愛文生

營業中

休息中

友人愛妻離港工作，無王管的情況下約食飯，一行三人又來到愛文生連續兩個星期都來，真係好捧場﹗講到明今晚飲酒盡興，一坐低已經叫定個小炒王做佐酒小吃，真的很欣賞呢個菜用料豐富，蝦乾特多，同其他大排檔相比呢度的最有鑊氣亦大碟﹗膏蟹10蚊兩，貴係貴左0的，不過難得一聚叫左兩隻，25兩盛惠$250﹗蟹膏頂哂蓋，多到不得了，味道甘香郁厚，一粒粒黃澄澄灑落成碟真係回味無窮﹗膏外蟹肉未算實淨，不過都鮮甜，值得一試﹗仲有食左椒鹽吊片，魷魚就成日食，吊片椒鹽都算係第一次，炸得乾身，入口香香的惹味非常，呢個餸我今餐最鍾意﹗三個人一陣就掃哂﹗傾計飲酒興起得濟，行過對面士多買左副啤牌返來三公廿一點，輸左當然係飲啦，玩到最後仲連骰仔都出埋，玩七八九，真係有人飲到嘔﹗迷糊中點埋椒鹽雞軟骨，思緒不清的只記得腰果即炸夠哂脆口，呢道0的椒鹽食物確係很不錯﹗七點食到十二點，到底自己點返屋企既呢？無人知..............因為大家都唔知.....只記得三個人清左廿支大獅威..............

上上星期日是陪客食飯0甘大個人第一次 -- 陪客食飯鬼叫個客係我跟　鬼叫個台灣妹愛上我咩.... (說笑的）如果唔係個客話要食香港地道野食我相信我無這個機會來這裡吃飯D食物好有鑊氣 - 讚由於是晚太餓　太多說話都忘記同D食物拍照+問佢地叫咩名　就比我地食落肚食清光

自問最愛就係去大排檔開餐，取其風味一流，環境氣氛絕佳，不過身在九龍區的我卻遺忘左呢間野﹗石峽尾街的愛文生，兩三年前來過一次，不過那次感覺麻麻所以在我的腦海已沒有印象，近日睇番BLOG友Lioncity推介決定俾多次機會佢﹗就係呢間喇﹗石峽尾道一號，地址好易記﹗比起我三年前來好明顯有裝修過，而家有間鋪頭有冷氣的﹗今日我就坐左入去喇﹗有電視睇添，我當然叫左啤酒先啦﹗飲燕京有計傾﹗今日來係因為好想食蟹，先來一個薑蔥炒肉蟹﹗一兩九蚊，呢隻佢話十二兩喇﹗確係多肉，關節位仲帶有少少膏添﹗肉身比較腍不過好重蟹味，超級鮮甜入口豐膄滿足，薑蔥吊味吊得岩岩好，惹味得來不會嗆走蟹鮮，好正呀﹗個鉗成個碗咁大架﹗正啊﹗呢碟叫做麻辣雞絲，本來仲以為係乾身既菜，點知咁多汁呢﹗$40一碟份量很多很多，入口真係麻辣好鬼惹味。雞肉以為普通點知佢整得出奇地鮮嫩，仲要滑滑溜溜，加埋0的粉絲如你愛吃飯的話真係送兩碗飯都仲得呀﹗試大排檔我有一個執著，就係一定要試下佢地既小炒王﹗每間大排檔都一定有的小菜，用料同埋味道都好反映間野下次仲洗唔洗再幫趁﹗愛文生的小炒王味道很不錯啊﹗韮菜炒得又香又爽口，仲有鮮香既韮王做襯底，最緊要一樣野係

