戀上台式料理 (已結業)

住喺將軍澳區，之前經過好多次，加上見到啲食評一直都好想試，不過真係可一不可再，而我亦都忍唔住俾咗我第一個劣評。我哋叫咗三個lunch set、有牛肉麵、炸雞扒同酸菜魚，三樣都好普通，酸菜魚嘅魚食落去係唔新鮮，另加兩個小食，柯仔煎同炸墨魚咀，一個就太多麵粉，太少蠔仔，而且唔覺得有蛋，另一個直情係冇味⋯⋯然後好了，我哋無影哂其他食物相嘅原因，係因為佢上酸菜魚嗰陣，啲湯整濕晒我部電話，侍應雖然係有講唔好意思，但係完全企左喺度唔知想點，紙巾毛巾都冇諗住拎過嚟，彷彿一句唔好意思就完咗，但係倒瀉唔係一兩滴，係成個電話都係⋯⋯已經冇叫佢可能俾少少優惠我哋，但係連一句道歉都冇。加上唔係特別好食，又唔係特別平，真係唔會再嚟，而且其實真係幾失望🙃🙃🙃

將軍澳自從海邊起左一堆新樓之後狗狗就多左好多好去處，個一帶嘅餐廳都係pet friendly，大家可以同狗狗一齊食飯😍食完仲可以係附近行下識下朋友仔🥰餐廳係開放式設計，坐門口位置嘅客人既可吹到冷氣又可以望到海景都幾舒服日式放題就食得多，台式放題都係第一次食😍平時都好鍾意食台灣野，今次仲可以任食😍一定要食返夠本，回味下台灣味😋餐廳都有好多食物類別選擇，基本上熱門嘅台灣飲品同食物都一定有，再有烤肉同烤魚😍🍱120分鐘台式美食＋【日本和牛、美國牛小扒、西班牙黑毛豬】烤肉放題 $276*（OpenRice買coupon）台式美食類：🦪戀戀蚵仔煎 雖然味道唔係好正宗，但係又幾鍾意佢呢個改良左嘅版本，我諗會比較啱香港人食質地偏乾身，冇傳統台灣個隻咁滑潺潺，煎得好香，而且有好多蠔🧆鹽酥雞 ＆ 鹽酥大大雞扒其中一樣超鍾意食嘅台式小食😍呢到啲鹽酥系列係會伴千島醬一齊食，酸酸甜甜咁，配搭新穎又特別外層炸得夠脆，炸粉厚薄適中，雞肉嫩滑，但係又唔會乾🍡黑松露黃金花枝丸花枝丸粒粒炸到金黃色，加埋黑松露醬好特別🍗人氣芝麻雞翼平時放題食到嘅味道🤣雞肉嫩滑🍤基隆市甜不辣蝦肉夠彈牙🌮千層三星蔥拉餅類似手抓餅，可能煎餅煎

將軍澳自從完成海旁工程之後，除了有一系列靚靚房子🏢🏬🏫⛪️落成，也帶動了海旁不少餐廳開業🎊。不過位處咁Chill靚景，價錢自然包括在內😁，口袋內有間平靚正餐廳，就今日出賣自己😂，公諸同好喇😋！餐廳位於將軍澳海旁餐廳列的最盡頭，從前在餐廳外更設有戶外枱椅，食客們帶同心愛💚寵物🐆🦙🐩，更Chill更嘆😎！可惜好像是公用地方使用問題而停止戶外枱椅😢。餐廳內滿滿台灣的氛圍，有兩個漂書收書櫃🍁，還有木枱藤椅也帶來悠閑舒適的感覺🌿。🧧紅燒牛肉麵套餐(刀削麵）HKD$87牛肉包含牛展及牛肋條，份量超級多🤩！牛肉炆得極軟冧入味，尤其牛展的咬口更加添幾分爽口彈牙😋！刀削麵麵質富彈性，加上打摺的麵邊更能掛湯😙！湯底除了肉香還有陣陣藥材中藥味，就像台灣的四神湯，好味😋！🧧傳統手工魯肉飯伴台式烤腸及溏心蛋套餐HKD$85一看菜名便知可滿足小編不少願望🎋！上枱時可能個碗太大，碗飯好似得好少😅，感覺就好似去參觀火山口一樣喇😂！不過食落其實是夠食的，只是觀感問題喇😆！手工魯肉不肥不瘦，味道濃郁好下飯😗！台式烤腸香脆惹味😙！那半隻流心蛋更軟滑好味到不捨得食哂😭！🧧滷水豬耳 追加HKD$10🧧傳統手工魯肉配

