意堡

營業中

休息中

其實佢嗰個位係非常之隱蔽，有時行過左都會唔覺，因為佢擺咗個易拉架出嚟先至見到，覺得好得意又有海南雞飯又有意大利粉，仲有漢堡包！間鋪喺巷仔入面，跟住行到入去先發覺係一間好文青風嘅小店，裏面得兩個staffs, 設計好簡潔，嘢食上菜速度都好快，我地試咗漢堡包同埋海南雞飯，質素都OK，漢堡包塊和牛好Juicy, 海南雞啲姜蓉都好正，另外佢都有啲自家檸檬薏米水，同埋小食價錢都唔貴！最重要係店舖嘅音樂好啱聽，成個氣氛好舒服，可能新開無乜人知，我見得外賣客，大家可以去試下，下次我想試埋意粉。