意粉狂熱 (雅蘭中心)

營業中

休息中

係附近大商場行完街，又係時間搵開餐地方，場內食店人龍滿滿，友人就提議不如行過隔離商場搵食上二樓就見到呢間，望見門口餐牌食物都幾吸引，價錢又唔貴，咁就入內就坐本來諗住散叫，但其後見到呢個二人餐 ($318)，由餐湯，沙律，小食，意粉，薄餅，甜品及飲品都有，相當抵食喎!有兩款餐湯選擇，鍾情特濃南瓜粟米忌廉湯，入口有南瓜粟米嘅香甜味，略嫌唔係幾夠熱，再熱D就會更加好D囉!飲完湯後就有香草鷄肉凱撒沙律 (半份)食，沙律菜配上凱撒沙律醬汁，入口爽脆，加埋鷄肉一齊食，多一份味道及口感!小食有呢客秘製炸鷄，一客有4件，炸至金黃色即叫即炸熱辣辣，炸得皮脆，咬入肉汁開始流出，水準比想像之中高，可以唧少少檸檬汁調味就仲正!幾款意粉中，叫左香草烤鷄雜菌羅勒忌廉意粉 (又係鷄......落單時無留意到)，雜菌同烤雞放上意粉上，加少少車厘茄作點綴，賣相吸引!每條意粉及配料都被羅勒汁包圍住，入口有其獨特香味，加入忌廉增加香滑度; 而鷄肉亦醃得幾入味，份量足夠二人分享!身為芝士控嘅我，見到其中一個選擇有黃金四重芝士薄餅 (配蜜糖), 又點會唔叫呢?!  烤至金黃色，仲帶有少少燶位，成個有10吋咁大!薄餅唔太似食開果

其實食意大利粉都有平民貼地嘅選擇，係旺角就有間〈意粉狂熱〉，價錢唔貴之餘質素高又好食，最適合一大班朋友嚟聚會。位於雅蘭中心嘅二樓，閒日晚上八點都頗為多人等位，當然啦，又平又好食喎！！等咗一陣入到去，果然坐無虛設。環境唔算太寬敞，但勝在食物好食價錢又抵，要在環境方面將就一下也不為過。😅😅😅〈法式芝士洋蔥湯〉大發包吸滿咗濃濃嘅湯汁，仲有芝士係面，淨係塊包都超級芝味。富洋蔥甜味的湯汁內有大量切碎左嘅洋蔥，唔係煮到淋曬但剛好熟透，口感一流。〈特濃南瓜粟米忌廉湯〉忌廉湯雖然濃郁但唔會話質地結達達，大量嘅南瓜同粟米打到溶曬，香甜得來又香滑。〈香草烤雞凱撒沙律（大）〉沙律菜夠新鮮爽脆，配著毫無肥肉的嫩滑特瘦雞肉，只需輕加少量凱撒醬汁就已經非常好吃。〈秘制炸雞〉友人極力推介這款秘制炸雞，果然冇介紹錯！！雞塊外層炸得清爽之餘亦酥脆可口，但內裏的肉質依然保持juicy幼嫩，小吃的話絕對必要點這個。〈芝心帕爾瑪火腿薯蓉球〉同樣炸得酥脆的薯蓉球每一個on top配上不同的配料，一口一顆夠曬鬼馬。〈雙重辣味煙肉蒜香魔鬼意粉〉最期待的主角終於來臨，伴隨著大量的辣粉登場，滲出一種霸氣。但幸好原來吃下去不算十分誇張的

