意粉狂熱 (雅蘭中心)

營業中

休息中

點左兩款意粉 2杯野飲1. 忌廉汁菠菜三文魚- 成個意粉偏鹹，三文魚好大陣腥味，不過個汁唔錯～ 意粉Texture的確唔錯幾好咬口 😫呢個真係要改善一下2. 香草烤雞什菌羅勒意粉- 一樣，意粉口感唔錯幾好咬口，呢個意粉幾好食，羅勒同忌廉汁溫埋啱啱好唔會搶咗啲雜菌味道。 十分creamy, 推介！不過食到個碟底好多油3. Matcha Latte- 我知道呢度唔係一個飲野嘅地方，但係意大利粉餐廳我覺得咖啡都好重要～呢杯抹茶latte 甜到一個點。我想講係零分🌝🌝4. Lemon Tea - 正常 唔好既地方無得自己落糖 整體上，其實我覺得都好唔錯，我也會再黎試埋其他意粉😊

I love pasta. But much to boyfriend's chagrin, he is always stuck with small plates of pasta that don't really fill him up and yet quite expensive. But I read about a new place called Pastaholic where you can upgrade your pasta 1.5 times more by adding $9.Located in Mong Kok, right outside Langham Place, there seemed to  be other people who had heard of this new place as there was quite  queue.Upon sitting down, we had an array of menus. Menus are in English and Chinese.They have two people dinn

雅蘭中心搵食，間間餐廳都熟口熟面，但竟然俾我哋見到間較為有特色的，以意粉作為主打。再細看，原來係同和民同一個集團，原來和民有做西餐，都幾有趣。二人每人點左一杯飲品同餐湯，個茶都幾特別，特別的方式上枱可以保留溫度。至於個湯我比較鍾意南瓜湯，朋友仔個洋蔥湯我就唔係好識欣賞。小食花多眼亂，乾脆點一個五色拼盤，一次過滿足晒咁多個口味。以為只係小小的一份，原來有五款食材得來五款食材的份量都頗多。最鍾意魷魚圈，好厚肉而且外皮炸得幾香脆。Parma Ham亦都好夠味道。主菜我哋揀咗一款意粉同飯。海鮮意粉以番茄汁作底，蒜香味都算濃郁。但對比起味道，我就更加欣賞個質感，煙煙靱靭的意粉正合我心意。西班牙飯的重點就在於配料，雞肉的西班牙飯已經唔常見，佢哋仲要係用原隻雞肶，啖啖肉好豐富。食飽飽自然想要甜品，見到佢哋有一款朱古力香蕉Pizza，覺得好有趣。原來Pizza可以係甜品？上枱時都幾驚喜，真係Pizza的造型，有脆脆的餅底。但配料就換上香蕉、黑糖等等，上面仲有一球朱古力雪糕。估唔到整體效果好夾，甜甜的餡料用餅底中和，食多兩件都唔會膩。都幾開心搵到呢間餐廳，算係旺角當中比較有特色同創意的食店。

之前睇面書介紹，和民旗下開咗呢間新嘅日式西餐廳，今日趁住星期日出開旺角，就順便黎試下啦。餐廳位於雅蘭中心，同和民同一個門口，都算易搵。菜式選擇唔多，主要都係意粉及薄餅，一份set lunch包沙律或餐湯及飲品，轉咖啡要加八蚊，略嫌有d貴。餐湯有得揀南瓜忌廉湯或洋蔥湯，我哋揀咗南瓜忌廉湯，餐湯入口幼滑， 有微微嘅南瓜蓉，好重南瓜味，飲落味道唔錯。雙重辣味煙肉蒜香魔鬼意粉 :意粉配料唔多，主要係煙肉及碎辣椒，入口時唔覺得辣，但因為有碎辣椒，一路食辣味就一路慢慢滲出嚟，非常惹味。照燒雞蛋黃醬批薩 :一碟有六件，上枱時已經切好晒，非常方便，批薩烤得香脆，照燒雞份量夠多，配埋蛋黃醬及碎紫菜，六件話咁快就食晒。總括黎講，呢間日式西餐廳食物味道唔錯， 價錢亦唔貴，唯一美中不足嘅係小食唔夠多選擇，如果可以加多d小食，咁就一流喇。

朋友提議去食呢間新開嘅餐廳，咁就一齊去試吓啦由於當晚已經full booking，所以朋友提早少少六點左右就去到排隊，我地等左10分鐘左右就入座我地3個人分別每人叫左一款食物，分別係照燒雞肉蛋黃醬pizza, 牛肝菌意粉同溫泉蛋卡邦尼先講個pizza真係估唔到咁好食，鍾意個醬汁甜甜地，d雞肉都好食，係3樣食物中最滿意的溫泉蛋卡邦尼意粉我地加左$9可以有多1.5份量，可惜個意粉好淡味，即使我地落左好多芝士粉都覺得唔夠味牛肝菌意粉就聞落好香牛肝菌味，味道唔錯服務方面就麻麻，我地叫左好幾次侍應要芝士粉先比到我地，可能係人手不足吧...價錢方面我覺得都抵食，相比其他西餐廳唔貴

