意堡

營業中

休息中

今日有工作係身要經過觀塘宜安街，做完嘢嘅時候已經過咗2點，一於上網睇睇附近有乜嘢食，就發現咗呢間啱啱新開嘅意堡。地方都算易搵，喺宜安街街市附近，轉入去內街就見到。大大個餐牌擺喺外面，價錢亦相當相宜。餐廳係open kitchen，坐落都幾舒服，諗咗一陣，叫咗個香草雞扒漢堡，加$13就有一款小食同飲品，小食就揀咗七味粉蒜香單骨雞翼。另外由於比較肚餓，叫多咗一款小食沙嗲雞髀肉串。香草雞扒漢堡包係輕輕煎過，更加香口，而雞扒肉質好滑，配上醬汁，味道好好，值行一試。七味粉蒜香單骨雞翼有4隻，數量足，好入味，單骨食落亦都方便。沙嗲雞髀肉串啖啖肉，秘製沙嗲味好出，值得一試。下次大家經開觀塘都可以嚟試一試，價錢唔貴，食物好食。