悅滿軒

美孚地鐵站A出口行天橋唔使5分鐘就到係活化文化館二層 隔離做緊海洋展覽餐廳格局光猛 座位闊落坐得好舒服食物質素頗高 用料優質擺盤又靚整體用餐體驗都對得住佢既價錢$338 美國安格斯肉眼扒 12安士呢塊 Angus Steak質素幾好叫左 medium rare肉質夠淋又帶甜 油脂位恰到好處 幾滿意塊牛扒配菜燒車堅茄大大粒飽滿多汁差d 爆出嚟$258 法國油封鴨脾配南瓜燴薏米鴨脾外層酥脆而肉嫩呈絲狀 係一碟好高分既完成品鴨肉帶有濃沃嘅香草味 連皮食真係一種享受薏米既Q彈意外地配合 中和鴨皮既油感完全不膩成碟都落足心機烹調 即使識整都係留返去餐廳先食

一早聽過呢度，今次真係慕名而來，無揸車來，要花D心思研究下條路點行上來，揸車嘅話第一次來都係要有少少冒險探路嘅精神先搵到路到餐廳正門，未開始食就開始玩左先嘅餐廳，因為要搵路行少少級先到到正門室內裝修係好外國風情，好摩登嘅設計，張櫈都好舒服，環境係好唔錯嘅一個地方，拍拖來係好浪漫嘅餐廳，而菜式都比較特別，嗌左出面好少見到嘅來試下🍽<麵包 Bread>拌湯唔錯，淨搽Cream食都好好味🍽<法國泥蟹湯 French mud crab soup>好特別嘅海鮮湯，同平時龍蝦湯嘅感覺有少少似，但唔係龍蝦湯嘅濃郁感，而係有泥蟹獨特嘅蟹鮮味，幾特別嘅一碗湯🍽<紅菜頭腌製三文魚配青瓜乳酪·無花果黑醋汁 Beetroot gravlax salmon w/ Tzatziki cucumber. Fig balsamic sauce>好健康嘅Starter，每片三文魚都有被染上紅菜頭嘅獨特紅同味道，色味都上左，配上無花果黑醋汁同青瓜薄片，清新嘅配搭🍽<蘋果木煙燻西班牙乳豬 Apple wood smoker Spain sucking pig>

''悅滿軒''傳統中式餐廳店名，原來卻是法國餐廳，其他非常有格調位於荔枝角饒宗頤文化館內！藍白格調，店員服務好細心環境有情調同外面山景林徑相映照😌揀咗餐湯-法國泥蟹湯，香濃，濃稠適中，口感好滑，仲有絲絲蟹肉，yummy🥰🥰自家製意粉配蟹肉 里烤塔芝士南瓜汁份量好多自家製意粉，好柔韌性，清香嘅南瓜配蟹肉好match👍焗酥皮蘋果卷小雲呢拿雪糕超級靚，打卡一流！酥皮牛油好香雪糕一齊食，雙重口感🤩好滿意！環境 食物 服務都中上，人均二百幾蚊，絕對推介😉

很久沒有跟我家小豬🐷（我弟！）單獨食飯，所以選了離我家不遠，饒宗頤博物館內的法國餐廳。坐下不久，職員便會送上麵包。麵包內有些提子乾，微甜，麵包皮很脆。麵包讓我們有一個好印象，感受到餐廳的質素。Spaghetti with Crab meat, Ricotta Cheese, pumpkin sauce($238)南瓜汁十分濃稠，每條手工意粉都能沾上南瓜汁。南瓜汁是鹹甜的味道，加上香口松子，還有Ricotta Cheese令意粉更順滑，充滿層次感。US Prime Hanger 12oz($318)我家小豬🐷是食肉獸，當然要讓他決定吃什麼肉。他選擇了外面較少能吃到的牛腹肉五成熟。牛肉味香濃，肉質軟糯。除了牛肉，🐷還很欣賞grill過的蕃茄🍅和蒜頭🧄，食肉獸都默默將配菜放入口😆。比起浪漫的法國餐廳，我覺得這間餐廳有種歡愉的氣氛，很適合一家大細來聚一聚🥳

