戀上台式料理 (已結業)

之前同朋友黎過呢間餐廳食台灣菜，今次就食過翻尋味，黎食爐端燒！呢度係用QR code點餐，好方便！呢間餐廳每日會有兩款肉半價，咁岩呢美國極黑毛豬梅花腩半價，只需$54，好抵啊！大家可以留意返餐牌，睇下有咩肉特價！呢個日本和牛上面有好多紋理，瘦肉之中夾雜住油脂，拎黎燒就perfect喇，油脂令到塊肉好香！我地仲點左個小菜士多啤梨生炒骨，酸酸甜甜，好開胃！食爐端燒配返配滋潤既松茸燉雞湯就perfect la!點少得台式飲品呢！

今日行過海傍就去左呢度食lunch，都幾多人食緊不過就唔洗等位。我就叫左一個午市套餐，要左一個戀上三杯雞配魯肉飯，前菜就要戀上三涼伴，同加左一個鹽酥雞。個前菜好新鮮，食完真係好開胃。而個三杯雞嘅味道真係一流，會有少少辣但係味道相當濃郁，而且d雞肉好滑同好多。另外要讚一讚個麻辣牛舌，唔會太辣，而且個牛舌好爽口，好有咬口。而個芝麻雞翼亦好脆，係新鮮炸起，脆卜卜。至於個鹽酥雞同樣炸到卜卜脆，點埋個醬汁就更好味。

😡 呢間野要用電話點單，點完一次後，再加單落唔到單。跟住同疑似經理（肥版鄧光榮）講，佢態度已經唔友善，搞完我個電話一輪，搞到過左優惠時段，都點唔到... 麻煩佢手寫單點，仲竟然叫我 “收聲”！！從未試過去間咁差態度既餐廳! 食緊嘅時候，仲聽該名疑似經理不停大聲用粗口同其他員工傾計對話，非常騷擾。重點係，間野都唔見得好食。d鹽酥排骨好肥，前菜無味...已經係第三次幫襯，但服務態度一次比一次差，以後不會再幫襯!!永無下次既餐廳😤😤😤

今日，住將軍澳既朋友帶左我去將軍澳海濱旁既一間台式餐廳食晚飯，呢間餐廳喺正海旁，有室外同室外既位置，環境又好，好有feel。呢度係可以scan QR code用手機點餐，好方便！我地點左鮮茄紅燒牛肉麵 。呢個係傳統台式既紅燒牛肉麵，牛肉好軟腍，入口即化，陽春麵再加上鮮甜既番茄湯底，正啊！仲有呢個香酥排骨魯肉飯都好正，排骨份量好多，仲有三樣配菜，好豐富！我地仲叫左芋圓仙草豆腐花。呢個甜品好豐富啊，入面有芋圓、地瓜圓、仙草、豆腐花、紅豆同珍珠，食落去層次豐富！當然唔少得台式飲料。

上次幫襯時發覺味道進步咗所以諗住再去，但係今次攞台時就算我唔該前唔該後都連續遇上兩個職員黑面。被職員安排坐底露天四人枱後發覺一枱都係塵，禮貌地叫第一位職員清潔一吓，得到嘅係黑面同無聲地抹台。跟住另1位職員要求我哋兩個人由一張四人枱轉去二人台，本來無咩所謂，但兩分鐘後發現嗰張四人枱係無人需要坐。當然張細枱仍然係鋪滿塵，所以再禮貌地叫第一位職員清潔，當然再次黑面、無聲再加上求其抹而張枱大部分都仍然係塵。到呢個時候，已經無意欲係到食落去，所以起身同佢講聲因為服務態度差所以我哋離開。第一位職員仍然係黑面、無聲。

好少行出去海傍，點知原來係有一列幾間餐廳，而且幾旺場。好彩早去所以唔洗等位。佢係QR code點餐，方便易用的。要左兩個餐加一個小食。蚵仔煎質素一般，略嫌粉多蠔少，都煎得唔香。我要左香煎雞扒配刀削麵。雞扒好大塊，煎得香脆同juicy。刀削麵質感都做得好好，湯唔會太濃味。最開心係有三個前菜仔 。個人prefer前菜大啲，雞扒少啲，不過可惜無得咁選擇。老公仔就邪惡好多。鹽酥雞好脆，不過問都唔算好濃味。肉燥飯大大碗，正常啦！

上星期去左將軍澳探個朋友, 發現佢屋企樓下有間環境好CHILL既台式餐廳, 呢間餐廳係對住一條河同埋好大片樹木. 感覺上好RELAX, 其實坐戶外應該更加正既, 不過個日太熱, 所以坐左係室內, 室內個環境都好休閒, 而且仲有D書可以拎黎睇~紅燒牛肉麵~呢個係午市定食套餐. 本身都有小食, 我揀左醃黃瓜條, 另外加$10就可以加小食, 我要左鹽酥雞, 牛肉麵既湯底既味入晒去D牛肉. 麵質彈牙, 係咁熱既天氣食住呢個又爽口又凍既黃瓜條感覺上真係好爽. 鹽酥雞炸得唔油膩及炸左既雞肉又唔會太鞋.~香酥/香煎排骨套餐~另個係魯肉飯, 個香煎排骨有驚喜,因為佢真係好大塊. 再加上我呢個都係加左個小食, 加左個魯肉配菜心, 所以係完全食唔晒, 排骨煎得香口但不油膩. 魯肉配菜心亦相當入味. ~口水雞三小拼盤~當中包括溏心蛋/豆腐/口水雞. 雞唔係好辣. 但係溏心蛋就太熟.~珍珠奶茶,芒果沙冰~呢度係用外賣杯, 大大杯咁, 飲唔晒可以拎走.

