戀上台式料理 (已結業)

戀上台式料理，這間餐廳名字改得很好，很浪漫 ！環境就位於將軍澳海濱長廊旁邊，一望無際的海景，配合充滿台式文青風格，身置其中，還未用餐，已是一種享受！今天沒有食爐端燒，叫了川辣紅燒牛肉麵，湯底不會太辣，沒有搶去牛肉味，配合得啱啱好，恰到好處，牛肉沒有炆得太𣺉，又不會太靭，非常好食 !川味辣子雞丁，喜歡食辣嘢的朋友，一定要試吓 👍鹽酥雞，外面炸得鬆脆，內裏充滿肉汁！和風貓耳朵，戀上三涼拌，健康又有益 ！黑糖珍珠奶茶，茶味濃郁，珍珠煙煙靭靭，很正宗 😄

今日去將軍澳做嘢，經朋友介紹下，去咗"戀上台式料理"食early dinner，可能時間比較早關係仲有下午茶，下午茶餐叫咗鹵肉飯配溏心蛋、鹽酥雞扒麵、台式鹵水拼盤，飲品叫咗桂圓紅棗茶、古早冬瓜茶、同埋菠蘿四季春。滷肉飯好有傳統台灣風味，糖心蛋亦都 一咬落去蛋漿好流心，鹽酥雞扒好香脆點埋千島醬食一流，麵嘅湯底就飲得出餚咗好耐，湯入面嘅紅蘿蔔白蘿蔔索曬啲精華好好味，鹵水拼盤就有豬耳、鹵水雞翼、同埋滷水豆腐，三樣都係以台灣傳統滷水方法煮，一啲都唔鹹，三杯飲品都各有特色，如果鍾意花茶嘅朋友一定要嚟試。另外小食我哋叫咗芝麻雞翼同埋蚵仔煎，芝麻雞翼絕對係招牌菜之一，一咬落去超脆熱辣辣同埋表面超多芝麻，而蚵仔煎入面超多蠔仔，基本上每一啖都有一至兩隻，絕對係誠意之作。最後到主角出場-台式燒肉，亦都係我哋嚟呢度食嘅原因，我哋點咗爐端燒牛肉拼盤，入面有牛舌、牛肩胛、牛小排、同埋牛胸腹，先講牛舌，真係估唔到係咁好味，每一塊都大少一樣，燒熟咗之後點埋嗰個特製嘅醬汁，絕對係絕配！相信亦都係必食之選，牛肩胛、牛小排、牛胸腹都各有唔同嘅特質，有啲比較濃牛味，有啲就比較有咬口，但用爐端燒燒， 每塊都燒得好平均，唔會燶

🌈今日又黎到將軍澳海傍嘆番個lunch💕由於住得近🏡我都經常會黎＜戀上台式料理＞ 食飯🇹🇼 除咗嘢食好食😋比起屈係商場入面食嘢我更中意親親大自然🌱🌿每次中午去到太陽直射入黎餐廳☀️🌤個view真係好靚❣️所以建議大家around 12:30-1:00嚟🥰我哋今次嗌左兩個lunch set、一個小食同爐端燒🥩🔥口水雞配白飯 $68有雞髀雞胸 同樣滑嫩🐔唔會太辣 可以放心食🌶配飲品：黑糖珍珠鮮奶 （+$15）叫左走冰少甜🍼甜度啱啱好👍🏻珍珠唔太硬／軟👏🏻仲好大杯添👅戀上三杯雞配肉燥飯 $68用咗九層塔煮🐔🌿所以特別香👃🏻肉燥飯亦都夠撈飯😋Lunch set 包埋前菜同飲品 幾抵食🤣另外我哋亦嗌左芝麻雞翼$48 有四件😍炸得香脆 裡面啲肉又爆汁😝必食推介❣️另外 嗌左爐端燒牛舌👅同日式和牛🐂牛舌有成八片！只係 $68 唔會韌 好抵食👏🏻🤩日式和牛 $168食落塊肉好juicy好正😋點埋佢附送嘅燒肉汁🥩真係好味到不得了😭💕不過得幾片要爭住食😝

