慈素小聚

營業中

休息中

成日都想去下d新派既素菜餐廳試下新野，今次朋友介紹左間幾有特色既慈素小聚試下香煎腐皮卷 $58新鮮煎起熱辣辣，入面好足料又夠爽口黑松露羅蔔糕 $48呢個蘿蔔糕係炸既，配埋甜醬、辣醬同埋黑松露醬，滿足哂唔同既口味琵琶豆腐 5件 $88呢個琵琶豆腐外脆內軟，入面d料配搭得唔錯意大利香草風味酥皮 pizza $138呢個非常出色，夠哂特別，鬆化得黎又好豐富椒鹽白靈芝菇 $88個菇炸得好香，好新鮮，椒鹽味岩岩好海鹽焦糖拿鐵 $38呢杯咖啡好飲過平時coffee shop既出品，一定要試埋

位於尖沙咀既素食餐廳，以新派烹煮方法，揉合中、西、日、泰菜之精萃，打破傳統守舊既素食菜式，絕對係素食新體驗。香芒天婦羅炸豆腐豆腐豆味香濃，炸至外脆內裡嫩滑，配上清新芒果醬汁，酸甜開胃，令人食指大動素食三文魚拼盤打卡必點，素食拼盤飄浮著陣陣仙氣，帶有氣派。素食三文魚不論外觀或色澤，像真度十足，造岀彷如三文魚之質感，以假亂真！黑松露蘿蔔糕清甜蘿蔔糕，炸至外脆酥脆，沾上黑松露，味道清新優雅，令人齒頰留香香菇竹笙菜胆翅湯燉湯配料豐富，味道清甜滋潤，秋冬必飲恩物！慈素小聚📍尖沙咀麼地道30號Mody House 8樓

🍴🍽🍴🍽🍴🍽️🥗🥙🥬🥙🥗🍴🍽🍴🍽🍴🍽🥢京都片皮鴨 $128 🆗素片皮鴨，伴有紅黃燈籠椒絲同青瓜絲，顏色奪目，另沾上甜醬，再用薄薄蒸餅皮包上，軟熟咬落煙韌，加上配料口感清新豐富唔油膩 😋。🥢日式芥辣蜂蜜蝴蝶蝦 $78 🆙蝴蝶蝦炸到好香脆，有啲似天婦羅。蝦喺用蒟蒻做嘅，唔油膩，爽口彈牙，點埋芒果蜂蜜醬，簡直是絕配👍🏻。🥢素食串燒拼盤 $78 🆗素肉好有牛肉同豬肉個種肉感，口感比較彈牙，放入口都幾可亂真，配埋沙嗲醬，同食緊真串燒無乜分別👍🏻。🥢四川擔擔麵 $68 🆗擔擔麵加入咗花生碎、仿肉碎、花生醬、麻醬，食落好香口。麵質煑到剛剛好，唔會煮到好淋🤤。🥢雪菜肉絲湯米$68 🆗雪菜肉絲米比較清淡，冇咁油膩👍🏻。🥢珍貴苜蓿芽手卷 $38 🆗手卷內有苜蓿芽、牛油果、素三文魚，口感爽脆，加埋沙律醬同點埋芥未豉油味道更昇華😋。🥢香芋鮮奶 $38 🆗香芋鮮奶大大杯呈淺紫色，鮮奶中帶少少芋泥，芋香味香氣十足，香甜滑溜🤤。😇評價 Ratings😇食物 Food 8/10環境 Environment 8/10服務 Service 9/10性價比 Value for Money 7/10整體 Overall 8/1

尖沙咀區小店新派素菜，店內座位不多，建議必須訂位，如人數太多可能會較迫，以素食店來說，菜式選擇不算太多，款式精緻，但價格偏中上，份量都是以精緻為主要，驚喜在於飲品選擇多，主餐牌選擇足夠，我們點了片皮鴨，琵琶豆腐，咖哩薄餅，串燒，但每樣份量都細少，飲品點了南棗茶，很好味，但服務態度真係好好，廚房姨姨見鋪面忙，出嚟幫手都很有禮貌

