意粉狂熱 (雅蘭中心)

營業中

休息中

睇openrice知道依間食意粉嘅都幾出名，所以今次專程黎試，前菜叫咗法式芝士洋蔥湯，主菜叫咗帶子蟹肉Mac and Cheese同埋香烤安格斯一口牛柳，甜品叫咗香蕉朱古力pancake。個洋蔥湯超鮮甜好fresh，帶子蟹肉Mac and Cheese就非常有特色，上面芝士咸咸地而且入面嘅通粉沾滿特製嘅醬汁，又係食到停唔到口，安格斯一口牛柳就切好曬，跟住擺落口就食得而且超濃牛味又肉質脂肪分佈平均。正！ pancake 亦有水準，上面嘅朱古力雪糕好大球，pancake煎得好香好平均金黃色，又係必食之選。

一直都搵緊邊度有好食嘅pizza同意粉果然無令人失望特濃南瓜粟米湯，普普通通，無乜驚喜意式薄切三文魚忌廉芝士卷叫咗一個豪華3式拼盤有Parma Ham，炸魷魚圈同海蝦牛油果法式多士可能因為本人鐘意食牛油果，所以覺得個多士好岀色叫左個脆皮腸肉醬大啡菇pizza，好味叫咗2個意粉芝士肉醬千層麵，個味好濃三文魚菠菜忌廉意粉因為好想食牛嘅關係，都叫咗呢個牛柳粒，不過有小小老，可能因為我哋放得太遲先食環境舒適

之前一大班朋友已經嚟食過呢間意粉狂熱，上次八個人叫套餐食，已經一試難忘，性價比甚高，非常抵食！今次同個frd去完地鐵站交收，又再嚟食多餐先。今次我哋冇叫套餐，因為想試吓多啲其他菜式。最後我哋揀咗個芝士香蒜雞翼，一個鮮制嘅蕃茄肉醬意粉，同一個忌廉黑松露意大利雲吞，一齊share嚟食。依度係用電話掃QR code落單的，不得不讚，上菜速度非常之快。幾分鐘左右，熱辣辣嘅芝士香蒜雞翼就送到枱面。雞翼上面灑滿蒜蓉，同個芝士醬汁簡直係絕配！忌廉黑松露意大利雲吞，呢個係性價比十分之高，作為主菜之一，只係$88，我哋所講，一碟入面有超過10隻雲吞，而全部雲吞上面都會加咗好多嘅黑松露醬，中間仲有隻特大嘅蒜蓉大啡菇。非常好味，絕對係誠意推介！最後，嚟到呢度梗係要食佢哋嘅意粉啦，呢次特別叫咗佢哋鮮制嘅意大利粉，果然一分錢一分貨，食落去比傳統意大利粉更有口感，佢哋嘅意粉整得好好，全部嘅濕潤度係控制得啱啱好，唔會太乾，又唔會太膩！最後，兩個人埋單連埋嘢飲都只係二百零蚊，今餐晚餐簡直係大滿足呀！

本來以為呢間野淨係有得食意粉 點知原來係食西餐 連扒同pizza都有🤤二人餐超級抵食 三百幾蚊有湯、沙律、小食、意粉、pizza、甜品同餐飲‼️好豐富 味道一啲都唔差 性價比好高💓-餐湯有：特濃南瓜粟米忌廉湯🎃我鐘意呢款多啲💓入面有好多南瓜蓉 好濃郁嘅南瓜味😍飲落仲有粟米同埋奶油香🤩好creamy 又清甜 好好味😋法式芝士洋蔥湯🧅呢款就比較鹹～入面有好多洋蔥✨不過芝士味就唔太飲得出 應該係個包有芝士味🙈個湯仲配左一舊法包 索晒啲湯🤤重口味一定鐘意🤣-沙律：香草雞肉凱撒沙律🥗雞肉份量都唔少 得有幾多舊🤤啲雞有煎過 唔會好乾都幾滑仲有陣陣嘅香草味😚除咗凱撒沙律醬 仲灑左好多芝士碎喺面😋-小食：蒜味芝士雞翼🧄都幾抵食 有四隻🤤雞翼好大隻 好多肉又嫩滑 唔會好油😚仲有勁多芝士醬 底同面都有🤩好邪惡 啖啖都係芝士味‼️不過就濃味左啲🤣-Pasta:意大利香蒜蝦Mac & cheese🧀 呢個好驚喜😍雖然周圍都有得食mac & cheese🙈但係呢度整得好好食 食完都唔會滯‼️好足料 啲通心粉壓到實一實好滿 食整都仲有咁🤣蝦比想像中多好多 好爽口彈牙🦐除左芝士 面頭仲鋪左好多芝士粉同乾蒜😚焗到金黃色 勁