朋友係將軍澳住，而佢就知道呢度有間台式料理餐廳，但係又有得烤肉，或者食台式菜，如果唔係朋友約你呢間度食，我都唔知呢度會有餐廳之餘，氣氛環境亦都好好，因為有室內之餘，亦都有半露天形式，冬天嚟嘅話好有feel，到達之後都見到店舖好多客人，所以我哋要等一陣，入到去之後環境真係好好，好舒服，因為我哋等緊嘅時候望到其他客人食緊嘅烤肉好吸引，所以我哋就決定咗叫烤肉黎食，因為望到個價錢都係好吸引，佢哋嘅牛肩胛都只係$39 ，因為而家做緊半價優惠，而其他牛肉，都好抵好抵，尤其是海鮮拼盤超級抵，$230已經可以有兩隻大虎蝦，兩隻大扇貝，兩隻大鮑魚，六隻大蜆，而海鮮亦都好新鮮，鮮甜到不得了，可能因為價錢平嘅關係好多客人都order，所以店舖入貨比較密，所以海鮮較為新鮮，其他牛肉入口即溶，油脂分布都好平均，超級美味，不過份量就比較少，但價錢來講都算差唔多，其實呢個環境呢個氣氛，啲嘢食嘅份量，同埋價錢都好適合兩個人來撐枱腳，去到最後因為食得太多烤肉嘅關係，所以想試吓其他菜式，我就叫咗個麻辣牛筋腩台式刀削麵，嚟到之後聞到好香麻辣味，但係湯底略嫌淡左少少，但係牛筋腩好林，口感好好，另外佢哋仲有好多款唔同嘅菜式俾你

將軍澳真係一個幾好地方，空氣又好，又多野食，就係咁，今日同媽子去行下海濱，既然係海濱發現到幾間食肆，環境舒適不在話下，又有室內同室外座位揀，真係可以講與世隔絕，香港如果可以多d依d地方就好，唔駛下下出西貢。全世界都行緊自助點餐，幾好，減少落錯單既機會，同可以隨時隨地點餐。仲有D本土製作既野。食台灣菜點少得肉燥飯，唔會太肥膩，同埋肉燥份量都好多，唔會話食到一半剩番白飯，而且仲有3款前菜跟餐。燉湯真係好夠火喉，好足料。紅燒牛肉麵 : 合湯好濃好好飲，冇味精，牛肉炆到好淋入晒味，刀削麵非常彈牙。話梅凍豬手 : 好Q好彈牙。蚵仔蒸 : 同台灣食既一樣味道。士林鹽酥雞 : 份量超大，2個人都食唔晒。奶蓋四季春 : 超級大杯，奶蓋幾寸厚，好香好滑。

所謂台灣美食蚵仔煎都唔識煮飯。仲衰過喺屋企炒蛋。完全冇心機煮。請我都唔會食。坐出邊又要自己攞嘢食但係又要收+1服務費，除咗用搵自己笨你形容我都唔知可以講咩。唔會再食囉

住在將軍澳的友人這日帶了儍媽去將軍澳海旁餐廳食午飯 餐廳設有室內和室外用餐空間現在微涼的天氣 與朋友坐在室外的露天雅座吹住海風食飯、傾吓偈，放鬆一下蠻寫意 食物款式蠻多 ... 除了台式飲料和台式料理，也有台式爐端燒 為食的我們點了一客午市定套餐再單點燒牛舌和西冷一起分享點了份 HK$68 的午市定食套餐 .... 包自選前菜 + 自選主菜 + 飲品 自選前菜 ... 和風貓耳朵台式料理無理由唔食鹽酥雞，就以優惠價 +HK$10 配了一客鹽酥雞 追加的小食亦可以揀鹵水雞翼、鹵豆腐或者黑松露黃金花枝丸我們兩個肉食獸自選主菜揀了客 ... 法式煎焗咸豬手半隻配魯肉飯豬手外皮脆卜卜，肉質咸香軟腍又不油膩，配上法式芥末醬一起食更美味台式爐端燒有肉類和海鮮，兩個牛魔王點了兩款牛 ...宮崎西冷 HK$64 日本宮崎出產的和牛西冷，牛肉呈嫩紅色，油脂豐富分佈平均 肉味濃郁，入口油香滿溢，輕咬即化 牛舌 HK$68 +HK$28 追加一客烤菠蘿 薄切的牛舌輕輕單面烤一陣就可以入口，肉質柔軟多汁將菠蘿放在烤爐上烤至表面微焦就食得囉 !!!食完烤肉，食番件酸甜多汁的烤菠蘿有助消化和解膩喔 !!

