意堡

營業中

休息中

Lunch time 咁啱行過牛頭角宜安街睇吓有咩食見到巷仔有間新開嘅小店原來係賣意粉 漢堡 同 海南雞飯見到價錢都幾抵食咁就試吓首先舖頭嘅內觀好有個性睇得出店主喺擺咗 d 心機喺設計度雖然冇卡位坐但一入到去個感覺好 warm 一個人嚟獨食都還可以係意粉之中黑松露醬配大蝦扁意粉一定係必食推介D 汁啱啱好夠 creamy 又唔會太膩扁意粉既硬度適中配埋個南瓜湯真喺好滿足 ( ´▽｀)下次要試埋漢堡同海南雞飯店主話佢哋每日一早新鮮煮雞埋單時仲見到街坊買海南雞返屋企睇嚟都幾搶手

今日下午想食burger就搵埋班friends來食呢一間，在餐廳點了$50芝士牛肉意堡，$43香草雞扒漢堡，$43卡邦尼意粉，每款+$13升級做套餐仲有一款小食同飲品，仲加左個雞軟骨同薯條，埋單約$200左右，即叫即整，份量都算多，既便宜又飽肚，薯條夠粗身夠熱夠香脆，牛肉有少許肉汁，包亦烘過，但由於他們是開放式廚房，坐位亦都近佢地個廚房，然而堂食會稍微感到有點熱，總體質素不錯，係一間性價比幾高的餐廳

今日同朋友經過觀塘區，岩岩下午茶時間，我哋就搵吓有冇新餐廳試吓。最後係OpenRice 搵到「意堡」，見佢相裝修得幾靚，決定去試吓，估唔到有驚喜！都算易搵，喺宜安街街市同財利大廈中間條斜路一上去就係。裝修得唔錯，有張吧枱仔，夠闊落，都坐得舒服，背後嘅水泥牆同展板亦有特色。餐牌方面，選擇都好多，有漢堡，有意粉，有飯，仲有唔少特色小食，價錢都幾經濟實惠。今日我就叫咗個 黑松露汁蝦仁扁意粉 試吓。黑松露汁蝦仁扁意粉 ($50)蝦仁大大隻，意粉份量足，非常濃郁嘅黑松露汁，帶點Creamy 但唔會滯，老闆話係自己調配嘅醬汁，唔係一般街食得到。再配搭洋蔥、菇菌同蒜蓉，非常惹味，食唔停口！朋友食咗個大啡菇漢堡都話唔錯，下次黎 「意堡」要試埋佢個雞扒漢堡先得，仲有個無骨海南雞飯都好吸引，$33好抵，唔知係點呢。

今日有工作係身要經過觀塘宜安街，做完嘢嘅時候已經過咗2點，一於上網睇睇附近有乜嘢食，就發現咗呢間啱啱新開嘅意堡。地方都算易搵，喺宜安街街市附近，轉入去內街就見到。大大個餐牌擺喺外面，價錢亦相當相宜。餐廳係open kitchen，坐落都幾舒服，諗咗一陣，叫咗個香草雞扒漢堡，加$13就有一款小食同飲品，小食就揀咗七味粉蒜香單骨雞翼。另外由於比較肚餓，叫多咗一款小食沙嗲雞髀肉串。香草雞扒漢堡包係輕輕煎過，更加香口，而雞扒肉質好滑，配上醬汁，味道好好，值行一試。七味粉蒜香單骨雞翼有4隻，數量足，好入味，單骨食落亦都方便。沙嗲雞髀肉串啖啖肉，秘製沙嗲味好出，值得一試。下次大家經開觀塘都可以嚟試一試，價錢唔貴，食物好食。

其實佢嗰個位係非常之隱蔽，有時行過左都會唔覺，因為佢擺咗個易拉架出嚟先至見到，覺得好得意又有海南雞飯又有意大利粉，仲有漢堡包！間鋪喺巷仔入面，跟住行到入去先發覺係一間好文青風嘅小店，裏面得兩個staffs, 設計好簡潔，嘢食上菜速度都好快，我地試咗漢堡包同埋海南雞飯，質素都OK，漢堡包塊和牛好Juicy, 海南雞啲姜蓉都好正，另外佢都有啲自家檸檬薏米水，同埋小食價錢都唔貴！最重要係店舖嘅音樂好啱聽，成個氣氛好舒服，可能新開無乜人知，我見得外賣客，大家可以去試下，下次我想試埋意粉。