自從搬咗嚟觀塘區之後就多咗入嚟將軍澳食飯去完don don 度shopping之後就去附近搵食,河邊方向有好多少有格調嘅餐廳~看看餐牌,呢度相對抵食餐枱裏面嘅食物款式都頗多,除咗一般台灣嘅為人所知嘅食物之外,仲有烤魚啦酸菜魚之類都幾好坐 奶蓋白桃烏龍 $38 ,上面嗰層奶好棉密,帶點鹹香,非常美味!好滑! 至於下面的白桃烏龍,每一口都飲到白桃肉,烏龍茶清清的,非常合拍 古島冬瓜茶$18 ,非常推介好濃味呀!而且18蚊都好抵飲台式牛筋牛肚麵 刀削麵$78 這個組合最出色竟然係個湯底同埋嗰嚿蘿蔔!湯底好甜,羅白非常入味。湯底真係不得了熱辣辣刀削麵有咬口得嚟又唔淋,硬軟硬適中鹽酥排骨飯珍珠米飯$78!呢個係必點㗎但分量非常之多鹽酥排骨頭咁直情係台灣古早風口味!脆得呢裏面一啲都唔乾!點上特製沙律醬,更有風味!三扒兩撥就食曬啦戀上台灣鴨血煲$128 好惹味嘅組合除咗鴨血,入面仲有豬腸!用來送飯一流!怕辣人士要注意!下單嘅時候記得叫小辣呀

🌎戀上台式料理 (將軍澳)將軍澳海濱長廊行到又熱又攰 好彩附近有食肆 太耐無食過台灣菜啦 好懷念九份魯肉飯 所以去左呢間餐廳 ▫️鹽酥雞扒肉燥飯$78大大塊雞扒外皮炸得香脆，食落雞肉肉質嫩滑，加左少少椒鹽粉更加惹味。肉燥飯都大大碗，肉燥醬古早風味道一般，食落比較膩。▫️蚵仔魯肉飯$88附送日式前菜一兩樣 食完都幾開胃 另外蚵仔魯肉飯大大碗 真係食到好飽 表面蚵仔唔算細粒 分量ok 魯肉好香 送飯一流 味道一般💵人均消費：78✨環境及衛生：8/10🙋🏻‍♀️推介指數：7.1/10📍將軍澳唐俊街21號翩匯坊地下G26號舖

愛上你 不需要理由～最近除左聽返啲舊歌 仲去左將軍澳散下步食好西之餘 同時 戀上台式料理❤️今次我踏出我嘅第一步食戀上蚵仔魯肉飯($88)我選擇左古早味道 但出奇地蚵仔同魯肉好夾滿滿的新鮮蚵仔鋪滿整碗飯下面搭配偏多的魯肉及醬汁 成碗都鮮味滿滿😋而MY BOSS就揀左台式牛筋牛肚麵($78)牛肚有嚼勁且吸飽湯汁味道 食完即刻齒頰留香😬牛筋軟硬很適中 爽而不太韌 配上麵條 好味👍🏻除此之外 戀上軟Q鴨血 ($42)鴨血非常入味 帶少香辣但不刺激 入口即溶🤗而最邪惡嘅係芝士爆漿炸雞排($62)咬一啖 滿口都係芝士 芝士香濃而不膩🧀配上一杯Oreo薄荷朱古力($38)同粉戀瑰荔($38)前味朱古力濃郁 後者充港玫瑰同荔枝香味為呢一餐台式料理加分不少🙆🏻‍♀️-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

