愛文生

營業中

休息中

好耐無去過愛文生食飯啦, 因為呢到既聖子好好味, 所以特登黎食. 我地6點半左右就黎啦, 所以唔駛等位, 因為今次得兩個人, 所以叫左3個送咋.第一味: 豉椒炒聖子, 好入味, 又夠大隻, 無沙, 正呀 , 不過加左價, $90蚊一個例牌, 都幾貴第二味: 生炒骨, 味道ok, 粉唔會太厚 $5X第三味: 時菜鮮魷, 成碟都係油, 頂唔順

太網評好評高企的一間大排檔，可惜地點不就腳，週六專程到深水埗找這家飯店。看不見網上照片所示的大排檔，可能已經入咗鋪。擔心人多，六點便前來用膳，大約六點九，食客要開始等位了。由於未知質數如何，只有兩個人來試菜，點了三個餸。鹽水雞腳 - 基本這味小吃很易處理，很難會不好吃的。生炒骨 - 無網友所說的驚喜，下次來可以選擇其他菜式。麻辣雞 - 點菜時侍應已告知不是乾身的，還是跟想像的有出入。入口時不有太感覺，越吃越有口感，如果不怕辣的朋友，不妨試試。總括來說味道唔錯，值得約朋友再來幫親，嘗試其他招牌菜。

上次到增輝大排檔後，意猶未盡，剛巧友人提及到深水埗另一間的士大佬們至愛嘅架步，突然興之所致，決定前來嚐一下。雖然只係淺嚐幾味小菜，但火喉十足嘅豉椒炒蟶子，令我愛上了這間愛文生...豉椒炒蟶子係我嘅極力推介，肥美程度令人驚喜，而且鑊氣十足，辣度剛好，精彩到不得了！每隻蟶子肉都有手指公咁大隻，入口鮮味無比，咬落爽口彈牙，下次再黎必定要再叫多次！相比之下炒蜆就較失色，豉椒雖然照樣精彩，但無奈蜆肉較細，同蟶子比較完全相形見拙，所以罪不在於愛文生。不過炒蜆始終係去大排檔必叫之選，亦係青島生力嘅好朋友，所以只要水準唔太差，亦會照叫可也！生炒骨亦係去大排檔常叫嘅菜色，聽聞愛文生生炒骨相當了得，一試之下果然無令人失望，外層炸得香脆，肉質鬆化夠咬口，絕對有一定水準。相比下，我都係鍾情利豐打冷小廚嘅生炒骨多啲，利豐贏愛文生在於酸汁味道控制，大家不妨一試比較。雖然今次只係食左三味小菜，但已對呢個大排檔印象有十足信心，而且豉椒炒蟶子更加係完全俘虜我嘅心，而且價錢相當抵食，三味小菜四罐汽水，埋單不足二百，所以下次一定要叫大伙人再黎呢度放肆一下！

由於老公有有屋企人在加國回來，所以特別搵d新地方食飯。唔知點解無端端又會搵到呢間，就即管試下囉。食物的味道唔錯，好夠鑊氣；但略嫌地方較偏僻及價錢比較貴了一點。 大班兩味 - okay，但魚不太新鮮 招牌生炒骨 - 味道唔錯，但分量太少 豉椒炒聖子 - 有沙，但仍可接受 金銀蛋莧菜 - 無食過，應該都唔差因為清晒碟 蒜蓉白菜仔 - 我的最愛，好有屋企feel 蒜蓉炒芥蘭 - 無食過，因為本人最憎食芥蘭 砵仔魚腸 - 好好味，一d都唔腥~~~ 黃油雞 - 略嫌過左少少火位，但侍應話大部份客人一見到血都要求退貨；所以依家寧願熟少少 蒜蓉開邊蒸蝦 - 麻麻地，一食就知d蝦唔係好靚 椒鹽鮮"由" - 無乜椒鹽味，一般 豉椒炒豬雜 (應該係，因為唔係我地點唔知係乜) - 好好味，d唔知乜野好爽 總括黎講都唔錯，但係響呢d地方同食呢d野就唔係咁值咁咁價錢囉....