💁🏻‍♀️意粉狂熱 (旺角)🍴-Frd子之前食過一次再帶我去食，果然冇介紹錯，真係好出色！極多選擇，仲要cp值超高，真正嘅大件夾抵食日本🇯🇵魷魚🦑雜菌忌廉明太子意粉（$88）好。好。味。超濃烈明太子味，食落每一啖都好creamy，魷魚夠新鮮，雜菌勁多。重點係夠大份！一試難忘，呢個意粉榮登我嘅最愛意粉之一南瓜濃湯（$28）好creamy，甜甜地，飲完好幸福鮭魚牛油果🥑羅勒pizza - 一人份（$68）係薄批，兩個港女食一個都夠，好重牛油果香，加埋三文魚perfect池意式薄切三文魚🍣芝士卷（$48）又係三文魚🤣伴碟精緻，夾埋芝士食好有層次感，當小食唔錯Matcha 🍵 Frozen ($58)都幾大杯，綠茶味濃，如果中意飲甜野嘅人應該好岩😎-📍意粉狂熱 (旺角)#旺角 彌敦道639號雅蘭中心2樓208號舖#小丸子搵食記 #小丸子旺角-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #素食

今日黎到雅蘭中心，見到呢間意粉狂熱價錢唔貴又幾多選擇，一於試試先原來以家既餐廳已經好先進，用QR Code點餐，又幾方便，而且送餐速度都好快。點左一個豪華三式拼盤，可以係五樣小食中簡三樣，我地簡左海蝦牛油果法包多士、意式炸魷魚圈配他他汁同芝心帕爾馬火腿薯茸球。超級推介芝心帕爾馬火腿薯茸球，入面啲薯蓉好有口感，外皮金黃酥脆，加埋醬汁，非常可口。另外兩款小食都非常推薦，如果一班人黎，點小食拼盤係一個幾好既選擇豪華三式拼盤 $108呢度既Pizza亦都好出色，我地點左鮭魚牛油果羅勒Pizza。首先個餅底係類似印度薄餅，比較鬆軟同薄，而牛油果令Pizza好清新。整體黎講，呢度既Pizza值得一試，唔會好膩同飽濟。另外亦可以簡一人份量或者二人份量，好貼心。鮭魚牛油果羅勒披薩（二人前） $108店名叫意粉狂熱就一定要試下佢地既意粉，點左一個雙重辣味煙肉蒜香魔鬼意粉。意粉好夠香辣，蒜味唔算好突出，不過不失的一個意粉。雙重辣味煙肉蒜香魔鬼意粉 $58最後，仲點左一個海老忌廉芝士焗飯。焗飯好足料，超多蝦同菠菜，而芝士係一粒粒既芝士，配合埋忌廉好香口海老忌廉芝士焗飯 $78總結黎講，意粉狂熱既CP值幾高，

呢日約左屋企人一齊去買野~買之前約左一齊食個lunch先~早2日已係openrice book定位食意粉狂熱。佢有set lunch的, 幾個指定意粉/飯set lunch, 有跟湯同餐飲。餐湯係南瓜忌廉湯,幾滑, 味道唔錯~餐飲可以叫水果茶, 唔洗加$, 但望落其實好似檸茶,只係檸檬變左2大舊橙, haha,但幾好飲的~抹茶鮮奶, 賣相就差dd,但飲落去都ok的~鮭魚牛油果忌廉焗飯味道都係唔錯的, 但老實講個份量真係細左d,我地expect係會大d的,男人真係會唔夠飽鮭魚菠菜忌廉意粉呢個不過不失啦,一上枱就勁多芝士粉~味道唔錯的,但就有少少乾,如果多汁d會好d~同埋d意粉, 有少少一舊舊,以意粉專門店來講, 真差左dd~日本魷魚雜菌明太子忌廉意粉呢個係幾個入面最好食了~但都係唯一呢個冇得跟set lunch~呢個個汁夠, 啖啖配汁食好食!好鮮味!雙重辣味煙肉蒜香魔鬼意粉呢個個味道都唔錯的~但真係幾辣,同埋其實個煙肉好肥,食到咁上下我都飛走d煙肉唔食了~因為d煙肉痴晒d辣粉, 又油又辣。同埋呢碟都一樣, 有d意粉都仲係成餅成舊咁。總括來講, 味道可以,但以一間意粉專門店來講, 人客對佢