天婦羅綜合蔬菜球配特製醬汁 $38賣相精緻，當中用青瓜絲、蘿蔔絲、黃椒，三原色拼湊成相當鮮艷豐富，配搭店舖秘製的芝麻醬相當開胃而且有營養不單調四川擔擔麵 $68味道同樣以花生為主，無論賣相還是味道與一般我們吃到的味道大致相同，唯一較特別的是吃到一股藥材味，相信是為素食者帶來一份養生的感覺，表面同樣灑上花生及芝麻看上去相當有食慾桂圓南棗茶 $48鳥結糖拿鐵 $38這個很特別坊間很少見，味道不過甜散發出淡淡的鳥結糖香氣

左上，天婦羅蔬菜球，炸皮薄脆內料鮮嫩。左中，酥皮pizza，追加無負擔。左下，三重芝士天使麵，濃郁而不膩。右上，北京片皮鴨，醬料豐厚。右下，沙爹牛肉飯，午餐之選。本來預訂座位4位1:00pm，但因預算失誤臨時改約2:00pm，店家親自致電告知是日農曆十五，預約較滿，未必能即時入座，幸好有其他預約臨時改動，店家亦即時致電通知，最後能按時順利入座，感恩感謝～杏仁奶茶天然保溫，潤喉止咳。鳥結糖拿鐵香甜，拉花賞心悅目。桂圓南棗茶，清甜溫厚。

早排同老公去黃埔食素，食肉獸既佢竟然冇咩反感，今日再同佢去尖沙咀另一間試試，呢間既素食比較新式，自己都好有驚喜。鮮竹蒸牛肉球$48點心籠裝住，牛肉球望落去好似，味道亦似，馬蹄都有，食落味道唔錯。北京片皮鴨$128片皮鴨如果深色d更像真，不過而家其實都有八成似，好脆，有齊薄皮、青瓜絲、甜醬同其他配料，感覺就似真係食緊片皮鴨，好用心嘅菜式。台式叉燒刈包$68呢個中式漢堡包，個餡扮叉燒，口感確實幾似，幾特別。素食三文魚拼盤$68放響裝住乾冰的碗上面，加上三文魚無論賣相同口感都九成似，加上wasabi加醬油食落真係以為自己食緊三文魚。日式芥辣蝴蝶蝦（蜂蜜） $78 食落好脆幾香口，慢慢品嚐，唔知點解真係會有啲似海鮮嘅鮮味出嚟，另外，個蜂蜜芥末醬好好味。黑松露蘿蔔糕$48蘿蔔糕煎得好香脆，唔多油，幾好味。有甜醬，辣醬同埋黑松露，黑松露d味好香，香氣撲鼻。手抓餅$28個咖喱都調味唔錯，有啲花生碎響裏面，蘸手抓餅食唔會覺得食緊素。花生咸蛋湯丸$28呢個湯圓有五粒，性價比幾高，另外個姜糖水好適合而家天氣涼涼哋食。總括而言，今次老公都覺得唔錯，佢話估唔到素食可以咁特別，味道一啲都唔單調。另外，呢間餐廳好

雙11同媽咪撐枱腳，搜尋到一間開業幾個月嘅素食餐廳，原來我媽咪較早前已經在影片分享網站見過介紹，不過她老人家，冇諗過我會帶她去，果然**心有靈犀**餐廳嘅食物質素真係好好，價錢尚算合理，老闆是一位年輕素食者，他手沖咖啡☕️和手卷壽司🍣都是由他負責，另外廚房嘅出品，都非常滿意，廚師都會出嚟介紹吓，我們品嚐過椰汁雪耳無花果燉湯，材料十足，沒有味精，台式叉燒刈包，好好味👍北京片皮鴨😋三重芝士天使麵😋重點👆🏻咸蛋花生湯丸，必要試吓👍😋

最近香港的素食店開始越來越多，但是經營得用心未必有太多選擇，今次幸得朋友介紹去到尖沙咀這家素食店，很想分享一下。以前成日都食魚肉燒賣，然後市面上真的有很多不同類型的魚肉燒賣，關於素燒賣，真的比較少接觸，今次竟然遇上一種有少許辣味的雜菌素食燒賣，真的比市面上任何一款魚肉燒賣好吃，雖然賣相未算非常討好，但是燒賣就是這樣子的。這款燒賣吃得出入面有非常鮮味的菇菌，再有少許辣味，不用再另外添加什麼辣椒醬，已經有五星級的口味了。老闆說這個是測試版本，所以還有很大的改善空間，希望下一次去會有與別不同的感覺。新鮮製作的琵琶豆腐，份量剛剛好，不會太油，值得推介

