意粉狂熱 (雅蘭中心)

營業中

休息中

終於捱到復活節假，約左啲舊同時同佢地啲仔一齊食early dinner, 五點半就到左啦。本來限時九十分鐘（好chur lol), 但一泥我地早，二泥唔係太多人泥食，結果我地坐左兩個幾鐘xddAnyways我地食左：炸魷魚圈 （口感okay, 點埋醬就足味）炸雞海鮮焗飯卡邦尼菇意粉牛油果醬蝦意粉（呢個好食！）煙肉pizza(好似係）Green tea latte（甜度岩岩好）Cafe mocha (冇乜mocha味）啤酒（比出面平）掛住食同吹水冇同野食影相，但全部賣相都okay, 只係小食份量較少。環境音樂都好岩聚舊。

今日同幾個 friend 行過旺角雅蘭中心，見哩間餐廳人唔係好多，就決定黎哩到醫肚。四個人叫咗三樣野，啱啱好👍墨魚汁魷魚飯👍👍👍脆皮腸大啡茹pizza👍羅勒汁雞肉意粉👍👍👍野食好味，價錢公道👍

Bookmark已久既意粉狂熱，今次一試後我認為屬於輕中伏。本來諗住book 7點，點知openrice得6：30同8點可以揀。甘我就諗住打電話book，對方竟然同我講吾接受電話預約。無辦法既情況下只好walk in，但因為有限時，所以我又吾可以拎定位坐住等朋友。結果我地6：50左右入座，當時只系坐左一半人左右。我地揀左個2人餐，諗住可以試多少少野。2款湯，1人試1款，南瓜粟米忌廉湯都ok既，但法式芝士洋蔥湯就似比較喊既雞湯。前菜揀左炸雞，味道不錯又吾油，雞肉吾乾吾鞋口。照燒雞蛋黃醬pizza，味道 用料無咩特別，又吾熱。朋友想食辣，就揀左個雙重辣味煙肉蒜香魔鬼意粉，我真心認為吾系雙重甘簡單，一入口都未咬就feel到個辣，而且個辣吾系越食越上癮果種，有啲為辣而辣。至於飲品方便，我揀左Apple Tango English Tea，望個名我吾知系咩，飲埋落肚都吾知系咩，不過入得口既。至於朋友根據openrice評論而揀既Choco Fun English Tea，我只能說我聞到已經吾想飲。而甜品布甸，揀牛奶 朱古力各1，質地似慕士，味道ok不錯，略嫌朱古力帶啲苦，所以我覺得兩溝最岩味。

每次經過雅蘭都見Pastaholic門外大排長龍， 原來香港有咁多意粉迷？ 今日趁早收工人少終於可以一探究竟XD 名叫意粉狂熱當然以意粉做主打， 意粉系列有蕃茄、忌廉、蒜香橄欖油等6款， 還供應各式沙律、小食、湯品、披薩、甜品…… 款式不少而且定價親民(以和民集團來說)， 怪不得門外總是人龍長又長啦！ 先試試湯品， 法式芝士洋蔥湯煮法正宗， 湯汁帶洋蔥甜味不過略咸。 特濃南瓜粟米忌廉湯口感細滑， 忌廉加上南瓜粟米非常香甜。 豪華 5 式拼盤的確夠豪華， 意式小食賣相精美款式多樣化， 帕爾馬火腿獨有的鮮味勾人味蕾， 焗醸帶子珍寶大啡菇又Juicy又菌香十足， 芝心帕爾馬火腿薯茸球外脆內軟是我的最愛！ 精選海鮮蒜香蕃茄意粉用料豐富， 大蝦及青口以蒜香提味， 每根意粉都沾上甜香的特製蕃茄醬汁， 味道層次豐富。 Matcha Frozen冰涼清爽， 既有奶香亦有抹茶甘香。 烤原隻雞扒西班牙風飯盛在鍋中上桌， 可選2人或4人分量， 即使2人分也相當豐富！ 西班牙風飯以自家製醬料調味， 飯粒分明而且色澤金黃噴香。 原隻雞扒肉質嫩滑， 而且充滿燒烤香氣特別惹味。 吃飯喝足又怎少得甜品呢？ 香蕉朱