大排檔常讓人有一種錯覺，覺得它食物質素低下、環境惡劣、客人品流複雜等等。其實，大排檔在另一個層面上，是標誌著香港人大部份的飲食文化，那就是價廉物美、快、靚、正。此次飯局起因是在那天吃過天祥之後而衍生出來的，作為首次的"攪事者"，心情有點戰戰兢兢，始終想一切順利而令各位參加的食友都能盡興痛快的吃一餐為目的。而在菜式方面，反而不會太著重，始終在大排檔點菜是以當天有甚麼新鮮材料便做那個菜的方式去決定的。有沒有特別的東西，那就要看各位的食緣了~是晚七點許，大家也差不多到齊了，也是點菜的時候了。我們分別要了豉椒炒蟶子、豬潤啫啫雞煲、桂林炒生腸、生炒骨、椒鹽豆腐、蒜蓉炒莧菜、銀山砵酒焗鱔球。而在最後，店員說著今天有個較特別的小菜 - 紅燒炆班尾 說也慚愧，我還沒吃過這個小菜的，我當然是點頭了同意耶~豉椒炒蟶子出奇地美味，首先是蟶子肥美爽口彈牙，帶微辣的豉椒汁惹味得很，令我跟兩位食友都忍不住要來一碗白飯來撈豉汁，這個豉汁的味道直到今天仍能清楚記得有多美味呢，正﹗豬潤啫啫雞煲把剛才的好印象差不多一掃而空，因為雞肉嚡口韌度十足外，豬潤只是緊緊合格而已，對比其他大排檔的水準，這道菜明顯偏低了許多，此煲仔菜

香港的大排檔已死?你死佢地都仲未死.在三十多年前不再發大排檔牌之後,到今天,仍有數十個牌檔,繼續在這個小島上,散發著夕陽的餘暉.在舊區石硤尾,已經有好幾間,耀東街的幾間大家也許已去得多.在石硤尾街尾,近大角咀的兩間大排檔,天祥同愛文生,前者去過兩次,後者就未試過,這一夜,由Dragonfire帶隊,率大家到愛文生,一同感受香港風味.長期也是愛文生食客多過天祥,後者依舊坐街邊,而愛文生就已入舖,環境比天祥為佳.在大排檔點菜模式,一向以鑊氣小炒,香口味道為主導,見店員說有炆班尾,未曾在大排檔吃過班尾,為食的人通常充滿好奇心,就要一尾試試,其他菜式,不外乎椒鹽豆腐,鮮魷,炒聖子等等大排檔味道.最快上就是豉椒炒聖子,不是聖子皇的"黑鬼"size,中中等等,肉身肥,吃落飽滿鮮甜,碟上的豉椒汁惹味,引來三個"靚仔"入室.跟著的煲仔系列豬潤啫啫雞煲,熱騰騰端上,如果在冬天吃,感覺更佳.煲內的雞肉很鞋,結果最後吃豬潤多過雞.再來的桂林炒生腸,名叫桂林行頭,理應味道刺激一點才對,可是只有蜻蜓點水的刺激感.生腸本身只有爽口感,而沒有味道.這兩味菜式,在水準之下.去到椒鹽豆腐,又開始挽回一點聲譽.炸得金黃,

這裡也是入了舖的大排檔，保持在排檔出面的，就只有執菜位及兩個爐頭，不時也炒至火光熊熊的，維持大排檔的特色。但鑊氣夠又不代表味道好，是晚試吃了好幾味，老實講，只一般。這裡佔了石峽尾街一邊的幾間舖位，座位也不在少數的。我們就在其中一間舖最埋邊的一張大檯，看到電視的，還算可以。拿著餐牌，九個人就點九味菜，應該夠吃的了。沙薑雞很大隻，看來浸得不錯，賣相不錯的。吃起來雞肉嫩滑，連胸肉的部份也不韌的，不過就明顯的是凍鮮雞，沒有什麼味道。索價一百八十大洋的，有點貴吧！紅燒乳鴿似乎是這裡的一味名菜，但骨硬得很，肉薄且韌，香港地吃燒乳鴿，好的數來也只三幾間，一定不會是這裡；又來生炒骨一碟，卻又不錯，酸甜合度，也加入了紅椒同炒，帶點辣辣的，幾冶味，而排骨也炸得脆口，可惜有幾件肉質頗韌的，算是全晚最滿意的一味菜色；椒鹽鮮魷炸得脆，但魷魚非常之薄身又韌韌的，食才水準差，又怎會吃得滿意？豉油王雞軟骨炒得無厘火氣，也過鹹，似乎是要椒鹽好一點，不過是落單的伙記推薦這個吃法的；桂林炒生腸絕對遠離水準，生腸只是一些給疏打粉揦得索然無味的爽口物體，跟醬汁互不相干，吃剩了不少；黃金蝦推得不算油，蛋黃也香口，可惜蝦殼炸得不透

呢間大排檔係我數一數二最中意去食０既鋪頭，呢度基本係樣樣嘢都好有水準，鑊氣十足．．．．推介：鹽水雞，炸大腸，薑沖魚雲煲必食首選係乳鴿（不過都幾油），可能唔係個個啱．．．

