戀上台式料理 (已結業)

秘製酸菜魚套餐好抵食，大大碟嘅酸菜魚同水晶粉，連埋惹味嘅魯肉飯，魚肉雪白滑嫩，調味香濃，超級好食😍鮮茄紅燒牛肉麵套餐都好大份，牛肉大件有咬口，麵條粗身彈牙，連埋木耳等等嘅配菜小碟，非常好食🤤飲品方面都幾多選擇有好多特色嘅台灣飲品，應有盡有，大部份都有齊，叫咗珍珠奶茶同埋奶蓋綠茶，珍珠彈牙有咬口，綠茶奶蓋入口順滑，而且奶蓋質地非常適中，味道亦都唔會過鹹，非常好飲🤤環境都一流，望出去就係海旁，非常relaxing，成個用餐經驗超正😍

有海濱長廊嘅怡人景色，餐廳寛敞舒適嘅環境，仲可以帶埋毛孩🐶😺一齊嚟進餐，簡直係賞心樂事。下午茶餐嚇你一跳🤩平到不得了‼️台式川辣紅燒牛肉刀削麵🍲+菊花蜜 🌼$48，無需加一以為下午茶碗麵會細啲，點知係正常size😍，相當驚喜。牛肉🐂有牛𦟌同牛腩，數量都有7至8件，肉質鬆軟，但牛肉味就唔太濃。最特別係加咗兩件爽甜大紅蘿蔔，可以中和牛肉嘅燥性。刀削麵軟硬度適中，唯獨是有部份麵條黐埋一舊舊。湯底好濃郁，有啲似肉骨茶嘅味道，又唔油膩。

四人限聚令下，所有食肆晚上十點要收市，七點多在開飯apps找到這店，網上預訂的九時入座可享七折！到店後立即叫食物，雖然都是平常台式食品，但味道不錯呀！連下單、完成食物，四十五分鐘搞掂！

陽光普照的星期六，约好友在將軍澳沿海濱長廊行吓曬曬太陽，吸收维他命D，坐吓Chill吓，正！香芋珍珠鮮奶，鲜奶味比香芋味濃，不是太甜，算是不錯喔！鹽酥雞扒，香口美食，一台式味道！酥炸墨魚咀，外層脆內裡墨魚咀肉質依然保持彈牙，不乾身，👍

很少出差工作會遠至將軍澳正正在工作地點附近的翩匯坊聚集很多美食想不到每間也大排長龍這間小店位於近海旁的單車徑，也排了接近十五分鐘店內使用開放式設計，歡迎帶同寵物光顧午市餐牌很划算又有彈性可自由轉配飯或麵加配小食的價錢只需$10，可惜已售馨鹽酥大大雞扒魯肉飯 - $74的而且確的大大塊，切件上碟，底部有少許椰菜絲吸收多餘油份離遠已散發出陣陣台式中藥粉的獨特香氣外皮酥脆得鎖住雞肉汁，裡面卻很柔嫩，非常香濃厚實魯肉飯的豬肉肥瘦比例平均，不油膩，醬汁滷汁咸中帶甜凍古早冬瓜茶 +$3底部有少許冬瓜渣的確真才實料味道軟綿香甜，感覺清爽

