戀上台式料理 (已結業)

戀上台式料理 (將軍澳)📍將軍澳唐俊街21號翩匯坊地下G26號舖海陸空極上拼盤星期一至五先有八五折 $388👉🏻燒肉套裝 當大有7款肉類都會包埋 冬菇 翠玉瓜 兩隻大蝦有A4和牛極上肉眼美國牛板鍵豬梅花腩西班牙黑毛豬雞胸肉不過雞胸肉太大舊 好難燒 另外得d牛係好食少少個格仔網都比較易痴住其他肉都一般D肉可以有燒汁 柚子汁黎點黎食Waiter 見爐燶左都有主動幫我地換燒爐，讚！👍🏻👍🏻👉🏻戀上蚵仔滷肉飯-附有前菜 戀上蚵仔魯肉飯食完肉唔夠飽 叫左個飯 叫左多飯多汁蚵仔整得幾好食魯肉汁夠多！ 由2人份量變左3人份量 ，抵食！ 👉🏻黑糖珍珠鮮奶都好大杯 都似老虎糖杯野🤣翻兜虎就未必 但都幾抵食既個飯 燒肉一般般溫馨小提示: Wifi收得比較差 記得拎單入password美味指數：⭐️⭐️⭐️⭐️環境指數：⭐️⭐️⭐⭐️⭐️服務態度：⭐️⭐️⭐️.5翻兜指數：⭐️⭐️⭐️⭐️（滿分為 5⭐）

同朋友用外賣app嗌左兩碗蕃茄紅燒牛肉麵,一杯珍珠可可同一杯珍珠阿華田。 黎到之後一打開，個顏色已經唔對路，應該係送左原味既，都唔緊要，兩杯野飲一樣啡色，完全冇label，完全靠估黎分辨。然後！！我個杯係珍珠可可，一飲落口好似水咁，完全係一杯飲完既可可，將隻杯拎去洗嘅個碗水，只有一丁點可可味。從來沒有飲過咁淡既可可，唔敢想像啲冰溶埋會係咩味，朋友個杯阿華田都係一樣淡過水。超級唔推薦大家飲以上兩杯野飲。

🐔鹽酥大大雞扒套餐配刀削麵鹽酥雞扒爽脆，肉質嫩滑，配千島醬出奇地夾，清新特別，湯底帶有藥材味道，入味濃郁，刀削麵軟硬適中。🍛水蜜桃生炒骨套餐配魯肉飯 水蜜桃生炒骨份量十足，配菜色彩繽紛，賣相一流，食落酸酸甜甜，十分開胃。🥚傳統手工魯肉飯伴台式烤腸及溏心蛋套餐魯肉十分多夠足料，好啱送飯食，但醬汁略嫌太鹹。☕️飲品方面，古早冬瓜茶和古早冬瓜奶茶都過甜，可能要叫少甜比較好，奶蓋四季春奶蓋好厚，有超過1/3杯奶蓋，唯味道比較淡。📍戀上台式料理 🔎將軍澳唐俊街21號翩匯坊地下G26號舖

個日行行下將軍澳海傍，心思思想坐低試下海傍的餐廳，咁見到有幾間西餐，見到呢間台灣料理幾吸引我目光，舖頭的空間感十足（用落地玻璃窗，有打開的設計，感覺舒適。）就坐下試下呢間台灣料理，咁個人午餐又唔算多人，叫左台灣滷肉雞扒飯，滷肉味道濃郁，雞扒係有香脆感覺，有Juicy感覺，所以覺得幾好，再加上有生果茶配搭，我覺得感覺係清新，而且份量都有係大份，令人有飽肚感覺，呢餐lunch 係滿足，而且餐廳位於海傍，望下海邊咁，可一再試。

喺香港，可以帶埋寵物嘅餐廳真係冇乜邊幾間呢一間就係其中一間有戶外位可以帶狗仔一齊用餐嘅地方不過啲食物我覺得真係有超級大嘅改善空間水dur dur既滷肉飯同埋一個冇乜味道嘅滷水拼盤唯一嘅優點係滷水拼盤啲肉嘅質地比較軟屋企人係老人家都可以咬得郁冇乜味道嘅酸菜魚優點係俾個魚肉個魚肉算幾滑份量都幾多呢個飯就真係地獄蠔仔鵝肝滷肉飯啲嘢其實應該分開上啲滷汁勁稀啲嘢個味又唔夾因為啲滷汁太水嘅關係個飯未食到一半已經好似粥咁結果呢次係我今年第一次出街食飯食唔晒啲嘢因為真係好難食個餐飲，我唔記得影相叫咗個芋頭珍珠奶茶定珍珠鮮奶佢係一個十分之人工嘅紫色然後個味都係十分之化學如果大家愛惜腎臟我諗最好就唔好擺入口如果要帶動物出街對食物冇乜要求既話呢間餐廳係可以去嘅⋯因為我地全部人食完都冇肚痛係安全嘅但～如果你想食啲好食啲嘅話我諗呢個就唔係好嘅選擇