▫️屋企人平時都好鐘意食素菜，今次就帶屋企人試下新派創意素菜🥰 健康之餘仲多份新鮮感🤪🐟 素食三文魚拼盤 $68▫️像真度超高嘅素食三文魚🤩 原來由蒟蒻整成😛 仲有乾冰製造煙霧效果，仙氣十足🌬️🦆 北京片皮鴨 $128▫️素鴨由大豆製成，外層烤得脆身，沾上醬汁再用蒸皮包住燈籠椒🫑同青瓜🥒，食落同片皮鴨真係有幾分相似，同時無左份油膩感健康好多😝🧆 鮮竹蒸牛肉球 $48▫️屋企人戒左牛好耐，所以專程嗌返個牛肉球試下🤣 口感綿綿，加左馬蹄增添口感，點埋喼汁味道真係好相似🥳🥭 香芒天婦羅炸豆腐 $88▫️外層炸得脆身，一咬豆腐超滑溜😋 外層有酸酸甜甜嘅鮮芒果醬好香🥭 當係甜品都得🤣🍜 傳統和風薑蓉白冷麵 $88▫️將麵加入冷麵汁，再將薑蓉、蘿蔔蓉等撈勻，味道清新，夏天食一流🤭🫧 青梅子氣泡特飲 $38/🍉 西瓜氣泡特飲 $38▫️味道唔會太甜，而且氣泡特飲好消暑😆

睇啲菜式名完全唔似素食，位於尖沙咀嘅樓上小店，屬於新派素菜~🔘台式叉燒刈包個包熱辣辣又軟熟，素肉叉燒醬汁甜甜地，仲有一塊好似雞肉嘅吉列素肉，整體好食~🔘香芒天婦羅炸豆腐口感香脆嘅炸豆腐，豆腐香滑，但味道清淡啲，加埋芒果醬汁一齊食就啱啱好~🔘意大利香草忌廉天使麵 菇味香濃嘅忌廉醬汁，天使面非常掛汁，配搭薄身嘅炸豬扒，當然都係素肉啦~ 🔘鮮竹蒸牛肉球賣相同味道都好似真嘅牛肉球，芫荽同果皮味都有，但口感始終冇咁彈牙，應該要出埋素肉燒賣，相信都多人會想試~🤣🤣🔘黑松露蘿蔔糕走肉嘅蘿蔔糕，煎得幾香口，點黑松露都幾好食~🔘珍貴苜蓿芽手卷不嬲都鍾意苜蓿芽嘅爽脆口感，呢個手卷除咗有牛油果仲加咗蒟蒻扮嘅三文魚~🔘百香芒果烏龍茶百香果同芒果平時配綠茶紅茶多，配搭烏龍茶又有另一番味道，特別濃郁嘅茶味，仲有好多果肉~唔好以為食素唔飽，呢餐非常飽😇😇

平時冇肉不歡的我！！好少會選擇素食🥒今次同朋友咁啱經過尖沙咀，朋友帶路過嚟試試！實在係意料之外的驚喜冇諗過素食都會咁多元化，睇住個Menu，中式點心又有，又可以揀西式意粉😊今次揀咗北京片皮鴨造型同片皮鴨非常之似，用面皮夾着又大豆製作的*鴨皮*配上附送的青瓜及青椒！同食真嘅片皮鴨冇乜分別，最緊要健康另外試咗日式芥末蜂蜜蝴蝶蝦，感覺好有趣，咬落去原來係蒟蒻嚟，非常彈牙QQ!加埋果醬酸酸甜甜。最後揀咗一個西式主菜，炸豬扒蘑菇汁天使麵，最欣賞是他的炸豬扒好香口，好推薦大家嘗試這個面！