天氣忽冷忽熱，係海邊吹過陣陣寒風，見到呢間餐廳有燒肉，二話不說就入咗嚟入嚟見到十分文青風嘅室內設計，木枱配有滿滿嘅書櫃，仲有好多綠色植物嘅點綴店面好大，有種去咗台灣嘅感覺有少少口渴，叫咗支冷泡茶，溫和嘅綠茶帶有茉莉花香，飲落好舒服，順喉自家製嘅茶，加上呢個景，真係好靚，即刻影返張呃like相，扮吓偽文青先上嘅係主食，鹽酥雞排魯肉飯(嚟食台灣菜點可以冇炸雞)雪白嫩滑嘅雞腿肉加上酥脆嘅外皮，配搭千島醬，十分香口美味魯肉飯亦有應有嘅水準，汁同飯嘅比例剛好，唔會太乾/太濕，十分滿意黃金花枝丸炸得外脆，外皮有咬口，入面更係有爽口彈牙嘅魷魚肉上面嘅黑松露醬有畫龍點睛之效，濃郁芬香如果唔太喜歡smoky嘅黑松露，店家亦預備咗泰式辣醬，十分體貼作為牛魔王，叫兩大碟牛不失為過呀！週一至週五，平日叫仲有8折每碟我哋都加咗蔬菜，有粟米同翠玉瓜美國特板牛小排好靚，雪花油脂均勻，燒起上嚟更有搶火嘅效果牛肉拼盤可以一次過滿足晒4個願望：有牛舌，牛肩，牛小排同牛胸腹牛舌薄切，燒兩燒已經熟咗，入口爽脆彈牙牛肩都有好濃郁嘅牛味，肉質鮮嫩，口感豐富，好快成盆肉俾我哋一班食肉獸清得7788呢度感覺好chill，唔單止中秋要

一直對將軍澳的印象都停留在美食沙漠，只因新市鎮大多只有連鎖餐廳，欠缺特色，但今次發掘到間高質台式餐廳，令我對將軍澳大大改觀。餐廳位於將軍澳海濱附近，景色優美，適逢平日午飯時間都幾乎滿座，足見其受歡迎程度。鹽酥大大雞扒套餐 +台式滷豆腐 （$93）份量十足！一個餐兩個人分來開絕對夠飽，鹽酥雞排炸得鬆酥而不油膩，肉汁鮮嫩，配以醃得入味的台式滷豆腐和青瓜前菜，我和朋友都食得相當滋味！水準頗高。奶蓋紅茶 （+$15）午餐可加配台式飲品，價錢相宜，十分大杯！奶蓋十分厚實，很是邪惡日本和牛（$165）+ 美國特板牛小排 （$38）另外餐廳亦有供應爐端燒，一場來到，當然要試試。日本和牛佈滿雪花紋理，燒後油脂滿口，十分滿足。另外亦叫了一份特價牛小排，十分經濟，肉質食落鮮嫩，高質！松茸燉雞湯（$28）最後點了一客雞湯，飲落十分夠火喉，不是味精湯，十分滋潤

將軍澳除左係一個放狗好地方🐶, 海濱長廊附近都有好多野食😋, 邊望住個海邊chill住食野其實都係一個不錯嘅選擇😊, 而今次就揀左一間食台式料理嘅餐廳（仲可以帶埋自己嘅小寵物嫁🐶🙈）! 餐廳地方幾大, 有室內同室外可以揀, 不過由於今日天氣有d凍🥶, 所以小妹都係揀左坐入面😅!出面可以Shisha chill下, 而入面燈光柔和, 感覺舒服! 餐廳係用電話📱落單的, 非常方便, 落左單就可以等食, 而上菜速度都幾快!🤗😆玫瑰荔枝梳打🌹🍹梳打顏色好夢幻😍, 荔枝味幾重, 仲有荔枝果肉, 上面有一片片嘅玫瑰花瓣, 味道唔錯!☺️松茸杞子燉雞🥣燉湯好香而且超級熱, 味道清甜湯味濃郁, 幾好飲! 即使攤左一段時間再飲都仲係好熱!😋👍🏻👍🏻小碗手工魯肉飯配溏心蛋🍚🥚細細粒嘅半肥瘦五花腩加入左台灣嘅紅米酒炒足一個鐘, 鑊氣十足, 味道剛好而且不膩, 加埋醃漬小黃瓜同溏心蛋, 令口感層次昇華😋前菜三小碟有花生, 木耳同枝豆, 味道正常, 不過不失黑松露黃金花枝丸🦑剛剛炸起嘅花枝丸非常香, 色澤金黃, 咬落去非常彈牙, 入面仲有一粒粒嘅墨魚令口感更好, 再加埋少少黑松露作點綴, 令味道更有層次, 極度推