肥雞估唔到響唐俊里，呢啲環繞住高尚住宅嘅私人屋苑地區，會有一間價錢咁貼地，氣氛有咁好嘅台式餐廳。最重要佢有得食烤魚，今晚即刻捉埋老豆阿妹一齊去chill一chill。肥雞七點鐘去到都要等位，等咗半個鐘終於有枱，肥雞嗌咗個最抵食嘅三人餐，套餐包括一條烤魚，肥雞揀佐蕃茄烤魚，配三碗白飯，加十蚊變魯肉飯 ，小食三選一，肥雞揀咗麻辣鴨血，仲有三杯嘢飲，肥雞嗌咗雪糕玫瑰桃汁，外貌超夢幻。佢嘅蕃茄濃湯烤魚，味精反而唔係好重，所以食落喉嚨好舒服，條烤魚炸得好香脆，配埋酸甜開胃嘅茄汁，一啖一啖咁食落口都唔覺。滷肉飯配埋日本珍珠米，用料一啲都唔孤寒。麻辣鴨血一食入口好大陣孜然味道，鴨血好滑，配埋麻辣醬汁，食一啖直衝腦門。唔好畀佢停，我哋再嗌咗梅汁甜酸豬手，呢一個係凍食，每一啖都係濃濃嘅骨膠原，再嗌多個藥膳排骨湯，冇乜味精，藥膳味重。黃金黑松露花枝丸，香口食物。酥炸墨魚咀，彈牙爽口，爆汁生煎包，記住用匙羹逗住食，如果唔係嘥曬啲肉汁。再整多個柯仔煎，充滿台式風味，呢一餐真係食到捧住個肚走 。

將軍澳嘅新餐廳越開越多，今日同朋友經過將軍澳海邊，見到有一系列嘅新餐廳，間間都好吸引咁。朋友話好耐冇去台灣旅行，好想食下台灣嘢，一於就試吓呢間台式料理餐廳。一入門口就聞到好大陣嘅燒肉香味，見到有唔少客人都嗌咗台式烤肉，望到都流口水。兩個人食得唔多野我哋就決定叫一份烤牛胸腹同埋大腸干鍋，再叫左個星虹沙冰。牛腹肉配上店家特製嘅烤肉汁，食落非常香口而有肉味，醬汁甜甜地好開胃。大腸乾鍋好香脆， 唔好睇好似好多辣椒咁，但其實唔會好辣，大腸煙煙韌韌，好有口感。最吸睛嘅都係呢杯沙冰，七彩繽紛嘅顏色好夢幻好少女，飲落酸酸甜甜，每隻顏色都有啲唔同味咁，打卡一流。呢度嘅環境都相當舒服， 而且位處海邊， 搬露天嘅環境好開揚，真係有種去咗小旅行嘅感覺。

話說我哋有一套免費嘅staycation 套票，可以去九龍東皇冠假日酒店住宿一晚，就順便睇吓附近有咩好行好食，第一日嘅午餐我哋就嚟咗呢間「戀上台式料理」，開放式設計，可以對住河面嘆住食，好chill呢！不過天氣有點熱，想涼啲就要坐裏面啲啦。佢嘅午市套餐都幾抵食，低至$68就一個餐包飲品，不過放假就對自己好啲食好啲啦！我哋嗌左一個「芝士爆漿脆豬扒套餐」（配滷肉飯）（$113），豬扒都好大塊又厚，芝士夾係中間，真係啲芝士溶晒出嚟，豬扒炸得好鬆脆，冇肥膩感，仲有少少椰菜絲喺底，不過記得要喺啲芝士流晒出嚟之前就食啦，好好味！另外碗滷肉飯都好大碗，滷肉相對鹹咗少少，不過都可接受，附送兩片黃瓜。餐飲加咗$15要草莓冰沙，大杯冰凍，草莓味香，好爽呀！另一個餐係「完條厚燒鰻魚糖心蛋飯」（ $123 ），一盒便當咁上，好靚仔，鰻魚真係好長，糖心蛋有半隻，另外仲有花生和雲耳等配料，yummy!餐飲都係加$15飲黑糖珍珠奶茶，珍珠夠煙韌，奶茶甜到剛好。