 沒有來雅蘭中心一排，發現這裏的商店變了很多，特別是食肆，多得令人花多眼亂，而最後在二樓給我發現了 "意粉狂熱"。   "意粉狂熱"是「和民」旗下餐廳，所以位置正正就在「和民」隔離。 餐廳的用色、設計及主調，與「和民」非常配合。   看看餐牌，發現 pastaholic set for two最抵食，$318已包括餐湯、沙律、意粉、pizza、甜品及飲品。 餐廳我們各自點了特濃南瓜粟米忌廉湯及法式芝士洋蔥湯。 特濃南瓜粟米忌廉湯的味道有點像在日本吃到的粟米湯，南瓜味道較淡，但粟米甜香非常香濃。 法式芝士洋蔥湯的味道有點像平日喝的熬雞精，若兩者比較，個人較喜愛洋蔥湯。 凱撒沙律 - 半份 雖然是半份，但份量絕對足夠兩個人用，沙律菜非常爽脆及新鮮，加上內裏放了雞肉、煙肉碎及多士粒，口感豐富。 意粉類我點了芝士煙肉帶子忌廉意粉，帶子彈牙，煙肉鹹香，而意粉口感煙韌，每一條都掛上芝士忌廉醬，絕對是意粉控必點菜式。 芝士牛油果烤雞pizza Pizza是薄批來的，餅底做得非常香脆，芝士味濃郁，加了口感油潤的牛油果，以及帶有燒烤香味的烤雞肉，很好吃。甜品是朱古力brownie，味道很好，

有次小編想預約依間餐廳，但竟然full booking左，食吾到。😲今次一早6點黎walk in，冇理由入吾到呱。係小編7點離開果陣，門口已經開始排曬隊，叫緊飛喇。。。😱😱入面都幾大，如果full曬都幾誇張的。餐廳燈光暗暗的，幾有氣氛。😆餐廳仲搞緊好多promotion!!1. 用手機點餐，單點一個意粉可免費加大1.5倍。👍👍2. 上網做問卷，送$38飲品卷，可以留翻下次用，因為優惠不可同時使用。小編簡單的點了3樣野。1. 香草烤雞凱撒沙律普通的沙律，當飯前小食。菜是很新鮮，嫩綠的。🥬2. 香草烤雞雜菌羅勒忌廉意粉幾好食的，個汁都幾杰身，條條意粉都沾滿左汁，夠曬濃郁。烤雞滑嫩！😋3. 鮭魚菠菜忌廉意粉加大左依個，份量真係大左！個鮭魚好淋，一咬落口就好似溶左甘。😂雖然個意粉係多左，但啲配料就有加多，搞到淨食意粉多。🤧🤧

喜歡吃意粉的，相信對Pastaholic 都不陌生，沒錯，它就是和民旗下「和風洋食」的平民意粉專門店。而來到旺角雅蘭中就更明顯，餐廳分為兩部份，一邊是和民，一邊是Pastaholic。Pastaholic的裝修設計相當有格調，最重要是食物價錢貼地親民，款式選擇多，食材充滿誠意！特濃南瓜粟米忌廉湯先來餐湯，個人非常推介這款特濃南瓜粟米忌廉湯，湯質濃厚順滑，味道香香甜甜，粟米味道突出，帶有淡淡的南瓜香。香烤香草羊架羊架賣相不錯，以小鐵板送上，保持溫度，羊肉挺肥美味，香烤後帶有淡淡焦香，肉質軟淋，不粗鞋，油腴豐富，一點都沒有羊羶味，而旁邊放了大量的薯角，吃後得撐肚子。海蝦牛油果羅勒忌廉意粉這裏的意粉全都用上小麥粉自家製作作，口感彈牙，帶有小麥香，而這款意粉更加入了羅勒忌廉，令意粉多了一份香草味，而牛油果的潤澤口感與鮮甜爽口的海蝦非常搭，讚。蕃茄芝士海鮮焗飯焗飯上放了大量海鮮，包括爽彈大蝦、鮮甜海蜆及肥美青口，而焗飯的味道不錯，酸甜中又夾雜著芝士香，令人越食越開胃。香蕉朱古力披薩絕對是必點的日式甜品，披薩上塗上朱古力醬，再加上朱古力雪糕，令朱古力味份外濃郁，配上煙煙韌韌的披薩，非常好吃。