嚟食臺灣嘢，估唔到有爐端燒，正一開始叫咗個煎餃小食醫下肚，6隻煎餃包得好靚，外表煎得金黃香脆，入面嘅菜肉餡夠juicy最正嘅係上面嘅香菜，夾埋一齊食好香濃海鮮拼盤嚟到，好巨型，有用錫紙包住嘅花甲，大虎蝦，扇貝，仲有鮑魚，仲有舊伴碟嘅冬菇，見到都令人流哂口水店員俾咗蒜蓉牛油我哋，佢話燒嘅途中可以塗抹，咁樣燒出嚟會又香又入味啲海蜆原本係連埋個錫紙燒，錫紙中間亦鎅開咗個十字俾我哋睇，但係我哋最後嫌麻煩，都係成個打開咗食落牛油味道好香，同蜆肉好夾，啲蜆冇沙，望住佢哋逐隻爆開好治愈除咗豐富嘅海鮮，我哋仲追加咗菠蘿($28)燒菠蘿好甜好多汁，切得四四方方好易燒，入口冇渣清甜隻大虎蝦開咗邊，燒起上嚟容易啲熟，調味更容易亦更入味，食落彈牙，肉質結實新鮮，焦香十足好惹味扇貝唔使講，超級大粒啖啖肉，燒完之後縮咗少少水，但係入面嘅質感仍然係一絲絲，纖維細嫩又彈牙熱嘅黑糖珍珠鮮奶通常糖度都係fixed，但呢度仲有得揀少甜，好細心配合客人，珍珠煮得又夠軟腍掀起全城瘋狂嘅台式飲料，凍嘅version亦唔會失色，虎紋好靚，飲落好creamy，黑糖同奶嘅配合好融為一體店員本身話台灣腸可以放上個爐一齊烤，不過因為太好食

經過將軍澳海濱長廊.見到係海傍旁邊有幾間餐廳.又到午市.都唔知食咩好.見到有台式野食.就決定試下😋餐廳有室內室外可以揀.唔驚凍!不過我地怕凍所以座左入面🙌🏻.食物方面:叫左二個午市套餐⚪️鮮茄紅燒牛肉麵(套餐包括:鮮茄紅燒牛肉陽春麵.醃黃瓜條)熱香芋珍珠奶茶+追加手工魯肉配菜心⚪️紅燒牛肉麵(套餐包括:紅燒牛肉刀削麵.和風貓耳朵)奶蓋四季春加仙草+追加鹽酥雞牛肉麵湯底鮮茄會甜d.紅燒就香濃d.醃黃瓜條同貓耳朵都好爽甜.酸酸辣辣好開胃.好正👍🏻牛肉有筋.但份量都好多.追加既魯肉菜心比較淋.但好惹味鹽酥雞比較細粒有少少乾.飲品香芋珍珠奶茶太甜🤨因為唔係用新鮮香芋味道有點假一般!奶蓋四季春茶味比較淡.但奶蓋都有鹹香芝士味唔錯.加仙草口感更豐富👍🏻.台式爐端燒⚪️日本和牛⚪️美國特板牛小排⚪️美國牛板腱肉類都好新鮮.好多肉汁.牛味好重.特別係日本和牛真係入口即溶🥰油花好足夠.每邊大概10秒岩岩好👍🏻整體方面:平時都比較少食爐端燒.見到有得食都專登點黎試下.質素好好.價錢都適中.推介😍牛肉麵都唔錯.特別係對住海旁食嘢.個景好靚.特別舒服👍🏻不過店內人手不足.但落單用QR好方便.等待食物都需要5-10分鐘左