一入到呢間餐廳嘅時候聞到好大陣油煙味 不過佢啲擺設都幾好講番嘢食先先來一碗南瓜湯南瓜味好香 不過好似淡咗少少之後叫個豪華5式拼盤擺碟影相好靚不過味道冇乜特別 跟住叫個鮭魚菠菜忌廉意粉意粉味道略為淡咗啲雖然落咗好重芝士粉上落去但係味道都係唔夠不過賣相都唔差 又係只限相機食先最後再叫一個香烤羊架羊架煮得好韌佢哋亦都冇問我幾成熟個汁亦都好普通整體來說味道好一般嘅西餐不過又未至於畀負評畀讚我又覺得唔應該所以我會畀ok順帶一提油煙味真係好大如果想去食千祈唔好著啲咁吸味嘅衫去

琴晚同個朋友仔旺角搵食，諗住唔好咁多人，坐得舒服傾下計。上到雅蘭中心二樓，見到間意粉狂熱，裝修得幾靚又坐得舒服見到餐牌都好多選擇，主打pasta, pizza, 仲有牛扒。我地點左個二人餐$318，非常抵食每人有一款餐湯，南瓜湯好濃郁好好味。前菜有一份雞肉田園沙律，小食有4隻蒜味雞翼配芥末醬。主食點了蒜味帶子白汁意粉，出面一般份量比較少，呢度份量正常，每人都分到一碟另一份主菜點了牛油果烤雞pizza, 呢個口味好特別，牛油果仲好健康呢！另外，我點了一份小食，松葉蟹肉配芝士法包多士，超好味！！好豐富既蟹肉，配上多士口感超正，推介飲品點了熱既草莓荔枝綠茶，一壺茶咁上，未入口已聞到好香既果味最後，仲有是日甜品Tiramisu. 呢一餐坐得舒服又抵食，每人約$200左右

除左西式同日式，fusion既日式洋食我都好鍾意！今次就去左價格親民既【Pastaholic】食和風洋食啦！而且可能走新潮fusion、年輕路綫，落單都係用QR code，可以減少錯誤同人手。因爲太多選擇，所以就直接叫左Meat & Fish Holic Set。連埋飲品總共有9樣野食！湯：法式芝士洋蔥湯/南瓜忌廉湯法式芝士洋蔥湯：湯上面有一塊芝士法包，吸滿曬洋葱湯精華！不過覺得湯唔係好夠熱南瓜忌廉湯：香甜creamy,不過唔重南瓜味沙律：三文魚凱撒沙律沙律菜好新鮮，醬汁都唔會太酸，三文魚鮮甜小食：蒜味芝士雞翼(蒜味芥末醬)新鮮炸起，蒜味芥末非常特別，同雞翼好match意粉：溫泉蛋配蒜香蘑菇鮮製意粉自家制意粉，非常有咬口，而且容易黐住D汁。醬汁creamy但唔會太heavy，好多蘑菇。溫泉蛋流心，同個醬好match！肉類：香烤安達斯一口牛用熱石盤上，熱辣辣，D牛肉都唔會靭，但覺得熟左D，薯角好新鮮！甜品：Tiramisu中規中矩既甜品飲品：水果茶/蘋果汁有水果茶好特別，雖然無咩水果味！其實性價比好高，唔同set既組合都有唔同價錢。鍾意食意粉可以考慮一下呢間！

