悅滿軒

慶祝生日週，多謝表姐請客，餐廳位於美孚饒宗頣文化館，文青打卡熱點及婚照景點。內有紅磚屋，展覽及市集，仲有一間Cafe沿路行到餐廳時都嗅到咖啡香。。。餐廳提供法式+意大利菜式，室內環境顔色設計舒適。但當日實在太多客人，所以都幾嘈雜！餐廳提供Lunch Set $118-$178及Deluxe Lunch Set $498-，我哋小試牛刀就點選了午餐。紅菜頭湯主菜分別：烤法國黃油雞、碳烤澳洲羊扒、燒澳洲牛扒10安士烤法國黃油雞：就係一隻普通嘅燒雞，冇香味。元朗Brother 5個黑松露烤雞香滑好多，價錢都係差唔多！燒澳洲牛扒10安士：唔知係咪因為柯打咗7成熟，對於嗜血嘅我覺得太熟嚕！不過唔計生同熟，呢塊扒都唔係靚！碳烤澳洲羊扒：如果相比烤雞及牛扒，呢個羊架比較好。總結：環境優美？唔係食物水準？唔係咁好好多餐廳午餐收費都係咁上下價錢。但冇一道菜可以令人有深刻印象，有回味感覺。所以都唔係好滿意！我講完喇。。。。。。

今晚來到美孚，晚餐揀了食西餐，於是來到這間饒宗頤文化館的悅滿軒。要了個廚師推介的法國泥蟹湯$78，湯底帶濃厚的鮮蟹鮮味，口感幼滑香甜，非常特色的西式濃湯味道！餐廳還贈送麵包，點上法國泥蟹湯，麵包腍中帶點脆，吸收了濃湯，非常美味的特色西餐味道。香煎日本帶子配牛油果沙律/熱情果汁$138，帶子很新鮮，外表煎得微微金黃，味道鮮甜帶香，配上沙律很清新！蟹肉意粉 南瓜汁$239，蟹肉意粉上枱，見到都覺得有點驚喜，見到面上放著一整個的經燒過的蟹鉗，意粉味道意外的好味，意粉煙煙韌韌，帶少少甜的南瓜汁味道，很有特色，蟹鉗經燒過，顯得特別濃郁及鮮味！！龍蝦尾海膽意大利飯$298，也是令我很驚喜，一整條的龍蝦尾，肉質爽彈鮮美，海膽配上煙韌的米飯，非常香及有口感，濃郁的海膽鮮香味，現在還令我感覺回味！

今次係第三次食呢間餐廳，見佢又轉咗menu就嚟再食😂飲咗兩次泥蟹湯，今次轉一轉口味試下個雞清湯。一上枱好有fine dinning嘅feel，中間有舊紅蔥酒啫喱同埋鮑魚。個雞湯倒出嚟個下已經聞到好大陣香味，加埋個酒啫喱，飲落去清甜得嚟又有少少酒香味，可惜嘅係隻鮑魚太細😂 飲開泥蟹湯咁濃味嘅湯，間唔中轉飲清湯都唔錯。上次試咗個意大利飯幾好，今次再試另一款，烤西班牙八爪魚腳配辣肉腸蕃茄汁燴意大利飯。 一上枱就見到好大隻八爪魚腳，但食落又唔會好韌。個飯就少少辣辣地同酸酸地，唔係好食得辣嘅都接受到，幾醒胃。龍脷柳就成日見，龍脷魚就好少成條咁食，見到呢到有，就試一試。首先，條魚嘅份量好夠，好大條😂 魚肉啱啱好熟，輕輕一夾就甩出嚟，再加埋個檸檬汁，酸酸地幾好味。本身諗住個菠菜係伴碟咁得少少，點知係成條魚下面都係😂最後係食菠菜食飽，搞到甜品都冇食

