悅滿軒

朋友生日，選擇左一間別具風味嘅西餐廳同佢慶祝，位於美孚，離地鐵站只需行大概10分鐘，極度方便！餐廳內環境幽雅，絕對係慢慢食嘢、飲嘢及傾偈嘅好地方！餐牌價錢合理，選擇多，有一啲item比較特別添！先奉上餐包，如果估計冇錯都係自家製嘅～另外，牛油方面都似係自己打嘅，又香又滑！自家製菠菜貝殼粉配鑽石蜆·菠菜忌廉汁～鑽石蜆非常飽滿，數量亦都頗多，甚至新鮮到有海水味！貝殼粉既質地比較有咬口同實在，係我喜歡嘅類型，當中貝殼粉嘅形態，剛好包裹着特製嘅醬汁，非常夠味！香煎原條龍利魚炒菠菜·檸檬牛油汁～龍利魚本身魚肉較為柔滑，非常易入口，搭上清新嘅檸檬味，簡直完美！而菠菜亦都非常出色，吸收晒魚同牛油嘅香味！甜薯蓉～淡淡的甜薯香味，正正係佢既原始味道，加上薯蓉細滑嘅口感，簡直一流！