79
7
4
餐廳: 意壽司-心意之日本料理
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵荃灣站 A4 出口, 步行約9分鐘 繼續閱讀
電話號碼
29971117
營業時間
今日營業
11:00 - 22:30
星期一至日
11:00 - 22:30
付款方式
Visa Master 現金
座位數目
40
其他資料
泊車
電話訂座 詳細介紹
加一服務費
電視播放
食評 (106)
等級4 2020-07-26
1206 瀏覽
今日約左朋友去荃灣睇戲,睇戲前就搵下呢頭有咩好西食由於想食日本嘢,朋友就介紹左呢間意壽司-晚上7點幾到,估唔到疫情期間都滿座見到呢個場境心想,質素應該唔錯所以先咁多捧場客,所以未食就先安心🤣🤣食物種類選擇好多~花多眼亂😛😛價錢仲要好公道!-帶子蟹膏刺身 $65/4件實物比睇相片更爆蟹膏🤭🤭每顆帶子都好厚身,啖啖都充滿住蟹膏同帶子既肉質,味道新鮮,再來都一定會點呢個帶子刺身☺️--鵝肝牛柳粒炒飯🤤🤤每粒飯都炒到好香口,我鍾意等佢有少少飯蕉先攪拌鵝肝既油脂充分滲透去每粒飯,好惹味,令人想一碗接一碗必點!!!-雪酒煮花甲 $62呢個價錢有呢個份量同味道,我無野再補充🤭🤭兩個人食一大碗食極都仲有~超值-七味燒三文魚腩骨 $28汁燒到岩岩好又唔乾既三文魚,又係每人一件接一件忍唔到口🤭🤭-兩個人咁樣食已經好飽,下次來想試埋佢個鵝肝多士同埋甲羅燒🤤🤤-值得一提既係店員唔單止有禮貌,仲好貼心,睇餐牌時有疑問佢地都會好好態度好有心咁答我咁忙咁旺場都仲好有耐性,真係抵意壽司咁多人捧場☺️小店要加油!繼續keep住! 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-12
0 瀏覽
我琴日食左碗有蟲既魚生飯!其實我耐唔耐都會去呢間日本餐廳食飯,一直感覺都係抵食,但係今次既事令我以後都唔會再去呢間食飯!!我叫左個魚生飯,裡面既帶子竟然有條長長地白色既蟲!仲要係識郁㗎!真係好恐怖!當時既我實在嚇親 所以冇影到相。不過更過份既係埋單既時候,佢竟然要收返我錢!大佬呀,依家係你既魚生有問題,有蟲喎,你仲好意思收我錢?我明依家飲食業艱難,想做多d生意賺錢,但係你咁樣做只會換黎我永遠唔幫襯!依我觀察應該係前排限聚令人少左去佢度食飯,呢d食材擺得耐所以變壞/生蟲。我勸大家食呢間野要小心! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-03
46 瀏覽
在荃灣區,每次想吃一頓又便宜又有質素的日本餐,都會來這間餐廳。食物質素很好,價錢不貴,又不用加一。唯一不好的是座位較窄,同時多人客等位時,吃完就要走,不可能慢慢座著聊天。為免等位,我每次都是晚市一開始就去,吃完就走人。今晚要了兩份便當,一份壽司,一份剌身,因為還要外賣給家人吃,所以再要了一份炒飯。其實有很多東西想吃,但只有兩人,所以不能點太多,以前吃過這裡的二人套餐,份量很多,通常我們要覺得很餓才選吃套餐,否則散叫較好。第一碟來的是帶子蟹膏剌身,看食評每位食家都讚賞,我也覺得很好食,帶子厚肉,蟹膏份量多,兩者都鮮甜美味,不用醮醬油吃更能嚐到鮮味。接著汁燒和牛粒便當上桌了,盤內分有五個格子,分別盛載著不同的食材,主角和牛粒大大份,伴著燒汁的汁液和洋蔥的香氣,一啖入口,嚐到和牛粒的肉質是很嫩滑的,容易咀嚼。然後是西京比目魚便當,比目魚的皮有少少焦香,魚肉滑嫩,沒有太多細骨,不怕有骨哽喉,伴著沙律醬吃,甜甜酸酸十分開胃。兩個便檔的配菜是一樣的,有三文魚三片,什菜沙律,蒜味螺肉,炸雞翼,整個便當食材很豐富,三文魚肥美,沙律以青瓜絲及生菜絲為主,配上蟹柳肉。炸雞翼也不會炸得太乾而變成雞肉乾令人難於吞下。飯是另外用碗上的,不放在格子盤內,原本每一份便當都配一碗白飯,由於要留肚吃壽司,所以只要一碗白飯就夠了。火灸芝士味軟殼蟹卷也上桌了,一份有三件,每一件壽士司上都有一片火灸的芝士片,芝士面上有魚籽一小撮,飯卷內是脆脆口的軟殼蟹,飯卷做的扎實,不會鬆鬆散散,三種食味可同時在咀內慢慢品嚐,十分可口。最後是三文魚鬆蟹子炒飯,大大份。由於是帶走的,所以只嚐了幾口,飯粒乾身而不糊口,夠鑊氣而不油膩。三文魚鬆香口,混和蛋絲蔥花蟹子不同的色澤,賣相十分好。回家再翻熱吃也很好味。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-22
222 瀏覽
呢間餐廳位於荃灣, 食既野會比較偏向類似居酒屋的胡麻冷柏葉第一道好食既一定係呢個胡麻冷柏葉, 估唔到日式既牛柏葉點上胡麻醬之後係咁吸引的, 甜甜的有點似食緊鬼巴士一樣, 牛柏葉超級爽脆!! 爽度100分帶子蟹膏刺身只有4塊的帶子入面放了滿滿的蟹膏和蟹籽, 口感同味覺都好濃郁!!鵝肝和牛粒石頭飯超香既鵝肝味道, 撈飯食真係一流, 超大片的鵝肝係上面, 下面既飯都係超香既鵝肝味道同油油的口感, 正雪酒煮花甲呢度菜最岩就係餸酒食!! 每一隻花甲都好香既酒味!! 不錯 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-15
205 瀏覽
今日同舊同事約食飯,又返到我地以前工作既地頭了!我地兩個都想食壽司,呢間又近我地住果頭,一於試試帶子蟹糕刺身平日帶子比較清甜,就甘食未必夠過癮,呢間料理用味濃既蟹糕搭配,加埋蟹子,出奇地無cover到帶子既鮮味,三者仲好夾。覺得蟹糕味太濃既話,可以加D 檸檬汁,完全無諗過可以甘樣食!珍寶牛油果軟殼蟹卷基本上來說,是加州卷加上軟殼蟹及牛油果~軟殼蟹香脆香口又唔淋,加上creamy剛剛夠熟既靚牛油果,唔錯2022雪酒煮花甲好濃既清酒味,但唔會「梗」!清甜及濃烈酒味既soup base,加上其他配菜,將花甲原先既海水腥味cover 得好好,又keep到佢原先既甜味爆脆鵝肝和牛粒石頭飯肉量多,大滿足!醬料調得恰到好處,石頭鍋夠熱,一邊撈一邊煮。好少有機會將鵝肝同和牛一齊配食,原來呢個配搭都唔錯 繼續閱讀
(以上食評乃用戶個人意見 , 並不代表OpenRice之觀點。)