意壽司-心意之日本料理

營業中

休息中

又去荃灣發掘美食😋 荃灣海霸街有多間食肆，這間日本街坊食店唔大， 設計格局普通 ，但有驚喜🤩食物質素高汁，價錢唔離地👍帶子蟹膏刺身清甜、鮮美，加埋蟹子，多重享受😊日式炸餃子皮簿，脆底👌黑松露牛油焗金菇香氣撲鼻😚又大份，好底食~正😋醬燒三文魚骨正正常常，味道淡咗啲👌爆脆鵝肝和牛粒石頭飯必點， 冇欺場 ，啲餸幾澎湃， 鵝肝焦香幾大塊， 牛粒有汁有味， 分量都唔少， 炒飯底配埋醬汁一齊食， 食到最後仲有飯焦，冇得輸🤤

今日請咗假做身體檢查😊做完就同食肉獸男友周圍遊車河行下街，到夜晚諗食咩，男友就提議落荃灣個邊兜下睇吓有冇好嘢食，見到利間意壽司🍣就入左去試下啦🤤咁又比我地發掘到正野，一定要分享比大家🤪講下我地點左啲咩野食先😚鵝肝和牛粒石頭飯⭐️⭐️⭐️⭐️非常推薦比大家，鵝肝整得好香，和牛粒口感一流，但特別要講嘅係佢嘅飯，炒得好香之餘濕濕地好開胃，而且份量好多，我同男友share一個，加啲小食夠曬飽😍帶子蟹膏刺身⭐️⭐️⭐️⭐️⭐️平時喺出邊食壽司刺身嗰啲都好鍾意嗌珍寶帶子，大大粒咁樣食先好食，嚟到呢度見到呢款帶子蟹膏刺身，覺得呢個配搭好新奇，所以就叫左，帶子勁大粒，再夾住啲蟹膏，一口咁咬落去，味道特別之餘真係出奇地好夾，必試👍🏻👍🏻胡麻冷柏葉⭐️⭐️⭐️⭐️男友話最愛呢個，我淨係試咗一舊，就比男友清晒了🤦🏻‍♀️男友話勁爽口點埋嗰醬汁食唔停口（所以唔記得左留比我食）下次黎要叫兩碟先得😂唐揚單骨雞翼⭐️⭐️⭐️⭐️我係勁鍾意食單骨雞翼嘅，原因係唔怕食到好狼狽，好多時出街食雞翼食都好論盡，女仔嘅話會好尷尬😳真係想讚一讚佢雞翼炸到金黃色 ，賣相已經好吸引我，食落更加滿意，唔會好油膩，亦唔會過份濃味，剛剛好👍🏻👍🏻黑松露牛油焗金菇⭐️⭐️⭐️⭐️⭐️呢

食壽司最緊要 新鮮， 點為之新鮮就係睇佢客流多唔多， 去貨快唔快。 今日就去咗荃灣福來邨後面的意壽司， 平日星期一晚都座無虛席， 一睇就知依家小店深得民心。帶子蟹膏刺身帶子肉厚爽甜，白白的好膚色，蟹膏味道相當濃郁，蟹香咸鮮味湧出來，口感好極。胡麻冷柏葉牛柏葉非常爽口， 配埋一條條青瓜絲，涼快開胃。雪酒煮花甲花甲勁大隻勁新鮮， 最重要係冇沙， 而且每一隻都爽口鮮甜。 花甲以日本清酒煮過，味道更加香。 配埋底下的娃娃菜及 粉絲， 完全吃得出食材的新鮮。七味燒三文魚腩三文魚骨腩煎至表面金黃， 咬落香脆。 而且骨與骨之間的肉應口而出， 營養豐富。鵝肝和牛粒石頭飯石頭鍋飯熱辣辣， 和牛粒燒得剛剛好，一口一粒，絕對令人體驗到肉質甘香，鵝肝油脂豐盈， 石頭飯簡單以黑椒及鹽調味 ， 配埋軟糯有米香嘅日本米， 70多元非常抵吃。

呢間長期都好多人排隊，我食過幾次，今日就點番茄牛肉烏冬試吓先，湯烏冬最緊要係湯底，呢個番茄味湯底十分普通，識落仲有少少唔知咩味，我覺得如果在超市買一罐番茄醬自己整，可能比這間呢個烏冬好食，而牛肉也是正常，整體沒有驚喜。

