意粉狂熱 (雅蘭中心)

營業中

休息中

去完旺角銀行中心睇旅行團我哋就走咗去附近嘅雅蘭中心揾嘢食，上到2F見到呢間 Pastaholic 的門口好吸引，於是決定入去幫襯下。打開餐牌，主打意粉及披薩， 都幾多選擇。先上忌廉蘑菇湯 ($28) - 口感幼滑，蘑菇味濃，不俗！再上主廚精選沙律(S) ($43) - 有鷄肉，蛋，三文鱼，芝士，麵包，番茄，红椒，黄椒，生菜，沙律菜，用料豐富新鮮，配上酸酸地嘅沙律醬，清新好味。當然唔少得叫意粉及披薩：雙重辣味煙肉蒜香魔鬼意粉 ($58) - 意粉煮得剛好，口感略帶少許嚼勁不會太腍身，配上香口的煙肉、蒜香味及辣味，又香口又辣又過癮😋😋😋海蝦牛油果羅勒忌廉意粉 ($98) - 海蝦煎得香口，肉質爽口蝦味濃，牛油果creamy，意粉略帶少許嚼勁配creamy 又香口的羅勒忌廉醬汁口感剛好👍鮭魚牛油果羅勒披薩 (1人前) ($68) - 鮭魚新鮮牛油果creamy, 配上上面番茄醬料及香口羅勒醬料，健康好味👍百事可樂 ($18) - 配上冰凍嘅汽水，為呢餐畫上圓滿嘅句號😋😋😋

原本出旺角買overcooked2點知未出到ps4版，一場出開黎去左雅蘭睇下有咩好食，經過「意粉狂熱」門口見幾多人排隊，八完食咩，就順手等埋位🤣等左一陣就有位。裝修好靚仔，坐位都算闊落✨傾計都幾舒服。海蝦牛油果羅勒忌廉意粉$98⬇️唔知係咪招牌菜，餐牌封面係佢，見到甘靚仔叫黎試下，圖片同實物9成似，兩隻蝦好大隻，一啲都唔孤寒勁多牛油果，意粉有彈性 唔會煮過頭。好味道⬇️就係依張相⬇️好靚🥑明太子海鮮披薩$98（2人前）⬇️披薩🍕寫住2人前原來甘大塊，餅底有別於其他鋪頭，口感似印度薄餅有驚喜，千島汁好開胃，蝦仁好彈牙，我個人覺得好好味。豪華3式拼盤$108（五選三）⬇️推介））海蝦牛油果法包多士🥑：滿滿既牛油果配上鬆軟既法包，熱辣辣好好味，應該加入左少量芥辣，令味道更出大啡菇釀帶子：大啡菇向來都係無得輸，好香菇味，入口仲有菇汁魷魚圈相對下就比較普通，炸粉厚左小小，配他他醬食落就冇甘熱氣

話說上次食完farewell飯好快就有新同事返工，於是我地今日又拉埋腦細食welcome lunch😝雖然餐廳名叫意粉狂熱但我都係對飯感興趣d，叫左個西班牙風海鮮飯，$118連沙律/湯加飲品。老老豆豆呢個價錢lunch嚟講真係偏貴，不過腦細出錢我地又點會放過呢個機會！其實本身對個飯期望不大（始終間野主打係賣意粉），估唔到有驚喜，每啖飯都吸滿海鮮湯汁，口感濕潤唔會太硬身，值得一試👍🏻👍🏻。海鮮方面非常足料，有兩隻大蝦、大量青口、蜆、魷魚等，都算鮮味。溫馨提示：呢間餐廳無論沙律同主菜嘅份量都偏大，班細食嘅女同事食到一半就放棄左，建議女仔可以share食，尤其是有芝士/忌廉嗰d。

星期一至五約朋友食飯, 當然要揀個中心點😎 因為無論你喺邊度返工都可以好近咁去到😍 旺角係我不二之選🤓今次就去雅蘭睇下有咩食先😊去到二樓見到有間意粉狂熱❤有意粉有Pizza😋 仲有小食😎正! 有好多野揀👏兩個女仔😂好似放監咁食🤣😋意式薄切三文魚忌廉芝士卷三文魚包住條厚厚嘅 cream cheese ❤一啲都咁覺得漏🤣 但有少少罪惡感🙈上面有少少蟹籽, 咬落去有少少爆籽感😂😋脆炸原條白身魚配有皮薯角呢條魚真係一定要試😍 外脆內嫩😋魚油係條脷度遊走😍 好幸福😶點少少芥辣醬已經ok了😋明太子海鮮披薩上面有魷魚,蝦,帶子☺薄餅皮有少少濃, 更加脆口😍😋雙重辣味煙肉蒜香魔鬼意粉呢個係我同朋友講要試😂 因為我想睇下有幾魔鬼😂 都真係有少少辣, 仲混埋蒜一齊炒, 更加香😍😋Fresh Fruit Tea 雜果茶😋Matcha Frozen 抹茶雜果茶入面有士多啤梨,奇異果,橙 唔算太甜清清地😄抹茶綠茶味ok, 上面個cream真係好heavy😂😂好滿足😍我地仲傾傾下傾到差唔多收舖🤣

