憶食尚臘味煲仔飯

營業中

休息中

顛覆咗食煲仔飯嘅環境記憶🤣講起煲仔飯就會諗起廟街，但其實佐敦都有一間煲仔飯專門店❤️環境靚之餘，啲煲仔飯仲好有水準😋臘味煲仔飯嘅靈魂係臘味！有油甘香味，但又唔膩。加上煲仔飯豉油就更加昇華🔥🔥🔥❤️臘肉脂肪同肉嘅比例好靚，唔會太硬，同埋啲香味留係口腔帶住口罩都聞到好耐❤️臘鴨最怕啲臘鴨好硬🥴好彩佢呢到嘅臘鴨唔係硬個啲，仲淡淡咸香味❤️臘腸有陣陣酒香味啲臘腸肥瘦均勻，超級好食😋個煲仔飯份量，1個人食都真係好飽！黎呢到食又方便，係柯士甸站岀行幾步就到一入到嚟靚到嘩一聲呢到仲有得賣臘味，又衛生，又好食！

雖然依家炎炎夏日成三十幾度，但突然好想食煲仔飯，search到呢間位於佐敦嘅憶食尙就決定試吓~ 佢係比較近柯士甸站，唔洗五分鐘就行到😆 餐廳有兩層，裝修幾靚同好高檔，坐得好舒服~ 餐具都好有特色! 我哋叫咗三樣菜🍚廣式臘味煲仔飯 ($158) 呢個係佢哋嘅招牌，望落去唔係好大但兩個人食一定好夠飽!! 飯面舖滿臘腸，臘肉同臘鴨. 職員會幫手落葱同豉油攪拌，好專業，如果我攪嘅話一定會飛哂啲飯出黎🤣 食到一半，職員會幫手刮飯焦出黎，啲飯焦都唔少，唔會太燶，卜卜脆，勁好食😋🐷甜蜜咕嚕肉 ($88)原本以為呢間餐廳淨係煲仔飯出名，誰知呢碟甜蜜咕嚕肉好有驚喜!! 個甜酸醬汁好濃，帶有蜜糖香味，咕嚕肉炸到好脆，咬落去又唔會覺得成口炸粉嘅感覺, 中間舊肉半肥瘦，唔會太乾👍🏻👍🏻👍🏻🍄四季豆干扁雞髀菇 ($88)四季豆炒得好香好有鑊氣，佢落咗啲黑椒所以零舍惹味🤘🏻 食咗咁多飯食返啲菜就啱哂😎☕️茶位 ($15) 我哋揀咗玄米茶，好香玄米味🤩總括來說，呢間係一間值得推薦嘅餐廳，職員服務態度好好，對住熟客傾得好開心，但對住我哋一啲都唔馬虎👍🏻👍🏻 環境闊落坐得舒服, 食物都好好味🙆🏼‍♀️

經過佐敦文匯街呢頭，諗住搵間餐廳食個dinner🌙🍽 見到有間餐廳裝修設計好有格調！睇睇門牌原來係食中菜😯 好耐無食過煲仔飯，見唔洗等位就入去試下啦。餐廳以藍白色為主調，環境雅緻舒適🥰 每一枱座位都好闊落，座位同座位之間以屏風相隔，提高食客既私隱度之餘，係疫情期間亦令客人堂食都可以食得安心啲👍🏻 一年四季都總會有人食煲仔飯♨️。估唔到就算夏日炎炎只要有冷氣，舒適既環境，都可以食得好舒服🥰 入座後，店員問我地想飲咩茶，有鐵觀音、普洱、菊花同埋玄米茶四款選擇。今次我地就揀左玄米茶。茶底係綠茶，口感淡而不澀。綠茶香氣與玄米香交織，味道好清新！🍵🍃🥄廣式臘味煲仔飯🍲落完order之後，店員主動提供豉油、蔥粒、芫茜，撈埋煲仔飯一齊食就更滋味煲仔飯配料包括香氣十足既廣式臘腸、板鴨、臘肉。臘腸帶有酒香，油脂分佈均勻，甘甜可口！板鴨口感實在，帶點鹹香。臘肉肥瘦均匀，三者撈飯一流吖🤤 米飯粒粒分明，夠乾身👍🏻 飯焦方面亦唔會過燶，可見廚師火候控制得宜。🥢甜蜜咕嚕肉🍍🐷🤭平時食小菜，每次都必點咕嚕肉，食極都唔會厭！😋 未上菜之前已經不時聽到廚房傳出’’混混’’聲，就知個鑊氣好夠🤣 咕嚕肉酸酸甜甜好開胃，外脆