是日為娜姐賀壽，一行9人點了9碟小菜，喻意長長久久。9碟小菜有沙薑雞、燒乳鴿、羊腩煲、生炒骨、黃金蝦、豉椒生腸、椒鹽魷魚、紅燒豆腐及椒鹽雞軟骨。沙薑雞-入味又濃郁，肉滑不鞋口，生炒骨-雖然炸得新鮮脆口，可惜骨肉偏韌；醬汁除了有甜酸之外，還帶點點辣椒，增加惹味。燒乳鴿-燒得皮脆但肉質不夠嫩滑。黃金蝦-每隻都被蛋黃茸包著，蛋黃香濃、蝦肉彈牙。椒鹽魷魚-雖然炸粉薄，像是缺乏鑊氣，不夠鬆脆可口。羊腩煲-南乳汁夠香，但羊肉不夠稔身及入味，肉質還帶點實。豉椒生腸-主角的生腸而被製到過份的爽脆，椒鹽雞軟骨-是各人至喜愛的一味，而個人認為略鹹了少少。雖然食物不是什麼美味佳餚，環境也是街坊的大排檔，但當晚的氣氛，各人的開心心情，是沒法代替的。在此祝娜姐生日快樂。

冇飯開嘅一晚,想起住深水埗嘅獨居女同事. 佢提意去大排檔啤啤佢,當然啱哂我啦!! 去到唔使等就有位,真係好彩!!豉椒炒蟶子味道一流.雖然唔係蟶子皇,但起碼夠鮮甜,少少咁夾夾吓,要嚟送啤酒,唔錯.炸乳鴿肉質嫩滑,外皮香脆,難怪同事極力推介.椒鹽雞軟骨更加一流,夠哂鑊氣,十分香脆,又要叫多支啤酒送嘅小炒.再嚟多一味辣酒煮花螺,螺嘅大細適中,辣酒又夠香辣,我當湯飲得津津有味!!!雖然環境一般,又要搭檯,但勝在鑊氣夠.不過亦見好多人食蒸魚,下次都要試試.

跟老友記又開始大排檔之旅。今次嚟到呢度...上次去對面天祥，平靚正，件頭又夠大。希望呢度唔會失望la...人多過對面天祥多多聲，仲要排隊等位tim。咁巴閉?等咗十幾二十分鐘先有位。之前已有個預算叫乜，所以一坐低即刻嗱嗱臨叫餸...例牌菜當然係椒鹽鮮魷。魷魚切得薄薄，夠新鮮且爽口，脆漿夠薄，可食得出魷魚鮮味。跟對面天祥嘅水準一樣好....啫啫雞煲就跟耀東街强記差得遠--- 雞件經走油後鮮味冇晒，煲本身又不太夠熱，"啫啫"聲名存實亡。可幸豬潤片得夠份量，亦頗新鮮彈口，否則可以擺埋一邊...蒜茸炒芥蘭食落毫無排檔應有鑊氣，好似食灼菜咁，點攪?再追加嘅炸乳鴿反而不錯，皮脆肉嫩，仍留有少許肉汁，送酒一流...食到反檯，都係位位一嚿水。你話點解咁多人排?仲唔明? 但整體水準只是普通。跟老友不約而同皆認為對面天祥好食D...

上星期日做完gym之後，同朋友去左石硤尾街頭食大排檔，晚上的深水埗內街，好多都冇咩人，但係一來到石硤尾街，真係柳暗花明又一村，未到7時到達，已經非常多人了，到左7時許，已經好多人要得位呢！小菜都係30-50蚊左右，非常經濟抵食！ 豉椒炒魷：鮮甜、新鮮彈牙！沙薑雞半隻：超大隻，非常抵食，又唔肥，岩我！豉椒炒蜆：好大碟，冇咩吉殼，d肉都幾好味！幾辣！蝦醬炒通菜：蝦醬好似少左dd，唔多夠味，超級"油"菜！蝦仁炒蛋：無疑炒蛋係要多油先炒得好味，但係都唔使甘勁掛！(大家睇下牒邊的油！)埋單2支大啤、3個靚仔、5個餸加埋都係$278！超抵食，唔怪得甘多人來食啦！更多相片請參考：http://hk.myblog.yahoo.com/samuel-cheung/article?mid=2802&prev=-1&next=2793 歡迎留言交流