一試難忘宗頤文化館嘅浪漫氣氛，再訪發現人流多咗好多，果然係有麝自然香。澳洲藍青口配白酒忌廉汁 ($158)青口好新鮮，忌廉汁勁惹味，一路食一路忍唔住狂飲啲汁。 真心想讚伴碟嘅麵包條超好味，蒜味好香，點唔點汁都好正。龍蝦尾海膽意大利飯 ($298)原隻龍蝦已經起咗肉好方便，超級新鮮彈牙，煎到好香口。 上次黎食過手工海膽意大利麵，今次個海膽醬都係一樣咁濃厚，不過個人覺得同意粉比較夾，如果有龍蝦海膽意粉就好喇。蘋果木煙燻乳豬 ($318)乳豬係encore之選，而家堂食仲放多次係爐上面即場煙燻，淨係呢個服務已經值回票價。 乳豬大大件好入味，肉質嫩滑多汁，皮脆唔油膩。

呀媽生日緊係要搵間靚餐廳同佢撐枱腳啦，氹下佢開心，你點會估到文化館竟然有間好有格調既西餐廳，而且性價比好高，我中意佢餐廳環境好乾淨，燈光充足，後欄都好企理所以食得好安心👍👍每枱客人都有餐前包，佢唔係平時既牛油，係香少少有啲香草味咁，麵包亦都係軟熟既穀物包❤️❤️主菜我揀左菠菜貝殼粉配鑽石蜆，蜆肉份量好足夠，而且鑽石蜆好大隻，佢地自家製既菠菜貝殼粉口感好煙韌，有咬口，煮既軟硬度恰好，菠菜忌廉汁好creamy，拌曬全碟粉都得❤️❤️呀媽則揀左南瓜汁蟹肉意粉，賣相吸引，有2隻大蟹鉗大大啖肉，蟹肉香甜，南瓜汁加埋少量既忌廉撈埋一齊好好食，意粉出奇地有啲海膽既鮮味唔知點解🤣可能因為新鮮蟹肉既緣故🤣🤣菠蘿汁都幾好飲，熱辣辣最啱叫返杯凍飲，refresh下成個人，菠蘿味酸甜度都啱啱好👍👍

經過美孚之後 左轉上青山公路不到一分鐘就見到右邊有十多個泊車位的饒宗頣文化館 但見到所全部車位都已經被扣上膠鏈 又冇人出嚟招呼。自己行上去閘口保安亭查詢。見到個個呆若木雞的保安施施然行出嚟。看著我們又沒有任何表示。唯有主動去同他是否可以泊車。他只是很冇禮貌地漫步去放低其中一個車位的膠鏈 完全冇出聲通知我們怎樣做😡😡😡😡😡好在上到餐廳有驚喜！以前曾經次是社企的輕食餐廳已經改變為意式餐廳🍴。 見餐牌個taste menu 竟敢收$498/人真係俾佢嚇親囉。好彩另一個lunch menu 就比較貼地室內設計風格及坐位安排尚算良好 食物亦算有物有所值。但另加的餅就太乾完全唔合格 反而🍋tart 尚算滿意

今日放假同朋友係美孚玩， 晚飯想搵間有情調嘅餐廳， 上網就搵到呢間悅滿軒， 西餐睇落都唔錯。餐廳位置於饒宗頤博物館入面，由美孚站行去都係十零分鐘，都算方便 。餐前麵包係蕃茄麵包， 酸酸甜甜，都為之不錯嘅餐前小食。1. 自家製意粉配蟹肉•里考塔芝士•南瓜汁 呢個意粉嘅口感煙韌得嚟，又有相當厚度，份量亦都十分足夠， 意粉本身亦都十分之掛汁。另外甜甜又濃稠嘅南瓜汁，配上絲絲嘅蟹肉，再加上表面嘅芝士，帶來多層次嘅味道，濃而不膩， 再加上兩隻剝殼大蟹鉗，令人回味。 2. 烤西班牙八爪魚配辣肉腸番茄汁燴意大利飯呢碟意大利飯一上菜嘅時候就十分之搶眼，茄紅色嘅意大利飯同埋黑色嘅墨魚汁脆片相影成趣， 再加上成隻手板長嘅八爪魚腳， 構圖十分豐富， 味道方面 ，整體酸中帶甜 ，濃郁嘅蕃茄汁同煙韌嘅白飯完美融為一體， 墨魚汁脆片嘅口感亦為煙韌嘅白飯加上一絲點綴 ，令到成碟菜色嘅平衡非常之好 。3. 阿拉斯加焗雪山 呢個甜品畀到好大驚喜畀我哋，因為一送到上嚟侍應就會點火，雪山表面嘅棉花糖就會微微燒焦， 觀賞性極高之餘又聞到味微嘅焦糖味。 棉花糖入面有焦糖味嘅海綿蛋糕，而最內層係雲呢拿味雪葩， 冰同熱嘅口感

