意堡

今日安排咗狗狗去沖涼剪毛，期間起碼都要等再個鐘到，這段時間同男朋友去附近食個午餐，邊食邊等🙌穿街過巷左10分鐘，見到這間漢堡包小店《意堡》店舖座位唔算多，裝修簡單但是整齊企理，店舖外牆用水泥製作 ，再掛上展示板，有種似外國漢堡包外賣店的style！店主是一個年青人+年青人媽媽～Aunt一跟煮一路跟我們細説往事，原來Aunt年輕時好叻，幫一間大集團打工左幾十年，煮西餐有數十年經歷，絕對稱得上係師傅級👍芝士牛肉漢堡$52✨牛肉都厚身，仲好juicy ✨飽會係爐上烘一烘，食落脆口卡邦尼扁意粉$46✨份量超多，意粉軟硬剛好✨芝士味濃，但醬汁比較杰身肥牛金菇串$14✨配上黑椒煎香味更出，而且金菇食落爽口飲品可樂$7紙包飲品$5另外：店舖有一隻七個月大貓店長叫🐱豆豆，好可愛又好親民～另外店主都是一個貓之人，我們不是談及養貓之道！📍觀塘宜安街1-7號財利大廈地下🚇牛頭角站A出口⏰11:00-21:00…查看更多

作為觀塘人既我，都係近排先聽屋企人講呢頭有間好食既burger店，佢仲有意粉同飯賣。最正係有隻超可愛既貓店長"豆豆"，好痴人😍💕不過佢個位置都幾隱蔽，正宗“隱世”小店。🤭小店就無乜位坐，我諗最多只可以坐到6個人，應該係做外賣生意多，始終街坊客比較多。😄佢個座位設計就係一個bar枱，你可以望到老板整墅食，感覺幾似食鐵板燒，幾有趣😂我同男朋友今次就食佢既burger餐，價錢係街坊價，但質素就好高，性價比好高。我覺得老闆係揀食材方面做得好好，控制火喉都好好，自己整就成日燶。😂和牛漢堡 ($72)和牛質素唔錯，來貨應該唔差，老闆煎到好香口，肉汁好夠。🤤個飽又烘左下，好夠脆。推介！黑松露醬大啡菇煎蛋漢堡 ($47)好鍾意食個大啡菇，好香口又爽口，菇味重。同個黑松露醬好夾👍🏻沙爹雞髀肉串 ($14)雞肉好滑，肉汁都鎖得住，唔會覺得亁。😆七味粉蒜香單骨雞翼 ($22)好好味，個皮夠脆，肉質夠滑，個蒜香味都好突出。😋黑松露醬配粗薯條 ($25)薯條炸得好脆，來貨唔錯，個薯味都有。😁自家製檸檬薏米水 ($7)好有心，亦都好好飲附送幾張可愛貓貓相😍…查看更多

今日去左觀塘角落漢堡包店～意堡～， 休休閒閒嘆個下午茶。簡單的小店加上老闆用心造既美食，真係好開心。仲有個可愛既店員招呼我地，QQ。和牛漢堡，肉味香濃，食落好juicy。煎香既 麵包夾上豐富既饀料，芝士、新鮮沙律菜同番茄片配上黑松露沙律醬，正 。自家製豬頸肉包，厚厚既豬頸肉充滿薑蓉香，豬頸肉又好咬口。除了漢堡之外，意粉同飯既選擇都好多，都係好抵，海南雞飯$30 就食到，加$14仲有野飲同小食。呢度小食都好多款揀，樣樣都吸引，心大心細就叫多幾款，單骨雞翼、雞脾肉串、雞軟骨、墨魚肉同黑松露薯條。 成個炸物拼盤，雞軟骨好香黑椒味，墨魚彈牙仲有濃濃既芝士香，薯條調過味點埋黑松露醬，食唔停呀。飲埋自家制檸檬意米水，清熱解渴。…查看更多