難得又有機會黎到饒宗頤文化館，不如今次試下隔離間法國餐廳!餐廳位於美孚新邨後山既 #饒宗頤文化館 入邊，前身係醫院既文化館，位於半山之中，環境相當清幽，除了有文化館，不時舉辦各種展覧市集，山頂都有酒店，過一個 #staycation 應該唔錯。這家走法式風格的小餐館，總是有一種和鬧市不一樣，恬靜和舒適的感覺。下單後就會有餐包，外層香層水層卻不失柔滑。紅頭菜醃製三文魚配青瓜魚樂無花果黑醋汁 ($158) Beetroot gravlax salmon w/ Tzatziki Cucumber, Fig balsamic sauce (HKD158)塔斯曼尼亞三文魚。紅菜頭。青瓜乳酪。無花果黑醋汁 Tasmania Salmon, Beetroot, Cucumber Yogurt, Fig Balsamic三文魚頭盤，唔好睇少呢幾草野，高質香滑有松露，既香又滑。自家製意粉配蟹肉。里考塔芝士。南瓜汁 ($238) Spaghetti with crab meat. Ricotta cheese. Pumpkin Sauce (HKD238)自家製意粉。蟹肉。里考塔芝士。南瓜汁 Home m

上次黎美孚的饒宗頤文化館已經係擺市集嗰次，上次食過lunch set食物精緻，心動揾日黎試試個晚餐！進去文化館之後經過一個一個紅磚屋，搭升降機上一層便能到達餐廳。此文化館是是九龍區少有的特色建築物，恍惚去了近近地的小旅行，享受大自然的寧靜。有興趣的話可以到旁邊的文化旅館翠雅山房staycation，應該不錯！我們6點半準時到達入座，餐廳內已經坐滿了一半人，很多家庭聚會，也有拍拖情侶！好奇大家好識得揾好野食！落單後店員遞上蕃茄麵包配牛油，番茄乾微酸開胃，麵包軟熟，幾好食！自家製意粉配蟹肉·里考塔芝士·南瓜汁 Spaghetti w/ crab meat. Ricotta cheese. Pumpkin sauce （$238) 絕對是色香味區全的一味餸菜！上菜時蟹香香味四溢，令人食指大動。醬汁是南瓜汁，切碎的南瓜粒和南瓜蓉拌勻意粉。很出色的地方是南瓜汁和蟹味無論是顏色還是味道上都很搭，醬汁蟹味非常濃郁，估計是下了蟹膏或是煮蟹時的精華拌在醬汁內。他們也加上洋蔥味作提升，食後隔了良久口腔仍有蟹肉餘香。而意粉方面，如菜名一樣是自家製的手工意粉，質地非常有咬口，卷卷的形狀令南瓜汁都掛在表面，每一

美孚地鐵站A出口行天橋唔使5分鐘就到係活化文化館二層 隔離做緊海洋展覽餐廳格局光猛 座位闊落坐得好舒服食物質素頗高 用料優質擺盤又靚整體用餐體驗都對得住佢既價錢$338 美國安格斯肉眼扒 12安士呢塊 Angus Steak質素幾好叫左 medium rare肉質夠淋又帶甜 油脂位恰到好處 幾滿意塊牛扒配菜燒車堅茄大大粒飽滿多汁差d 爆出嚟$258 法國油封鴨脾配南瓜燴薏米鴨脾外層酥脆而肉嫩呈絲狀 係一碟好高分既完成品鴨肉帶有濃沃嘅香草味 連皮食真係一種享受薏米既Q彈意外地配合 中和鴨皮既油感完全不膩成碟都落足心機烹調 即使識整都係留返去餐廳先食

一早聽過呢度，今次真係慕名而來，無揸車來，要花D心思研究下條路點行上來，揸車嘅話第一次來都係要有少少冒險探路嘅精神先搵到路到餐廳正門，未開始食就開始玩左先嘅餐廳，因為要搵路行少少級先到到正門室內裝修係好外國風情，好摩登嘅設計，張櫈都好舒服，環境係好唔錯嘅一個地方，拍拖來係好浪漫嘅餐廳，而菜式都比較特別，嗌左出面好少見到嘅來試下🍽<麵包 Bread>拌湯唔錯，淨搽Cream食都好好味🍽<法國泥蟹湯 French mud crab soup>好特別嘅海鮮湯，同平時龍蝦湯嘅感覺有少少似，但唔係龍蝦湯嘅濃郁感，而係有泥蟹獨特嘅蟹鮮味，幾特別嘅一碗湯🍽<紅菜頭腌製三文魚配青瓜乳酪·無花果黑醋汁 Beetroot gravlax salmon w/ Tzatziki cucumber. Fig balsamic sauce>好健康嘅Starter，每片三文魚都有被染上紅菜頭嘅獨特紅同味道，色味都上左，配上無花果黑醋汁同青瓜薄片，清新嘅配搭🍽<蘋果木煙燻西班牙乳豬 Apple wood smoker Spain sucking pig>