今天和朋友約了，去旺角試一下這家pastaholic，七點多來到，等了5分鐘就有位置了。主廚精選沙拉 $48材料還挺多的，除了沙律菜，還有紅椒，三文魚，軟心蛋，雞肉，芝士，番茄和麵包脆粒等。要稱讚一下它的醬汁，很香，有蒜香味，不是普通的沙律醬。焗珍寶大啡菇釀帶子 $48帶子是切碎放在大啡菇上面的，菇超級juicy，一上桌就聞到portobello特有的香氣，加上表面的魚子，口感很豐富。香烤黑安格斯一口牛柳 $158牛柳很軟，不算很滑，如果可以不那麼熟就更好了。薯角咬下去很綿密，用的是帶皮的薯仔，很香。瑪格麗特披薩 (一人前）$58我吃pizza很怕吃到那種又乾又硬的pizza底，可是這個不會，很軟，但是又有烤過的嚼勁和香氣，芝士和番茄配合得很好。精選海鮮蒜香番茄意粉 $88番茄醬微酸，蒜香足，蝦很大隻，青口三隻，裡面還有不少魷魚。冰水果茶$38應該是泡好的茶，加了水果進去熱柚子蜜$28不濃不淡，剛好。兩個人吃了$507，但是很飽了。

星期五夜晚係旺角真係好難搵野食天氣太熱 去到雅蘭可以有冷氣等位都算唔錯等位時間大概半個鐘左右套餐內有天婦羅，冷烏冬同壽司食物不過不失，冷烏冬味道淡不推薦。食得飽飽的。

同今晚Girls Talk既朋友食飯有個特點就係我地從來唔會repeat餐廳而今次佢地就帶左我黎呢間餐廳聽佢講黎左幾次都食唔到因為好多人而且要等幾個小時 今日 我地終於......終於.....食到!!由於佢無得book 7點呢d時間所以我一收工就即刻去攞位等朋友到可能都算早所以今日一去到竟有位唔洗等心情好興奮!餐廳設計都好colourful 亦以木為主調餐牌花多眼亂 而且選擇都幾多可以散叫亦可以叫套餐今次我地就叫左蒜香白酒汁海蜆意粉食蜆最怕有沙呢到既蜆冇沙之餘仲好肥美意粉都食得出有被炒香過既蒜香味道不過白酒味就冇咁出喇Pizza加芝士係我其中一個最愛既配搭細個食親既pizza都係厚底所以食到驚而呢到既薄批底食落就好似食緊餅乾咁對我黎講都幾易入口味道都好唔錯食食下仲幾飽添3個人食都好夠飽下次可以帶其他朋友黎食隔離就係另一間餐廳距離好近所以唔好去錯啊~

西洋菜街嗰邊殺咗街，感覺的而且確無之前咁熱鬧，以後唔使再忍受班大媽啲歌聲，really good!視察完之後，就過番嚟呢邊雅蘭中心搵嘢食。呢度都有好多新開食肆，左度右度都係揀咗呢間，因為之前在銅鑼灣嗰邊食過，覺得唔錯。呢間餐廳好熱鬧，都未夠7點就差不多full晒，店員都要滿場飛。好彩入口仲剩咗張檯，唔心多喇，一於就呢張，坐低嗌嘢食。餐廳主打係食意粉，咁當然要捧下場，叫個【壽喜燒風!牛肉雜菌鮮製意粉】，小食就叫【經典3式拼盤】，沙律就叫了【主廚精選沙律】，甜品就叫了兩個，一個係【日本牛乳布甸】，另一個係【法式焦糖布甸】，而飲品就叫了【西班牙雞尾酒】。【西班牙雞尾酒 (無酒精版】一瓶500 ml，可以分到兩杯，啱晒二人分。色澤酒紅色，好靚。裡面有些水果，飲起來都幾次水果茶。下次來，我會叫有酒精版本的。【主廚精選沙律】雖然是點了一人份的沙律，但係，原來一人份的份量都有咁大碟，起碼夠三人食。材料有芝士、蔬菜、流心蛋、三文魚、車厘茄。仲有大大塊嘅烤雞片。以 $43食到，覺得好抵!【經典3式拼盤】有三文魚忌廉芝士卷、炸薯角和炸雞。三文魚好肥美，配了忌廉芝士，食落都幾香滑。薯角是連皮炸的，所以更加香