這間店本人已經食了第四次...今次係最差既一次,我唔知係因為我座在兩個大廚前面個張檯,睇到哂佢點整d野食,定係的對食物既要求太高了...見到個兩位大廚大汗小汗滴在食物上,個條毛巾左沫右沫沫碟沫檯...真係有d~~~d煲仔菜係在大鑊炒完再上煲仔燒紅先上檯比客~我越睇越覺得唔對路...你地千其唔好座係廚房佬前面食野...open kitchen有時對某d店都唔係一個good idea!!!1)第一口個豉椒炒聖子好有鑊氣好香,可惜個汁太多,佢炒得太快,拿西啦,d聖子d水都未收,個汁水溜溜,如果佢炒多30秒收水,就會入味好多...2)蒜蓉蒸開邊蝦,係個汁好味,但太咸,d蝦唔係游水蝦,佢講大話,一食就知沒鮮味可言!3)炸大腸係最好味最有水準既一碟,皮又脆又薄,有d肉係中間好有口感,加埋個汁正~ 不過切記一定要熱食,唔係就會"林"哂!!!4)椒絲腐乳通菜係最後一碟,亦都是最差的一碟...除了漏單之外,佢炒既成個過程我都睇到哂,佢係兩碟一齊炒的...本來沒乜野,為了節省時間我都明白~但佢只用了45秒不到既時間去炒兩份菜,好味既話我當然沒野講啦,但佢一落地...個買相好油,個汁d粉仲未容,仲一pat

7/7(六) 7:30pm血拼老尖後,再跨區到鴨記格格腳架價格.完事後,稍移玉步到"愛文生"這庶民大排檔感受其風味.七時多正店已滿座,由伙計引領到轉角四壁蕭條的細舖,坐於近門口的正方摺臺,空調略嫌不足.我倆鑽研了菜牌好一陣子,跟健談的伙計搭訕了片刻後,最後落實砂鍋魚頭煲$48及錦江豆腐煲$45作晚餐.砂鍋魚頭煲--上臺時煲仔熱氣四溢,頗有看頭!魚頭相當香脆,入味沒魚腥,肉汁豐厚!炸豆腐也蠻軟滑的,火腩冬菇黃芽蔔等配菜份量慷慨,味道對辦!錦江豆腐煲--同樣弄得惹味卻不油膩;醬汁味道帶微辣;此外斑塊件頭大大,質地彈牙結實且新鮮,硬豆腐外硬內嫩,墊底的西蘭花及蟹柳水準亦不馬虎!味道原始的簡樸煲仔餐!

我地兩個人,叫左豉椒炒聖子,椒鹽鮮魷,沙薑雞,黃金蝦.當中由其係豉椒炒聖子最出,條條聖子好似中指咁大.味道鮮甜.大排檔始終都係要位處街邊先係最似樣XDD

由於上一次識左個新朋友,佢話佢食過一間超好味0既大排檔,而小頭佢地都話有興趣試試,所以今晚先去探一探路先!去到醫局街,發現原來自己已前離過lee 道,而記憶中朋友話，在整車果邊果間就係ｌａ，（佢都係朋友帶佢去，所以無記名）意思指天祥，但我以前試過一次，對佢無ｍｕｄ記憶，（如果間野係好食，我一定記得０既），所以我就走左去對面愛文生ｌａ，上次來見倒愛文生明顯多客過天祥，都諗住下次會試試，今日咁０岩得咁橋，無論係唔係朋友講果間都好啦，即本試試吧！椒鹽鮮魷（３分）－味道係ｏｋ，但無用辣椒同蒜頭起鑊，就唔得香口la，而且亦炸得唔夠脆口！芥蘭炒田雞（４分）－田雞炒得好滑，味道亦唔錯，雖然有少部份芥蘭唔夠熱，但都算炒得唔錯！桂林生腸（１分）－仲話係招牌菜，ｄ生腸發到無曬味，ｄ汁稀到不得了，汁還汁，腸還腸，ｄ汁又無ｍｕｄ味，只有小小辣咁啦，其實應該比０分！不過，我明點解佢咁多人幫襯，因為佢不至於好好食，但絕對係好“抵食”，佢每碟”例牌”都好似人地”中上”咁大碟,,所似抵食度可以比( 5分)