將軍澳南這邊開了好多不同類型的餐廳。當中戀上台式料理係我幾鍾意嘅一間。之前喺度食過下午茶，環境氣氛同食物質素感覺都好唔錯。今日同朋友相約在海濱這邊行下，便順道係戀上台式料理食個午飯，呢道近住海邊和跑步徑，感覺十分休閒。食得台灣嘢點少得麻辣鴨血！麻辣鴨血湯麵$88 套餐仲附送一些前菜，腌製雲耳和青瓜味道酸甜，十分開胃。鴨血十分滑溜，吸收了湯底的麻辣精華，非常惹味。陽春面彈牙有口感，而且很掛汁，味道不錯。川川辣辣口水雞$78口水雞份量都唔少，啖啖肉，雞皮夠薄香滑，雞肉一啲都唔乾。口水雞味道濃郁，我很喜歡它加上了勁多白芝麻令到味道更加香。還有一些青瓜片放底，縱使吸收完口水雞的醬汁，仍然清爽解膩。芝士爆漿脆豬扒$68一切開豬扒就見到芝士醬爆出，賣相望落已經十分吸引。厚身豬扒內有香濃芝士，味道帶鹹香，炸粉夠薄，非常酥脆，豬扒肉味濃郁，而且不乾身，好食！鹽酥大大雞扒飯$78台灣野又點少等鹽酥雞扒！雞扒大塊，炸得鬆脆，內裏仍有肉汁，嫩滑無比。還有一個沙律醬，沾上更加惹味。滷肉完全毫不吝嗇地加上舖滿整個飯，每一口飯都沾上滷肉，滷肉肥瘦比例好好，食落口感層次豐富。食咗咁多熱氣野就當然要飲返杯芒果沙冰！芒

原先諗住去將軍澳嘅Donki買嘢，不過我朋友收工晏咗，所以一於醫完肚先去買嘢。見到海邊嘅商場有一間台式料理，好似都幾吸引於是同朋友去試吓。 環境都相當舒服，室內好有台灣旅行嘅感覺，擺滿左旅行書，充滿文青feel。餐牌上有唔少款菜式，原來除咗有台灣料理之外，亦都有好多款川菜。飲品嘅款式都好多，好吸引。同朋友叫咗個酸菜魚套餐，補錢叫咗杯水果茶同芒果沙冰。飲品賣相唔錯， 飲落亦都相當清新，好有果香，而且唔會太甜。 酸菜魚套餐除咗跟白飯，亦有一客小食，我哋就選擇咗麻辣鴨血。鴨血味道好香，好入味，但就唔會太辣，怕辣嘅朋友都可以食到。主角酸菜魚份量好大，酸菜味道好香濃，條魚有輕輕炸過，表面好香口，但易吸收晒湯汁嘅味道。加上唔少配菜，例如芽菜木耳等，成件事好豐富。我哋仲叫多咗個炸墨魚咀， 炸到成個波咁， 非常香口。整體來講都幾抵食，而且環境好舒服，好適合同朋友飲嘢傾偈。

今日下午放工早放了, 可以來到將軍澳海濱長廊舒緩一下壓力, 行到盡頭的翩滙坊看到不同種類的餐廳, 便決定在這裡吃晚餐, 今晚想吃台灣菜, 所以便揀選了這間戀上台式料理。店內座位闊落, 沒有焗促感, 看看餐牌上的選擇, 還是這個雙雙二人套餐最抵食。古早藥膳排骨燉湯, 松茸燉雞湯套餐可以加錢追加燉湯, 當然要一人一客嚐嚐。這兩碗燉湯用料豐富, 不含味精, 喝完也不會覺得口乾, 而且還是即叫即燉, 職員貼心地提醒我們燉盅很燙熱千萬不要碰到。戀上軟Q鴨血這碟鴨血切得很薄, 令醬料的味道更容易滲入裡面, 它的質感很滑嫩, 辣度適中。水蜜桃生炒骨這道生炒骨蠻有驚喜, 想不到在台式餐廳也能吃到這麼美味的港式小炒, 賣相外表很吸引, 生炒骨的外皮雖然吸收了水蜜桃醬汁, 但竟然還能保持得很香脆, 而且裡面的肉汁豐富。法式煎焗咸豬手煎焗咸豬手也相當出色, 豬皮煎得很香脆, 焗的時間亦掌握得很好, 不會令豬肉的水份流失, 而且味道不會過咸, 點些蜜糖芥末醬能有效減低肉膩滯感。魯肉飯很有台灣風味的一碗魯肉飯, 香軟綿綿, 粒粒分明的白飯上面淋上香味十足的魯肉, 惹味可口。菊花蜜隨餐附送的菊花蜜, 做得絕對不馬

