愛文生

營業中

休息中

愛文生飯店佔據了兩個大舖位，但仍座無虛席。雖然大排檔衛生麻麻，但是食物的美味蓋過了一切負面因素。炒蟶子 - 大碟新鮮夠鑊氣！炸大腸魷魚 - 大腸夠脆，但魷魚略嫌多粉。西檸雞 - 味道不錯，可以雞肉太少，炸粉太厚太多，有點硬蒜蓉炒白菜 - 美味，份量多

今日上完嘉頓山影日落，男朋友帶我去食大排檔。(P.S.兩者其實唔近)佢同我講愛文生係超多人等位，反正放假等下冇乜所謂。去到見到勁多車拍左喺店外。男朋友話好多人慕名而來。我地8點行到去，等左10分鐘到，比我想像中快。男朋友話佢上次食7點係勁多人等。兩個人食大排檔其實真係幾唔抵，叫兩個餸又好似好少款，叫三個餸又食唔哂...(今次就係做左大蹝鬼，千祈唔好學我地咁)我地叫左生炒骨、薯仔炒牛柳粒同雜菇扒時菜。生炒骨上的時侯覺得都幾鬆化，但係由於我地坐出面，好快就凍哂...一凍左就唔好食，變得好硬...薯仔炒牛柳粒好食！薯仔好腍，但唔會一夾就散，因為個面好有炸到，外脆內軟，口感一流。牛柳粒唔會醃得太咸，炒得好香，而且剛剛保持到肉汁的鮮味。不過薯仔同牛柳粒既比例係3:1...就算幾好食都好，個賣相係差d，同埋有啲搵笨既感覺...由於太餓既關係，我冇影到雜菇扒時菜，哈哈。白菜係清炒，雜菇先有汁，不過太咸，咸到撈埋白菜食都覺得咸。其實呢度既招牌菜應該係豬手，見到佢係咁出，好似每枱都會叫豬手。不過我地得兩個人驚食唔哂當然唔會叫。睇個樣好似幾好食，如果有機會一班人食就可以試下。

愛迪生，愛立信，愛紋身，愛瑪仕，通通也不相關。愛文生，非英文譯名，名字源於老闆的三子女的名；用子女名字作鋪名，已經「笑聲笑聲，滿載溫馨」。位於南昌深水埗太子三站中間點，石硤尾街與荔枝角道交界；只是這三區帶來人們的印象，已帶來陣陣港風，八九十年代感覺。的的確確，愛文生已很久歷史，是港式風味的象徵—大排檔。保留了傳統排檔的鐵皮木板攤與開放式廚房，亦進了大鋪，免得食客「蒙古王打仔」（大汗耷細汗），更光猛舒適。外頭鑊氣滿燈，火光紅紅，侍應快手搣單上菜；內裏涼涼地啤兩杯，欣賞著快來快往的侍菜模式，與朋友滔滔不絕，實是交杯起筷的理想場所。這晚友人替我慶生，待我幫菜式都起個吉利的名字吧！橫財就手: 鐵板黑椒咸豬手別以為排檔一定吃老菜，黑椒咸豬手吃得多，鐵板上還算第一次看到。見枱枱也叫一只，我們也來贈贈興。鐵板由侍應哥哥搬出嚟一路滋滋滋，一路飆哂煙，嗰吓已經好有架勢，令到在場食客也會紛紛抬頭張望。黑椒洋蔥汁淋於飯中，咸咸哋嘅肉塊，令人扒多幾口。豬手炆得嫩，骨肉易分開，不吃力，不用侍應幫忙，自己動手更顯風味。加上有備用刀叉，影出來如西餐廳一樣，大排檔X鐵板餐，愛文生見！金銀都有: 金銀蛋莧菜大排檔多數菜