平日差唔多八點門口仍然有好多人排隊等緊，好彩等一陣就有位。我哋叫咗蟹膏帶子刺身，帶子厚切，中間切開一半入面夾住啲蟹膏。食落味道好鮮，口感好肥美。松露焗金菇，金菇份量好多，松露味好香。鍾意食松露嘅朋友一定會要叫。單骨雞翼呢個味道幾好。單骨真係好方便，雞翼夠熱，雞肉又夠滑。鵝肝牛柳粒石鍋飯，鵝肝好香撈飯唔錯。石鍋仲有好多牛柳粒，牛柳粒都幾香。香煎三文魚煎到好金黃，煎得剛好。食落有油脂香。餐廳唔貴，平民價錢，服務又唔錯。怪唔得咁多人。

成日好想去荃灣覓食，有一次經過見鋪面光猛 仲有好多人等排隊，心想下次一定要過嚟試一次，難得今次過到嚟呢邊不妨一試平民價日本料理 .❥ ❥ ❥黑松露焗金菇牛奶焗金菇已經係無得頂，呢款仲要加咗黑松露勁之邪惡 ，即時升咗10倍香味特別濃，味道仲好夾添，會追住嚟食唔停.❥ ❥ ❥鵝肝和牛粒石頭鍋飯 香濃嘅牛柳粒裏面肉質非常軟腍，重頭戲就係見到一塊鵝肝勁邪惡，熱辣辣石頭鍋飯，淡淡鵝肝香味撲鼻，鍋底的飯焦並不多，本身個人唔係太喜歡咁多飯焦.❥ ❥ ❥帶子蟹膏刺身 帶子夾住蟹膏 ，我的天。。點解可以咁邪惡唔需要點日本豉油可以好鮮甜 ，蟹膏帶一點腥味，個人都可以接受。.❥ ❥ ❥和風日本溫室蕃茄 來自日本溫室新鮮茄，一片片蕃茄超大塊裏面再唔撈埋柚子津律汁紫洋蔥🧅清新鮮甜爽口，夏天必試.❥ ❥ ❥唐揚單骨雞翼 讚下呢款單字骨雞翼，即炸上枱一口外脆肉質比較嫩滑埋個千島醬帶一點酸甜

好耐無食過日本野～見朋友介紹這間又好食又抵～就黎試下咩味道～搭地鐵行過黎都快～近愉景新城個邊～去到門口好多人排隊～好在等左一陣就入得～我地叫左幾樣野食～帶子蟹膏刺身帶子好肥美😋仲要有好多蟹膏同蟹籽😱好新鮮～帶子又爽口～蟹膏都算濃郁～胡麻冷柏葉呢個幾特別好少日本野會有牛柏葉食～牛柏葉又好爽脆～加埋胡麻醬食好夾～好好味～好開胃～但無諗過咁大碟🤩唐揚單骨雞單骨雞翼好野味～又香口～又唔油膩～加上個醬有少少辣辣地～如果唔食得辣都可以試下～餃子煎得好香口～真係外脆內軟～肉汁都唔錯～鵝肝和牛粒石頭飯飯底係用左鵝肝炒過先～所以食落會好香鵝肝油味～和牛粒都算多同都幾淋身～比我想像更出色👍🏻👍🏻👍🏻P.S. 整體來講都唔錯～平靚正👍🏻下次想試下個芝士年糕～今次太飽😆

非常有人情味既荃灣日式食店小店店內環境乾淨清潔，坐得舒服自在。店員好貼心同我地每一道菜式細心講解，好有人情味。食物先係此店主角最推薦鵝肝和牛粒石頭飯 $72大讚既係佢唔會好似其他石頭飯咁放多一陣唔理佢個底既飯就燶哂，我同朋友傾多陣先食都冇問題。其次係成個配搭好精彩，飯底係用左好多唔同材料炒出黎，好香，加埋新解和牛粒同鵝肝既配搭，真係好出色，72蚊可以講係性價比非常高。帶子蟹膏刺身 $65帶子新鮮好甜又大粒，加埋店內用既wasabi 係高質素的，要大讚。唐揚單骨雞(8支骨) $35單骨雞唔厚粉，炸得岩岩好，好香脆美味，加上單骨食得好方便。和風燒烤菇 $48用料好豐富，真材實料，店家仲好細心地將每個菇一分為四，方便食，好貼心。七味燒三文魚骨腩 $28甜甜地好香脆，一路傾計一路食一流。