唔去開呢頭真係唔知原來呢度咁多食肆，數埋可能都有20間選擇，最後就揀咗河邊呢一間台式餐廳，環境唔錯，有啲古代文清feel，側邊仲有不同書籍提供。我哋中午去到，享受唔到佢個台式放題，（要下午兩點開始，感覺都幾抵的），最後選擇一個古早味酸菜烤魚套餐，仲可以加配好多嘢，都好抵呀！套餐本身包一款小食，我哋選擇特色手工餃（六隻），估佢唔到咁多汁，一咬咇哂過對面位🤣🤣菜肉餃好好味，超多汁，推介！主菜當然係烤魚啦，大大盤端上來，有電爐熱着，一大條魚開邊上，條魚剛剛煮好，魚肉非常滑，酸菜味唔算好濃烈，個湯連埋啲魚一齊食係幾好的，另外有大量芽菜、豆卜、雲耳、酸菜等配料，雖然見到不少辣椒和芫荽，但係飲過湯唔覺得辣，唯獨是豆卜索晒啲汁，裏面反而覺得有點辣。套餐本身包白飯，我哋就加$10升級做滷肉飯，更加好味。另外加$18就可以要一盅燉湯，原價要幾十蚊㗎 ！梗係要啦！燉湯有松茸燉雞或者古早藥膳排骨，熱辣辣送上，兩盅都好足料，燉雞就相對濃味啲，顏色都深啲，至於古早藥膳排骨都好好味，見到除咗排骨之外仲有猴頭菇和紅蘿蔔粒，我最鍾意啲藥膳嘢㗎啦。唔夠喉再叫咗杯椰汁芒果沙冰兩個人飲，凍冰冰嘅沙冰又解渴又好味！今餐真係超

將軍澳海旁開了很多餐廳，朋友叫我們去走走吹海風順便吃晚餐，海旁有很多酒吧，可惜不勝酒力，所以最後選了這間台式料理。戀上蝦蝦，蝦雖然唔係好大隻，不過都幾新鮮，淋上芝麻，香戀上軟Q鴨血，鴨血是我一直挺喜歡的食物，麻辣味深透在鴨血當中，滋味無窮。水蜜桃生炒骨，想不到台式料理也有生炒骨，水蜜桃甜甜，配上菠蘿酸酸，生炒骨炸粉不太厚，整體還不錯，配碗滷肉飯一流。另外原來還有些燉湯可以叫，選了松茸燉雞，松茸是很健康的菇類，配上雞挺鮮甜的另外朋友叫了古早藥膳排骨，藥膳味也挺重，湯類算是不錯價錢也不貴。飲品就叫了台灣有名的冬瓜茶，下火。

夜晚約左久未見面既好友去將軍澳海旁食飯，係我閒時想食但又冇咩機會食到既台灣野-戀上台式料理，果然出去食飯最好 book 定位，在場見到唔少人食酸菜魚，可能好出色，但今晚都係 target 台灣特色既食物先。行到入黎都有啲口渴，叫左奶蓋葡萄同菠蘿四季春，奶蓋濃郁有厚度，四季春清新解渴。另外坐低店員就俾左兩小碟醃青瓜，岩晒夏天食。 滷肉飯絕對係我既台灣食物首選，唔係食佢幾好味，而係食回憶，價格都係台灣價但變左港紙，好正常，仲有半隻流黃既溏心蛋。因為太掛住台灣啲大雞扒，所以叫左個鹽酥雞扒陽春麵，雞扒勁大塊，肉質軟淋，外麵炸得酥脆，兩個人都食唔晒。最愛最愛台灣腸，朋友話係台灣夜市成日食，我就係香港都成日食，夾埋生蒜係簡單直接既味蕾衝擊。最後話梅豬腳有少少似薑醋豬腳，就算食多兩件都唔會滯住滯住，搞到我仲有啲想食薑醋咸蛋tim.Wonderful dinner gathering with old friend.