據聞此店的生炒骨弄得不錯，於是先吃這個。賣相一般，因醬汁太多，最高明的生炒骨應做到「收汁」，肉排炸得頗脆，肉質帶少許脂肪，入口鬆化。再吃白飯魚煎蛋，白飯魚十分肥美，蛋煎得香口，另一道招牌菜是蒜泥蒸開邊蝦。這蝦新鮮彈牙，十分爽甜，加上炸過的金黃蒜泥就更美味。幾好！幾好！

同事farewell dinner~~,因為人太多~~所以揀多大排檔食餐勁!其實呢個大排檔係其中幾個同事的吹水飯堂~~佢地話又可以隊啤~~小菜又唔錯最正係炸乳鴿~~我一個人食左一隻, 因為真係好好味 (可能加上太耐無食過)第二正係炸大腸 (香口又好食)第三正係炒蜆 (鮮味x辣味 = 惹味)後尾我掛住食~~無咩再影埋d野食但之前同事話佢d雞正, 個人就覺得太肥~可能班男同事飲太多啤酒, 埋單都唔係平不過我睇過餐牌, 如果唔係飲啤酒, 小菜都只係幾十蚊一碟

由於時間及我手車關係，故次決定...再 戰 愛 x 生 飯 店 ......今次因為有事做朋屋企人一早到左等我地，我手車又慢，真係唔好意思，今次去到如果唔搵定位就實無位。今次叫了幾個菜是上次未叫過的評分如下10分滿分)1) 炸大腸------>呢個菜好多地方都有得食，但係十間有七間都會做得好乾，但佢地就算係幾好咁啦！佢地D炸大腸唔會話好乾，同埋唔會話咬落去一口肥油，亦唔會話好似有D舖頭要爭個D為食減肥客咁，切晒d肥o既部份，得番條柴皮！加埋個汁叫做一般酸甜汁，係呢D地方食，我覺得抵食有餘啦！(8分) 2) 炒勝瓜------>我都出晒名少食疏菜，但呢碟我就狂食7大舊，我覺得佢地個勝瓜炒得剛剛好，青得來爽，加上表青瓜、雲耳、唔會話拖泥帶水，雲耳同洋蔥亦炒得恰到好處，我希望唔係佢地得偶有佳作，呢個值得推薦。(9分)3) 蒜蓉炒白菜-->呢個菜如果無事先要D等別要求的話就幾好，菜本身己經幾靚，夠油水，但問題係我D屋企人都怕吃肥膩的食物，係落order前已經叫佢小油炒，but.....。(6分--無聽order做野，扣分)4) 砵酒焗鱔煲-->個鱔幾入味，但販北

早幾晚和屋人到深水埗石硤尾街﹑醫局街交界的大排檔晚膳......有一個好文藝的店名叫愛X生飯店，當時正是晚膳時間，仍未有檯，但等了約十分鐘便有檯，點了幾個菜如下10分滿分)1) 沙律骨------>同上一次係沙田火炭津X叫o個個，呢度明顯好味好多，起碼D豬排骨出來唔會乾同霉，但個味同酸甜豬排無分別，個酸甜汁都OK，但諗唔到同沙律有甚麼關係，除左佢係上面"o即"左一"pat"沙律醬之外，如果以酸甜豬排命名呢個菜應該會幾出色。(6分)(圖1)2) 羅漢齋煲---->好一般的菜式，不過不失，但油太多同落味都幾重手，食完之後頗口渴。(5分)(圖2)3) 涼瓜排骨---->呢個菜個重點係事前點樣處理D苦瓜先令佢地炒完出來青綠又唔苦，可惜呢度只係做到可以令佢青綠，但仲有小小苦，但炒出來個苦瓜味同排骨味都幾夾。(9分)(圖3)4) 荔芋臘味煲-->個菜出來幾香同個芋頭煲得好"粉"，但臘肉太肥同個汁太"希"，不過叫得呢個菜就預左D臘肉會肥，整體算幾好，天寒地冬會好正。(7分)(圖4)埋單 : 我地五個人去食，再叫左一枝啤酒無加一都係 $208.-，重點係個細姪女剛剛出來

呢度D 生炒骨好正.味道酸甜適中.咬落脆卜卜,依家巳經好少有.另外有個蝦醬雙魷炒通菜,通菜脆 鮮魷唔會"UN" , 土魷又夠香. 最要緊是此間D 野食唔會太油,太鹹.. .實在難得...仲有個脆皮燒乳鴿. 一定要襯熱食, 皮真的是脆的.. 我覺得好食過龍華..加埋個彈牙的蜆芥鯪魚球.. 實在正正正.. ^0^

朋友為我慶生，一星期連續不斷的吃了好多蛋糕和生日飯，很感謝。正日就來了這邊，共3人做完gym後專程來這間沒喊面的大排檔，一嘗風味。work out後2小時不宜吃太多，3人點3樣菜就夠，先來一隻乳鴒，再加一碟生炒骨和通菜炒牛肉，就此。先上乳鴒，炸得香口，不是大大隻的size但做到皮薄，可是不是肉嫩，論做得出色的乳鴒這裡不是priority；生炒骨，真的炸得香脆又好吃，那個汁酸酸甜甜的，而且彩椒洋蔥也下得重手，芬香撲鼻；通菜炒牛肉，很普通，通菜真的好un，不時不吃，這個真的老了，牛肉明顯是梳打牛，稔得實在過份，牛肉味也不知走到那裡去，早知點就西蘭花。turnover很快，旨因做事快手，一晚最少可做兩至三轉生意。連埋兩碗白飯，都不過200，很抵吃。叫我回味的，都只是那碟生炒骨。