''悅滿軒''傳統中式餐廳店名，原來卻是法國餐廳，其他非常有格調位於荔枝角饒宗頤文化館內！藍白格調，店員服務好細心環境有情調同外面山景林徑相映照😌揀咗餐湯-法國泥蟹湯，香濃，濃稠適中，口感好滑，仲有絲絲蟹肉，yummy🥰🥰自家製意粉配蟹肉 里烤塔芝士南瓜汁份量好多自家製意粉，好柔韌性，清香嘅南瓜配蟹肉好match👍焗酥皮蘋果卷小雲呢拿雪糕超級靚，打卡一流！酥皮牛油好香雪糕一齊食，雙重口感🤩好滿意！環境 食物 服務都中上，人均二百幾蚊，絕對推介😉

很久沒有跟我家小豬🐷（我弟！）單獨食飯，所以選了離我家不遠，饒宗頤博物館內的法國餐廳。坐下不久，職員便會送上麵包。麵包內有些提子乾，微甜，麵包皮很脆。麵包讓我們有一個好印象，感受到餐廳的質素。Spaghetti with Crab meat, Ricotta Cheese, pumpkin sauce($238)南瓜汁十分濃稠，每條手工意粉都能沾上南瓜汁。南瓜汁是鹹甜的味道，加上香口松子，還有Ricotta Cheese令意粉更順滑，充滿層次感。US Prime Hanger 12oz($318)我家小豬🐷是食肉獸，當然要讓他決定吃什麼肉。他選擇了外面較少能吃到的牛腹肉五成熟。牛肉味香濃，肉質軟糯。除了牛肉，🐷還很欣賞grill過的蕃茄🍅和蒜頭🧄，食肉獸都默默將配菜放入口😆。比起浪漫的法國餐廳，我覺得這間餐廳有種歡愉的氣氛，很適合一家大細來聚一聚🥳

一試難忘宗頤文化館嘅浪漫氣氛，再訪發現人流多咗好多，果然係有麝自然香。澳洲藍青口配白酒忌廉汁 ($158)青口好新鮮，忌廉汁勁惹味，一路食一路忍唔住狂飲啲汁。 真心想讚伴碟嘅麵包條超好味，蒜味好香，點唔點汁都好正。龍蝦尾海膽意大利飯 ($298)原隻龍蝦已經起咗肉好方便，超級新鮮彈牙，煎到好香口。 上次黎食過手工海膽意大利麵，今次個海膽醬都係一樣咁濃厚，不過個人覺得同意粉比較夾，如果有龍蝦海膽意粉就好喇。蘋果木煙燻乳豬 ($318)乳豬係encore之選，而家堂食仲放多次係爐上面即場煙燻，淨係呢個服務已經值回票價。 乳豬大大件好入味，肉質嫩滑多汁，皮脆唔油膩。

呀媽生日緊係要搵間靚餐廳同佢撐枱腳啦，氹下佢開心，你點會估到文化館竟然有間好有格調既西餐廳，而且性價比好高，我中意佢餐廳環境好乾淨，燈光充足，後欄都好企理所以食得好安心👍👍每枱客人都有餐前包，佢唔係平時既牛油，係香少少有啲香草味咁，麵包亦都係軟熟既穀物包❤️❤️主菜我揀左菠菜貝殼粉配鑽石蜆，蜆肉份量好足夠，而且鑽石蜆好大隻，佢地自家製既菠菜貝殼粉口感好煙韌，有咬口，煮既軟硬度恰好，菠菜忌廉汁好creamy，拌曬全碟粉都得❤️❤️呀媽則揀左南瓜汁蟹肉意粉，賣相吸引，有2隻大蟹鉗大大啖肉，蟹肉香甜，南瓜汁加埋少量既忌廉撈埋一齊好好食，意粉出奇地有啲海膽既鮮味唔知點解🤣可能因為新鮮蟹肉既緣故🤣🤣菠蘿汁都幾好飲，熱辣辣最啱叫返杯凍飲，refresh下成個人，菠蘿味酸甜度都啱啱好👍👍

