憶食尚臘味煲仔飯

營業中

休息中

#佐敦 @bo_jar_fan🧑‍🦱陪母親大人辦年貨, 再行到佐敦買個名物法包🥖! 途經一間新餐廳, 仲要係食煲仔飯, 剛好又攰又餓, 二話不說衝入去! 💁‍♀️裝潢陳設好新穎, 藍及綠色為主調, 陳設帶點復古風, 可以在一個優雅又舒適食煲仔飯, 感覺超良好! 🍲廣式臘味煲仔飯 $158 ~ 鮮肉臘腸、廣式臘肉、南安板鴨等! 用上300天散養土黑豬 + 53度芧臺醃製, 味道超香濃! 臘味油香四溢, 油而不膩, 入口綿香, 肥肉爽脆! 板鴨更是一絶, 肉質細緻, 整體配搭天衣無鏠! 🐥辣子雞丁 $108 ~ 好多好多雞丁! 不會炸得過火, 肉質仍然嫩滑, 配搭香脆辣椒, 麻香辣, 更是惹味! 🦐瑤柱蝦雜菜煲 $88 ~那麼多肉, 總要來個菜清一清! 菜不會過腍及黃, 上湯亦很讚, 飲了2碗! 🥳美滿的一個午餐! 特別一提, 茶相當特別, 初試新鮮玄米茶, 好香好濃郁的玄米味! 🤓同店員傾計發現原來老闆為臘味製造商, 擁有自家工場, 出品自然有保証! 難怪會有臘味禮盒套裝出售, 食過便知值得購買! 

很喜歡這裏的煲仔飯有別於傳統的中菜飯店, 裝修雅緻又不失中式風味。枱與枱之間有中式的屏風隔開，防疫意識高， 另食客食得安心.第二次嚟喇！今次試下呢個川味臘味煲仔飯奉上已經聞到臘味香，店員為我們灑上蔥花， 豉油再焗一下之後為我們撈起, 非常貼心. 臘腸臘肉臘鴨, 川味臘腸帶點微辣有少少煙燻味， 臘肉小肥撈飯啱哂！ 臘鴨色澤鮮豔 很重的鹹香。吃到最後當然有食煲仔飯最開心見到的飯焦啦 ! 飯焦的程度剛好， 沒有燶. 甜蜜咕嚕肉家常菜可見真章, 顏色鮮豔, 酸酸甜甜，外脆內軟， 鑊氣夠曬 ,視覺和味覺的一大享受。蒜片灼菜心灼得鮮嫩，綠綠悠悠， 熟成度剛好，有菜味又有蒜片清湯味 ,食飽重口味臘腸飯後加上一個清清地的灼菜心 非常 匹配.

呢個天氣最好係食煲仔飯，仲要環境比較高級，一於嚟試下先😋🥢食物🥢川味臘味煲仔飯$158: 店員好識做，打開蓋之後問我哋影唔影相先🤭之後佢就淋上豉油撈勻～個刻已經聞到好香已經好想食！臘腸有少少辣，味道較濃郁；板鴨鹹香入味，唔會好油膩！飯粒粒分明，夠哂香～2️⃣咕嚕肉$88: 好回味既餸菜～炸得好鬆化，啖啖肉，酸甜味道調校得好好👍🏻加埋菠蘿三色椒好開胃3️⃣娃娃菜$78: 我地揀用蒜蓉炒，娃娃菜入哂d蒜蓉味。💥環境💥由地鐵站行過去唔使5分鐘好易搵，地下同一樓分兩層，我哋坐了上層有屏風，私隱度比較高，裝修比較高級嘅感覺✨💥服務💥店員好主動加茶，有禮貌；個飯食到最後又幫我哋整飯焦不過啲嘢食即叫即整關係，就要等耐少少。