意壽司今日本身諗住去食老闆娘米線，但係見到咁多人排隊，所以就諗住下次先去食，於是就搵吓附近仲有啲咩好食啦！然後發現咗呢一間叫心意日本料理，見到門外都有唔少人排隊，估到應該係啲街坊都覺得好好味嘅食物！於是就決定喺度食啦！就連閑逸都有人排隊，不過好彩都唔需要等好耐，我諗等咗五至10分鐘就有位。餐廳入邊有好多相都好吸引，花多眼亂，由於朋友最近唔食生冷野，所以今次我哋叫咗比較多熟食。首先我叫咗個冷盤，係帶子蟹子刺身配蟹膏～因為見到啲相實在太吸引啦！嚟到之後果然冇失望！啲帶子好大粒好新鮮，啲蟹膏超足料！配帶子咁樣食好香！好好味。第一次食呢個配搭，非常驚喜。之後叫咗個燒三文魚扒骨，雖然有骨，但普遍都大條，亦唔多，唔會好難lur。啲三文魚燒得好香，肉質都幾滑，唔會好硬，好惹味，我朋友平時其實唔食魚，但係佢都覺得好好味，都食咗唔少！我仲叫咗個黑松露焗金菇黎試吓，上到嚟比想像中大份好多！亦都非常之香！金菇索晒啲黑松露汁，成件事好夾好好味。呢個建議三個人或以上嘅時候先叫，因為兩個人食嘅時候都幾多下～幾乎可以食飽你和牛粒鵝肝炒飯，上到黎好香！牛肉高質，食落口感軟稔，好好味，飯比較多鵝肝既味，都唔錯，不過我覺

今日難得揸車經過香車街，見到一間日本嘢既門口幾光鮮又坐爆晒，羊群心理下我都排左陣隊想試吓入到去個staff勁friendly, 佢介紹咗一啲signature dish俾我哋，啱晒我哋一班有選擇困難症嘅人第一味最overpowered 既就係呢味蟹膏帶子刺身，新鮮厚切勁甜， 蟹膏又冇腥味，仲要只係$65，絕對可encore 另外我叫多一碟my favourite ,就係原隻大赤貝，新鮮到😍😍😍另外不得不提呢一個大大塊鵝肝和牛粒石頭鍋飯，cp 值奇高仲有個和風燒烤菇，燒得好juicy , 又係必encore 之選😋😋😋😋

Heart Sushi❤️🍣 Really Worth to Eat😋🥢..日本野你愛嗎❓總係對她有種情意結，百吃不厭。入到荃灣比我發現一間充滿人情味既小店，食物質素不錯，而且價錢大眾化、抵食又新鮮好味，真係有驚喜呢。.每餐最開心係咩❓就係食到好食 又自己鐘意既野，價錢又平啊，呢晚真係好滿足❤️，意想不到街坊日料店🍱 都可以如此有heart，食得開心。.ll $30樣子白雪雪既柏葉，本來差不覺得吸引。但食落丫卻有驚喜，爽脆既口感 再沾上必勝既胡麻醬，香口又清爽。.ll $28餃子🥟 味道中規中矩，不過勝在夠大粒、夠份量。而且煎出黎 視覺樣子都美美的，抵食。.l刺身]l $65沒想過呢個價錢，份量多 帶子刺身亦夠厚肉呢😍。真的新鮮吃出鮮甜耶‼️加上夾上蟹膏🦀 蟹籽，更帶出帶子既鮮味。.ll $72石頭鍋飯，賣相吸引。飯底預先用雞蛋🥚炒香 粒粒金黃💛，加上不少用洋蔥煎香和牛粒粒🐮，味道很好。仲有一塊唔少得既鵝肝🦆，油份深透在底下既飯粒，令每粒飯都好有鵝肝油脂香，喜歡的實屬覺得誘人吧🖤。蔥粒亦是不能少，亦整體生色不少耶。.ll $78後加鰻魚🐟，好肥美。趁熱吃不腥，加上足夠既鰻魚汁，很好吃 很滿足