外賣自取，去到講咗聲網上外賣平台+ 單number，佢可能真係以為我係送外賣嘅，態度好冷漠，無尾音講咗句:等等！ 嘢好唔好食同態度其實無關係，我都係是但揀間小店嚟叫，即管試吓嘢食好唔好！叫咗一個芝士牛肉漢堡、一個黑松露醬大啡菇漢堡，菇堡第一啖嘅感覺係「個醬唔夾」，其餘配料無調味加工，只係靠個醬嘅味！朋友食嘅芝士牛堡，佢覺得口感唔似牛😂，呢部分我都唔明佢講咩？但同樣覺得個醬唔啱。唔可以話好唔好食，只係同樣嘅漢堡，有好多小店做得更好，而價錢只係多5-10%左右。小店有小店經營嘅難處，但同樣小店無連鎖嘅優勢，更加要係經營、食物品質上更用心。須知道小店並不能當成支持的原因；做得好的小店才是。…查看更多

因為下午我已經飲咗台式飲品夜晚就唔想食咁多嘢 決定去意堡買個包。 隔咗一段時間再去， 餐牌好似差唔多" 有啲在意嘅係🙈店員係準備食物嘅時候冇戴口罩🙉 觀感其實不太好🙉👉🏻芝士和牛漢堡雖然賣相一打開會覺得漢堡唔太大個， 但係食落肉汁好多✨塊漢堡肉亦都好厚✨一路食到我覺得好juicy驚住啲汁會漏曬出嚟🐒 漢堡肉調嘅味道亦都唔會太鹹，食落都好滑🐰漢堡肉得 唔會蓋過番茄嘅酸甜，芝士嘅鹹香，生菜嘅清爽🐰✨✨✨…查看更多

有時lunch time想食意粉，但cafe郁啲都收你過百蚊碟，真係唔捨得食。呢間餐廳個位好僻，唔係有心搵，應該唔會撞左入去食。搵上佢係因為一碟意粉先60$左右，滿足到想食意粉，又唔想一個人去 cafe。-卡邦尼扁意粉+雞翼+薏米水雞翼炸到好香脆，加埋炸蒜，好香口。意粉質地做得比想像中好，雖然配料係簡單嘅煙肉片、洋蔥等，唔係傳統生蛋黃個種，但味道都幾好，醬汁夠creamy，解到意粉癮。薏米水少甜，飲落幾舒服。…查看更多

又發現一間小店😝 仲有少驚喜位於內街巷仔入面店內坐位唔多大約六個左右豬頸肉漢堡 大大塊豬頸肉好juicy 唔會好鞋👍價錢都唔算貴 $60左右另外無咁大個口，可以叫老板幫手切一半先🙈黑松露汁蝦仁扁意粉 重口味的我..我加左好多芝士粉😝四十幾蚊一碟意粉黎講都無咩挑剔係有種家居人情味道!最最驚喜係炸物小食炸雞脾肉串，雞軟骨，單骨雞亦佢個炸漿調得好, 又脆又好味🤤🤤此小店價錢貼地,性價比高食既真係人情味👍👍👍…查看更多

話說要去裕民中心攞件，而呢間之前都想幫襯，見近近地所以支持下小店。首先望下餐牌，見海南雞飯$33幾平喎，所以就點咗。入到去見到個應該係老闆嘅男人㩒緊電話，咁跟住戴返口罩，冇洗手就筆飯同湯，咁我諗住算啦，都係盒外面啫，佢媽斬雞時都有係咁意洗下手。之後佢話$35，我心諗係咪外賣加$2，所以問多次，跟住佢話加咗價，原來出面兩個牌，一個改咗一個冇改，而我淨係睇到冇改果個。其實你改咗價錢，兩個餐牌都show出嚟畀人睇，有乜理由改一個唔改一個。同埋佢整得open kitchen，衞生一定要好好睇睇做畀人睇，成個過程我睇哂，我發現個盒蓋墊咗喺個盒底，個盒畀佢摸過哂，我唔明點解個蓋要墊喺底🤦🏻‍♀️同埋所有汁倒哂落碗飯，好多汁，成碗飯都係鼓油我已經食唔出油飯係咩味，總之試一次就夠。…查看更多