經過美孚之後 左轉上青山公路不到一分鐘就見到右邊有十多個泊車位的饒宗頣文化館 但見到所全部車位都已經被扣上膠鏈 又冇人出嚟招呼。自己行上去閘口保安亭查詢。見到個個呆若木雞的保安施施然行出嚟。看著我們又沒有任何表示。唯有主動去同他是否可以泊車。他只是很冇禮貌地漫步去放低其中一個車位的膠鏈 完全冇出聲通知我們怎樣做😡😡😡😡😡好在上到餐廳有驚喜！以前曾經次是社企的輕食餐廳已經改變為意式餐廳🍴。 見餐牌個taste menu 竟敢收$498/人真係俾佢嚇親囉。好彩另一個lunch menu 就比較貼地室內設計風格及坐位安排尚算良好 食物亦算有物有所值。但另加的餅就太乾完全唔合格 反而🍋tart 尚算滿意

今日放假同朋友係美孚玩， 晚飯想搵間有情調嘅餐廳， 上網就搵到呢間悅滿軒， 西餐睇落都唔錯。餐廳位置於饒宗頤博物館入面，由美孚站行去都係十零分鐘，都算方便 。餐前麵包係蕃茄麵包， 酸酸甜甜，都為之不錯嘅餐前小食。1. 自家製意粉配蟹肉•里考塔芝士•南瓜汁 呢個意粉嘅口感煙韌得嚟，又有相當厚度，份量亦都十分足夠， 意粉本身亦都十分之掛汁。另外甜甜又濃稠嘅南瓜汁，配上絲絲嘅蟹肉，再加上表面嘅芝士，帶來多層次嘅味道，濃而不膩， 再加上兩隻剝殼大蟹鉗，令人回味。 2. 烤西班牙八爪魚配辣肉腸番茄汁燴意大利飯呢碟意大利飯一上菜嘅時候就十分之搶眼，茄紅色嘅意大利飯同埋黑色嘅墨魚汁脆片相影成趣， 再加上成隻手板長嘅八爪魚腳， 構圖十分豐富， 味道方面 ，整體酸中帶甜 ，濃郁嘅蕃茄汁同煙韌嘅白飯完美融為一體， 墨魚汁脆片嘅口感亦為煙韌嘅白飯加上一絲點綴 ，令到成碟菜色嘅平衡非常之好 。3. 阿拉斯加焗雪山 呢個甜品畀到好大驚喜畀我哋，因為一送到上嚟侍應就會點火，雪山表面嘅棉花糖就會微微燒焦， 觀賞性極高之餘又聞到味微嘅焦糖味。 棉花糖入面有焦糖味嘅海綿蛋糕，而最內層係雲呢拿味雪葩， 冰同熱嘅口感

.🔺悅滿軒第2次光顧呢間隱世法國餐廳🍴貪佢環境清幽 地理位置又方便😂.香煎帶子配牛油果沙律🥗帶子煎得啱啱好 沙律菜清新爽甜.香煎鵝肝配自家製鴨批🐧鵝肝外皮少少焦脆 食落冇咩鵝羶味👍🏻加埋無花果汁幾match!😼鴨批原來係啫喱狀嘅東東 同想像有D出入入口係creamy的🧐🧐.法國布列斯南腳雞卷配牛仔汁🐥有2大件雞 雞件肉質係比較實淨 香料醃製得幾入味！.炸番薯條🍟脆脆的香口小食 甜甜地 加埋蛋黃醬 無乜可以挑剔😗😙

朋友介紹我，早少少黎行饒宗頤文化館，感受下文化氣息，之後再黎悅滿軒食法國菜。店內用了藍白設計，舒適寧靜。員工好細心，見我朋友飲水既時候少少濁親，好快手咁遞上紙巾。食物方面，份量都唔少，擺盤賞心悅目，色香味俱全。自家制麵包-外脆內軟，一d都唔硬，麵包入面有香草同蕃茄乾，又香又惹味。洋蔥薯仔湯-香濃幼滑，啱晒沾麵包。香煎鵝肝配自家製鴨批-鵝肝外脆內軟，配無花果莎莎，中和左油膩感，鴨批質地實淨，唔會散修修。烤澳洲龍蝦尾配海膽燴意大利飯-海膽味濃，夠creamy，龍蝦尾超級鮮甜，好好吃！寶雲酥焗西班牙伊比利亞羊扒配自家製羊肉腸-羊扒好大件，羊肉腸超濃羊肉味，羊肉控唔好錯過。炒雜菌-用蒜蓉炒得都幾惹味。焗酥皮蘋果卷配雲呢拿雪糕-熱辣辣既蘋果卷同凍冰冰既雪糕可以話係絕配。