果茶：味太甜，而且冇茶香，下次會叫第二d野飲精選沙律係冇得揀嘅係平，但味道好hea，其實冇咩醬，令佢減左好多分一個沙律唔夠醬，咁我同淨食生菜有咩分別～我叫左個芝士牛肝菌意粉，唔錯好香牛肝菌味，而且有炒香，麵條麵吸晒香味，芝士份量尚可，但因牛肝菌咁搶味，芝士要多點先會帶出芝士香。上面有一小部分肉醬，因為搞伴先食，其實唔係好食到，亦覺得不如唔好要呢份肉醬，轉做更多芝士更好。甜品叫左香蕉朱古力pizza,味道又ok喎！比想像中好沙律，意粉x2，飲品，果茶埋單兩人只係$302食到咁多野，真係算係咁不過黎到食pasta好，始終佢只精於pasta

星期六夜晚七點入座，唔洗等位，被安排近開放式廚房位置，有點油煙。南瓜粟米忌廉湯好濃好creamy 食到粟米蓉！主廚沙律 (S)好新鮮，份量夠配料亦多，有沙律菜、車厘茄、蛋、雞肉、芝士、煙三文魚、蒜蓉多士粒。平時沙律只會用普通多士粒，但呢度嘅蒜蓉多士粒，讚！海蝦牛油果多士配料豐富，但叫得多士應該夠脆夠熱，可惜兩者都欠奉，有點失望。魷魚野菌明太子忌廉意粉加9蚊加大意粉份量1.5倍熱辣辣，好香，仲有片半溶嘅牛油係度流緊！頭幾啖好食，愈食愈咸同埋好漏，可能係明太子汁太足料，食完隻碟仲有好多醬汁！

誤打誤撞見到間新意大利野~有2人餐~可以一戰!同其他餐廳有少許分別就係佢d意粉可以比錢加大1.5倍打破了碟大大! 意粉少少既意大利菜常規!!就算2個麻甩佬都可以黎食飽!呢個係正常份量卡邦尼蜆肉意啦~~再叫個特別d既~ 勁辣意粉~~仲要1.5倍份量!!連碟都轉埋~ 未食...見到都飽了!!可以揀南瓜湯同埋洋蔥湯2款都唔錯的!!其他餐廳多數係紅湯白湯...仲包餐飲^^左橙汁右蘋果汁仲叫埋雞肉沙律食....今次真係飽到上個鼻..........新鮮好食!!!!!總結:唔錯的可惜既係....原來YAHOO有團購........$80當$100..............................唉!!!

好開心香港開了一間那麼大間的運動專門店，和老公進去不久，又掃了一堆運動用品，然後在樓上走走，被餐牌的食物吸引了進去，哈哈。我們點了一個二人套餐，有餐湯、小食、主菜和甜品飲品。餐廳是特濃南瓜粟米忌廉湯和法式芝士洋蔥湯，金黃的色澤，飲一啖果然是很濃郁的南瓜香味，且夾雜着粒粒粟米。五色豪華小食拼盤包括了帕爾馬火腿、帶子珍寶大啡菇、意式炸魷魚圈配他他汁、芝心帕爾馬火腿薯蓉球和海蝦牛油果法式多士。即刻炸起的魷魚圈金黃香脆，咬下去的魷魚柔軟鮮嫩，配上他他汁特別滋味。至於主菜是海鮮蒜香蕃茄意大利麵，意大利麵上鋪滿了青口、魷魚、鮮蝦，意大利麵混合濃郁的蕃茄醬，份外醒胃，另外口感也剛剛好，不太軟稔，亦不會太硬。烤雞番茄焗飯，原塊用燒汁烤過的雞塊，份量很足，亦保留原有的肉汁。雖然開始有點飽了，但亦不得不讚一讚個焗飯，炒香了的飯底再去焗，並沒有扯乾飯粒的水分，反而吸收了烤雞的肉味。最後是肉桂朱古力香蕉薄餅和兩個手作布甸，分別牛奶和朱古力味。個人不太喜好肉桂，但是朱古力香蕉夾着鬆脆薄餅一起食，味道是不錯的。至於兩個布甸滑脫脫、涼浸浸，順勢清除口腔較濃郁的味蕾。飲著Matcha Frozen，再呷一口Apple