最近一些食友講起大排檔, 我會第一時間會想起愛文生, 因為吃過這麼多年, 整體水平都不會失望而回。我試過石峽尾街一列, 福華街一列, 荔皮角, 大角咀, 油麻地, 旺角等, 還都是要回愛文生。因自己是九龍半島人士, 所以港島區的一向少有接觸, 或許有更好的就請指教一下。就趁年尾時候的日子, 找個藉口跟老友聚聚, 喝個啤酒, 炒兩個小菜, 吹吹風。而且才剛從外地回來, 吃上幾口地逆老港風味, 甚為窩心, 所以二話不說就來吃個夠。兩個人, 先拿兩支啤酒到肚, 點兩個小菜佐佐酒。第一個來個椒鹽鮮魷, 不過賣相效果未夠很好, 而且脆漿變得平滑, 似乎落水太多。入口亦沒有如吉列式的酥脆效果, 漿皮雖不至於又硬又厚, 但就是總是有層過厚的東西似的, 口中有點礙事。可是鮮魷整體彈性可以, 而且肉質亦有爽快的脆口感。再來一個豉椒炒蜆, 豉椒惹味而有鑊氣。雖蜆肉不是大隻, 但質感有彈性而可口, 豉椒茨汁與之調配不錯。雖說一碟簡單豉椒炒蜆不會有什麽驚為天人的效果, 但這樣的一碟的確是啤酒的良伴。酒過三巡, 兩個小菜未能滿足。這次到我發辦, 再來兩個吃吃。第一個是這裡的招牌菜式桂林炒生腸, 桂林名字來由因其

上星期同友達係中環盛記中伏後(詳見另一食評) 心有不甘，幾條麻甩雖然已經飽飽地，仍山長水遠再過海黎愛文生溝貨對沖下。。黎到已經9點幾，驚見門口仲有成大棚人等緊，心諗，唔X係呀MA!! 好在佢地只係等大枱入。。唔洗等既情況下直接入閘。。由於之前已經食左野既關係，只係叫D啤酒菜大家吹下水。。分別點左椒鹽九肚魚，椒鹽雞骨，沙薑雞脚，豉椒鵝腸同後加既薯仔牛柳粒。。無錯。。我地的確係之前食左飯。。但。。恐怖既係。。我地仍然清晒 椒鹽九肚魚粉漿剛好，食落香脆惹味。。沙薑雞脚入味，唔洗再點沙薑醬已經好好味，可惜友達們唔多好，唯有一條友慢慢啜。。美中不足既係椒鹽雞軟骨炒得比較濕，無左果種口感。。鵝腸亦唔夠肥美。。 是夜最大驚嘉非薯仔粒牛柳莫屬。。友達係FB Check In 後，其友人強烈推薦，雖然大家已經好飽，但仍敵唔過我地內心既為食鬼，一於死就死，至多聽日跑多兩轉。。一上枱，已經聞到陣陣美極既香味，薯仔粒雖然係高澱邪惡之物，絕不易深夜進食，但大家都抵受唔住佢既引誘，一邊念罪過，一邊擺入口。。。當中滋味，真係非筆墨可以形容，就留俾你地親身體會。。一邊食一邊吹水到老闆話收鋪。。完完全全將早前既劣食不

2013年首餐做冬飯選址於此，除了因為照顧兩位老師胃口，又不想來來去去到大酒樓吃千篇一律的做冬套餐，加上老公曾經到過這裡吃小炒，覺得夠鑊氣，對於我們這班喜愛老味道的朋友來說，來極有風味的大排檔就最好不過了。排檔位置稍為隔涉，位於太子﹑深水埗之間(荔枝角道石硤尾街交街)，由兩邊地鐵站步行過來都要15至20分鐘。當時已是晚上9時，我們到達排檔時門口剛好有張大枱埋單，故不用等。這裡除了小菜，其實還可以吃火鍋，不過我們仍然決定吃小菜，7人前後點了8餸1湯，詳細如下：1. 芥菜豆腐湯- 原來以為會先到的湯差不多最後才到，料蠻多，但湯很清。大伙兒好快就把它喝光，相信味道不錯吧！2. 西檸雞- 第一個來的菜，是我最愛的小炒之一，不過這裡未算做得出色，炸粉多過雞肉，但調味OK，所以大半碟都是由我吃光的！3. 豆豉鯪魚油麥菜- 很久沒吃這道菜，味道一般(只要真的用豆豉鯪魚去炒，很難會弄得不好吃的！)！4. 生炸大腸- 賣相吸引，不過我不吃內臟的！5. 沙爹牛肉粉絲煲- 全晚最差的一道菜，主因是牛肉被梳打粉醃得過份，整件牛肉脹大十倍，咬下去是很軟但其口感之怪已不知道自己在吃什麼，調味尚可，其實賣貴一點給肥