小編今日係附近開完工又係醫肚時間，而去到巷仔入面發現咗一間隱世漢堡包，而且價錢平😳。餐廳雖小逼狹，但裝潢環境都唔差，感覺企理，除左打橫一張Bar檯，入面都仲有一張四人檯架😌。✦✦✦✦✦✦✦✦✦✦✦✦✦✦🎈黑松露醬大啡菇煎蛋漢堡 $45大啡菇非常Juicy，食到小編成手都係水，非常尷尬😧。黑松露醬感覺唔太入味，煎蛋仲有蛋黃流出🥚，驚喜十足，非常吸引。入面原來仲有蕃茄🍅，每啖都好有甜味，材料豐富，性價比好高，只係$45。 ✦✦✦✦✦✦✦✦✦✦✦✦✦✦🎈忌廉芝士汁配炸墨魚肉 $30大件炸墨魚肉  大約有4-5塊，原件咁夾嚟食少有😋。 而且唔係好多炸粉，咁大件真係全部肉嚟 墨魚肉彈牙，有咬口，香口🤯。✦✦✦✦✦✦✦✦✦✦✦✦✦✦總結：觀塘一帶非常多性價比高既餐廳，而今次小編食既呢間餐廳大份又抵食👏，座位雖然唔多但夠哂實用。可能巷仔唔太多人會經過，但細心去搵會搵到值得再試既餐廳👀。…查看更多

雖然寫喺宜安街，但係要喺喺臨到宜安街街市傍嘅斜路上。家庭式小店，應該是一對母子經營。牛肉漢堡，合格以上，包有煎香過，入面主要係黑椒調味，整體不錯，肉汁頗多，夠juicy。另外嗌咗雞扒漢堡，都係黑椒調味，如果唔鍾意黑椒味嘅朋友要留意下。隻包同牛肉漢堡唔同，雞扒漢堡係用甜包。細節上幾有心思。雞扒好大塊+煎得香。同埋有樣野幾細心，用嚟包著麵包塊牛油紙係另外上，唔會一返到去就濕晒，值得加分。跟餐金菇肥牛串，又係黑椒調味，不過有啲重手，唔食得辣要抹走咁啲。一串三件，幾抵食，味道正常。另外嗌咗個黑松露沙律醬薯條，呢個反而有啲貴，$25但都幾細包。薯條加咗七味粉點綴，本身幾好，但隻黑松露沙律醬有啲頹，隻沙律醬本身質地麻麻。總結，合理價錢，味道中上，有機會會再試下其他款式。…查看更多

今次有觀塘地膽帶路😎，捐窿捐罅去咗呢間漢堡包小店，聽講話呢間漢堡包唔錯喎🍔！位置的確好隱蔽，只有幾個吧檯位同門口坐位，餐點即叫即整熱辣辣，又發現多一間隱世美食店🔍！————————————————👅 自家製豬頸肉漢堡（套餐$73）👍🏻落單嗰陣掙扎緊嗌芝士牛肉漢堡定係豬頸肉漢堡，一於試吓少見啲嘅豬頸肉漢堡🐽。厚身豬頸肉好多汁水，比較粉紅色，主要味道係千島醬，麵包都有烘烤過👍🏻加$13可以揀一款小食同一款飲品🥤，七味粉蒜香單骨雞翼同檸檬薏米水都okay———————————————— 🚩總結：口耳相傳好重要‼️———————————————— 🌟注意：餐廳門口唔係宜安街兩邊，而係宜安街市右邊嘅一條小斜路入面⤴️，行上兩步就見到————————————————📍 意堡地址：觀塘宜安街1-7號財利大廈地下F2號舖.🗺地區：#bem觀塘📥分類：#bem快餐💰人均消費：#bem_51至100蚊…查看更多

