意粉狂熱 (雅蘭中心)

營業中

休息中

世界杯前夕，約埋朋友黎番場意粉狂熱。呢間主打意粉的餐廳，賣點並非正宗意粉，而係意日fusion菜式，門口佈置得時尚型格。今日我哋一行2人，點咗兩個意粉，加個小食拼盤。經典3式拼盤意式薄切三文魚忌廉芝士卷，賣相精緻，其柔軟口感同熱辣辣嘅香脆炸雞形成強烈對比。炸雞都幾脆身，炸漿不會過多，如加少少檸檬汁就更好, 可以大大減去油膩感。粗條連皮嘅薯角口感唔錯，外脆內軟。呢款期間限定嘅帕爾馬火腿片配牛油果冷製意粉🥑, 一啖入口帶濃濃香草味，凍意粉嘅質感彈牙，而帕爾馬火腿亦鹹香十足，同水牛芝士 & 牛油果粒一齊食，又幾夾喎。壽喜燒風!牛肉雜菌鮮製意粉鮮製意粉比較粗身，口感煙韌，細嚼能吃出小麥味道，配合雜菌、牛肉，再加上少許葱絲同紫菜絲調味，好fusion！布甸香滑，奶味濃郁，不會太甜。冰凍果茶入面有士多啤梨、蘋果、橙、奇異果等鮮果，認真夠fresh！咖啡很香濃，加入UCC專用咖啡奶，更能提昇香滑感。

放工去旺角朗豪坊行完街, 就去左對面嘅雅蘭中心搵嘢食, 見到意粉狂熱門口有好多人等緊, 好野自然多人等, 我地決定試一試!餐廳環境都幾Chill, 空間感夠, 坐位寬敞舒適. 餐廳食物選擇都好多, 意粉, 薄餅, 扒類, 小食, 沙律, 甜品, 而且價錢合理!主廚精選沙律（細） $43入面有三文魚, 雞蛋, 水牛芝士粒, 雞扒同生菜等.材料新鮮爽口, 醬汁惹味, 放埋一齊好夾呀!意式炸魷魚圍配他他汁 $38魷魚炸得好香口, 一D都唔靭, 味道好好, 配埋他他醬一齊食更加一流! 海蝦牛油果法包多士 $38海蝦配搭牛油果蓉, 再加上滋味醬汁同脆口法包多士, 好味道!溫泉蛋蒜香磨菇鮮製意粉 $68呢款意粉麵條獨特, 麵質煙韌, 麵身扁平較粗, 唔係一般的意粉質地!蒜蓉磨菇的香味, 再加上面打散左隻温泉蛋溝埋入意粉令到成碟意粉更香濃美味!香烤黑安格斯一口牛柳 $158牛柳嫩紅, 約7成熟左右, 肉質細滑唔靭, 肉味濃郁!  鐵板有一粒圓熱石, 如果想食更熟的牛柳, 就可以將牛柳放上熱石加熱!抹茶芭菲 $48抹茶芭菲由一層厚厚的CREAM, 抹茶布丁, 牛奶布丁同粟米片組成, 口感豐富!抹茶,

閒時都幾喜愛食意粉 有晚做完野 想同妹妹食個飯 諗住入雅蘭中心搵食 見到有間好閃既餐廳 望一望個Menu 幾抵啵 入去望下先 入面好闊落 裝修簡單 餐牌都唔少野食 基本上咩意粉都有 Pizza 都係 咩種類都有 Small House Salad - House Salad有大有細兩個人就叫個細既 原來細都唔大 好多菜😍白酒峴肉意粉- 都係叫左個細既 諗緊好唔好加大1.5倍 想叫既時候 個意粉黎左 原來都好大份🤣🤣 意粉非常硬身 白酒汁極入味😍😍Deluxe Tapas Platters (5 kinds) 我見到有Ham 所以叫5 kinds 個Ham好高質 食落有少少鹹 少少甘香呢個菇都好高質 釀左唔少餸係入面但唔會好油膩😀😀成個Platter 好Full 好滿足