開始轉涼，即刻想食香噴噴、暖笠笠嘅煲仔飯，search到呢間煲仔飯店黎講比較grand啲既網上都多人推薦。叫左個臘味煲仔飯，係店舖的招牌菜首選👍🏻，臘味係自家工場製作，有信心保證。臘味份量足夠，啖啖肉又不太咸，配上白飯，加上蔥花同秘製豉油，吃起來好滿足，煲底嘅靈魂飯焦更加是香脆可口！家鄉小炒皇有驚喜，鑊氣十足，用XO醬瑤柱、蝦干、腰果等材料料咸咸香香很惹味，韮菜花夠爽嫩冇渣，值得推介！霸皇蔥油雞係雞髀位，夠入味！雞肉亦夠嫩滑，不錯。

想起煲仔飯，這間就真的很有名了，朋友們都超愛吃，臘腸是他們自家製，別的是沒得吃😋玄米茶～茶壺倒出來，真的能看到一粒粒的玄米，茶味清香順喉～川味臘味煲仔飯～臘味有3種，臘腸，臘鴨及臘肉，當中的臘腸最特別，是川辣香的，微微辣而已，不吃辣的伴飯也能吃；臘鴨非常好吃，鹹味剛剛好，不會像平日吃到的死鹹，這個是有鹹香的❗至於精髓的在於飯，飯粒鮮明而煙韌，吃到底的還有飯焦，很香又脆卜卜～娃娃菜～加了些火腿絲薑片等鹹味，簡單得來又好味～四季豆乾煸雞髀菇～雞肶菇切絲跟四季豆同炒，很香很惹味～

一天氣凍就想食返D暖笠笠既食物，唔係想打邊爐就係想食煲仔飯。黎左佐敦食煲仔飯，呢到環境好優雅，可以坐係到慢慢嘆。女朋友唔係太食醃製品，所以我地揀左香菇滑雞煲仔飯。一打開蓋就聞到陣陣香氣！飯上面鋪滿冬菇絲同雞肉，加埋蔥花同呢到秘製既豉油甜甜地，撈埋D飯食一流！食到最底staff會幫你剷起D飯焦，焦而不燶 ，好出色！2人share剛剛好。瑤柱蝦米雜菜煲真係夠哂雜😆，有齊菜心、西蘭花、小棠菜同紹菜！加上瑤柱蝦米，清清地又略帶鮮味，唔錯🤤。環境好又唔係比出面煲仔飯貴好多，推薦！

又到冬天食煲仔飯嘅時候啦，可惜禁晚市堂食，唯有午餐去食啦！見到呢度靚靚嘅裝修，又點會諗到主打係食煲仔飯呢！入到嚟坐低，覺得好似去咗高級餐廳食西餐，以藍色為主題，靚到可以打咭。呢度有3款茶，分別係鐵觀音，玄米茶，同埋菊花茶可以選擇，最後我哋叫左菊花。第一時間叫咗個招牌煲仔飯，上菜時侍應好細心先問你食唔食蔥同芫茜，之後會幫你加豉油撈飯。煲仔飯好香口，粒粒分明，臘鴨好有咸香味，食到尾，侍應仲會主動幫我哋起咗啲飯焦，香脆好食。之後，見到隔離枱叫咗個咕嚕肉幾靚，我哋以再叫咗一個試下😆咕嚕肉炒3色椒，看似普通，但食得出佢用咗蜜糖去煮，同出面啲咕嚕肉唔同，幾值得推介。最後，食得太多肉，加咗個菜心balance一下。

天氣涼涼地食煲仔飯確實不錯，約埋屋企人當然要找間環境舒適，老人家先可以坐得舒服啦！所以今次去呢間《憶食尚臘味煲仔飯》試吓先😊！川味臘味煲仔飯＄158一打開蓋，熱騰騰又香噴噴，灑上蔥花和芫荽，加埋頂級瓦缸頭抽，賣相一流👍🏻👍🏻！內裏有鮮肉臘腸(微辣帶惹味)、廣式臘肉和南安板鴨(鹹香入味)，而食到最底當然有金黃香脆既飯焦啦！粒粒油潤香脆，好好味😋😋！瑶柱蝦米雜菜煲＄88滾住咁上檯，香味撲鼻😊將瑤柱蝦米煮成湯，味道鮮甜之餘，再比蔬菜吸收埋鮮味，連湯都飲埋，好好味！👍🏻👍🏻甜蜜咕嚕肉＄88啖啖肉，每一口都掛滿酸酸甜甜的醬汁，肥瘦適中，超開胃👍🏻👍🏻！