而家將軍澳海濱一帶都收起哂d戶外枱 所以相對少咗啲位 不過八點左右其實都唔使點等位 雖然佢主打食台灣野但佢都有川菜同埋燒肉見到隔離枱叫咗個酸菜魚勁大份佢哋都食唔晒要打包叫咗一個鹽酥豬扒麵佢勁大塊豬扒真係食唔晒朋友叫咗個辣牛肉麵 味道賣相都不錯不過個嘢飲就爭啲 叫咗個水果茶但唔係咁好飲冇出邊台式飲品舖咁出色

星期六嘅晚上梗係要有屋企人一齊出街食吓飯啦，今次就決定但係屋企人食入將軍澳😆雖然我哋得三個人但都order左六樣嘢~ 🤙🏻分別係： 🍞戀上生煎包（四件）$28🧆台式滷水小拼盤（豬耳、雞翼、滷豆腐 ）$48 🥘戀上古早蚵仔滷肉飯$88🍜台式紅燒牛肉麵（古早牛肉湯）$78🍧椰奶仙草芋圓$38🧋熱黑糖珍珠奶茶$35（口渴得滯，嚟唔切影相🤣）因為係食呢間野之前，都有朋友同我哋講過，可以食呢間餐廳炸物以外嘅食物，所以試左以上既小食&主食😌 可以話水準不過不失，正常發揮，冇特別令我印象深刻嘅食物，但又唔會話有某啲食物特別難食😗反而食完飯沿着海旁慢慢散步、傾計嘅路程係極晚嘅重點🤣

大家都知將軍澳海濱長廊一帶開咗好多新嘅餐廳，今次就嚟試吓台灣菜。選擇唔算話好多，但係一般大路嘅台灣菜式都有。川辣紅燒牛肉麵叫咗小辣，但係唔夠辣，建議想食到真係有辣嘅感覺嘅話就叫中辣或以上。湯底都算唔錯，冇乜味精味，有少少川辣嘅香，但唔麻。有好多舊牛肉，都煮得夠淋。刀削麵口感都算幾好，唔太粉。鹽酥雞滷肉飯滷肉飯就瘦肉比較多，可以多少少肥肉。鹽酥雞炸得唔夠，有少少未炸透嘅感覺，太粉。跟餐飲品加$7可以有一枝冷泡茶。整體價錢唔係平，質素不過不失。環境算唔錯，週末嚟休閒食下野都唔錯。

近排呢頭越黎越多台灣菜，今日去開Donki經過就試下呢間。午市套餐 - 鹽酥雞排配滷肉飯一大塊雞排仲要熱辣辣炸起，食落口超脆，炸皮厚薄適中，係粗粒炸粉！！食鹽酥就係想食粗粒薯粉既炸皮。雞排本身好厚，炸完都仲好juicy。加上食落唔係好油膩，再配埋個千島醬酸酸地，食下食下就食哂成碟。滷肉飯就一般，始終鐘意食切粒既滷肉多啲，調味都唔係去到超啱口味既level。下次會試下刀削麵。另外仲試左鹽酥排骨，豬排更驚喜！平時啲鋪頭怕佢韌怕佢唔熟，跟住就死命咁揼薄佢，越炸就越乾... 今次呢間鋪頭既豬排係厚切，仲要好多肉汁，又夠腍，大推！

1. 收+1但係冇service 可言，碗要自己拎，單要自己出去埋2. 滷水牛拼盤，d餸完全冇滷水味，似一煲灼熟嘅餸放在一起，牛展硬到一個點，牙仔咬到軟，滷水雞翼似白灼雞翼伴汁，失敗中的失敗！3. 芒果，菠蘿沙冰，一般甜水加冰 4. 籠仔蒸蝦飯，等左45分鐘，要吹三次先到！d飯淋到可以比美老人院d淋飯，主角蝦係ok，但sorry已煮過火⋯⋯總結: 五舊水不如去茶wood好過，至少佢哋對台式料理仍保持一份尊重及味道⋯(p.s. 冇相，完全冇影的意欲）