上次試過這兒的美食後，忍不住做一做回頭草~不過當然預早有人到達取籌啦！否則真係要食西北風。 今次4人行所以食物可以多元化點，是夜如下:豉椒炒蟶子:不能不吃差不多叫鎮店之物，首先顏色奪目，入口香辣非常，雖然還是老樣子個人辣到咀也發麻，但也印証有時人說那句明知山有虎 偏向虎山行，不過如果可以我想將小蟶子換成大的相信更正。炸乳鴿:只點了一隻但4人每人一邊剛剛好，新鮮炸出好香但略嫌炸得不夠脆邊，反而有點皺皮。鐵板黑椒豬手:豬手本身而帶鹹所以加上了黑椒汁中和，上台時鐵板發出滋滋聲，煙霧升到九宵外同時手起刀落將豬手切件，點上旁邊的醬汁同時送飯一流。 而今次黑椒汁值得一讚不稀不稠，也很夠黑椒味。薯仔牛柳粒:另一鎮場之物也不失色，炸過的薯仔配上牛粒一起炒，加了鹽糖和黑椒撈在一起，沒有食物比這來得惹味，最緊要薯仔乾身同時帶點脆但內裡又不會乾至硬身，可見其功力。蒜茸炒豆苗:蒜炒最正路做法，而當天不太多種菜所以選了豆苗，但可惜豆苗明顯地沒有篩選不夠幼嫩，幸好沒有炒得過老否則就不能接受了。炒桂林生腸:跟蟶子的醬如出一徹，只是換了所謂的"珊瑚蚌" 蚌本身沒味道只是啤水啤得爽口，不過單純靠醬帶出的好味也已經夠了。

友人一直對愛文生評價極好，又平又抵食等等，今日約埋35知己拜訪下，睇下係龍還是蟲！鋪頭由2個檔打通，大約30張枱左右，多數都是大枱。是平日的關係吧，所以食客多數是朋友與朋友，好少一家大細。放工大家歎返支酒又真係好開心既 一開始，我地已經oorder出名嘅黑椒豬手，椒鹽9肚魚，蒜蓉炒聖子，金銀蛋菜。黑椒豬手用鐵板上的，上枱時還有“咋咋聲”，仲聞到陣陣黑椒味，豬手用刀輕輕一界就分開了，好林，而且沒有膩的感覺，皮下仍然有脂肪痴著，但入口即溶，又惹味，又飽肚。椒鹽9肚魚一碟約有30件，件件都炸至金黃色，炸粉又唔會太厚。蒜蓉炒聖子，是海鮮的關系？分量比較少，而且偏鹹，但仍感受到鑊氣。金銀蛋菜，我想是我點錯餸了，大排檔應該食炒/炸食物，所以這個金銀蛋菜就是遜色。這幾樣菜，再歎啤酒，人生最開心的，莫過於此

大牌檔到現在已經買少見少了。直到目前為止，全香港只是剩下20多間大牌檔，主要是集中在中環、深水埗和石硤尾一帶。其中一間位於深水埗荔枝角道的【 愛文生 】是我們特別喜歡, 亦十分受歡迎, 即使坐在街邊, 無論平日或是星期六日都很難搵位, 一條街全部都係食客, 場面熱鬧。其實現今的大牌檔己經不同以前了﹐不只是鐵皮搭建一個檔架, 現在的己經進化改良了很多, 愛文生入面的座位是有冷氣的, 而且衛生方面也改善了。這個地道飲食文化應該繼續維持下去, 是香港人的共同回憶。食物夠火侯, 夠鑊氣, 這是大牌檔的風味, 而且食物種類繁多, 份量十足。在這裡己經試過很多不同的餸菜﹐大部份都對好正, 大大碟, 更可以與三五知己飲番兩杯, 真是吃得好滿足。豉椒炒蟶子$98.....肥大的蟶子, 雖不是蟶子王, 但也粒粒飽滿, 份量不少, 粒粒也包圍著豉汁, 青紅椒 , 洋蔥散發出來的香味, 非常惹味。蟶子完全沒有半點腥味, 不會有沙, 這裡是我吃過最入味的蟶子﹐吃到有配料的香味,又有蟶子的鮮甜味, 這碟招牌菜最能體味到大牌檔的小炒風味。媽媽覺得太辣, 紅椒粒下得重手, 但對我而言就恰到好處, 口味真的人人不同豉