.🔺悅滿軒第2次光顧呢間隱世法國餐廳🍴貪佢環境清幽 地理位置又方便😂.香煎帶子配牛油果沙律🥗帶子煎得啱啱好 沙律菜清新爽甜.香煎鵝肝配自家製鴨批🐧鵝肝外皮少少焦脆 食落冇咩鵝羶味👍🏻加埋無花果汁幾match!😼鴨批原來係啫喱狀嘅東東 同想像有D出入入口係creamy的🧐🧐.法國布列斯南腳雞卷配牛仔汁🐥有2大件雞 雞件肉質係比較實淨 香料醃製得幾入味！.炸番薯條🍟脆脆的香口小食 甜甜地 加埋蛋黃醬 無乜可以挑剔😗😙

朋友介紹我，早少少黎行饒宗頤文化館，感受下文化氣息，之後再黎悅滿軒食法國菜。店內用了藍白設計，舒適寧靜。員工好細心，見我朋友飲水既時候少少濁親，好快手咁遞上紙巾。食物方面，份量都唔少，擺盤賞心悅目，色香味俱全。自家制麵包-外脆內軟，一d都唔硬，麵包入面有香草同蕃茄乾，又香又惹味。洋蔥薯仔湯-香濃幼滑，啱晒沾麵包。香煎鵝肝配自家製鴨批-鵝肝外脆內軟，配無花果莎莎，中和左油膩感，鴨批質地實淨，唔會散修修。烤澳洲龍蝦尾配海膽燴意大利飯-海膽味濃，夠creamy，龍蝦尾超級鮮甜，好好吃！寶雲酥焗西班牙伊比利亞羊扒配自家製羊肉腸-羊扒好大件，羊肉腸超濃羊肉味，羊肉控唔好錯過。炒雜菌-用蒜蓉炒得都幾惹味。焗酥皮蘋果卷配雲呢拿雪糕-熱辣辣既蘋果卷同凍冰冰既雪糕可以話係絕配。

餐廳位於饒宗頣文化館入面，較為清幽遠離煩囂，餐廳播住柔和音樂份外舒適，和朋友慢坐傾下計都幾寫意。入住後店員先奉上麵包，熱辣辣岩岩焗起，脆卜卜好香蕃茄味。香煎原條龍脷魚配炒菠菜·檸檬牛油汁 $258龍脷柳魚原條奉上，肉厚肥美少骨，二人分享好滿足，加上龍脷柳魚下面舖滿厚厚菠菜，吸晒檸檬牛油汁，開胃又美味。寶雲酥焗西班牙伊比利亞羊扒配自家製羊肉腸·砵酒汁 $298賣相吸引，羊扒七成熟剛好，羊脂香濃一啲都唔騷，羊肉腸肉質鮮甜多汁，少有食到的口感，配埋砵酒汁非常夾。阿拉斯加焗雪山 $88蛋白打造焗雪山，落酒起火打卡一流，蛋白包住朱古力蛋糕及雲尼拿雪糕，冷熱交融完美配搭。

悅滿軒 (荔枝角)饒宗頤文化館估唔到位於饒宗頤文化館有一間咁有情調既法國餐廳入餐廳之前可以去喺出邊打卡啲燈都好靚，仲有向左走向右走的樓梯，仲可以欣賞餐廳旁邊的文化館。如果係食晚餐食完飯仲可以望下月色，原來上邊仲有一間酒店🏨，餐廳外牆係用紅磚，裏面由藍白顏色為主調，的確係有氣氛！🥢帶子牛油果沙律$138好鍾意呢個，好味道🥢美國頂級牛腹肉12安士$318好有牛味，擺盤仲好有心思🥢自製甜薯條$58呢個好多人叫都好好味仲送自家製餐包🌾用餐心情:食物味道不會太濃，上菜時間都快。呢度主要食環境，情侶非常適合過嚟，表白談心都幾好，一出到嚟黑孖孖都幾驚要捉住你行🤣好有情調，記住去向左走向右走樓梯打個卡呀，追女仔一流餐廳🥐地址：荔枝角青山道800號饒宗頤文化館H座味道👅: 7/10服務💁🏻‍♀️：8/10環境🌾：8.5/10人均消費💰：$200-300

