戀上台式料理 (已結業)

今日難得收早，就同朋友去試吓食新野，因為第一次去將軍澳嗰邊食就想試吓台灣菜，地理位置都還可以地鐵站一出行10分鐘就到環境好優美而且座位都好闊落，之後我哋開始點餐，我哋兩個人叫咗四樣嘢，小食方便嗌咗牛展，牛展後設得來而且味道好濃郁，加上少少配菜食落去好有質感，之後點左鹽酥雞粒，呢個揸得好香口，加上甜酸醬去配簡直冇得彈，而且份量都好多足夠兩個人食，而煮食方便我哋點左花枝丸手打面台灣面，花枝丸食得出好彈牙，而且加上面嘅湯底簡直係冇得輸，而我朋友點左台灣柯仔滷肉飯，滷肉飯個味道好突出配上珍珠米，成件事好夾，除此之外我哋點左珍珠奶茶同埋青檸梳打，呢度嘅氣氛仲好好會播台灣歌，彷彿好似去咗台灣一樣咁嘅樣，希望疫情快啲過去可以多啲人去食。懶到個電話都

店舖比較偏僻，在馬路落車要行到海濱長廊才到，順便運動一下，行下海濱長廊都好舒服，可帶愛犬入座，愛小毛孩人仕應該會鍾意❤️😄古早酸菜味烤魚套歺，價錢不太貴，套餐選擇多，點了鴨血，烤魚，松茸燉雞及飲品（柚子茶和黑糖珍珠/仙草鮮奶和菠蘿橙蘇打）。套餐份量都多，出餐好快，酸菜烤魚，味道夠哂辣，酸菜好入味，令人會開胃啲，魚大條，啖啖肉。鴨血偏少，如果多d會更好。松茸燉雞好味，好香。甜品叫了個椰奶仙草芋圓，芋圓同珍珠份量多，正！另外仲有單點，戀上三杯雞，惹味，好好送飯。鹵水牛三寶，份量好大碟，鹵得夠入哂，不過要趁熱食，凍左會有少少蘇味。

見到ulifestyle有介紹呢間野既台式放題抱住中伏既心態去話14:00開始有得食本身係link togetda呢個網買劵但星期六日唔知點解係買唔到14:00因為唔想食夜晚咪打去問，個店員仲大大聲話有14:00仲聲稱話因為full左先買唔到咁照用電話book啦仲問我而家決唔決定到加18蚊任食烤魚咁我話加啦咁果日去到入到去我話book左兩位啦我想講埋我係book左放題句野都未講完又叫我出去寫安心出行d紙先仲要有個店員講野係唔望住人串到呢但其他店員都有禮貌既跟住寫完，入去啦坐低左先有人黎叫我用qr code落單我先有機會講我係book左放題成班好似唔知14:00有客食放題咁仲問我係食夜晚？我話唔係，係14:00好明顯對呢個放題安排完全不知情雖然最後都食得成比左d放題紙我但好明顯臨時先準備放題d野真係哭笑不得仲set埋爐又剩點知過多5分鐘個店員話d烤魚未到要等我梗係唔等啦傻架咩最搞笑係Book果陣仲問我食唔食烤魚話左食，黎到又無搞笑咩明明有5,6款冷泡茶叫左之後最後過黎話得返2款個店員講野仲要無尾音哇我比咁多錢食放題乜x都無，唔好意思都無聲好禮貌到呢寫放題紙，仲叫我地記住寫枱號如果唔係唔知