一向知道雅蘭中心多好嘢食。夜晚同老公去行一轉，決定食西餐，就試下意粉狂熱。由於唔係太肚餓，最後決定散叫，下次會去試下套餐。首先叫個法式芝士洋蔥湯($38)。個湯黎到仲熱辣辣，面頭塊芝士麵包吸曬啲湯汁好好味。裡面嘅洋蔥多到食極都仲有。好足料。香港好少搵到咁高質嘅洋蔥湯，簡直係意外收穫~之後叫咗個鮭魚牛油果羅勒pizza($108/2人前)。6塊pizza塊塊足料，加上羅勒醬好香口~最後緊係要食意粉啦～餐牌有十幾款意粉揀，最後被選中嘅佳麗係和風雜菌照燒雞蛋醬意粉($68)。蛋黃醬令碟意粉香滑好多，但又唔會太油膩或太咸~下次會試下其他款式嘅意粉同pizza，但洋蔥湯一定會再叫~

今日放工時間落起大雨🌧，同老公走入雅蘭中心避雨，順便睇下有冇好野食先，見到喱間餐廳個餐牌都好似幾吸引，一於入去試一試佢先。我們叫了三樣食物，蒜蓉包，黑松露露筍羅勒意粉和鮭魚牛油果羅勒 pizza。但食物水準非常一般 :蒜蓉包 : 徧油，冇蒜蓉味，包唔脆😖意粉 : 尚可，但完全冇黑松露味☹Pizza : 唔掂！🤪Pizza 底唔知想點，唔薄唔厚唔脆，好似緊一個淋咗或未焗完成嘅食麵包一樣。

有次同朋友係旺角朗豪坊行完街，就去左對面嘅雅蘭中心搵嘢食，發現左呢間開咗冇耐，主打薄餅同手掣意粉嘅餐廳，午餐時段見冇乜人，唔使排隊，就入咗去試吓。打開餐牌，發現意粉嘅款式好多，而且價錢都好合理。首先叫咗個沙律，清新一下。份量好充足，絕對夠幾多人share。作為牛油果控，就叫咗個牛油果三文魚Pizza食，呢個係2人份量，所以呈長條量，牛油果同三文魚嘅份量唔多，但餅底都算煙韌，不過不失。溫泉蛋蘑菇鮮制意粉呢款意粉嘅麵條同其他唔同，係手製的，麵質煙韌較粗身，加上蒜蓉磨菇嘅香，再有温泉蛋嘅點綴，的確唔錯，全餐最滿意呢樣！

連續多日嘅酷熱警告天氣，終於都迫到個颱風嚟啦！天氣終於稍為涼一下，但卻換來狂風大驟雨。搵食都係去商場比較方便，等人都唔使風吹雨打。雅蘭中心依家開咗好多食肆，絕對係人氣之選。意粉狂熱外面長長的人龍吸引了我，輕食價錢夠晒經濟。$318/ for 2 有九個items，最適合接近糧尾的我。Pastaholic 主打意大利菜式及薄餅，味道不錯而且價錢抵食。首先來到的是Soup，我跟朋友兩款都嘗試。特濃南瓜粟米忌廉湯，入口熱騰騰，南瓜味道香甜幼滑。法式芝士洋蔥湯更加係我最愛，我個人覺得特色在於湯面的法包，吸收了湯汁的精華，洋蔥湯味道濃郁，鹹香滿滿。喜歡蔬菜纖維的 Salad，有香草雞肉凱撒沙律（半份），份量剛好因為可以留肚給後面的主菜。沙津有麵包粒、雞肉、芝士⋯顏色也十分豐富。Appetizer我見到周邊食客都係秘製炸雞，我也來湊熱鬧。外脆內嫩，肉厚多汁，juicy唔乾。食物一樣接一樣，Pasta 我們選擇了芝士煙肉帶子忌廉意粉。芝士醬汁味道頗濃，煙肉質感爽脆，原粒帶子口感不錯，意粉煮得剛好，有嚼勁又不會太硬。Pizza 脆皮腸肉醬大啡菇披薩，皮薄加上半溶芝士，食多兩件都唔過分，脆皮腸滿足到我

終於等到落雨，可惜落雨先約咗人食飯，唯有去D放便D嘅地方！雅蘭好耐未嚟過，嚟到發現好多新嘢包括呢間專食意粉嘅餐廳！估唔到平日都full house! 入到嚟有種田園感覺，需然多枱又full house坐滿人，但又冇一種好嘈吵嘅感覺！Menu超多選擇，set 都有3、4個！三百幾一個set真心低，可借同個細食嘅朋友食，食唔到咁多，唯有放棄見隔離食呢個焗飯好吸引但個friend 又話唔食三文魚，又要放棄！咁嚟得呢度一定要食意粉啦！呢個冷意粉其他地方搵唔到，咁就try try la~~! 點知... ...ok wor!!! 香草汁好香，味道剛剛好喎！仲有喎，足料! $78 望落意粉唔多，但分量十足，真係俾佢外表厄咗pizza都唔係hea做喎薄，脆，芝士十足，冇嘢好講除咗D澱粉質，仲有扒食，叫咗羊㗎，上枱嘅外表已經冇得輸！羊味唔太濃佢有三個湯，試咗法式洋蔥湯！濃，濃，濃！芝士味濃，洋蔥味濃，香草味濃提埋個Garden salad 🥗 ~~ 呢D價錢都有咁丰富嘅份量真係完全意外！總結：。地點：超方便。食物：性價比極高。服務：唔會西面，有求必應 （見到好幾枱客想㨂枱坐佢哋都盡量配合）講真，而家呢