原來將軍澳都有蘇豪，初初朋友講我都唔信，想不到在新入伙的海翩匯的商場翩匯坊，在臨河的單車徑旁有一列餐廳，可以吹住海風食野飲野，感覺勁chill. 朋友帶我到一家台式餐廳，個名好有feel, 叫戀上台式料理。餐廳除左有台式飯麵小食飲品，仲有爐端燒，好吸引！呢排凍凍地，我地揀了坐室內近室外的位置，原因係想吹住海風歎爐端燒，咁就無咁焗又唔會超凍。爐端燒主要有牛豬（有和牛）、海鮮和蔬菜。我地主打叫牛同豬，分別點了美國特級牛小排、美國極黑毛豬、宮崎西冷（半價，超抵食）、牛肩甲，每款都好味，肉好林，尤其宮崎西冷直頭入口即溶，牛小排又夠牛味，又夠肉汁，真係超正。黑毛豬都好有豬味，肉質鮮嫩，值得一試。餐廳會提供特製醬料和粉紅salt比我地調味，好周到。我地另外叫左個鹽酥大大雞扒套餐，包括小食和風貓耳朵、魯肉飯、鹽酥雞，份量好大，鹽酥雞扒勁大塊，又香脆，啖啖肉，好高質。魯肉飯嘅魯肉比較大粒，食落口感好好，味道都一流。加$15叫左杯珍珠奶茶，嘩超大杯丫，等於出面餐廳兩杯，見到都開心，哈哈！珍奶的珍珠好有咬口，一定要飲！我地都叫左杯黑糖珍珠奶茶，都係咁大杯咁好飲，啱晒黑糖fans!我地都叫左個蒜香麻辣豬耳，

嚟到呢啲半戶外餐廳好慶幸今日天氣好好~有少少風之餘，仲有藍天白雲🌤我哋叫咗兩個午市嘅套餐，會各包一個前菜同嘢飲~所以就分別叫咗涼三小伴同埋貓耳朵 兩個都清清地好開胃😛呢個滷肉飯啲料好多! 食得晒啲飯都仲淨好多滷肉🤧而台灣腸佢嘅脂肪比較多，感覺好似食緊臘腸咁~我哋叫陽春面而唔叫刀削麵係覺得佢可以給多啲汁同埋有幼身啲~佢好似煲湯咁款，有兩大碌蘿蔔😆Close up佢嘅牛肉😛炆到好淋呢～跟餐加$10可以有鹽酥雞~我真係好鍾意食!! 出面好少可以點千島醬但係好夾好好食分別有溏心蛋、口水雞同埋滷豆腐~ 佢個溏心蛋係真係好好食😚 而口水雞佢個調得好好! 不過就比較多骨，所以食嘅時候要小心啲~睇吓係咪煮得啱啱好呢！呢個奶蓋見唔見到佢佔咗成杯野嘅三分之一!!我一食佢啲奶蓋係超thick同埋鹹鹹地係會上癮🤣🤣飲完呢杯野我放棄咗我嘅體重...仲有冇影到近鏡嘅係冬瓜檸檬！我想講佢飲落去勁似焦糖爆谷嘅味道，我覺得超好飲🤣🤣🤣好新奇嘅感覺呀～

雞扒配肉燥飯有3款小食可以開下胃口，雞扒炸得好酥脆同埋keep到有肉汁，雞皮又唔會太多粉搞到口感好差。肉燥飯既份量其實都幾多，一碗裝到好滿既飯再加埋肉燥唔會太肥膩，一啖食落口味道層次都一流。川辣紅燒牛肉刀削麵朋友叫咗呢個刀削麵因為之前食過真係好食。今次亦都keep到水準，麵身夠厚同埋彈牙而且都掛到少少湯汁，牛肉好淋同埋肉味濃郁，個人覺得好食過一般既台式牛肉麵添!蚵仔煎蠔仔同埋蛋既比例都適中，蛋味夠濃而蠔仔唔會有怪味，加埋店舖附上既辣醬一齊食好夾!煎餃子唔知係咪店舖自己人手包既，因為食落同出面食到既唔同，個皮厚但唔會粉團咁好難咬，重點係個餡超多肉汁，好出色既一款煎餃!