雖然ＰＡＳＴＡＨＯＬＩＣ單點散嗌既價錢一Ｄ都唔貴但係我地都係簡左一個$318嘅套餐，因為方便唔駛諗ＭＡ，套餐包括左有餐湯、沙律、意粉、薄餅、甜品及餐飲香草雞肉凱薩沙律沙律菜新鮮食落爽脆，雞肉有少少黑椒味，配合沙律菜一齊食，口感清新。小食係意式炸魷魚圈配他他汁，金黃色嘅魷魚圈粉漿唔算太過厚，而魷魚肉肥厚有嚼頭，配埋他他汁味道好夾。我地另外仲叫左一個雞翼小食，雞翼表面金香脆口，肉質嫩滑餐湯係南瓜粟米忌廉湯，口感幾CREAMY，亦同時飲到南瓜同粟米味黃金四重芝士披薩(配蜜糖)個批底係既薄且脆，芝士香味濃郁，一拉出黎就見到芝士拉絲，不過我個人就覺得同蜜糖汁一齊食就唔多夾啦。MAC CHEESE芝士夠多，亦可以輕易做到拉絲效果，蝦肉雖然細但都幾彈牙

見到呢間食意粉既餐廳好似吾算太貴就入左去 晚餐餐牌有幾個set 我地個日因為吾太餓就揀左個最平既set $268 二人餐落左單冇耐就泥左個沙律（半份）同2個南瓜湯 個沙律就正正常常 菜都算係幾新鮮 但係麵包粒淨係得2舊 有少少hea 個湯就幾好飲 好重南瓜未 好似飲緊南瓜茸咁 呢個洋甘菊茶係跟餐吾洗加錢 用個茶壺裝都幾有誠意 不過味道就吾太岩我既口味依個意粉好好食 意粉非常彈牙 帶子都有好多舊算係好足料 忌廉味好濃而且好多芝士粉反而千層麵就普通 冇咩芝士同肉醬 正常蕃茄汁味 麵就有少少硬 都係揀返意粉好d 🤣🤣最後個甜品都好好食 吾太甜 面頭既粉中和既返甜味 最底蛋糕都幾鬆軟好食

今個星期日是我朋友的28歲生日，知道她是一個意「粉」，即是非常喜愛食意粉。所以我就襯着她生日，找一個地方和她慶祝一下。由於她是「意粉」的關係，所以我找的餐廳都是真的以意粉為主題，希望她會喜歡。本身找到的都是大型連鎖餐廳，不過碰巧我前幾天行開旺角雅蘭中心借廁所時，被我發現了這間「Pastaholic」— 意粉狂迷，正合心意。由於預早幾天訂座的關係，所以就不用walk-in 等位，平日夜晚的門外都有很多食客在等候，幸好早有安排，不然未食就會被友人先話一餐。Pastaholic 的餐牌五光十色，非常吸引，那就讓朋友揸主意吧，我就協助她在電話order。➺ 1. 經典三式拼盆所謂經典三式，分別有秘製炸雞、脆炸薯角及意式薄切三文魚忌廉芝士卷切。三式拼盆比起普通小食單點的更為划算，份量是非常充足，而且三種配搭亦是大眾合心意的。出乎意料的是，炸雞和薯角比想像中弄得更為好食，熱辣辣的薯角內裡包含充分的薯蓉，炸雞亦能食得出內裡的水汁，並不乾口。相比之下，三文魚忌廉芝士卷則較為失色，味道比較淡。➺ 2. 香辣蕃茄濃汁煮青口一般而言，青口都算是海鮮類，價格亦不算格外便宜。$58 的價錢，份量足夠供兩人享用，

點完餐好快就送到全部野食都熱辣辣但份量比較少叫左個10寸 pizza試話係手工 所以想試一下味道幾好 但好薄好薄好薄同埋叫左兩個小食薯角同烤雞翼味道正常都幾好食因為份量太少好唔滿足 下次未必去食