今日過去雅蘭有咩好食，因為朗豪坊實在太多人了。我地見到有意粉狂熱，有pizza 食，開心下都好喎！睇下有咩好食先。原來用手機落單，仲可以$10加大意粉1.5倍，快d快d叫。海蝦牛油果羅勒忌廉意粉，蝦肉新鮮爽口，綠色既忌廉醬究竟係咩味？一個字好特別，好香好香既羅勒香果，夾雜住牛油果既柔滑口感，再帶少少忌廉，唔係平時食既芝士呀，白汁呀既味道，真係好好食，配搭新穎！蒜香白酒汁海蜆意粉，蒜香味濃，意粉唔乾亦入味，蜆肉仔都有咬勁，呢個意粉都做到應有水準。明太子海鮮pizza, pizza 底香脆鬆軟，配有明太子醬汁，仲有大大粒蝦仁同其他海鮮，1人份量都有咁大塊pizza， 抵食又好食！我好奇怪，去到邊食野都好，只要有matcha latte， 例試！呢杯matcha latte 入口幼滑，好香奶味但又唔會搶左抹茶味，好飲！

見好評咁多又無乜胃口就試咗佢既下午茶入面裝修都幾靚！下午3-4點人不多女生傾計岩哂！我嗌咗個迷你瑪格烈特配芝士洋蔥湯（$53）送個茶個pizza不得了！！！勁好食重點係佢個底係煙煙unun！！好似食咖哩個種薄餅既口感好好食啊！睇返main menu原來佢都係話個餅底係特別既配方我一定會黎食個10吋大pizza架！！男朋友嗌咗個香草羅勒雜菌雞肉忌廉意粉（$68）加black coffee意粉都不錯！料比出面多，雞都足好食但未到驚豔既級數哈哈！佢有度好搞笑用手機落單其實都幾好可以慢慢睇不過侍應態度一般整體黎講可推介！！Pizza要試呀！！

同朋友都中意食西餐🍕🍝旺角近地鐵站雅蘭中心既意粉狂熱值得推介😜之前都食過一次覺得水準唔錯，價錢合適，而且本身自己好中意食意粉🍝同Pizza🍕所以決定帶朋友黎慶祝生日🤩今次同朋友揀左個2人餐，份量岩岩好同朋友都點左個法式芝士洋蔥湯🥣 本身自己係芝士控，所以想試下但同想像既有啲唔同，芝士味比較少，可能因為芝士味只係係個包面度跟餐叫就有埋雞肉沙律份量十足而且雞肉都幾多同埋唔會冇咩味道意粉就係叫咗芝士煙牛肉忌廉帶子意粉 唔記得咗影相但係因為自己本身好鍾意食芝士覺得個意粉真係可以畀5星星值得推介呀朋友就揀左照燒雞蛋黃醬pizza都唔錯，唯一有少少咸，但都可以接受， pizza嘅底比較薄，容易入口同埋有啲特色最後甜品，不過不失因為同朋友得2個人，買一大個cake又食唔曬，今次甜品咁岩就係朱古力cake, 就咁同朋友簡簡單單食當生日cake 大致上，食物都唔錯會再去；但因為用餐時間有限 侍應會催人交枱，所以有啲美中不足

行開旺角，雖然有好多唔同嘅餐廳，但係每次都一定會嚟呢一度食，唔單止價錢合理，食物質素都好高，性價比真係非常之高！今次叫咗個牛油果羅勒醬雞肉意粉，牛油果份量唔少，唔似出面有好多餐廳，成日都話有牛油果，但係好似同牛油果玩緊捉迷藏咁樣，搵極都搵唔到！呢度係絕對唔會，同圖片顯示嘅一樣，牛油果係有佢合適嘅份量！而且意粉軟硬度適中！整個意粉同配料以及醬汁亦都配合得非常之好！唯一美中不足嘅我諗係餐廳嘅佈局，枱與枱之間距離唔夠，感覺上同隔離枱嘅人靠得好近，略嫌有啲迫！但係性價比真係好高，如果追求食物質素同埋平價，呢度絕對適合你哋啦！

