟行去拎野其實真係好唔方便，乜都要自己拎實在太離譜仲要收服務費，餐具自己拎，所有嘢食都要出去自己拎，嘢飲都係自己拎，連我哋燒牛嗰個爐都係自己拎，你話佢哋憑咩收我哋+1服務費？

［將軍澳餐廳🍴推介］平時都冇為意海皮個間原來開左好多餐廳了呢個台灣料理店唔止得傳統的台灣菜仲有好抵食的燒肉拼盤 真係不得不試！咁大盤的牛肉拼盤包括：牛舌、牛肩、牛小排同牛胸腹 先$258海鮮🦞拼盤都係$258包括扇貝、鮑魚、海虎蝦同大海蜆真係吃到lam lam脷我覺得法式煎焗咸豬手其實都幾好食😋表面烤到趣卜卜肉質又唔會乾手同過咸👍🏻我媽都食唔停口😂最後叫左蚵仔煎同魯肉飯俾兩老試下希望下次可以帶佢地去旅行🧳再食過啦(≧▽≦)叫左兩個湯俾老人家飲Ps. 店外有露天位，若果燒肉的話可以坐近海邊就唔怕油煙啦(⁎⁍̴̛ᴗ⁍̴̛⁎)

試過下午茶 亦試過晚市 下午茶叫既三色腸仔刀削麵配小食 冬瓜茶 首先主菜有些少失望 番茄湯底 冇咩番茄味 前菜真係有夠難食⋯ 小食 盬酥雞係最好味 炸得岩岩好 而飲品冬瓜茶就好飲既 夠曬濃 會偏甜少少。 而晚市 麻辣燥刀削麵就麻得泥好正 夠味 份量岩岩好 另外三杯雞好似倒左成支豉油咁就真係唔多掂 太咸 ，蚵仔煎就落得太多芡水既感覺 太過jer 一舊嘢咁，士多啤梨糖醋排骨就一般 不過不失 可以接受，cocktail 調得有點差，台灣珍珠奶茶就很好。整體食物一般 飲品就很不錯，主要真係食個境 有個地方吹下風傾計食嘢 不過就算你唔食燒烤 都會吹到你食身臭曬。 另外坐出面要自助式 不停行去bar台拎嘢既設計可以改善下 叫四樣嘢兩杯飲品 就要行出行入六七次 雖然距離唔遠 但其實員工都唔差個幾步😂 員工態度不錯 都有禮貌的