一個人黎到將軍澳，特登去左一間海邊餐廳食晚餐！估唔到將軍澳依邊都有間海邊餐廳，主打台式料理，又有燒肉。望到大大個靚景食飯好滿足！見到有燒肉當然要試下啦！我叫左日本和牛和美國極上黑毛豬。肉類價錢唔算貴，質素中上。和牛好爽嫩夠油香！我叫左滷肉時菜，咸香滷肉粒好滋味啊，蔬菜好爽甜。主菜我叫左鹽酥雞排配滷肉飯，雞排大大塊夠酥香，肉嫩好肥美，滷肉飯半肥瘦夠濃香！份量都唔少，仲有3小碟前菜啊。最後叫左仙草芋圓豆腐花。

喺將軍澳南海翩滙近海嗰邊，有數間食店和酒吧，人流密度不算高，寧靜舒適，遠離繁囂，而且餐廳遇設有大量的室外位置，這區的感覺很像東蘇豪！餐廳以手機嘟QR Code落單，由Order到上菜都不用5分鐘，超有效率！而且選揀真係超多，除咗燒肉之外，仲有台式小食、台式飲品、啤酒、花茶、各式台灣麵飯都一應俱全，而且仲可以Order水煙，真係不得了！我地決定食燒肉為主，再加少少小食同埋飲品！超豐富der~~~魯肉配時蔬 $48收得係便宜，但份量一啲都唔細，菜心鮮嫩爽口，魯肉夠惹味，真心唔錯！奶蓋四季春 $35唔洗喺街邊排隊，都可以坐低慢慢嘆到台式奶蓋飲品，Feel So Nice！古早冬瓜茶 $18Balance很好的冬瓜茶，不會只有死甜味，正！美國牛板腱 $78輕輕一燒就食得，加少少鹽，同埋搽返燒肉汁，牛味勁濃郁，油香滿溢！牛舌 $68可以燒至邊位微焦，特別香口惹味！牛肩胛 $39剛好今天特價的牛肩胛，照樣肥美可口，質素沒有跟隨價錢一起下降啊！美國極黑毛豬 $49同樣是今天特價的黑毛豬，味香肉嫩！牛胸腹 $78賣相一流的牛胸腹，軟腍的肉質，充滿了肥牛的精華，果然沒有令我們失望！菠蘿 $28超厚切！超

今日返唔到工諗住試下呢度啲午餐。因為之前新開張試過食晚餐但是服務一般可能因為新開張人手調配不善落單服務所有嘢都麻麻牛肉麵啲牛展唔淋個湯冇乜味花枝丸唔熟但係都冇所謂啦因為新開張算啦今次第二次呢真係食到火都嚟埋中午一點半嚟到都坐得很滿可能因為今天大部分將軍澳人也沒有返工買咗個蕃茄牛肉麵三杯雞小食嗌咗鹽酥雞上菜應該唔需要太多時間因為大部分嘢應該也是整定的只不過不出來我坐在廚房隔離我見所有食物已經準備好我等了幾分鐘沒有事應攞食物給我們又一條友在抹筷子刀叉等等他看見我望住我玩牛肉麵但是他沒有拿給我因為原來攞嘢食給客人是要有一名著花恤衫的人才可以上才給我們等到他這個不能夠multitask的人見到我的牛肉麵和鹽酥雞加上他們強勁的冷氣食物已經變了凍他見到我的食物還好意思走去做其他嘢因為他怕忘記因為人手不夠然後那個牛展好像吃石頭一樣很韌我想我以後也不會再來吃食飯了

 一個月大約有1天會去將軍澳食飯今次就去朋友新介紹既海旁餐廳食飯最近涼風送爽,相當舒適有戶外區,仲見到有人帶埋狗仔黎開飯有台式既料理,也有新派既爐端燒周邊都係新起既中產偽豪宅,住客人流都好多今日兩個人就試燒肉同埋燉湯加一客雞扒飯落單用QR CODE下單 松茸燉湯燉得清甜不膩,養生開胃,料頭也多,燉得好夠味真材實料,抵飲！ 鹽酥雞扒配滷肉飯加三種小菜 滷肉飯滷汁唔多，但好濃好香，瘦肉切成丁粒不像一般的用肉碎，吃起來無口感味道偏濃，但有一點略咸米飯偏乾身 炸雞扒代切埋上菜鹽酥味偏淡近乎無,但幸好配埋一碟像沙律醬食起來無咁乾雞扒係夠脆口既三種小菜爽脆木耳,豆,花生 牛肉拼盤牛舌，牛肩，牛小排，牛胸腹一個價錢食到四種肉既部份牛舌爽，牛肩嫩，牛小排味濃肉厚牛肩脂肪多,食起來特別鮮嫩多汁 牛小排筋少肉多,肉味濃郁最岩拿來燒肉牛舌帶軟骨,特別脆爽彈牙菊花茶 可選甜度,冰多少解油膩下火 紅柚水果茶果味淡,但夠甜