朋友三五知己行完朗豪坊之後，就去左格離既商場，試下pastaholic. 門面就見到pastaholic 同格離既和民既間隔有啲模糊，相信pastaholic 同和民可能under同一家公司。睇返menu, pastaholic 主打意粉，煮法接近日式西餐既作法，如果你鐘意多汁既意粉，多過傳統西餐汁液掛上意粉既煮法，咁pastaholic 會比較適合你喇。而且意粉屬於比較平易近人既口感，要有咬感既朋友就唔太建議黎，或者先同waiter提出。值得一題既係pastaholic 有好多不同既小食同pizza, 所以約埋一班朋友share野食都好適合。日本魷魚雜菌明太子忌廉意粉 - 相當creamy 既一味意粉，甜甜地，明太子既味道就唔算太特出。魷魚同雜菌既處理就無太大既特別。不過意粉既汁液本身已經好好味，呢道菜係最多朋友覺得好味既一道。香草烤雞羅勒意粉 - 呢味比起上一味就無咁creamy, 不過意粉汁液仍然係好味既關鍵。汁液有輕微既羅勒既味道，香甜。不過雞肉就食唔出烤過，裡面既菌類都無特別處理。唯獨車厘茄既refresh.安格斯一口牛柳 - 以$158既牛柳既分量就略為少左啲。毎人只可以分

呢間餐廳係銅鑼灣經過過，開咗咁耐都係第一次試，朋友食過話OK順便聚會就嚟試下！旺角店係雅蘭中心，一上地鐵站就係，好快就到。平日嚟講都算幾多人等，我地等咗10分鍾左右。都幾多嘢食選擇，叫咗個pizza大家食先，鮭䙳牛油果羅勒披薩（$108），Pizza一拎出嚟就已經𠝹好咗，牛油果同三文魚都每一塊都分到啱啱食到，皮係薄皮，幾好食。睇餐廳名就知意粉係唔可以唔叫！魷魚雜菌明太子忌廉意粉（$88），呢個係我最鍾意嘅一個，明太子味唔辣，加埋忌廉非常creamy！又有小小魷魚同菇，唔會令個意粉太齋。香草烤雞雜菌羅勒忌廉意粉（$78），呢個醬汁都非常之多，香草味都幾濃烈，鮭魚牛油果忌廉焗飯（$78），牛油果同三文魚嘅分量都唔少，牛油果好好食，飯唔會太濕，味道唔錯。黑安格斯一口牛柳（$158），一口白有啲都唔銀，好厚肉，配嘅薯條都好好味。原條白身魚配有皮薯角（$98），Fish & chips嚟講價錢唔算貴，啲魚都超大份，食落去都唔錯。The Premium（$38）朋友叫嘅Mojito($43)整體嚟講性價比都幾高，食物唔算貴，份量都適中，四個人食咗咁多嘢都只係二百幾，可以再嚟食過

家人慶生，四人點了六樣食物加每人一杯飲品。價錢合理，食物種類多。長輩們點啤酒，香港少餐廳提供suntory啤酒，所以挺吸引。壽星仔點了Fresh Kiwi Mojito而我就點了柚子梳打，甜度適中。脆炸原條白身魚配有皮薯角 - 魚肉滑身，點芥末醬好吃，皮炸得很脆。香烤黑安格斯一口牛柳 - 薯角剛炸起超級熱，要趁熱吃。牛柳香味濃郁，吃完會想再吃。底下有洋蔥絲托底，燒得很香甜。日本魷魚雜菌明太子忌廉意粉 - 意想不到的好味，忌廉不會膩，味道與明太子很配，吃完很開胃。香草烤雞雜菌羅勒忌廉意粉 - 香草忌廉汁同樣惹味，配上雜菌不會太膩，另一推介。鮭魚牛油果忌廉焗飯 - 本人是牛油果愛好者！忌廉飯本來很膩，但加上蕃茄有馬上去膩的作用。沒想到牛油果跟整個焗飯這麼配，讚！鮭魚牛油果羅勒披薩 - 再來鮭魚牛油果，沒法子全家都愛吃。剛焗起吃很脆很好吃。沒改錯名，意粉果然出色，下次想試其他口味的意粉。