餐廳：戀上台式料理 (將軍澳)地址：將軍澳唐俊街21號翩匯坊地下G26號舖難得假期入咗去將軍澳果邊放鬆吓，去咗2018年落成嘅翩匯坊，果到簡直就好似一個歐洲小鎮🏞，除咗有好多外國人之外，仲有一個綠化地皮同海濱🌊，仲有唔少人帶埋寵物寶貝過嚟食嘢散步🦮🐈果到有好多餐廳，我就搵咗呢間戀上台式料理食個下午茶，飲杯珍珠奶茶，一邊睇下書都幾寫意📖，呢間餐廳仲係一間animal friendly台式餐廳🇹🇼 ，有好多狗狗呀🐶😍脆香雞扒刀削麵 $40呢到嘅下午茶唔貴，大概$40就有，而選擇亦都唔少，飯、麵、甜品都一樣有。呢個脆香雞扒刀削麵幾大碗😂，原本仲諗住叫多個生煎包，好彩無叫到🙈，雞扒即叫即烤好香脆，雞扒肉嫩滑，一口就爆汁，食果陣仲聽到啲皮嘅鬆脆聲，雖然有啲邪惡，但好食就唔理得咁多了🤤，麵底就揀咗刀削麵，每條麵都好完整彈牙，湯底仲有陣陣濃湯藥膳味，相信個湯底落足料去熬製👍古早珍珠奶茶下午茶餐加$15就可以換埋呢杯古早珍珠奶茶🧋，唔記得叫少甜所以飲落有啲甜，不過茶香幾出，加埋煙韌QQ嘅珍珠，食到呢個下午茶都已經好滿足🥰

呢間之前夜晚食唔一次，燒肉份量相當少，好唔抵食。不過試過台灣野又覺得ok，今次晏就黎到都等咗一陣先有位。主要係員工真係比較手忙腳亂，所以安排入座都比較慢。川辣紅燒牛肉麵揀咗刀削麵，麵質硬度岩岩好，湯底都好惹味。蘿蔔同牛肉都幾林，但呢碗麵個敗筆係個牛𦟌，超級韌，完全咬唔開。鹽酥雞扒刀削麵呢個湯底就相對清小小既，雞扒好Juicy，同都好大份。不過嗌呢份野就真係等得有啲耐。當日係嗌lunch set包一個前菜同埋飲品，前菜係上咗主菜都未上，要催先黎，感覺呢間餐廳既運作唔係好smooth，有待改善。不過呢間餐廳既環境唔錯，又有户口位置，有陽光，成個用餐體驗都算係有啲搭救。

好耐冇去過戀上台式料理，原來出咗好多新菜式😛不嬲都好鍾意呢度，因為鄰近海旁真係好舒服😌可以睇吓海景。如果唔係因為喺將軍澳區我應該會成日都嚟食嘢！今次叫咗酸菜魚湯麵+台式肉燥飯，酸菜魚湯麵好大碗，酸菜魚好入味，個湯都好好味😋差唔多比我飲晒。個肉燥飯啲肉燥係半肥瘦五花腩，好夠油香，送飯超正，啲飯又軟硬適中。成個套餐都只係$98，仲送青瓜小食，兩個人食都好夠飽，幾抵食👍🏻！飲品方面我地叫咗個珍珠茉香奶茶🧋（套餐只係加$15）其實佢有好多款飲品可以揀，眼花撩亂，因為我樣樣都想試😋最後就揀咗呢一個，我叫咗小冰同埋半糖，因為唔想飲咁甜。呢度啲飲品都好大杯，抵飲！飲落去好香茉莉花味，成個味道都恰到好處唔會太甜，珍珠都好有咬口好煙韌。另外仲叫咗人氣芝麻雞翼連雞翼尖。有四隻，每人兩隻啱啱好唔使爭😛個雞翼即整熱辣辣，又有芝麻香，皮脆內嫩👍🏻👍🏻值得一試！嚟到呢度當然唔少得叫甜品🍮芋圓仙草豆腐花，超好食😋好食指數達五粒⭐️。入邊啲料超多，有士多啤梨喺上面，另外仲有芋圓、仙草、紅豆蓉、珍珠、豆腐花，成個配搭都好新穎，芋圓好有咬口，成個配搭唔會太甜又好好味，真係好食都唔識得形容！下次再來一定要再encore😝🐱總