呢間台灣食店座落係將軍澳海濱長廊旁，可以盡享海旁美景，提供室內及室外座位。餐廳裝修帶點文藝氣息，仲有書架等裝飾，而餐廳落單係使用QR Code。台式紅燒牛肉麵牛肉麵配有三小碟前菜，豆、雲耳同花生。牛肉份量唔少，大塊，湯底燉得好入味，濃郁。揀咗刀削麵，相對闊身，彈牙。香酥排骨飯同樣配有前菜，香酥排骨炸得好酥脆，食落唔油膩，調味出色，上枱時已切成細塊，方便進食，仲配埋千島醬。戀戀蚵仔煎煎得幾香，蚵仔嘅份量好多，而蛋就啱啱熟，食落啖啖飽滿。鹵水溏心蛋鹵水入味，半熟蛋正常水平，伴飯亦一流。冷泡白桃烏龍白桃味好突出，原來同烏龍本身嘅茶香味又幾夾，可一試。

尋日去咗將軍澳海傍食lunch貪佢有個靚景🤣而且食物質素唔錯👏🏻入到去發現原來都有幾多上班族會幫襯所以都幾full吓😮出面仲有主人帶埋狗狗坐低食嘢🐶😍講番啲野食😋首先lunch set 有前菜, 主菜同一杯野飲 可以另加$10有小食我嗌咗鹽酥大大雞扒套餐配醃黃瓜條 $83鹽酥雞扒炸得好脆肉質嫩滑刀削麵好煙韌🤤湯底係淡淡嘅牛肉湯幾清甜飲得出冇落味精啱晒健康、清淡口味人士🤗配奶蓋四季春（+ $ 15.0）厚厚一層奶蓋非常邪惡😈撈勻下面嘅無糖茶底可以減少罪惡感🤣朋友嗌左戀上三杯雞套餐配戀上三涼拌 $68配凍柚子茶戀上三杯雞🐔雞肉夠哂嫩滑醬汁方面有啲似甜豉油有啲九層塔令整體味道更豐富🤩魯肉飯🍚魯肉肥瘦適中啲汁絕對夠撈飯👍🏻ロ水雞三小拼盤（口水雞/溏心蛋/豆腐）$68口水雞份量多煮得入味又夠稔😝蒜香麻辣牛舌 $68一如既往咁惹味😋

戀上台式料理香港係海旁嘆台式料理真係好難得架！ Lunch Time陽光幾猛烈， 我唯有坐室內， 但其實傍晚時分係室外chill應該仲正👍🏼呢間餐廳室內外都好闊落，仲好歡迎毛孩，可以同你地ge寵物一齊浸陽光浴。--👉🏼麻辣魯肉伴陽春麵魯肉、麻辣魯肉汁、青瓜加爽脆花生，伴陽春麵一齊食，口感勁豐富，做得幾正宗。👉🏼士林鹽酥雞呢個鹽酥雞要讚呀，覺得下次黎要必叫， 外面脆卜卜，內面雞肉好香嫩，距地應該撒左一層獨門的椒鹽，單食或配店內提供的千島醬都美味しい。👉🏼奶蓋四季春手調飲品都唔錯，淡淡地四季春加芝士奶蓋，perfect match!--呢邊好似暫時離開左繁囂的香港，黎左台灣咁嘛👍🏼👍🏼

相信大家對將軍澳一點也不陌生，但近海邊的將南大家又有沒有去過呢？那邊的樓以低密度發展，整體感覺令人很Relax。-這店位於翩匯坊，有室內外座位，可以邊吃飯邊望海，真是人生一大樂事😀。•1️⃣ 鹽酥大大雞扒配魯肉飯 $78 附送前菜三小碟，包括有花生🥜、雲耳（酸酸辣辣的，好味😋）和枝豆。雞扒份量超級多😱，而且肉質超級軟滑，可算是我吃這最美味的鹽酥雞扒，質感完勝💯！-2️⃣ 奶蓋四季春（走甜） $35 奶蓋咸咸的，非常CREAMY👍，一點也不比喜茶的差。茶底清香。-3️⃣ 黑松露黃金花枝丸 $48/6粒 平時吃花枝丸也是配椒鹽，沒想到這店竟選用了黑松露，是非常新鮮的配搭🤣。-4️⃣ 椰奶芋圓仙草 $38 作為芋圓控的我，只要餐牌上有芋圓，我便會點來試試😝。這甜品中有三色芋圓、仙草、紅豆、珍珠和椰奶。建議大家吃前先攪勻，這樣味道會更均勻😃。-在將軍澳A2出口步行10分鐘左右。