想朋友係旺角行街見到間食意粉既餐廳好似幾吸引 仲見到有唔少人係到等位就入左去啦 我地兩個人叫左一個小食拼盤 一個一人pizza同兩個main dish小食拼盤有三件三文魚tapas 四件炸雞同薯角 個人認為個炸雞最好食 feel到係即叫即炸 仲好juicy 而個三文魚tapas就無咩特別啦~ 一d芝士包住個青瓜 味道不過不失啦個一人pizza份量真係好mini 岩哂想食好多野但又食唔到即我地🤭 我地叫左個明太子pizza 都有幾多饀 餅底口感都幾鬆軟！另外main dish 我地叫左個人氣牛肝菌手打意粉同個鐵板牛柳 手打意粉好嚼口 硬度岩岩好 而且仲好掛汁 而個牛柳口感都好軟腍 雖然等待既時間有d耐 但無諗過佢個牛柳都咁出色

今日突然想食pizza,兩條友好即興咁係旺角搵餐廳, 又唔想去pizza hut, 就搵到黎呢一間見網評話意粉唔錯, 都絕對想試埋單點仲可以加10蚊升級1.5倍分量, 幾吸引最後都係揀左$318既餐, 試到多d野湯叫左兩款唔同, 就可以試晒南瓜真係好濃, 南瓜愛好者表示要覆桌洋蔥湯外貌好唔吸引, 好似好油咁, 但食落去唔油, 味道仲好好小食點左薄切三文魚忌廉芝士卷離主餐牌有3小杯但2人餐。。我以為會少一個上既時候都係3杯啵, 睇黎兩個人要打完架先分到最黎一杯出餐好快, pizza, 意粉, 沙律接住上意粉整得唔錯, 硬度非常適合本身鐘意牛油果, 所以pizza味道都好岩謂口同埋茄醬唔會過多, 比例上都唔錯餐飲點左走甜水果茶, 狠狠地吉d橙同奇異果, 有驚喜最後上甜品, 心諗。。即刻差都無傷雅興結果係令人喜出望外, 好好食會再返黎食唯人手不太足夠

旺角行街 , 行到腳軟又肚餓，想好坐、好食又唔貴 ，朋友帶左我去雅蘭商場2樓🇹🇭意粉狂熱🤩🤩🤩好似地窖咁嘅拱門入口，好有意大利氣息，長形店子分別有卡座同組合座位、好適合家庭及大party食嘢同傾計👍👍👍我哋成兩點先食 lunch，過左午餐高峯期，坐得更加鬆動🥰自斟自飲水樽夠晒方便，set 枱已經擺定menu , 年青人嘛，一坐低就可以睇吓有乜食，啱曬我地嘅節奏😆😆😆餐廳主打意粉同pizza、款式材料都多樣化、配搭亦時尚健康，除此之外，沙律、特色小食亦唔少，好似三文魚忌廉芝士卷，芝心火腿薯茸球，焗珍寶大啡菇帶子⋯⋯選擇好多，價錢仲幾平下👏👏👏 叫左份海蝦牛油果法包多士，至愛嘅食材用芝士融為一體，焗過嘅牛油果🥑輭滑香綿，super food, super good 💯主廚沙律🥗好新鮮爽口，同秘製炸雞一齊食,解下熱氣非常夾。炸雞熱辣辣、層皮脆口不特止，醃得仲好入味，雞肉咬落爆汁，真係冇唸到呢到嘅炸雞咁掂 👍👍👍焗煙肉帶子意粉，甜甜酸酸幾開胃下，三色椒用上少量芝士烤焗，意粉質感軟硬適中，煙肉咸咸地，配合芝士嘅香、蔬菜🥬嘅甜，材料簡簡單單，又幾好食喎🥰 傾下食下杯drink 都飲完，見到甜品🍮