街邊大排檔越來越少, 好食而有風味的更加難求。所以希望大家響追求館子美饌之餘, 也想想這些大排檔, 雖然它們沒有漂亮廁所, 坐街邊, 地下油油滑滑, 又會用你們本來抺pat pat的紙來抺咀, 但其實它們也很可愛的。最少我很喜歡坐街檔, 覺得自己從骨子裡平民出來, 感覺良好而舒服!愛文生這個名字, 在深水埗區幾十年, 由以前小小一個牌檔, 坐街邊飲食, 到現在有好幾個吉鋪, 客人們都迎乎"上晒鋪", 只有廚房還在外面。提傳對面祥記老闆也是源自愛文生, 可以說是同區牌檔的代表店舖之一。油浸筍殼魚, 利用滾油浸炸, 將開邊筍殼魚從表面慢慢熟到入面, 令厚肉的筍殼做到外脆而金黃, 內裡入面嫩滑。加上香味而偏鹹的豉汁, 魚鮮香味也隨之而來。豉椒炒聖子, 聖子大隻有肉地, 無沙, 表面沾上了惹味的豉椒茨汁。而咬下, 內裡還有汁湧出, 感覺不錯。炸大腸, 就比較一般, 最主要是因為碟頭太大, 三個人來不及吃光, 所以放涼後變得又硬又韌。而長條形切法的確是令脆口的外皮變得更有質感一點, 但放涼後的弊病亦是出於這皮。啫啫生菜煲, 油份太多, 但是香味當然不錯, 上桌時不停發出"嗞嗞"聲響。只是覺得菜身

在一眾港產食制當中，大姨媽最喜歡的便是到地痞大排檔吃風味小炒....趁着她難得訪港，找了一個晚上撇下其他小朋友在家，帶她到傳統舊式鐵皮排檔深水埗"愛文生"重溫舊好夢....現在說成是舊式鐵皮大排檔也不大全對，這裡現已擁有兩三間設有空調的大舖了。不過要領略真正的排檔風味的話，是一定要不怕勞苦出晒汗的坐在露天摺椅去飲大杯啤酒食一口惹味小菜才對路的....但對於最怕熱不太捱得的大姨媽，要她坐在外邊簡直就是活受罪啦....所以還是選擇坐入舖內算了....她最愛吃乳鴿。看到有燒的可點，馬上便叫一只開邊的。這鴿算是較肥的一隻，皮下的脂肪是相當的厚，皮雖經翻炸但仍帶微脆；肉頗為厚身也夠嫩口。醮點淮鹽粒去食是既惹味又滋味....來得排檔，自然要叫一些送酒惹味小炒。這裡的豉椒炒蜆的紅椒粒下得極重手，辣度極足亦很重油，令一眾女仕們邊吃邊伸出舌頭大呼辣到暈。大姨媽食食吓更誇張得要先用水洗過才放入口，對小弟來說簡直是暴殄天物；蜆肉雖甚厚身大只但吃着有好幾隻都是有少許沙的，太可惜了....魚肚浸勝瓜內的所謂"上湯"實情只屬味頗鹹的師傅湯；魚肚入口沒餿味夠厚身爽口，不俗；勝瓜則反而有點硬不太夠淰，未能太嗦湯汁的它

除左西餐，其實大排檔亦是我喜愛食物既頭幾位，不過真係要搵返Ｄ有共同嗜好既人先得，因為有好多女生都怕大排檔污髒，食物又較油膩，不是人人都鍾意的。不過而家既大排檔都已經買少見少，好食既就更加唔駛講，愛文生係其中一間我覺得好食既。除左佢保留左傳統既鑊氣同大大碟之外，好多懷舊菜都可以係度搵到，而且味道亦能保持一貫水準呢～炸大腸：真正既外脆內軟，係近來食過既少有佳作之一，比起泉章居既質素還要高些少（泉章居的較乾較硬，不夠軟嫩）！炸鯪魚球：鯪魚球夠彈牙又入味，炸到金黃色很香口，再加埋蜆介同食，好有舊式風味！蒜蓉炒芥蘭：總覺得大排檔炒既菜特別好食，雖然好多人都覺得佢太油膩，但我卻偏愛這種“重口味”。鐵板黑椒咸豬手：第一次去已經超想食，因為見到差不多每檯都有一隻豬手，奈何只得兩個人，真怕會浪費食物！所以，死心不惜的我們終於搵多一個食伴，會一會這隻聞名已久的“咸豬手”。果然，聞名不如見面，鐵板一上檯，洋蔥與黑椒汁在鐵板上亂舞，香氣撲鼻。豬手肉嫩且腍，彷彿不需用力已經可以切開，豬皮入口即溶，但無肥膩感覺。不消半句鐘，三位女士已經把這隻咸豬手澈底“消滅”！豬肝“o者o者”雞煲：熱騰騰香噴噴既煲仔剛上檯，看著