-椒鹽百靈之菇 - $88.0百靈之菇營養豐富，含有真菌多糖同維生素及多種礦物質，仲要炸得好乾身，唔油膩，正-四川擔擔麵 $68.0麵條細滑，主要有芝麻醬，冬菜，榨菜，花生碎和花生粉等味香麵滑-香煎腐皮卷$58.0皮脆餡嫩，腐皮內包住好多粉絲, 馬蹄, 蔬菜, 好多汁，好有驚喜-黑松露蘿蔔糕 $48.0蘿蔔糕煎得好鬆脆內軟，內有蘿蔔絲條，配味道濃鬱的黑松露醬，馥鬱芳香，好好味，十分驚喜-花生鹹蛋湯圓 $28.0係慈素自家創作的，湯圓軟綿，清香的糯米皮配上帶有沙感既蛋黃及花生餡料，入口又鹹又甜，味道衝撞得嚟卻很和諧。-青梅子氣泡特飲 $38.0超夢幻, 青梅子懸浮在杯中，酸酸甜甜，味道清新可口, 打卡一流海鹽焦糖拿鐵 $38.0香氣四溢的拿鐵，海鹽鹹鹹的，焦糖甜甜的， latte香滑,口感絲滑順暢

尖沙咀呢間素食款式新穎，味道唔錯之餘，口感賣相都好有心思，真係做到八九成似「真版」架！.🥣北京片皮鴨🥣：💰 $128賣相好似真片皮鴨，有即蒸餅皮，夾埋燈籠椒同青瓜，素鴨沾埋甜醬，一啖咁食，好過癮！口感都有七八成似🤭而素鴨味酸酸地，似山楂味，有咬感，餅皮夠煙韌，蔬菜條都好新鮮。🥣琵琶豆腐🥣：💰$88一口size，外皮似春卷皮咁脆，豆味濃郁，有馬蹄粒增加口感，加左喼汁食仲少似牛肉球味道😆🥣素食三文魚拼盤🥣：💰$68外貌超似，用蒟蒻製成三文魚刺身同飽魚，沾埋wasabi同豉油，竟然有刺身鮮味！口感嫩滑又彈牙，鮑片有陣菇味又夠爽口。🥣忌廉蘑菇濃湯佐菠菜苗🥣：💰$98忌廉湯菇味濃，甜甜地，菠菜苗嫩口冇渣。🥣素食串燒配秘製沙爹醬🥣：💰$78外貌似魚蛋同唔同既肉粒，每款味道都有少分別，秘製咖喱香料味幾香，酸酸地幾開胃。🥣鮮竹蒸牛肉球🥣：💰$48選用靚果皮、芫荽、馬蹄、鮮竹等配料，顏色同味道沾埋喼汁都有8成似真牛肉球，質感較黏口，鮮竹吸晒精華，必食呀！🥣椰子雪耳無花果燉湯🥣：💰$48椰子清香，無味精，原來素湯都可以咁濃味，加左無花果湯底更甜，飲完即刻面色紅潤啲。🥤桂圓南棗茶🥤：💰$48一大壺可以兩個人

店內粉藍色調帶柔和，今日天氣好好，坐在窗邊的位置，有悠閒嘅感覺。北京片皮鴨片皮鴨(大豆蛋白纖維)配以青瓜絲、紅椒絲、黃椒絲。將所有材料放在薄皮內，加入乳豬醬包裹着食，美味得黎又不會有油膩感。惹味冬陰公金邊粉順滑的金邊粉內有三粒肉丸，肉丸彈牙，冬陰公湯唔辣，全部飲晒。粟米濃湯佐翡翠苗翡翠苗是豌豆的幼苗，食落幼嫩冇渣，清爽的幼苗配搭粟米濃湯，味道恰到好處。琵琶豆腐（5件）由豆腐、和配料煎炸而成，豆腐外層酥脆，內裡豆腐柔嫩，所以既有脆脆但又有柔軟的口感。台式叉燒刈包刈包的皮輕盈蓬鬆，微微甜味，刈包入面係素叉燒同酥炸素魚，(唔講真係以為係叉燒同魚)刈包入口軟軟，再食到微甜叉燒同素魚嘅酥脆，豐富口感得黎又好味的刈包。杏仁奶茶真係飲到真正嘅杏仁奶茶，每一啖都感受到香濃的杏仁香味。鳥結糖拿鐵拿鐵的拉花天鵝🦢好靚又好飲。