因為去睇醫生所以就睇完係樓下食完先再番工 叫左個三文魚牛油果焗飯咁個餐就包左碗南瓜粟米湯及一杯凍飲 個南瓜粟米湯就好味嘅都感覺上足料至少食到成口粟米蓉 個焗飯就正啦佢地先送錯左個三文魚意粉俾我跟手我再耐心等候終於送上焗飯我就唔理D醬仲熱到爆起就食啦食住一啖就諗住MIX好個飯先食突然間私發現個飯只有牛油果同蕃茄三文魚失踪了我亦驚自己記錯, 所以攞番個MENU黎睇應該真係有三文魚喎好彩我叫番上野食俾我嘅侍應同佢講我實況佢都好驚訝:佢地應該漏左, 我叫佢補多幾舊過多5分鐘左右, 就有一杯火炙過嘅三文魚送上我已經唔理有冇多到喇有補番俾我已經算數喇 咁佢都好窩心送多一份焦糖燉蛋佢放上我枱時我都即時想話佢知我冇叫過呀佢都好快手應我係送俾我嘅都算佢地貼心喇 食物不過不失

本身以為喺商場入面就賣得貴今日等朋友去廁所嗰陣睇吓menu，都唔貴，亦提供咗好多選擇所以就食呢間用Openrice book枱，飲品買一送一環境細細有兩個二人餐揀，揀咗貴少少嗰個*$318 Pasta & pizza holic set*Soup: 各有特色- Pumpkin & com cream soup甜甜哋，充滿南瓜味，較杰身- French Onion Soup比較濃味，包浸咗喺湯淋咗而且吸曬啲精華Salad:- Herb Chicken Caesar Salad雞肉好好食Appetizer:- calamari with tartar sauce他他醬配好多炸物都係一流魷魚圈炸粉唔多Pasta:- “Double Spicy!” Bacon Aglio Olio一個辣嘅意粉，鐘意食辣嘅我一見到就話要點都真係幾辣Pizza:- Margeherita望落好似好硬，其實佢係薄pizza，而且仲好脆Dessert:- Bite Size Chocolate Cake食到尾仲有甜品，一啖放曬入口，濃濃嘅朱古力汁爆出嚟Drinks:- Choco Fun English Tea聞落去

放假總要周圍去搵好野食啦今次當然都不會例外啦上網搵左好耐，見到而間超級級引！！又好多好評下， 一於黎試食下啦 hahaha 都好易搵到間野下 間野都算多野食下 意粉，焗飯，烤雞乜都有齊哂！！超級多選擇粟米忌廉湯勁濃郁，飲落去勁正啖啖既粟米味當餐前湯飲岩哂唷大愛！！大廚推介沙律 入面有煙三文魚，溫泉蛋，芝士粒同雞扒放埋一齊勁夾啊！！一餐總要叫點蔬菜感覺上健康又有營養喔嘻嘻嘻3式拼盆三文魚芝士卷，炸雞粒同薯條原本係薯角 但今日賣哂了所以轉左薯條， 不過都相當好味雞粒上黎又熱啦啦！！三文魚芝士卷更是必吃之一鮭魚牛油果焗飯平時自己勁小食牛油果既我今次都覺得好食加埋d芝士真係無得頂同蕃茄加埋一齊wow 雞扒西班牙飯極大塊雞扒加埋小小檸檬汁勁juice 喔真係食到停唔到口唷 最後唯一覺得好失敗既係，叫完野食先發現而間叫意粉狂熱！！！點解我地無叫意粉既？超級大頭蝦唷！！！下次一定要黎食意粉啊

