129
18
13
等級3
31
0
2021-04-04 268 瀏覽
海旁既餐廳得幾間,可以食住野望住海,環境唔錯,於是就試一試呢間,可惜有d失望。鍾意食花枝丸嘅關係,所以都試過唔少花枝丸,呢間就係特別在加咗黑松露,雖然有黑松露嘅香,但係個花枝丸炸得認真一般,普通小食店嘅都炸得香脆過佢,加咗黑松露好似懶高級咁,但係花枝丸先係重點。紅燒牛肉麵就不過不失,冇咩特別。前菜有幾塊蓮藕,冇咩味道。嘢飲叫咗香芋沙冰同埋荔枝沙冰,兩杯嘢都激死我。香芋沙冰味道好淡,完全冇香芋味,講緊係啲冰未融之前,荔枝沙冰就相反,甜得滯,好似飲糖水咁,荔枝味係夠嘅,融少少冰會好飲啲。呢個特別在係你叫少少肉都可以幫你開一個爐,可以體驗下燒肉嘅滋味。不過$98嘅肉眨吓眼就食晒,肉係幾好味嘅,佢配嘅菇其實都唔錯。見到其他人燒菠蘿好似都幾好咁,有機會可以試吓。另外仲叫咗個話梅凍豬手,之前未食過,朋友話喺第二度食過好好食所以就叫咗黎試吓。食過就覺得淡茂茂冇乜嘢好食,都唔覺有話梅味,朋友話第二度嘅話梅味會酸啲好食啲。除咗呢度近海旁,可以食個景,食物方便真係冇乜特別。不過佢嘅菜單有好多款選擇,可能咁啱揀唔中佢好味嘅嘢食。但係近海旁都諗住可以嘆吓,但係排隊等嘅人都好多,所以食完都要即刻走,都冇乜點可以
更多
海旁既餐廳得幾間,可以食住野望住海,環境唔錯,於是就試一試呢間,可惜有d失望。
黑松露黃金花枝丸(六粒)
$48
3 瀏覽
0 讚好
0 留言
鍾意食花枝丸嘅關係,所以都試過唔少花枝丸,呢間就係特別在加咗黑松露,雖然有黑松露嘅香,但係個花枝丸炸得認真一般,普通小食店嘅都炸得香脆過佢,加咗黑松露好似懶高級咁,但係花枝丸先係重點。
鮮茄紅燒牛肉麵-附送前菜
$78
3 瀏覽
0 讚好
0 留言
紅燒牛肉麵就不過不失,冇咩特別。前菜有幾塊蓮藕,冇咩味道。
香芋沙冰
$30
5 瀏覽
0 讚好
0 留言
嘢飲叫咗香芋沙冰同埋荔枝沙冰,兩杯嘢都激死我。香芋沙冰味道好淡,完全冇香芋味,講緊係啲冰未融之前,荔枝沙冰就相反,甜得滯,好似飲糖水咁,荔枝味係夠嘅,融少少冰會好飲啲。
美國特板牛小排
$98
6 瀏覽
0 讚好
0 留言
美國特板牛小排
$98
2 瀏覽
0 讚好
0 留言

呢個特別在係你叫少少肉都可以幫你開一個爐,可以體驗下燒肉嘅滋味。不過$98嘅肉眨吓眼就食晒,肉係幾好味嘅,佢配嘅菇其實都唔錯。見到其他人燒菠蘿好似都幾好咁,有機會可以試吓。
另外仲叫咗個話梅凍豬手,之前未食過,朋友話喺第二度食過好好食所以就叫咗黎試吓。食過就覺得淡茂茂冇乜嘢好食,都唔覺有話梅味,朋友話第二度嘅話梅味會酸啲好食啲。
除咗呢度近海旁,可以食個景,食物方便真係冇乜特別。不過佢嘅菜單有好多款選擇,可能咁啱揀唔中佢好味嘅嘢食。但係近海旁都諗住可以嘆吓,但係排隊等嘅人都好多,所以食完都要即刻走,都冇乜點可以嘆吓嘅機會,如果要慢慢嘆可能要好夜嚟。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-03-11
用餐途徑
堂食
人均消費
$182.5 (晚餐)
慶祝紀念
紀念日