將軍澳海旁嘅台式料理已經去過3-4次，平日人流都幾多。第一次去我地都出文寫過係失望👉🏻👈🏻，但今次食物就好似係去咁多次以嚟最啱我哋口味嘅一次。所以話呢，去餐廳叫啱嘢食真係好緊要😌。.📍香菜爆芝雞扒（$68）雞卷有兩大件，份量夠晒澎湃😍。切開見到中間釀入芝士🧀，旁邊配上香菜醬同芫荽🌿。外皮香脆，中間雞肉嫰滑多汁🐓，加上芝士更加惹味，不過香菜發揮唔大存在感太低。記得一定要同朋友share唔係會好膩嫁😚🤟。.📍戀上生煎包（$28/4隻）雖然餐牌寫係生煎包，不過其實應該叫做韭菜盒子會適合啲💚。用咗平日嘅餃子皮包住韮菜同肉碎，個皮食落煙韌，中間韭菜味幾香不過就煎得比較油膩。.📍特色手工餃（$48/6隻）餃子皮實在太厚😭，而中間肉碎又唔係突出，雖然肉汁唔少不過味道麻麻地，可以skip。.📍台式紅燒牛肉麵（$78）牛肉麵揀咗古早味，湯底食落好香藥材，再加上芫荽味真係幾正💚。刀削麵煙韌厚身🍜，牛肉軟腍入味🐂，加上肉量真係好多好慷慨，呢個牛肉麵好抵食👍🏻。.📍台式滷水溏心蛋（$38）溏心蛋睇落好唔錯🐣，可惜蛋味同滷水味都不足，以呢個價錢真係太過進取，可以唔使叫。.📍雪崩珍珠朱古力（$38）非常推薦呢杯飲

鹽酥大大雞扒飯配魯肉飯 $78食台灣菜就一定唔少得食鹽酥雞扒啦，呢塊雞扒真係超級大塊，而且啱啱炸起夠曬吸引，配上魯肉飯真係好有台灣風味。蒜香麻辣牛舌 $68呢個菜式見都幾多人推薦所以都叫左黎試下啦，牛舌好爽口，估唔到配上麻辣醬汁好夾有正。黑松露黃金花枝丸 $48呢個小食仲特別，初初仲驚黑松露會唔會唔夾，估唔到一齊食有好正，味道更加濃。雪崩珍珠朱古力 $38呢杯飲品嘅賣相已經超級吸引，賣相要比100分，而且朱古力超級濃郁，一定要試。黑糖珍珠鮮奶 $35黑糖珍珠鮮奶真係好耐無飲過，最鍾意呢度嘅珍珠口感一流，而且黑糖味又好夠甜。

今日帶狗狗行街街 去左佢最鍾意既將軍澳海濱咁岩肚餓就搵晚餐食戀上台式料理 原來可以比狗狗入 dog friendly ga 叫咗個四人晚餐 唔使諗咁多直接套餐入邊嘅嘢都幾豐富前菜有燒雞泡魚乾 睇落有啲似豬肉乾但係唔係小朋友最鍾意食配酒一流另外呢個套餐仲包左烤魚因為有小朋友唔食得辣我哋揀咗蕃茄味烤魚酸酸甜甜都唔錯喎 魚都好大條 唔會有臭腥味 另外加$10可以升級左四碗魯肉飯好肥瘦嘅肥肉 鋪喺上面 加上肉汁每扒一頓飯都好滿足另外仲包左嘢飲 加咗$15要黑糖珍珠鮮奶 記住叫微糖好啦

因為朋友生日，所以我地安排左外送到會。剛巧收到試食邀請，戀上台式料理出左個正宗台式烤魚套餐幾吸引😍好耐冇食過台式烤魚所以就試吓，加叫左d小食。我地叫左兩個套：正宗麻辣味同古早酸菜味，每個套餐仲包埋一個小食及三個白飯（+$10可升級至台式滷肉飯），以及健康系列飲品三杯。古早酸菜味台式烤魚好耐冇食過酸菜魚，d味道恰到好處😋原條魚上，仲要有兩條😄份量夠多👍🏻條魚啖啖肉又嫩口，芽菜酸菜配料非常充足。正宗麻辣味台式烤魚第一次食麻辣味烤魚嘅我都覺得好好食😋（平時嘅我鍾意食酸辣多個麻辣）值得一讚嘅係佢哋嘅湯汁唔會蓋過條魚嘅鮮味；另外湯汁同個餸都係分開裝，令餸菜保持質素，仲包不透鋼鐵盤，方便翻熱👍🏻👍🏻台式魯肉飯My favourite😋香滑嘅魯肉汁充滿油香。士林鹽酥雞、大大脆香雞扒、鹽酥排骨、人氣芝麻雞翼、黑松露黃金花枝丸、戀上生煎包之前都有食過，依然保持質素😍鬆脆可口，仲配埋唔同嘅醬汁俾我哋，係呢度我就唔多作介紹。店舖職員仲幫我哋叫埋車送外賣，非常方便貼心，令我哋省卻唔少麻煩。嗰日朋友都好鍾意我哋嘅食物安排😄大家有興趣都可以試吓呢間d外送到會。😺總評分：8.0/10.0