荃灣路德圍海霸街嗰頭就畢嬲多野食嘅今次就試咗呢間街坊式嘅日本料理筆者閒日7點去到 門口已經有幾枱客等緊喇後來同店員傾開偈 原來可以book位添咁下次就唔駛等喇餐廳座位就比較擠逼嘅 不過街坊小店其實都無咩所謂啦佢啲晚市定食好抵 60幾蚊有主食加小食不過因為唔想食咁多飯 最後都係散嗌haha✨帶子蟹膏刺身 $65大大粒嘅帶子包住蟹膏真係無得輸阿唔駛形容唔駛推介 嗌佢就啱㗎喇😆✨胡麻冷柏葉 $30柏葉好爽 配埋胡麻醬又幾fresh同埋份量都唔少㗎✨黑松露牛油焗金菇 $36呢個金菇又係大大包阿黑松露唔少 食到尾都仲有黑松露味但牛油香味就略嫌唔夠喇✨唐揚單骨雞 $35雞翼炸得夠乾身又夠脆嗰辣辣地嘅醬絕對係錦上添花令到普通嘅炸雞翼都變得唔普通阿✨鵝肝和牛粒石頭飯 $72和牛粒份量唔少 鵝肝都有一片嘅呢個價錢嚟講無得彈啦不過個飯呢就淡咗啲 筆者要再額外加豉油😛總結嚟講 兩個人五樣野食咗2百幾蚊全日無加一 性價比嚟講真係好高喺附近又想食下街坊嘢嘅 真心推薦呢間意壽司😉

生意好好，人流多，座無虛席，店舖唔大，環境較狹窄，通常要搭枱。食物抵食，服務好，不過收碟速度有啲chur..🔸帶子蟹膏刺身 ($65)分數: (6.6/10)帶子中間夾住蟹膏，幾香，但個人覺得有少少腥味。.🔸雪酒煮花甲 ($62)分數: (7.8/10)花甲好大隻，煲入面有菜有煙韌粉絲，湯底有少少辣，有啲酒香，好好飲。.🔸唐揚單骨雞翼($35)分數: (7.5/10)單骨雞翼方便食，炸得香，點啲千島沙律醬食，好開胃。.🔸鵝肝和牛粒石頭飯($78)分數: (7.2/10)真係有塊鵝肝，不過唔算好香，和牛粒唔韌。飯味道偏淡，冇乜鹹味。

餓底又在荃灣愉景附近搵食了，來到海霸街，正好走進這間叫意的壽司餐廳。刺身款式好特別，有蟶子&水母！不過餓底今晚想食帶子！特別野下次再來試啦。帶子蟹膏刺身帶子刺身本已經鮮甜，再加上蟹膏，一定鮮上加鮮呀！點少少wasabi豉油，整粒拍入口，柔軟的帶子＆溶化的蟹膏，在餓底口中交纏，要慢慢細味！鵝肝和牛粒石頭飯石頭飯吱吱吱地上枱，香氣四溢，餓底用匙羹畢起一粒牛，還冒著煙，馬上吹兩下，放入口中，和牛的油香在口中釋放，咀嚼時肉香也隨之而來，呀～好味呀！再來一小口鵝肝，甘，化，醇！整碗飯被餓底吃個清光！

逢星期六日經過都見門口有人等位今日下雨天人比平時少☔️終於唔洗等太耐就可以入坐🥗胡麻冷柏葉 （$30）牛柏葉 爽口彈牙 極容易咬開芝麻汁極濃 食到少少胡椒味🥩鵝肝牛柳粒炒飯 （$72）飯上面佈滿了牛柳粒 牛柳粒咬落多肉汁 偶然有一兩粒少少韌鵝肝入口即溶 炒飯粒粒分明 裹滿醬汁 單食都唔會覺得單調 中間仲會有蛋碎 朋友覺得味道剛好 但個人認為再濃味就更好🍆蒜蓉燒茄子（$32）茄子上枱熱哄哄 上面佈滿好多蒜蓉 個人好建議撈埋牛肉飯一起食 真係絕配🦀帶子蟹膏刺身 （$65/4件）帶子肥美鮮甜 上面有蟹籽 中間夾左蟹膏 濃濃海水味 一口鮮味價錢唔貴 仲要不收加一原來可以訂位 大家唔想等位 就記住訂位👫店員服務好好 極有禮貌會推薦介紹食物 同主動添茶