小編成日都覺得好難諗係旺角食咩好， 因為有太多伏味濃嘅餐廳🙊。 不過之前見雅蘭中心開左間新餐廳—「意粉狂熱 PASTAHOLIC」， 朋友試過話唔錯， 剛好和小妹去開旺角買野，就試下啦！😏 嘩，原來都幾多食客架喎！ 要等位架！不過好快就到我地啦～😂 餐廳格局寬敞， 感覺像家庭式餐廳， 用上木桌椅，給人一種悠閒舒適的感覺。 顧名思義，「意粉狂熱」當然係主打意粉！ 意粉有 6 個系列可選擇：蕃茄、忌廉、蒜香橄欖油、羅勒忌廉、和風和homemade系列。 除左意粉之外， 仲有沙律、小食、披薩、飯、扒類和甜品等， 食物種類都幾多元化！😏 意粉🍝可加$9升級份量， 飯類和披薩🍕則設有小、大份量， 而且仲有套餐呢！ 不論倆口子還是三五成群， 都可以一次過品嚐多幾款不同的菜式，幾貼心喎！👏🏻 法式芝士洋蔥湯（$38） 洋蔥熬出香噴噴的濃湯， 配上香濃的融化芝士和吸晒湯汁的麵包， 口感層次豐富！「芝」味滿溢～ 南瓜粟米忌廉湯（$28） 南瓜湯味道香濃，啖啖南瓜蓉和粟米粒～ 小編就覺得豪華 5 式拼盤（$168）係最抵食，性價比係最高！😎 海蝦牛油果法包多士 多士烤得香脆可口

晚餐在旺角解決，餐廳位於雅蘭中心，位置非常便利，餐廳門口的招牌非常搶眼。餐廳面積挺大的，裝潢走時尚風，幽暗的燈光，混凝土地磚，木製桌椅，令人感覺舒服。餐單的選擇多元化，有不同款式的意粉，價錢由$50多到$90多，有餐湯、小吃、披薩、牛排和甜品呢！⭐️strawberry peach frozen$53士多啤梨蜜桃沙冰，入口有士多啤梨香味，香甜解渴，不俗。⭐️主廚精選沙律（小）$43沙律很便宜，味道也不錯。有三文魚、麵包粒、雞肉、車厘茄等，最喜歡三文魚香香軟軟的，非常可口喔！⭐️海蝦牛油果法包多士$38多士烤得非常香脆可口，能吃到蝦肉和牛油果，非常不錯的小吃。⭐️煙肉牛油果山葵醬意粉$78配料有煙肉和牛油果，將牛油果切粒，麵條富有彈性，入口清新，如果將牛油果打成泥，相信更滋味！⭐️日本魷魚墨魚汁意粉$78個人很喜歡墨汁意粉，魷魚爽口新鮮，很彈牙呢！⭐️芒果士多啤梨披薩$48甜品點了披薩，披薩上面鋪了芒果和士多啤梨，就像水果麵包，頗為特別。⭐️抹茶芭菲$48最滿意莫過於這杯抹茶芭菲，因為裡面竟然是我最愛的抹茶和牛奶奶凍，入口冰凍，滿嘴的奶香，跟穀物混著吃，很有嚼感哦，口感有層次呢！▪️餐廳的意粉選擇很多，

今日難得一家三口家庭日，走訪了港九新界，終於等到晚餐時間-旺角雅蘭 意粉狂熱人流都頗多， 等了片刻有位la豪華三式拼盤 $98(意式薄切三文魚忌廉卷， 秘制炸雞， 脆炸有皮薯角)小小拼盤， 炸雞都嫩滑四重芝士披薩 $88芝士pizza 係pizza列中係首選仲要熱辣辣送上，正蘆筍蕃茄羅勒忌廉意粉(加1.5份量)$77來到"意粉狂熱"當然要叫番個意粉食 小朋友特別下旨要綠色意粉沒有任何肉類，可完全感受意粉特色忌廉提升意粉味道，意粉口感有嚼勁，唔錯仲叫左個香蕉朱古力披薩作甜品$48由於一上枱，小朋友見到朱古力雪糕已發青光，一大啖食左，所以冇影相e個必叫必食， 配搭上真係冇得輸