今日我地去佐敦探朋友，然後一齊去佐敦揾野食，行到文匯街，見到一間裝修好靚的食店，叫做憶食尚臘味煲仔飯，就走左入去。 店有2層，一入去就見到好多不同的臘味飯盒，如果鍾意食，可以買返屋企。我地揀左坐樓下，店員即刻走來問我地飲乜野茶，仲向我地介紹餐牌內的食物，我地點左廣式臘味煲仔飯、霸皇葱油雞和娃娃菜。 廣式臘味煲仔飯內有臘肉、臘腸和臘鴨，加上葱和豉油，我地即刻聞到煲仔飯的香味，材料鲜味彈牙，有濃濃的飯香，軟綿綿的飯好好食。食完之後，店員主動來刮出煲仔飯的飯焦，飯焦卜卜脆，好好味。霸皇葱油雞也好味，雞軟滑適中，不肥不瘦。娃娃菜有美味的上湯，好美味。 我地今次只食左3碟餸，覺得好好味，仲有好多款未食，值得再來幫襯，我地下次要再試下川椒麻辣雞煲和三色雞絲撈麵。

同開朋友嚟呢邊就試吓呢一間見到佢又有臘肉又有臘腸煲仔飯嘅專門店好少見即管入去試吓川味臘味煲仔飯面頭嘅臘味非常豐富臘腸肥瘦適中，帶小小辣唔係好似廣東傳統嘅臘腸少少辣都幾惹味臘鴨咸香上檯先倒芫荽蔥同豉油，撈起勁香飯底剩低可以食到飯焦飯焦非常香脆，而且冇燶感覺好似食梗米通，好香脆另外叫左薑汁炒芥蘭 份量都算多而且芥蘭嫩口黃金蝦外面食黃金蝦多數都係比較濕同油但呢度嘅黃金蝦做得乾身但入面juicy亦保留左蝦嘅爽口估唔到夏天嚟食煲仔飯都有一番風味

今日同好友食飯，約咗我黎呢間位於佐敦的#憶食尚臘味煲仔飯 ，煲仔好耐都冇食過，唸起都覺得正😋餐廳燈光明亮，裝修頗有格調的，有上下2層，未夠7點已很多枱客人了，每張枱相隔得開，令人食得安心☺️。呢度有別其他酒樓，因會有玄米茶、龍井茶可供選擇，於是我都點了龍井茶, 幫忙消化解油膩😊。點了#香菇滑雞 #煲仔飯，由於即叫即製，故都等了大約20分鐘。店員揭起煲蓋就聞到香噴噴，隨後會倒入醬油，跟雞件撈勻，便可食用了。雞的肉質扎實有彈性，皮爽肉嫩，雞的油脂香完美滲入飯粒當中，飯粒粒分明有咬感，連飯焦都清晒😋。菠蘿咕嚕肉，用新鮮豬肉制做，炸得香脆肉嫩，酸酸甜甜的汁味調得很好，夾起時有拉絲的效果, 食到非常之開胃👍。四季豆干煸雞髀菇，這個炒得很惹味，喜歡四季豆的人仕一定要試下☺️。餐廳服務幾好，會主動幫忙加水換碟，讚👍。

每逢冬天，都心思思想去食煲仔飯，就想起去廟街食。但近日經過佐敦，看到有間以煲仔飯為主打的餐廳。這餐廳佈置雅典，坐位寬敞，十分舒適，跟傳統廚街的煲仔飯店有很大分別。今次點了個招牌的川味煲仔臘味飯。這裡煲仔飯的材料，是以廣式鮮肉腸，臘肉和南安板鴨等三種上等臘味食材，配有黑土種植的優質五常大米焗煮，食時再加蔥花和淋上頂級瓦缸頭抽，傳出陣陣的香味，一啖飯入口，加埋臘味肉的甘甜，不用其他餸菜，也可食曬成煲飯。另加一個薑蔥爆雞煲和薑汁炒芥蘭，鑊氣十足，雞肉嫩滑。芥蘭選用莖部炒，非常爽脆。-川味臘味煲仔飯-薑汁炒芥蘭-薑蔥爆雞煲