雅蘭中心既食肆多左好多, 平日夜晚差唔多間間都要等位, 睇openrice見到呢間意粉狂熱好似評價幾好, 價錢都幾平, 等位等左15分鐘左右就有得入座, 入面個場都幾大, 長條形, 咁岩比左張靠牆既2人枱, 店員都好細心比個籃我地放袋當日就叫左1個一人前既照燒雞蛋黃醬pizza($48), 一個煙肉磨菇蕃茄忌廉意粉($68), 一份青口($58), 同1jar水果茶($38)。等待上菜期間見到牆壁上有隻細小強。。。水果茶非常甜, 勁重士多啤梨味, 無茶味, 藥水味重, 可以唔洗叫pizza有得揀叫一人/二人前, 睇openrice d相以為一人前都唔太細, 點知上枱果下都有d失望, 因為真係好細, 應該係ipad mini既size, 而且仲係超薄批, 基本上可以叫番二人前既size, 一個人食都唔會食得飽. 計番其實都係普通pizza價錢, 所以唔係特別平, 不過佢個質地似手拉薄餅, 有d chewy, 而且pizza個汁做得不錯, 加埋紫菜好開口, 味道係幾好意粉可以加$10加大1.5倍, 見人地果d加大左就真係幾大份, 呢份係普通size, 女仔就應該夠, 意粉煮得剛好, 個汁都

同事生日上次曾經在這裡有個下午茶會議，今天我提議到這裡吃生日午飯。顧名思義 「意粉狂熱」重點出色當然是意粉，我們七人各點了午市套餐，意粉佔大比數 4/7 ，而我上次試過這兒的薄餅，故我點了「照燒雞蛋黃醬披薩」，我當然 100% 支持我碟薄餅是最好食的😋。其他所有意粉都非常出色，輕盈幼滑的意大利粉各沾上不同配料及醬汁的味道，碟碟都芳香濃郁。午市套餐可選餐湯或沙拉菜二選一仲有餐飲蒜香白酒汁海蜆意粉 $68溫泉蛋芝士卡邦拿意粉 $88脆皮腸肉醬大啡菇披薩 $98煙肉芝士意粉鮭魚牛油果忌廉焗飯 $78😍😍照燒雞蛋黃醬披薩 $78鮭魚菠菜忌廉意粉 $78午市套餐✌🏼

同朋友叫左個2人餐2人餐有3種既我地叫左中價位既318既餐諗住唔食咁熱氣就叫左三文魚芝士卷入口味道有少少奇怪 可能係唔岩我地姐意粉就要左個煙肉帶子意粉味道唔錯既可能始終佢主菜 都唔會難食既Pizza就叫左牛油果烤雞個pizza係成個餐最好食既但唔記得左影相最後上甜品朱古力蛋糕仔 太甜啦食左一小啖就冇再食甜到要即刻飲返杯水中和下總括呢講 個餐係抵食既 加上佢份量多兩個女仔食個餐就好容易食唔哂如果下次再去其實叫個pizza同意粉就應該夠嫁啦

突如其來約左朋友聚會👭今次想試吓啲未食過嘅餐廳所以就選擇左「意粉狂熱」🍝呢度嘅座位都幾好坐，唔會太迫既感覺，所以好適合約朋友黎呢到食，雖然用餐時間有限90分鐘，但上菜速度好快，所以我哋食完野都仲有時間傾吓計，令人舒適既感覺👍🏻呢度有種好特別嘅服務就係如果你驚意粉唔夠食可以$10多1.5倍既意粉🍝🍝好少地方有得加底意粉😂坐低睇到個Menu都開心，想食咩都有或者你唔食意粉既有飯，你唔食飯既有pizza仲有小食你揀添，淨係意粉都已經有20款👍🏻👍🏻👍🏻我地4個人點左2個意粉加大、1個pizza、1個小食拼盤！最正既係而家有個openrice訂座飲品買一送一優惠😝下次一定會再嚟試吓其他款式...溫泉蛋芝士卡邦拿意粉$88加大加$10芝士牛肝菌濃汁鮮製意粉$78照燒雞蛋黃醬pizza $78經典三式小食拼盤 $98