收工依然都係食完飯先番歸，無計啦，鬼叫屋企爭咁個煮飯婆。近近地行過雅蘭，又係呢個位，換上一間新嘅餐廳，以意粉為主題，早排都有朋友食過佢地嘅牛柳話正。平日收工大概8點鐘，餐廳都幾full，而且好多人都經呢度預約左位置。座位唔算多，最好都係訂位。話明意粉狂熱，梗係主打意粉，但佢都有供應沙律、小食、湯、薄餅、意大利飯、扒類、甜品等，仲有期間限定嘅芝士火鍋，價錢唔貴。啱哂意粉控，接近15款意粉，仲可以加9蚊升級1.5倍份量。分為蕃茄/忌廉/橄欖油/羅勒/和風同墨汁幾大類，點都搵到款啱食嘅特濃南瓜粟米忌廉湯 28：南瓜湯濃郁，唔會太杰身，入口有豐富南瓜味道，混搭粟米，味道清甜，唔會覺得漏。法式芝士洋蔥湯 38：加入麵包、芝士，洋蔥湯飲落帶甜，料頗多豪華5式拼盤 168：小食款式多，我地費事煩就點左拼盤分享。分別有：parma ham、意式炸魷魚圈配他他汁、芝心帕爾馬火腿薯茸球、焗珍寶大啡菇釀帶子、海蝦牛油果法包多士。適合幾個朋友食飯，但又腍唔到叫咩好嘅人，乜都試到巴馬火腿唔會太鹹，幾好食；炸魷魚圈一共四件，粉漿唔會太厚，魷魚亦都幾煙韌，唔會話入口離粉；薯茸球面頭加左少少蟹籽，薯茸磨得好滑，食落外

「意粉狂熱」位於雅蘭中心，係「和民集團」旗下新開嘅一間餐廳。餐廳主打日式西餐，做法具有創意。最近係團購網到見到有coupon賣，打算黎試下呢間新餐廳。係openrice度訂檯可以賺取asia miles，當然係預早訂檯，咁就唔驚無位啦。午市套餐由$59起，有餐湯或沙律，主菜同飲品一杯，不過如果要飲咖啡，就要加$8，好似唔係太超值。南瓜忌廉湯: 是日餐湯有兩款，我地揀左南瓜忌廉湯。個湯都幾夠熱，有香濃既南瓜味，如果可以配埋蒜茸包，咁就好啦。照燒雞蛋黃醬pizzaizza只有三個選擇，唔多喜歡芝士既我地揀左照燒雞蛋黃醬pizza。呢款pizza好有日式風味，照燒雞整得好入味，pizza火喉剛剛好，值得一讚。雙重辣味蒜香魔鬼意粉:喜歡食辣野既我見到呢個意粉就想試下。表面上睇落平凡既意粉，原來加左好多細細粒既辣椒碎，初初入口時係唔辣架，但係辣味會慢慢滲出，都幾過癮架。整體黎講呢間新開既餐廳都算唔錯，不過如果可以加入多D小食俾客人選擇既話，咁就好啦。

好耐冇寫過食評....但尼間餐廳真係唔錯, 好想推薦一下,佢係最近新開架~~尼排都見到有朋友SHARE出黎話好平好抵食, 所以決定黎試一試!7點左右去到已經滿哂要等位, 好彩都唔洗等好耐, 10分鐘左右就入得去喇,我地3個女仔, 見間野個名叫意粉狂熱, 決定叫兩款意粉一款PIZZA~佢嘅MENU好得意, 6個醬汁俾你揀, 每款都有3種材料,我地揀左蕃茄系列嘅蒜香海鮮意粉, 同埋生PASTA嘅牛肝菌意粉,個蕃茄蒜香海鮮意粉真係好香!! 食落去D意粉吸哂D海鮮味, 每一啖都可以食到濃濃嘅蝦味!!!另外牛肝菌生意粉, 其實我地都係第一次食生意粉, 食落去就好彈牙又好滑,個口感好得意啊~最後係照燒雞PIZZA~我真係!!估!佢!唔!到!!!!!個PIZZA餅底真係好surprise呀! 好鬆軟好有層次~雖然尼間餐廳叫意粉狂熱, 但真心推介PIZZA俾大家~!! 必食!!OVERALL其實性價比好高 3個人唔洗300蚊, SERVICE又好

好彩有係open rice book 位，新店開張，1:30 到，真係好多人，開頭有點難允個門口，原來係同和民同一個門口入星期六都有lunch set, 價錢由$58 -118, 種類不多，但有質素，set可以跟沙律或湯，有洋蔥湯同忌廉湯揀，洋蔥湯好味，包飲品，免費的有檸茶，橙汁，蘋果汁等，咖啡要加$8 ，但味道一般叫左一個pizza, 兩個意粉，炸雞;烤雞pizza: 批底外脆內軟，料夠，味道正Carbonara: 都夠份量，但淡左d蜆肉意粉: 蜆雖然細隻，但蜆肉唔細，如果多d蒜香味，herbs 同白酒味更好，整體都算不錯炸雞: 看似好乾，但原來外脆內好juice,超正會再回來！

開店第三日就黎試下啦原來係和民集團嘅。叫得意粉狂熱，就預咗有好多款意粉可以食，成版menu 有十幾款。+$9仲可以加大意粉量1.5倍叫咗個set dinner, 二人餐258 但可以揀嘅意粉就無我想食果款。魷魚雜菌明太子忌廉意粉，so 😔 sad沙律唔錯，有staff攞住一舊cheese即場刨，哈哈，好浮誇😆面包上面有芝士，但浸係湯入面，淋曬，個人覺得同洋蔥湯個味其實唔夾😅呢個雞肉意粉太油，雖然係橄欖油，但少啲油會更好。好似係煙肉雜菌忌廉意粉，都幾creamy, 好味