已經第二次黎呢間餐廳啦！😍氣氛情調絕佳，食物又有質素，好適合慶祝/拍拖去喔～贈送餐包外脆内軟，充滿穀物嘅香味，配上橄欖牛油一齊食，味道就更上一層樓~自家製意粉配蟹肉、里考塔芝士、南瓜汁($238)香甜濃郁嘅南瓜汁，估唔到同蟹肉味道會咁夾！自家製扭扭粉煙煙韌韌，軟硬適中，每一條都沾滿有蟹肉嘅醬汁，所以每食一啖都覺得好滿足~另外意粉面頭仲有一隻煎香咗嘅蟹蚙，鮮甜而且啖啖肉，真係好好食！融化左嘅里考塔芝士令醬汁更加香濃，加埋脆脆嘅南瓜籽，口感層次相當豐富!寳雲酥焗西班牙伊比利亞羊扒配自家製羊肉腸、砵酒汁($298)呢個都超級好食！寶雲酥皮充滿香草味，同羊扒味道好夾，羊扒肉質嫩滑。自家製羊肉腸肉汁豐富，羊肉味超濃，鍾意食羊嘅朋友一定覺得好正！沾埋甜甜地嘅砵酒汁一齊食，味道就更加豐富~西班牙檸檬撻($68)好鍾意個檸檬餡夠曬酸，好醒胃，食到好飽再食都唔會覺得膩~外皮酥酥軟軟，充滿牛油香味，上面燒過嘅蛋白霜帶焦香，三者融爲一體，味道好balance！而且擺盤賣相仲好靚，見到已經好開心~

餐廳係文化館入面，環境舒適，有情調❣️幾適合打卡或者拍拖🍞番茄麵包 配黑水欖牛油點左餐之後會送上麵包，暖笠笠，焗到好香🤤 入口有驚喜，外脆內軟，平時唔係好鐘意食麵包嘅我都覺得好正😋！🥩美國頂級牛腹肉 12安士 $318牛腹肉叫左7成熟，脂肪比例較少，表面煎到焦香，入面仲略帶粉紅色😙 牛味好香，肉質鮮嫩，一啲都唔韌👍🏻 仲配有粗鹽，墨西哥青醬同埋黑椒蘑菇醬~ 個人就鍾意點小小粗鹽，提升味道之餘又食到牛原有嘅香味🥰🍅伴碟嘅蕃茄仔好甜好新鮮！仲有最驚喜嘅係伴碟嘅焗原粒蒜頭🧄 好香甜！軟滑又帶啲煙韌 🤤🤤🤤食完仲好想食！焗完之後香甜味蓋過蒜味，唔驚會殘留蒜味係口😮‍💨推介大家試下👍🏻🍝自家製菠菜貝殼粉配鑽石蜆，菠菜忌廉汁 $198鑽石蜆算大隻，本身以為得4隻蜆，但原來貝殼粉入面仲有唔少蜆肉🤩 菠菜忌廉汁濃厚，貝殼粉煙韌有咬口，入面仲裝住唔少汁😆 睇落貝殼粉嘅份量唔算好多，但食完發覺好飽肚😂

和朋友去了一間很特別的餐廳，這就是位於美孚青山道800號饒宗頤文化館H座的悅滿軒。悅滿軒有著一個很中式的名字，但其實是一間食特色彩菜的法國餐廳。夜餐廳位置更加是充滿文化氣息的，饒宗頤文化館裡。餐廳保持原始的外觀，內裏佈局很傳統歐陸的風情。而且店員服務相當盡心，殷勤有禮，很主動，讓人感到舒服。我們點了蟹肉意粉配南瓜汁，油封鴨髀配南瓜薏米。上菜之前餐廳送了自家製蕃茄餐包，配黑松露牛油，餐包烘得外脆內軟。蟹肉意粉配南瓜汁，非常creamy有，甜甜的南瓜味道， 意粉煮得軟硬適中非常好味。油封鴨髀配南瓜薏米，炸得皮好香脆，而且裏面油脂豐富，有點像德國咸豬手，但是改用了油鴨髀，有鹹香味，而南瓜薏米，甜甜的，口感煙煙韌韌，配上油鴨肶的鹹香和意大利黑醋醬，甜甜鹹鹹酸酸，味道層次豐富的法國菜。總結：悅滿軒的背景好有文化氣色，讓人感覺置身在歐洲的古宅裡，享用一餐特色的法國菜，是令人回味的一頓晚餐👍👍