餐廳環境好闊落 每張檯都有一個獨立既屏風去做間隔 令客人有更高既私隱度 同一般係廟街食煲仔飯嘅格局唔同 餐廳多數都係4-6人檯 我今日兩個人黎到 餐廳都安排我坐4人檯 呢間餐廳係行中餐館既路線 坐低後侍應會問你飲咩茶 呢到提供既茶葉既種類唔多 佢提供鐵觀音、菊花、玄米茶三款 我地就揀左玄米茶 玄米茶有助減肥 轉頭食多左都冇咁驚🤣🥢特色臘味煲仔飯（小份） $158煲仔飯拎上黎熱辣辣 一打開成個煲面都係臘味 侍應會問需唔需要芫茜蔥 要既話佢就會係撈飯時加埋比你 侍應會幫手淋上豉油同撈埋個飯 呢個位幾細心 因為個煲好熱 如果由食客去撈 有機會會辣親 加上煲仔飯拎到上檯既時候 瓦煲仍然用佢既餘溫加熱緊個飯 由侍應去撈就可以控制係呢段時間個飯焦既烹製時間 呢個煲仔飯有臘腸臘鴨臘肉 就咁食落d 臘味到會覺得幾鹹 但撈埋飯食就岩岩好 我覺得樣之中做得最好係臘肉 臘肉中間層油脂放左入口會有微微既溶化感 令到個飯又再增添一份油香 口質亦都唔會話好硬咬唔開 個煲仔飯都算十分有驚喜🥢芥菜排骨煲 $108叫左個煲仔飯之後當然都要叫個菜食下啦 呢個芥菜排骨煲 個湯有好香既胡椒同薑味 個感覺就好似胡椒豬肚湯既輕量

冬天最岩就係去食煲仔飯想座得舒舒服服黎呢到就無錯，前排去完西九，已留意到呢間店,環境不錯，座得舒服川味臘味煲仔飯賣相吸引，店員會再加上芫荽蔥同豉油拌均勻用上廣式鮮肉臘腸，廣式臘肉，南安板鴨臘腸加了花椒醃製，好香口，幾特別廣式臘肉肥瘦適中，板鴨咸厚肉而且鹹香入味飯粒分明 最底更有香脆飯焦，好好食蕃茄雞蛋湯麵看似簡單的菜式，麵條非常吸湯蕃茄湯好濃，食得好開心芥菜排骨煲胡椒湯底，排骨幾多肉食，整煲飲完暖笠笠

😌明亮舒適的用餐環境，乾淨溫馨，整潔有序，在這裡吃一碗熱氣騰騰的煲仔飯，簡直就是一種享受！🥢港式臘味煲仔飯（$158）一上枱熱辣辣、香噴噴，米飯中還帶了肉香，一煲3種臘味，臘腸、臘肉、臘鴨鋪滿整個米飯上，臘肉瘦中適中，而臘腸則肥中夾瘦；臘鴨味道較咸香，米飯乾身，粒粒分明，淋上一圈醬油，均勻撈起，每一粒都沾染成了醬油色。🍍甜蜜咕嚕肉（$88）色澤金黃誘人，口感酸甜鮮香，調味非常到位，咕嚕肉外皮薄脆，入口也不肥膩，配上新鮮菠蘿清新開胃！特別推薦！🥬上湯菜心（$78）菜心軟淋鮮甜，浸在味道濃郁的上湯裡，鹹淡適中，健康好味道！