📍戀上台式料理， 將軍澳 tseung kwan o再次黎到單車海濱搵野食😆可能星期六日都比較多人滿座 好彩等左一陣就有位。前菜木耳+ 魯肉烤腸糖心蛋飯+ 黑糖薑母茶 約$70魯肉味道唔錯👍🏻 但偏少 如果多啲魯肉撈飯會好啲😂烤腸同糖心蛋都正常唔會太咸前菜木耳+花枝丸刀削麵+冷泡白桃烏龍茶 約$75牛肉湯底幾濃味唔錯😍 不過麵嘅份量可以多返啲😅估唔到最有驚喜係冷泡茶！桃味好出唔會偏甜 同烏龍茶好夾👍🏻👍🏻要注意返環境比較迫 😅

其實之前對呢間餐廳期望都幾高，因為喺將軍澳海旁，其實對住個海景食嘢係幾好feel，如果食物質素可以好啲就更加好啦之前冬天去食過大閘蟹放題，係唔錯㗎，之後去食古祖羊腩煲，就好失望，因為有酸味，食完之後返屋企仲肚痛。近期少少就同朋友去飲杯台灣啤酒加食午餐，點了午餐套餐，一個酸菜魚同豬手，食物味道依然一般，酸菜魚好多魚骨，而豬手都好硬，係滷肉飯正常啲，但係黑松露花枝丸超好食。其實佢哋服務員的態度好好，餐廳環境亦都一流，如果食物質素方面都可以改善的話就更加好。

戀上台式料理（將軍澳）好有驚奇嘅一間台式料理～那樣食物都有驚喜！彷彿去左台灣🇹🇼三杯雞、鹽酥雞、紅燒牛肉麵、拼盤小食～😚性價比最高係紅燒牛肉麵，牛肉大大塊，湯底正宗！鹽酥雞炸粉厚度適中，脆口惹味，推！小食有牛舌，第一次食加辣椒油嘅，麻麻辣辣好香三杯雞都幾滑，重口味人士最愛仲有拼盤以及好多種類型嘅飲品。推薦台啤！整體食物水準都高，🤩價錢合理，位置在海傍，星期六日會多人過商場~推薦大家平日去，輕鬆聚餐嘅good Choice ~🥳

海旁既餐廳得幾間，可以食住野望住海，環境唔錯，於是就試一試呢間，可惜有d失望。鍾意食花枝丸嘅關係，所以都試過唔少花枝丸，呢間就係特別在加咗黑松露，雖然有黑松露嘅香，但係個花枝丸炸得認真一般，普通小食店嘅都炸得香脆過佢，加咗黑松露好似懶高級咁，但係花枝丸先係重點。紅燒牛肉麵就不過不失，冇咩特別。前菜有幾塊蓮藕，冇咩味道。嘢飲叫咗香芋沙冰同埋荔枝沙冰，兩杯嘢都激死我。香芋沙冰味道好淡，完全冇香芋味，講緊係啲冰未融之前，荔枝沙冰就相反，甜得滯，好似飲糖水咁，荔枝味係夠嘅，融少少冰會好飲啲。呢個特別在係你叫少少肉都可以幫你開一個爐，可以體驗下燒肉嘅滋味。不過$98嘅肉眨吓眼就食晒，肉係幾好味嘅，佢配嘅菇其實都唔錯。見到其他人燒菠蘿好似都幾好咁，有機會可以試吓。另外仲叫咗個話梅凍豬手，之前未食過，朋友話喺第二度食過好好食所以就叫咗黎試吓。食過就覺得淡茂茂冇乜嘢好食，都唔覺有話梅味，朋友話第二度嘅話梅味會酸啲好食啲。除咗呢度近海旁，可以食個景，食物方便真係冇乜特別。不過佢嘅菜單有好多款選擇，可能咁啱揀唔中佢好味嘅嘢食。但係近海旁都諗住可以嘆吓，但係排隊等嘅人都好多，所以食完都要即刻走，都冇乜點可以

鵝肝蚵仔魯肉飯真係好正😍😍蚵仔新鮮 鵝肝勁厚😍😍不過好細碗🤡男仔一定唔夠食😂個流心蛋都好好食 鵝肝上面仲有金箔😂😂好高級咁朋友order左大雞扒魯肉飯😀勁大塊 不過略嫌乾身唔夠juicy😞比我再食我一定係簡鵝肝蚵仔魯肉飯😍😍😍我地仲order左墨魚咀 好普通🤨唔會再叫😂但環境一流 成個感覺好舒服坐係半outdoor既地方望住出面有狗仔又有人踩下單車 成件事好chill 不過呢到既飲品絕對有待改善🥲