台式紅燒牛肉刀削麵，紅燒牛肉口感厚肉、軟腍，食落好入味，紅燒湯底味道濃香、帶有藥材味道，配料包括有紅蘿蔔、芫荽，刀削麵口感爽滑，容易掛湯。鹽酥大大雞扒配刀削麵牛肉湯，鹽酥大大雞扒口感酥脆，味道正宗，肉汁飽滿，配以千島醬食用，味道清新。川川辣辣口水雞，表面鋪滿花生、辣椒油、白芝麻、辣椒乾、肉末，雞件肉質滑嫩多汁，食落好惹味。戀戀蚵仔煎，蚵仔味道鮮甜，蛋香味濃，配以甜醬油食用，味道更佳。士林鹽酥雞，即叫即炸，口感香脆，味道咸香，肉質嫩滑，食落好Juicy。蘿蔔蟲草花燉湯，紅蘿蔔、青蘿蔔味道清甜，白飯，口感軟硬適中，食落有咬口。椰奶芋圓仙草，好足料，椰奶味道香濃，口感幼滑，芋圓、紫薯圓、地瓜丸、珍珠，口感煙韌。黑糖珍珠鮮奶，珍珠口感Q彈，充滿黑糖味道，鮮奶奶味醇厚，口感細滑。百香果茶，味道香甜，茶味濃厚、帶有果香。

天氣開始無咁凍，又可以帶 #小b 出去食嘢同行下，將軍澳南呢邊原來都幾好環境，新樓海旁邊沿途都有好多露天戶外嘅餐廳🍴，仲接受狗狗🐶一同用餐，其中一間係台灣料理，午餐🥣下午茶餐🥣同樣經濟，寧靜悠閒舒適☺️.———————————————————————————🥢🍜紅燒牛肉麵🐮💬台灣料理指定必叫之一，紅蘿蔔、白蘿蔔，大大件嘅牛筋腱，熱湯在涼風下更添暖意😌.🥢台式拼盤肉燥飯🍚💬肉燥唔太濃味偏淡，雞翼、牛𦟌、牛腩好快就吹凍，唔夠湯麵食得痛快，加配滷豆腐更豐富😎

平日夜晚 2個人 不用等位揀左坐戶外經QR code落單戀上三杯雞$88唔夠熱 味道唔夠濃  雞既份量就夠多戀戀蚵仔煎 $60我少食蚵仔煎   不知道傳統整法都係咁呢? 蛋係邊位  中間有D啫哩狀既野  同埋唔夠香口我用左蠔餅黎比較同埋都係唔夠熱.... 蠔嘅份量都幾好味  係略為少左D蛋既份量  士林鹽酥雞$55次次都係好好味  又夠熱  但今次唔夠熱.... 味道亦唔夠咸  無乜味  份量係夠多既台式川辣紅燒牛肉麵-送3小碟前菜 (分別係青瓜+花生+木耳)今次既牛肉麵就夠味喇  應該係D辣醬夠晒多 牛肉都好淋  有四至六舊  好味可以揀刀削麵或陽春麵  揀左刀削麵  麵質亦不錯  唔會太淋或太硬 好味呀!3小碟都不錯  有酸酸地既青瓜  辣辣地既木耳  同埋花生 不錯最鍾意既甜品  芋圓仙草豆腐花除左芋圓仙草豆腐花仲有珍珠同提子  每樣都係我喜歡既所以好岩口味  不過就甜左DD今晚唔知點解全部食品都唔夠熱

上網見評價好似幾好，咁見openrice訂座感謝祭有特價，就揀左呢間$20訂左原價$288燒肉拼盤。點知一上個拼盤，哇咁細碟嘅! 每樣都得三四件，夾埋都係10-12件，仲要超級薄，燒燒吓都因為痴底散曬。好彩係特價咋所以都算啦，但如果我原價$288叫呢碟肉，實好嬲😅 不過餐廳環境係海邊係chill嘅，同埋員工態度都ok，所以一路食都舒服嘅。但後黎見到隔離枱唔係用$20優惠叫呢個拼盤，係大碟啲架!! 起碼多3分1!! 之前去過幾間感謝祭嘅餐廳，每間啲份量都係original嘅份量，唔會因為你係特價而偷工減料，因為餐廳做呢個promotion就係想客人覺得好食，吸引佢地下次再食嘛，同埋你寫明係賣呢樣產品俾我，你結果偷雞縮細份量其實即係呃人，如果我早知我特價只係買一個特價嘅份量，我就唔會買啦😥我地仲有叫其他飯菜同小食，如果我早知偷工減料，我可能其他野都唔叫，淨係食完個燒肉就走🤣