由細食到大,根本就係飯堂一個,但就係忘記寫佢,真係因為好似自己屋企咁....又點會醒起^=^今次同同事及其Bfo黎食(佢地早已被我導左*_*),只得三人,所以都唔叫得多,由佢o地發板(不過都估到叫乜,雖然佢o地住係屯門,因為都幾經常食,今次都係緩他們念掛)。先來炒蟶子:隻隻肥美非常,豆豉及辣椒既份量o岩o岩好,唔會太辣或過咸。再來咕嚕肉:雖然無“晶輝”做得咁脆口,但味道調校方面係唔差o家,唔會一味得個酸字。跟手o黎個椒絲腐乳通菜:佢o地係用粗身個隻,並唔係幼身廋蜢蜢o個隻,因為我覺得粗身比較爽口,而幼身有一陣泥味;腐乳味夠咸香.......最後係椒'嚴'九肚魚:粉漿唔會太厚,亦不會太多軟骨,整體唔錯而呢個價錢亦包括2枝燕京及3碗飯o勒

老友由阿布達比老遠工幹回來，幾個月無見，呢晚先到老尖飲兩杯之後再等埋友人放工一齊來愛文生吃飯﹗呢度燕京最平，15蚊支，未坐低都已經叫定兩支，吹水點可以無啤酒助興﹗先來椒鹽魷魚，脆漿夠薄，吃落香脆，魷魚未算濃香卻彈牙爽口，佐酒不錯﹗再來灼東風螺，$60碟都有三四十隻，也是慢慢挑挑吃吃，肉質是新鮮實淨，但不知是否來貨關係未有平日吃到的鮮甜。小炒王材料有韮菜、土魷、蝦乾及菜鋪等，夠惹味炒得亦有鑊氣卻未算乾身。香煎芙蓉蛋味道著通材料亦不算多，茶記比他還要做得好﹗最後來個楊州炒飯作結，呢個反而簡簡單單用料夠多啖啖有蝦又乾身，有飯落肚自然飽哂。本來都好好地，可惜最後佢調我地出去向馬路的地方坐，看到幾個阿姐在用三盤水洗碗，真係睇到眼都突，明明最後過水的一盤好應該開足水喉卻用極都係0個盤水，即係話之前成碟泡係咁易放入去過一過又再用來上碟，無咩可能洗得淨﹗其實大排檔食飯有幾乾淨大家心照，不過眼不見為乾淨，眼見則總有點戚戚然吧﹗

上次同女友食過一次, 今次食過番尋味1., 例牌-鼓椒炒聖子: 夠香夠辣, 但不蓋過聖子鮮味, 鑊氣十足, 必叫之選 連朋友唔係太食辣都咀lamlam2. 生炒骨 : 味道比上次失色, 細碟左, 攪到女友有d唔滿意 3. 椒鹽鮮魷 : 炸得夠香, 色澤金黃, 但脆口感好似爭少少3. 茄子炒牛肉: 朋友介紹, 第一次食, 冇諗過兩樣野可以咁入味, 缺點係多油得滯價錢合理, 份量亦夠, 下次仍然會再去,

我們兩個人想食大排檔, 見愛文生 多d 人, 便試下.豉椒炒聖子, 肉身肥美, 吃落飽滿鮮甜,豉椒汁惹味椒鹽鮮魷, 味道唔夠香口，而且亦炸得唔夠脆口沙薑雞, 雞炒得好滑，味道亦唔錯. 三道小菜味道唔錯，份量足, 絕對係好 抵食!

之前幫襯開隔離的,聖誕節的今晚一於試吓呢間,只不過是七點,已有九成滿.先叫個豬潤啫啫雞煲,個煲唔熱,豬潤唔係太爽,雞還可以,不過個汁咸咗啲.至於菜心炒斑片,斑片只有雪藏味,無鮮味,食落口好似食拖羅咁入口即溶,好攪笑!完全食唔出係斑片,反而菜心有驚喜,幾新鮮,雖然比較條,但食落口很爽.最後一碟琵琶豆腐,好的是有十二粒,每粒都很大,但味道只是一般.整體上餸菜只是麻麻,但隨檯的大壺茶,卻是熱騰騰的.