Tried a squid spaghetti and fried chicken rice in tomato sauce, plus cups of mushroom soup. All good. Will be back for more~意粉同個飯好味又抵食，肯定會再幫襯 👍🏼…查看更多

🔅意堡尋日突然心血來潮想食意粉，咁就比我行行下，比我搵到呢間意堡😚有驚喜嘅意粉🤫🏆卡邦尼帶子煙肉扁意粉 佢呢個意粉出色！首先佢有好濃嘅芝士味啦，但食落去唔會好似你出面d餐廳咁，食幾啖就會比佢個汁「漿」住個咀，之後就唔想食！相反，可能因為佢入面加埋一條條切咗絲嘅雞髀菇同洋蔥，食落去個陣有唔同層次嘅口感🤩🚩卡邦尼帶子煙肉扁意粉（套餐）$68 咁佢有分套餐同單點，咁套餐會包一份小食同一杯飲品‼️「小食有炸雞翼、金菇肥牛串同沙嗲雞髀肉串」咁我跟餐就叫咗炸雞翼啦，咁佢係單骨雞翼嚟嘅🥇講真佢隻雞翼炸得非常之岩岩好🤩皮脆肉嫩🤫加上佢外層再用咗D七味粉吊味，真心好食😋💂🏻‍♂️胡迪警長提提你，因為佢個七味粉都真係偏辣嘅，如果唔食得辣嘅人，可能睇下可唔可以要求少D辣粉，但個人認為‼️呢種辣度再配埋個卡邦尼意粉個忌廉芝士汁，係完全可以中和番個種辣味，我覺得呢個配搭係超級好味😂咁我今次係外賣啦，就無試過堂食，但你問我呢，我行到番屋企都10分鐘到路程啦，但番到去食都唔會話硬哂變咗做麵餅，仍然可以係一搞就鬆開嘅意粉，加上佢雞翼就算拎到番屋企食呢，都keep到脆，唔會話淋咗！呢間絕對係會再食過嘅‼️咁同埋價錢講真唔貴啦，出面閒閒地高水準卡邦尼意粉一碟都$60幾啦😎😎但呢間$68仲要有埋小食同飲品，重點係成個餐都高水準‼️‼️‼️值得一試🤩🛖觀塘宜安街1-7號財利大廈地下F2號舖⏰11:00-21:00味道：4/5環境：N/A服務：N/A衛生：N/A價錢：4/5…查看更多

住得頗近嘅我係已經嚟過幾次呢間嘅小巷店仔 - 意堡，一間是但點一樣嘢食都唔會令我失望嘅餐廳🤤次次都有叫呢度嘅juicy漢堡，差唔多款款都試勻晒，加配嘅套餐有小食同飲品（除咗罐裝汽水 重有自家製嘅薏米水 ！必然之選！！），加埋佢即叫即炸、超級惹味嘅小食，夏日熱辣辣飲埋佢嘅清涼薏米水 真心正嘅下午茶！.有食神嘅呢一日（咁啱！）食食吓老闆夾咗2件和牛嚟 外脆內軟 切到啱啱好嘅厚薄 原來係佢客人送佢嘅 又係不得之了🥰好有人情味…查看更多

.睇開我食評 就知道我最鍾意食就係雞啦🤭今日黎到意堡 第一樣都係揀雞🥰即刻同老闆叫咗個雞肉漢堡.佢個雞肉漢堡塊雞肉真係超級大！超級厚！真係啖啖肉！食到我舔舔脷！好好味！.加咗$13轉餐 就有嘢飲同埋小食小食我揀咗單骨雞翼（又係雞！）野飲我就揀咗檸檬薏米水😆.呢間意堡係一間小店 入面得吧枱 大概可以坐5-6個人可以望住老闆整漢堡😙香噴噴咁等食 超級期待😚.🥢#意堡 📍觀塘宜安街1-7號財利大廈地下F2號舖.…查看更多