呢間意粉店係和民集團所開，進軍埋意大利西餐市場，係好多旺區都有分店，今次就去左旺角食餐廳有3款2人套餐選擇，岩哂小編呢Ｄ唔中意諗既人 小編就選左個$318既套餐，有齊湯, 沙律, 小食, pizza, 意粉, 甜品同飲品，好豐富又抵食餐湯有法式芝士洋蔥湯同特濃南瓜粟米忌廉湯而小編唔中意粟米同南瓜就選左洋蔥湯，個湯咸咸地，洋蔥香甜，法包吸滿洋蔥湯精華，飲落幾特別 再黎指定的雞肉凱撒沙律，好大份，沙律菜好新鮮，配埋酸酸甜甜既白醬同芝士，開胃又惹味不過就凍左少少小食就叫左蒜味芝士雞翼，雞肉炸得脆口，食落好鮮嫩多汁，配埋芝士醬好惹味 仲單點左小食--牛油果法包多士，好香牛油果味，仲有好多爽口既大蝦，食落去法包卜卜脆，口感清新又豐富 意粉就叫左香草烤雞雜菌羅勒忌廉意粉，青醬意粉味道濃郁，配合羅勒令香味提升，仲有好多雜菌同雞肉，食落好豐富又creamy 明太子忌廉海老披薩，Pizza個餅底焗得好卜卜脆同鬆軟，加埋明太子同芝士醬好惹味，仲有好多大蝦相當豐富 甜品就叫左朱古力蛋糕，唔會太甜，食落都幾creamy 飲品叫左芒果黃香李煎茶，飲落好香芒果味，而且茶味幾醇，又可以減少食得咁豐富既飽滯感總括黎講

不錯吃，但是我認為還是比較普通的。我叫了一份明太子意粉，我覺得味道不是太突出，第一次吃沒有一吃就驚訝不已的感覺。還叫了一份蜂蜜雞翼，蜂蜜味道不夠重，普普通通的雞翼。不過整體來說還是還可以的，不差。

黎到旺角行街，想坐得舒服食餐晚飯，好友推薦和民集團旗下既Pastaholic，位於雅蘭中心2樓，夠哂方便～裝修整潔簡約，環境舒適。可選擇各款套餐或單點意粉、焗飯、薄餅、小食、甜點等。套餐都幾抵食，包湯、沙律、小食、意粉、薄餅、甜品及飲品共九個項目，都只係HK$318，性價比好高啊！特濃南瓜粟米忌廉湯口感滑順好creamy，味道香甜，南瓜味好香濃～法式芝士洋蔥湯芝士味道濃厚、麵包鬆脆，再飲一啖濃郁既洋葱湯，口感極之豐富～香草雞肉凱撒沙律香濃凱撒醬搭配新鮮爽脆生菜及軟嫩香草雞肉，再灑上巴馬臣芝士碎，惹味又吸引！蒜味芝士雞翼(蒜味芥末醬)雞翼嫩滑多汁，蒜味香濃，極邪惡！芝士煙肉帶子忌廉意粉帶子鮮甜、鹹香煙肉夠哂惹味，意粉煮得剛好，煙韌又彈牙，每條意粉都掛滿香濃忌廉汁，好高質！明太子忌廉芝士海老薄餅明太子帶點微辣，口味獨特，薄餅餅底鬆脆，蝦仁爽口彈牙～松葉蟹肉配芝士法包多士法包多士烤至香脆，配鮮甜松葉蟹肉，大滿足～餐飲點左橙汁同草莓荔枝綠茶(茶包)，熱水可以無限添加～是日甜品為口感順滑的提拉米蘇，很不錯呢~

朋友約我去好耐未嚟過嘅雅蘭商場食🍝🍝🍝🍝🍝🍝🍝🍝🍝🍝🍝🍝🍝🍝🍝🍝🍝原來是和民旗下嘅餐廳，一間鋪分開兩邊，共用一個廚房，幾新概念喎👍食物種類多😳 唔想諗，棟咗個二人套餐🍽南瓜粟米忌廉湯/ 法式芝士洋蔥湯兩款湯睇落都相當吸引，南瓜湯濃滑，洋蔥湯跟一塊有芝士既麵包， 湯帶有少少甜味，啖啖洋蔥😋三文魚凱撒沙律三文魚唔鹹，沙律菜新鮮爽脆👍意式炸魷魚圈配他他汁脆漿薄薄，有魚新鮮彈牙😚蒜香白酒汁海蜆意粉蒜香飄飄，意粉軟硬適中彈牙， 如果啲蜆大隻少少更加好🤭香烤安達斯一口牛牛味幾好， 但熟咗少少🤨，薯角好味，啖啖肉😋是日甜品意大利凍餅， 好似食緊雪糕咁👩‍⚖ 兩人套餐，價錢相宜，仲有跟餐加12蚊有紅酒或白酒飲，相當實惠😚