自從去年開店後，每月都會來光顧，而且差不多每次都點相同的食物，因為真的很喜愛這兒的台灣風味，價錢又親民～ 對住出面海濱長廊坐，陽光充足，感覺寫意～⭐️台式紅燒牛肉麵 （紅燒牛肉湯味濃厚，刀削麵好煙鞀）⭐️鹽酥大大雞扒飯 （好抵食，真係大大塊雞扒，酥炸味脆卜卜！魯肉飯一如既往不肥膩送飯一流）⭐️台式花枝丸麵 （今次第一次食，點左蕃茄湯底，味道可以再濃厚些，不過花枝丸都算彈牙嘅）⭐️桂圓紅棗茶 （不用多說，女士養生必點）⭐️菊花蜜 （大大杯又香又甜）下午茶好抵食～份量同午餐一樣架～

今晚來嚐嚐台式食物，坐在海旁幾舒服。食店唔算大，很快就坐滿。而戶外的位置就啱秋涼時份坐。同宜家好多餐廳一樣，用手機掃描二維碼落單，夠方便。未叫嘢之前先嚟碟青瓜開胃一下，青瓜幾爽口。嚟到台式料理當然嚐杯珍珠奶茶，我就唔飲太甜，而呢到亦可揀少冰、少甜，夠貼心唔錯。隔著枱與枱之間的隔板貼上櫻花確係添上氣氛。麻辣鴨血湯麵~食到噴火！果然夠麻亦夠辣，鴨血軟軟地夠Q彈，吸收咗麻辣更惹味，麵幾爽口，同鴨血幾夾。魯肉飯配溫泉蛋，溫泉蛋係點綴，肉碎先係主角，有汁攪埋飯一齊食唔開胃就難，呢個飯38蚊夠晒經濟實惠。芋圓仙草豆腐花~飯後甜品係煙韌芋圓，加仙草同豆腐花嘅組合幾特別，份量剛好，太多會好飽，所以品嚐完就圓滿了。

呢間係將軍澳南海邊嘅台灣菜，餐廳可以望住將軍澳灣嘅河景，環境好清幽，咁啱黃昏去完Donki買完野，所以就過嚟呢間台灣餐廳試吓。其實而家將軍澳南已經成為成個將軍澳區嘅其中一個美食天堂，有好多唔同國家嘅菜式，同幾年前嘅環境真係差天共地。佢有放題亦都可以單點，我就揀咗單點嘢食。餐牌設計好可愛。首先叫咗呢個煎蠔餅，同平時食開個蠔餅好唔同，佢加咗好多番薯粉落去煎，同平時用生粉煎出嚟嘅口感差好遠，呢個係佢食佢煙靭嘅口味。呢個鰻魚飯都唔錯，鰻魚好厚好濃郁另外我極度推介呢個鵝肝生蠔飯，佢個鵝肝真係好香，而且價錢合理。當然亦要叫番杯台式特飲呀，我都真係好鍾意呢間餐廳

將軍澳南開左好多新餐廳，沿住海濱長廊，環境好chill好舒服。今日試左間台式料理，有好多野食選擇，味道都唔錯👍🏻餐廳裝修好有風格，坐得幾舒服😌嗌左個晚市二人套餐，超級豐富，幾抵食👍🏻上菜速度快，用app落單，轉個頭就有得食！前菜係木耳同青瓜滷肉菜心，估唔到咁match👍🏻肉骨茶滷水雞翼，整得幾入味，唔錯！三杯雞!! 熱辣辣好夠鑊氣，d雞好嫩滑，好多蒜頭，正啊！蜜桃咕嚕肉，酸酸甜甜，好開胃。滷肉飯兩碗，份量都幾多下，好滿足！餐飲嗌左黑糖薑母茶同埋桂圓紅棗茶，好滋潤。