餐廳位於旺角雅蘭中心二樓，地點十分就腳，同隔離和民共用同一個出入口，門口有大大個 ”PASTA” 字型燈牌，sharp醒易認，怕等位既朋友可以用 THE GULU喺手機攞定飛仔，實時mon住叫號，嗌到差唔多先至行過去就得，夠哂方便；餐廳裝潢以白色為主調，簡約舒適，無論兩口子抑或三五知己聚餐都非常適合。餐牌顏色繽紛，選擇繁多，令人花多眼亂，好不容易揀咗以下幾樣。法式芝士洋蔥湯，先呷一口，個湯仲有少少燙口，以西湯嚟講非常難得，我覺得出街飲湯，夠熱已經贏咗一半；繼而濃濃既洋蔥味搶閘彈出，臨尾有啲芝士既餘韻，喺湯面既法包索盡湯汁，十分美味，為是晚用餐掀起一個好好既序幕。芝心帕爾馬火腿薯茸球，每一粒都用一個小匙羹裝住，賣相精緻，薯茸球外皮香脆，上面各有不同既配料作點綴，分別係蟹子，黑魚子同埋香草，裏面個芝士同帕爾馬火腿味道好夾，不消一會已被盡數消滅。煙肉牛油果山葵醬意粉，呢個意粉雖然其貌不揚，但係帶嚟既係驚喜連連，首先意粉用山葵醬嚟煮已經充滿新鮮感，叫人躍躍欲試，其次山葵既攻鼻估唔到同牛油果係出奇咁夾，唔怪之得有人將牛油果切片當三文魚刺身點豉油wasabi嚟食；再巧妙地以煙肉嚟吊少少味，不失為一

每個人都會對某D野著迷，一但著迷就會變成狂熱，意粉由細食到大，我唔可以話自己係意粉的狂熱份子，但都幾喜歡呢樣食物，餐廳打正旗號叫意粉狂熱，意粉種類一定不少吧除左意粉，其實都有好多其他食物，意粉種類多到花多眼亂咖啡焦糖沙冰 ($53)雖然有焦糖，但可能係沙冰的關係，所以飲落都唔係好甜，咖啡味尚算突出豪華5式拼盤 ($168)5式拼盤顧名思義即係有5款食物，有PARMA HAM、海蝦牛油果法包芝士、焗珍寶大啡菇釀帶子、意式炸魷魚圈配他他汁、芝士帕爾馬火腿薯茸球，作為前菜不多不少岩岩好特濃南瓜粟米忌廉湯 ($28)、法式芝士洋蔥湯 ($38)南瓜粟米忌廉湯果然係特濃，南瓜同粟米味道都好突出，湯煮得好滑身，洋蔥湯煮出焦糖感，洋蔥的甜令湯好美味牛肉雜菌手製扁意粉 ($78)到主角登場，由於呢度主打意粉，所以我對呢碟意粉期望好高，手製扁意粉比一般的意粉口感較彈，呢款意粉有點FUSION，牛肉雜菌主要係代表壽喜燒日本魷魚滿載墨汁飯 ($108)墨汁飯每次食完都會取笑同伴，食完成個嘴唇都變左黑色，要濕水抹先抹得到，呢碟墨汁飯的材料好充足，每一口飯都有餸同食抹茶芭菲 ($58)食到幾飽都好，點都要食埋甜

份量根本就少升級1.5倍份量後既意粉先至勉強可以叫做一個人份量 幻想唔到如果唔加9蚊會係幾少意粉 拎出嚟本身已經唔熱仲要硬硬地黐埋一舊舊 好難食咁本唔值得去 Pizza就超級普通

同家姐兩個人嚟食好多人等左成個鐘先到我地喺門口睇唔到入面入到去環境都幾靚幾好我同家姐嗌左個辣味蒜香意粉加左九蚊加大麻麻地好多辣粉係辣既得辣味囉同埋太乾身唔係咁滿意仲有嗌左照燒pizza要一人分量依個就幾好食以我同家姐既食量淨係嗌依兩樣已經夠食下次想試埋其他野食