香港人愛吃煲仔飯，尤其是臘味煲仔飯，一年四季，不論天氣冷熱，都有捧場客！這家位於佐敦的憶食尚，煲仔飯特別用上自家品牌的臘味。風味獨特的臘味是利用傳統古法揉合現代技術秘製而成，味道芳郁，並散發陣陣的酒香。廣式臘味煲仔飯（$158）廣式煲仔飯的臘味有三款，分別是臘鴨、臘腸和臘肉。臘鴨是南安板鴨，肉質扎實又不會過鹹；臘腸肥瘦適中，酒香四溢；臘肉的肉質醇厚，甘而不膩。煲仔飯的飯粒飽滿，粒粒分明，薄薄的一層飯焦，金黃香脆、配合臘味的油香和醬油，每口飯都齒頰留香。芥蘭炒臘味（$108）清綠的芥蘭爽脆清甜，用上自家製XO醬和臘味同炒，令到簡簡單單的一碟芥蘭，味道大大提升。椒鹽一口骨（$88）排骨切成一粒粒，一口一啖！排骨入口外脆內軟，火喉到位，加入大量炸蒜辣椒，令味道更有層次。茶芥（@$15）Interior Menu

以前係興冬天食煲仔飯，貪佢食完暖粒粒。其實夏天坐室內開住冷氣食都一樣咁正。今次黎到佐敦呢間餐廳，裝修高級好有格調，卡位又坐得舒適，食物質素仲喜出望外。香菇滑雞煲仔飯 + 廣式臘腸 : 煲仔飯一上枱已經聞到陣陣飯香，侍應會即場加入醬油、香蔥及芫哂攪拌，煲仔飯既餸份量都幾多，細份2個人都一定夠食。雞肉嫩滑啖啖肉，臘腸唔肥而且唔會太鹹。食到一半侍應再將飯焦剷起，焦香甘脆!另外再叫了金銀絲拌銀針同上湯菜心，兩款小菜都做出了高水準，味道非常唔錯。

📍憶食尚臘味煲仔飯📍💡佐敦真係估唔到食煲仔飯都可以咁有feel同坐得咁舒服☺️佢嘅裝修好靚，有啲似西餐廳，入到去就有用高級中菜館嘅感覺😋用藍色白色為主調，而且佢仲好有私隱度同防疫意式，每張枱之間用塊隔板隔住，係咁優雅嘅環境食煲仔飯都特別唔同🤪🐥廣式臘味煲仔飯（$158）我哋叫咗細煲仔飯，熱辣辣上枱，唔好睇個兜細細碗都好夠兩個人食到飽一飽🥰材料有充滿港式風味嘅臘腸🥓、臘肉🥩、臘鴨🦆，真係好足料。臘味都鹹香十足，色澤鮮艷，好味道😋食到底就到煲仔飯嘅精髓飯焦— 飯焦都啱啱好，唔會太燶，脆卜卜☺️☺️食完一陣已經想再食🥰撈埋豉油食更加滋味🐥南乳豬手煲($158)豬手有5舊，色澤好靚，上枱已經聞到好香。豬手肉皮均勻比例，食落好香南乳味，豬腳燉得軟爛嫩滑，充足膠質，香甜十足！食完都好滿足🐷🐥 XO 醬炒雜菜($88)菜好新鮮，炒得好有鑊氣，充滿XO醬香，趁熱食唔錯🥒🥬🥦🐥茶位 ($15)我揀咗鐵觀音，味道清香🍵#佐敦 #佐敦美食 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrest

位於佐敦道文匯街嘅憶食尚臘腸煲仔飯，地點唔算係旺區，但係有左屯馬線後，由鑽石山站過去都係搭幾個站就直到，我覺得都非常方便。餐廳中西合璧嘅裝修風格，令我眼前一亮，枱面擺設亦乾淨整齊。仲有一個驚喜，呢度除左一般菊花、鐵觀音…..等嘅泡茶之外，仲有玄米茶，茶色淡綠，茶香與玄米香交織，香味清新，口感淡而不澀，呢個非常推介👍🏻。🥢呢度嘅招牌 - 川味臘味煲仔飯 - 整齊在飯面排上臘腸、臘肉同臘鴨，呢個緊要影相打卡啦😉；店員再放上蔥花， 芫荽碎後加上頂級瓦缸頭抽撈勻，即時香氣撲鼻。臘肉同臘鴨油脂豐腴，入口鬆化帶咸香，臘腸肥瘦適中，三者撈飯食認真一流👍🏻；飯底粒粒分明軟糯，加上臘味嘅油脂連同頭抽嘅功力亦即時發揮，另整個飯嘅味道推至最高境界😋⋯⋯等待一會，煲邊同煲底嘅飯開始結焦，呢個時刻，就係我同個仔爭食嘅時候啦🤣。🥢南乳豬手煲 - 豬手炆得好淋滑入味，豬皮Q彈富骨膠，整件豬手肥而不膩。🥢什菜 - 菜心、小白菜、西蘭花🥦同娃娃菜，味道清新，我最鍾意係娃娃菜，淋滑入味😋。