今日早早收工搵friend食嘢，諗住食完嘢可以係將軍澳海濱長廊散步。係將軍澳站行過黎都有少少距離，行15分鐘左右。附近好多睇落唔錯嘅餐廳，呢度好特別嘅係叫戀上台式料理，但係居然有川菜😂環境都幾闊落，坐得舒服嘅。叫左戀上酸菜魚，乾煸大腸干鍋，同奶蓋白桃烏龍。酸菜魚小辣小麻，都幾大碟，份量十足，湯下面係類似水晶粉咁，正正常常。我幾鍾意湯，酸辣都夠味，又不會過鹹，食完覺得口渴。魚肉片都有10幾，20塊，沒有骨，啱晒唔鍾意lur 骨嘅朋友，都唔會腥。兩個人食已經夠飽。乾煸大腸干鍋睇落辣，不過係唔太辣，大腸表面都幾脆。唔會太肥，我地兩個女仔都接受到，都ok 嘅。奶蓋白桃烏龍少冰，半糖，烏龍味淡少少。Overall鍾意酸菜魚😌

近排將軍澳真係多咗好多餐廳，當中呢間個名夠特別，所以走咗過黎試，不過唔易搵，但驚喜滿滿。餐廳有呢個位，完全符合文青嘅台式餐廳。但佢檯面又叫你電子落單，文青搭cyber又幾fusion。由於黎得台式餐廳，當然叫啲台式飲品，呢杯係菠蘿橙梳打，相當消暑。呢杯叫我的最愛，呃like一流，不過唔係我叫嘅口水雞三小拼盤，由左至右分別係豆腐，口水雞同埋溏水蛋。我自己唔好辣，呢款口水雞無咗啲配料都算唔太辣，朋友連埋配料食，佢話辣得過癮。另外兩個都係合理配搭，沖番啖口水雞嘅重口味。戀戀柯仔煎，去到台式鋪有得叫都會叫呢個，之前係台灣夜市試過係一試難忘，估唔到黎到香港又試到。蚵仔鮮甜，配番個皮唔會令到啲味過濃，佢仲有隻蛋係中間調和番，真係極推薦。香菜爆芝雞扒，今次嘅主角。平時台式鋪啲炸雞扒已經好正，但少不免有啲罪惡感，因為好肥，呢個有埋芝士，極重味，但佢加番菜嘅元素係裏面，令成件事無咁邪惡（但係都唔係善良），起碼你可以係咁食又唔覺好膩。由於朋友望住出菜位，見好多人都有叫呢個，所以都叫埋，鹽酥排骨。望落唔多，但原來兩層，堅脆口，但呢啲會膩嘅，佢都極識做，係下面放咗啲托盤嘅菜，唔好諗住佢只係用黎扮多（因為唔駛扮

將軍澳近年愈黎愈多野行😆又多餐廳！今日同屋企去左呢間食台式野！懷念下台灣感覺😚呢到既menu超多選擇！咩類嘅既野食都有☺️我地叫左2碗刀削麵！個麵幾彈牙！口感唔錯😆個湯都夠濃🥰好味一碗係牛筋牛肚都好香好濃醃得好入味😀另一碗係紅燒牛肉我都幾鍾意😚然後叫左幾個小食(2個人食勁多野🤣)生煎包都幾正！個包皮唔會太厚！又煎得幾香！麻辣豬耳一流！夠曬麻好香好正！😆蚵仔煎有好多蚵仔好足料☺️葱拉麵雖然有小小油但都好香濃😆

戀上台式料理加做台式放題，等位時間比之前更加之長。落單要用QR Code，但不支援Android外掛程式，只可使用iPhone，人手落單又因人手問題，遲遲未能下單。戀上酸菜魚 酸菜魚近年深得港人喜愛，連台式餐廳亦有此菜式，酸菜魚湯汁酸清開胃，魚片薄切無骨，味道嫩滑，酸菜萵荀入口爽脆。薯粉略為粘身，不易分開。魯肉配時菜菜心幼身，入口清甜無渣。水蜜桃生炒骨生炒骨酸酸甜甜，肉質軟腍，帶有略厚的粉漿，水蜜桃減少菜式肥膩厚重感。黑糖仙草鮮奶 仙草鮮奶味道稍甜，配上下火仙草，可以中和菜式的濃烈口味。