唔識做（湖）鮮就唔好做啦，這次經驗摧毀了我對貴店一直既好感。入場時已充滿疑惑，縱觀全場，冇人食大閘蟹放題。心知不妙1. 配備亳無誠意大閘蟹醋，除可螃蟹腥味，減輕寒氣，還可以增加螃蟹的鮮味。你個黑醋完全唔掂，味薄唔香。大閘蟹剪，提供較大身既海鮮較剪（刀身偏闊），不是常用的大閘蟹剪（刀鋒幼長），所以比較難剪蟹腳部位。（可能你一早知道你啲大閘蟹好唔掂啦）2. 蟹粉類小菜準備誠意欠奉蟹粉餃子，蟹粉花枝丸 - 第一次見蟹粉類點心，啲蟹粉唔係釀入去隻餃子/丸裏面，只是輕輕放一篤係粒丸或餃子上面。連呢啲手工都慳埋,真心唔好食囉。你個花枝丸，求其係超市買包都好味過你。還有那篤蟹粉只有腥味，欠缺鮮甜味。3. 奇臭無比大閘蟹愛吃大閘蟹一定深明九月圓十月尖既道理。第一round佢竟然先嚟4隻硬膏蟹乸，依家咩月份呀？就我當無講清楚，第二輪叫了4隻公，佢又嚟4隻蟹乸。同佢反應，佢只講唔好意思就走咗去。戲肉來了，一開蟹蓋，奇臭無比，連開兩隻深黑色肺既死蟹。嚴格嚟講，應該稱為已死去一段時間既腐蟹先啱，你竟然煮一隻死去已久既蟹俾客食。本人從未見過如此恐怖既臭蟹，忍不住影了張相，費事你話我亂寫屈你，有圖有真相。蒸蟹前，

啲蟹差唔多全部都有一浸尿壓味， 仲有兩隻係發出惡臭， 顯然係死咗好耐， 一打開個肺黑色， 奇臭無比， 我即刻將佢放喺隔離張吉枱， 但都仍然係臭到爆。。。啲蟹粉餃子，蟹粉花之丸 上面嘅蟹粉， 都非常腥臭。蟹粉花枝丸， 完全唔覺係花枝做， 好似粒唔彈牙嘅魚蛋， 毫無誠意。。。。我哋有好聲好氣咁同佢哋講， 啲蟹好臭， 雖然佢哋冇反駁， 但係轉頭又係攞啲死蟹出嚟， 唉 !!!

見到好多食評寫得不錯，滿心期待去食飯，結果真係令我全家好失望！叫咗個牛肉爐端燒，$288（平日八折，$230)原本諗幾抵，不過一夾起就真係唔識笑。非常細件+非常薄，燒時真係要非常小心反轉，否則如果啲肉黐住個網，就成塊撕爛晒。因為太細塊，基本上食唔到牛肉嘅味道。炸雞＋滷肉飯正常，蚵仔煎無乜味。芒果沙冰明顯唔係用新鮮芒果，味道非常假，難飲。水果茶＋奶蓋好一般，街上任何一間台式飲品店都好飲過佢哋。唯一好彩，我哋諗住食住先，然後再追加好食嘅嘢，遇到咁嘅情況，只好食完即走。埋單$540，唔飽之餘，亦唔好味，不會再幫襯，亦唔推介。