🇭🇰Hong KongAverage expense:$200-250+📍Address: 憶食尚臘味煲仔飯Evvoke, Jordon呢間煲仔飯認真高質🔥環境優雅舒適，就高級中菜館裝修嘅路線，以冷色為主調，座位之間以屏風作為間隔，增加客人私隱度。一定要食佢哋嘅招牌川味臘味煲仔飯，採用港式鮮肉臘腸、港式臘肉、同南安板鴨，用料上乘，店員會加上蔥、芫荽同豉油攪拌好，甜豉油可以提升煲仔飯嘅鮮味，香味撲鼻而來，飯焦吸收晒臘味嘅精華😍😍臘味太好食，食完仲忍唔住買多兩盒返屋企煮飯！小菜都好有特色，最緊要係夠鑊氣，鮮淮山排骨煲，一放上枱熱氣騰騰，鮮淮山粉糯軟綿，排骨香脆，豉椒提升鮮味！土豆絲炒萵筍，充滿四川風味，萵筍爽口、土豆絲切得幼身爽脆，可以撈多兩碗飯！

今日去左間驚喜餐廳😎😎 估唔到食煲仔飯都可以有個咁華麗既裝修🥰🥰女孩子影相真係一流😍而且餐具亦都好有格調🤩今次我地簡左三款菜式黎試。。。🤩XO醬鮑魚拌萵筍絲清甜多汁萵筍配以鹹香XO醬估唔到係一個咁夾既組合，萵筍爽脆，夾埋XO醬惹味非常，係一個好好既開胃菜😚😚廣式臘味煲仔飯職員會親自幫手落蔥，芫茜及豉油並加以攪拌，令其均勻於飯粒上。臘腸，臘肉，臘鴨惹味😋仲要有脆卜卜既飯蕉🤤味道驚喜，而且份量足夠兩個人食😜最緊要係食落唔油膩，罪惡感都少啲🤭🤭真係晶瑩剔透，層層分明架🤩/上湯菜心菜心條條都粗幼適中，而且浸泡係上湯之中，食落啖啖清甜😋餐廳野食選擇都好多，我都影左俾大家睇下，參考下😊😊特別一提，店舖職員都有好有禮貌，而家反應又夠快，非常好😎

今日喺佐敦食一間入面裝修同環境都幾靚坐得幾舒服既一間食煲仔飯既餐廳度，估唔到食煲仔飯可以咁有Feel😳叫左一個臘味煲仔飯，火喉夠哂，一打開勁香，飯焦都好靚，仲有叫左個芥菜排骨煲，都好足料😋仲有好多幾吸引既菜下次再試試憶食尚臘味煲仔飯地址：佐敦文匯街22-24號地下2-4號舖

-憶食尚臘味煲仔飯 🍚上星期突然好想食煲仔飯 係openrice搵到佐敦有間高檔版煲仔飯好評都幾多下 就去試試佢~估唔到煲仔飯店餐廳裝修幾有歐陸風情以淺藍色同白色做主調 同平時既街坊feel 大相徑庭不過最緊要既係 佢地用既食材全部都係傳統原料👍🍵鐵觀音 （茶介 $15）呢度既茶係幾有質素 茶味香濃 作為一間中菜館 茶真係好重要 ✨🍚川味臘味煲仔飯 （$158）呢個煲仔飯係用咗廣式鮮肉臘腸 港式臘肉 南安板鴨三種臘味食材製作而成 味道肥美香口南安板鴨就皮脆肉厚 另外有加入咗花椒醃製既臘肉唔算好辣 但好麻 所以非常有四川風味🌶️店員會先加入頭抽 芫茜 蔥 同飯撈勻食到差唔多完嘅時候 就會再整飯焦出黎 脆脆的 完全係煲仔飯既精華所在❤️🤤服務態度非常值得一讚👍🥢甜蜜咕嚕肉 （$88/例）咕嚕肉 皮薄餡靚好有咬口 好有肉汁加埋三色椒 紫洋蔥同菠蘿一齊炒 酸甜剛好 夠晒送飯✨🥢上湯娃娃菜 （$78/例）娃娃菜上面有火腿絲 薑片 蒜片 百合岩晒係食完油膩野之後食 中和番~呢間餐廳既枱同枱之間都有屏風隔開十分有距離 私隱度高 坐得幾舒服安全~