今日同朋友去吃個便飯，去到門口的時候覺得未必好吃，點知你的pizza and pasta 都令我喜出望愛。我地叫左牛油果三文魚Pizza，餡料的份量比例剛好，吃落有唔會好膩，吃完第一塊就忍唔住吃埋第二塊。之後個碟炒意粉炒得夠乾身，麵條的軟硬度係剛剛熟個隻，唔會太腍，而且佢的蒜辣好香，成碟意粉即使無咩餸都好野味！超愛的！本身個人唔係特別好羅勒意粉，但係煮出來的意粉軟硬度又係剛剛好，不過就略嫌cream味重左少少。白汁三文魚個個就正正常常，整體係好味嘅！ 唔唔唔... 😋暫時呢間的意粉係我吃過最好味的！

這間打正旗號用意粉作招牌，點都要試下佢啲意粉啦！意粉選擇都算多，有十幾款揀，我就揀咗日本魷魚雜菌明太子忌廉意粉，朋友見到西班牙海鮮飯好吸引，佢就放棄意粉，而叫咗西班牙海鮮飯，結果是：明太子忌廉意粉非常好食，好creamy，反而西班牙海鮮飯就比預期冇咁好食，都OK嘅，飯好食，海鮮麻麻哋，雪藏味較重，青口冇期望過，蝦竟然冇挑腸，失望🙍🏻‍♂️可能呢間店較新，啲侍應唔算太熟手，出菜又比較慢，但環境幾好，價錢又唔算貴，我諗會俾多次機會佢嘅

今次嚟到呢到食dinner😋有3個set，今次就試咗$318呢個Set😙無論係前菜、意粉定嘅pizza都有好多選擇，都幾抵😚#意粉&披薩狂熱套餐 ($318)😋好味指數：(7.5/10)🥘Soup choose2#特濃南瓜粟米忌廉湯#法式芝士洋蔥湯🌽南瓜味都幾濃，加埋啲粟米甜甜哋咁😚🧀好特別呀😍有塊麵包加芝士浸咗落去，不過個麵包淋晒😢洋蔥湯味道唔算太濃，不過就有好多洋蔥入面🤔🥗Salad#香草雞肉凱撒沙律 半份好鍾意食沙律上面脆脆哋嘅麵包仔🤣芝士粉加蕃茄仔加雞肉再加菜好清新😙🍤Appetizer choose1#意式炸魷魚圈配他他汁魷魚圈炸得好脆，粉漿唔算厚，入面嘅魷魚不過不失😙小編好中意他他醬😍🍝Pasta choose 1#雙重辣味煙肉蒜香魔鬼意粉🚨唔食得辣真係唔好嗌🌶上面有好多蒜、肉碎同煙肉係入面，當然仲有好多辣椒粉😈食落去就係Tabasco但辣好多嘅味道😚佢地嘅意粉係比較有咬口，不錯呀😍🍕Pizza choose 1#黃金四重芝士pizza 配蜜糖好重嘅芝士味🤤批邊好脆😚👦🏻就話唔加蜜糖已經好好味👧🏻就覺得加咗甜甜地好味啲😋🍰Dessert一口朱古力蛋糕朱古力味不過不失，比較甜

約朋友聚舊, 地點方便都係一個因素, 今次揀左去雅蘭的西式意粉PIZZA店 – PASTAHOLIC意粉狂熱.睇個名主打應該係意粉, 2個人就揀左個$318 SET,有曬湯, 沙律, 前菜, PIZZA, 意粉及甜品, 當然唔少得特色飲品.2人SET都有幾個揀, 我地揀左$318 SET.餐湯有2款, 我地揀左各樣1個試試,有特濃南瓜粟米忌廉湯 及 法式芝士洋蔥湯特濃南瓜粟米忌廉湯 – 好香南瓜味, 口感好滑, 磨得好幼細,味道較為甜的.法式芝士洋蔥湯 – 湯上浮著一片法包, 法包是已放了芝士焗過的,吸收了洋蔥湯, 法包好香好好味!SALAD有香草雞肉凱撒沙律- 沙律菜好新鮮好脆口, 灑上了數粒脆麵包粒, 雞肉保留了JUICY的肉汁,幾refreshing.前菜可選一款, 我們選了秘製炸雞, 肉厚又多汁, 外皮不是KFC的那個,只有少少脆口, 不過KEEP得到雞肉的肉汁,完全唔乾.PASTA亦可選一款, 我們選了芝士煙肉帶子忌廉意粉, 意粉有咬口又不會太淋,忌廉汁有點稀, 掛汁效果一般, 不過味道唔錯, 有帶子數粒,更有蔬菜添!PIZZA亦可選一款, 我們選了瑪格麗特PIZZA, PI