在深水埗荔枝角道與醫局街交界處，有這麼一間橫跨整個街口的中式食肆，名字挺特別，叫做「愛文生」，聽來完全不像是一間中式食店，店名就像是英文譯名一樣，與「愛迪生」簡直是兩兄弟呢！其實這間店子本來是大牌檔，後來才搬入店舖經營，但這兒每天只做七小時生意，晚上六時正開始做生意，零晨一時便閉門收舖，做這裡的伙計可真不錯。雖然現在「愛文生」已搬進舖中做生意，但其實在街中猛火兜炒各款鑊氣小炒的牌檔才是這兒的靈魂所在，看著街上那圍滿了碗碟爐具雜物的檔口中的兩位大漢快手快腳地把各款小菜兜炒上碟，熊熊的火光在燒得燙熱的鐵鑊上冒起，絕對是香港的一道充滿港式地道風味的人文風景。怪不得有那麼多的客人即使在潮濕炎熱的春夏之交的晚上，仍然願意坐在露天的紅色膠櫈上享受這兒的各款鑊氣十足的拿手小菜了。叫來了三道菜式。首先是這兒口碑不俗的「豉椒炒蟶子」。這道新鮮炒起的「豉椒炒蟶子」果然不錯，豉椒汁味道濃郁，辣度恰好，既能讓自己享受到刺激的感覺，但又不會辣得令自己接受不到。辣度恰到好處的豉椒汁，使鮮甜的蟶子肉變得更加惹味，好吃。這碟炒蟶子的蟶子雖然較為細隻，並非蟶子皇的級數，但勝在份量極多，粗略估計足足有接近三十隻蟶子之多，

如非有地圖指示相信未到步已迷路，因為鄰近的地鐵站步行也要10分鐘，雖然如此到步時還是見到人山人海......証明了如果一間店有實力就算開到老遠也會客似雲來。雖然不太知名菜是什麼，但終歸上網看了看，點了算是一些有名的，但始終人數少叫得有限>.<豉椒炒蟶子: 蟶子冇沙中等大隻 炒得非常非常惹味和夠獲氣 雖然個人來說有點辣 但就是忍不住要不停吃黑椒薯仔牛柳粒:另一出色傑作，薯仔細粒上味易入口 令人唔覺唔覺食多左 牛柳粒用了少許食粉但味道方面補上功夫跟薯仔一樣兜了黑椒同時帶了甜味 一樣的是非常夠獲氣鹹蛋黃中蝦:蝦身炸得乾脆，蝦肉保持了爽口而且很多膏，蛋黃上得也很平均沒有像出面一粒粒醉黃凸起影響賣相鐵板黑椒豬手:上台連鐵板發出的聲音像扒房聽到的，香味隨煙帶出，但食落口有點失色 因為豬手內只有鹹味而且像出面買(已入味)回家自己煮的一樣 只是要靠外面的汁補救但汁卻顯得有色淡味地方面積非常大因為廚房放了一大部份在街旁，如果有幸坐外面可以欣賞師傅手勢。 由於在內街而地方也不算旺所以此店連帶了幾個舖位一開建成 容納人數不少。 對我來說雖然有點遠但一定會再來

此檔是經過去打波時經過的路口見陣陣白煙上升, 有時整絛街都被白煙遮蔽至背景的高樓大廈模糊一片就知道這裡是自己必會來一次對決, 但起碼四個人啦,終於在15/Mar.可以即興斉腳四位, 是晚星期五時值9點半但客人並不是全滿, 只是六成左右, 當日沒有叫啤酒, 只吃小菜, 菜式計有:生炒骨 $68- 夠份量, 比新式酒家的多一倍, 肉同彩椒比例是7:3的正常麻甩比例, 只是醮粉厚了點, 所以被酸甜汁沾上的肉排口感不是太脆啦, 但肉醃得不會過份咸或者一陣鬆肉粉氣味, 唔太咀尖的我們都感覺OK嘅炸大腸 $68 – 炸得乾身, 腸衣大部份都已成脆脆的簿片, 唯獨是腸內的肥羔還有部份殘番在腸壁, 盡可能的剔開它吧, 鼓椒炒聖子 $78- 鼓椒味雖然帶辣但尚算溫和, 聖子屬於細嗰種, 但都有鮮味亦有咬口, 只是有些微的細砂生菜鯪魚球煲 $60- 翠綠的唐生菜幾大棵放面, 有睇頭, 下面的鯪魚球亦不少, 唯獨是個湯不是湯,係幾咸下的鹽水, 唔明點解唔開個淡口上湯/魚湯落去, 而用個咁重口味的鹽水?這味道真的配合到嗎?鼓油皇炒麵 – 唔知價因為餐牌無呢樣野, 炒功唔錯, 配料都有斉除咗無甘筍絲,火腿絲之外