呢間飯店位於一個不起眼嘅角落，不過其實幾近高鐵站🚝，主打煲仔飯🍚，當中亦都有啲紀念品賣，香港情懷正正合內地人心意，相信亦都係開喺呢個位嘅主因。美食博士我食咗個廣式臘味煲仔飯，估唔到咁大份都只係$158，集合廣式鮮肉臘腸、廣式臘肉、南安板鴨等三種上等臘味食材，並配有黑士種植的優質五常大米以及頂級瓦缸頭抽。另外仲有兩碟小菜，一碟係甜蜜咕嚕肉$88，同一碟上湯菜心$78 ，至於飲茶每位加$15 ，總共$389。值得一提嘅係佢有良好嘅服務，嚟咗個煲仔飯會幫你倒上豉油汁然後攪勻，等你可以容易食。林到最尾剩返啲飯焦，佢都會幫你將啲飯焦起出嚟，煲仔飯另一個好食嘅地方就係佢有淡淡焦香有脆口嘅飯。嗰度可以單獨買急凍嘅臘味，仲有得買一盒臘味煲仔飯，食材優質，味道香濃，烹製易煮。店內裝潢都好精緻，有種中國風，同時有幾有時尚感。

早幾日凍冰冰已經唸住同我高太去食煲仔飯依間係佐敦既煲仔飯我想試左好耐架啦今次終於可以同我高太去試食一下餐廳環境幾優雅枱面有高太鐘意既聖安娜花 我同高太嗌左個煲仔飯再加左碟菜餐牌上面得两種煲仔飯，只係辣同唔辣既分別唔怕有選擇困難症個煲仔飯黎左之後侍應哥哥會係上面加上葱花同豉油，再幫你撈埋距飯上面有臘肉，臘腸同臘鴨三樣餸都有油香，而且最好係無潤腸因為我同高太都唔太好潤腸飯有飯蕉飯蕉夠香脆唔會太燶整體都好食

一到冬天呢個季節就好想食煲仔飯，朋友就帶我到位於佐敦（憶食尚臘味煲仔飯），一踏入門口已經見到好多包裝吸引的臘腸及潤腸，已經好想買返屋企😋廣式臘味煲仔飯賣相非常吸引，有廣式鮮肉臘腸、南安板鴨和廣式臘肉等三種上等臘味食材，並配有黑土種植的優質五常大米以及頂級瓦缸頭抽，做出惹味的煲仔飯，肉味香濃，鴨肉鹹香入味，飯粒煙煙韌韌香中回甜，食到最後店員會幫我們將飯焦刮起方便食用，非常細心。薑蔥爆雞煲雞煲上枱時熱辣辣，薑蔥味道香噴噴，雞肉嫩滑好入味！瑤柱蝦米雜菜煲食完好香口的食物，飲返碗清甜的雜菜湯，材料豐富有西蘭花、菜心、白菜、瑤柱和蝦米簡簡單單已經帶出清甜的味道👍

今日因工作關係，到柯士甸附近見客，客戶朋友比左呢間餐廳既地址我，係呢度一齊食lunch好少可黎到柯士甸呢頭食飯，估唔到有驚喜，以為係一間普通既酒樓類餐廳，點知到埗望落原來都幾精緻，係有裝潢同格調既煲仔飯餐廳香菇滑雞煲仔飯一開蓋嘅時候，新鮮出嚟，十分之香，雞煮得岩岩好唔會老，再加上頭抽、蒽、芫荽，成件事十分夾。加上食完成個飯之後，飯焦都十分出色，好香口脆口，最緊要唔會有燶味，所以我地都食哂咁濟！甜蜜咕嚕肉上菜時熱辣辣，配搭三色椒、紫洋蔥，加上十分香甜既新鮮菠蘿，酸酸甜甜，十分合適送飯👍🏼最後要多碟小唐菜，健健康康，今餐午飯的確幾有驚喜，估唔到柯士甸呢頭有間唔錯既餐廳，值得推介