快樂小羊火鍋餐廳

營業中

休息中

前排第一次跟朋友去過好回味，第二次與同事再次回味，今次遇啱聖誕節，一早訂定VIP房攪埋聖誕聚會，十個爐頭，可以一人一鍋，又衛生又方便，朋友中有人唔食羊肉，餐牌提供多種食材選擇，更加有其他熟食或燒烤食物，全店完全冇羊羶味，食物賣相與味道都👍，湯底味道濃又多款式，服務員態度友善，地方夠大又乾淨，比起其他火窩店，感覺好有氣勢，加上管理層人員熱情好客，令整晚氣氛笑聲滿載，朋友覺得選擇無錯，一定會有下次。

Overpriced, over rated. Awful service. 肉不够新鲜，要靠超级重口味的汤底来遮盖，吃过的最难吃的烤羊排又干又硬，没有味道，不新鲜。涮羊肉下锅就碎，服务人员让人感觉很丧，一个个如丧考妣，完全没有服务行业从业人员的态度。香港没有吃羊肉的地方，店大欺客，对大陆人不友好，快乐小羊改名叫丧羊好了，我们四个人花了2000多，最后吃一肚子气。永远不会再来了，而且会建议朋友和同事都不要来。差大陆和国外几条街，太差了

凍左即去快樂小羊打邊爐係我地最愛嘅火鍋店 ❤️呢度出名湯底夠晒味唔洗亦無提供混醬服務....🍲蕃茄、酸辣鴛鴦湯底 ：食過咁多次，覺得呢個係最佳配搭，蕃茄湯底可以直接飲，幾好飲🥩牛羊拼盤：呢度嘅肥牛幾好食🍡三色魚滑🐏燒羊肉串：由於同行有朋友唔食羊，平時會點個大羊架（超好味），所以今次轉食羊肉串，香料夠多，都幾好食🫔手工響鈴 👍🏻🌸手工雙丸🐡花膠、薯粉及菜籃(無拍照）....四個人，計埋折人均三百幾四百蚊賣單坐得舒適，食物賣相靚而又高質幫襯左兩年，仍然keep到水準👍🏻😋

我無去食 不過老婆約咗朋友兩個人中午去食 本來見佢食材都幾好 又多種類 我都想下次去食 不過老婆食到最後 竟然發現啲菜有蟲！當然即刻搵經理，佢竟然話處理過好多次咁嘅事，言下之意即係發生過好多次？ 佢話因為無農藥 所以就係咁…就算無農藥 咁係唔係基本都要洗乾淨先俾客人食啊？ 佢最後嘅處理方法，收埋碟菜 無收碟菜錢 （當然唔收啦 都無食到…） 就話身體有咩事就再黎搵佢哋… 我心諗身體真係有事就太遲啦吓話，就咁件事就不了了之我諗佢哋真係要好好諗諗 有發現就今次 無發現嘅都唔知有幾多次… 希望餐廳可以好好諗諗 係供應商問題 定員工清潔準備食材問題 當刻處理手法都好有進步嘅空間

I was really feeling the urge for lamb so decided to go to a place that serves everything, lamb.There's lamb skewers, roasted lamb shoulder and drumstick that jsut falls right off the bones, and of course, lamb hotpot. We got a bigass platter of lamb, beef and pork, another side order of lamb as well as ox tongue. Would definitely recommend sticking to lamb because the meats were so tender, the ox tongue however, was too rough regardless of the cooking time. Also, appreciate ordering through the

成班姊妹專登搵一日假放，食足早午晚餐去玩去癲真係好鬼爽！夜晚呢餐一行五人走去打邊爐，鴛鴦湯底襯埋一枱嘅嘢食大大碟嘅牛肉、唔同種類嘅菇、打邊爐唔少得嘅午餐肉同埋響鈴，真係食飽到捧住個肚走！

今日晏晝想打下邊爐,呢排天氣真係凍左好多!!搵下搵下就搵左快樂小羊!!因為佢午巿有68折, 好似幾抵!!呢個鍋幾正, 辣味湯果個有好多蒜頭同大蒽!!啱晒我鍾意食大味野!!另外果邊就係蕃茄濃湯, 用黎烚蔬菜類一流!!牛小排同羊肉賣相都好靚!!整得好有心機, 見到都食慾大增!!牛小排不過不失, 肉味都濃!! 好有牛味!!羊肉有少少散, 碌落果時好易散開晒!!不過味道都OK既!!另外叫左個韮菜餃, 好鮮味!!應該係自家包!! 有驚喜!!鴨紅唔錯, 煲完一輪都唔會散晒!!蟹子鬼馬油炸鬼, 口感特別,食落個口都卜卜聲, 又係要一試!!最後緊係要叫返杯生啤!! 降下火!!快樂小羊服務真係幾好!!會有人幫你不斷加湯, 加茶!!唔駛成人舉手叫人加!!證明服務員真係有留意你地每枱!!好抵讚, 坐得好舒服, 服務又好好!!

成日黎打邊爐食涮羊肉，今次一改傳統試一試佢嘅烤全羊，要預早一日訂，於電話中問了店員3個人食1/4隻就夠晒，所以我地訂了1/4隻。店員好認真咁樣問我地打算幾點食，因為要用大約一個鐘去燒。上枱時已切碎，味道都夠香，可惜溫度唔掂，只係微暖，仲諗住個店員咁認真咁問一定會熱辣辣添，可能我諗多咗。另外一提係1/4隻烤全羊比想像中少，所以叫多少少野。薄皮韮菜盒麻麻地，比較油，韮菜竟然唔夠香。蒙式烤羊棒骨做緊特價，$68一支，呢個幾正。

自從發生新冠疫情後，已接近兩年冇返過上大陸，有上過內地食羊肉火鍋或串燒，都應該會覺得喺香港火鍋店食嘅羊肉，好難食番內地果種味道，今次係由我個仔介紹到「快樂小羊」，午餐 OpenRice 訂位仲有68折，果然冇令我失望，絕對可以重拾以前食開嘅味道😍呢度有手機落單非常方便，首先點左個三拼火鍋湯底俾職員準備，包括麻辣、清湯及酸湯，然後就開始點埋其他火鍋料😚黎「快樂小羊」當然主打食羊，本身好鍾意食內地嘅烤羊串，所以先嚟每人一串「蒙式烤羊串」當前菜。羊肉串即叫即烤，每串有5-6粒羊肉，大大件又多汁，非常野味香口😋食烤羊及火鍋，有點可以冇啤酒，見到呢度竟然有1664生啤供應，叫左個2公升裝tap裝放喺台面自己浸，好過癮😂羊肉火鍋料我哋揀左「羊羊大拼」，裡面包左三個不同部位，已經忘記 Menu 提及部位，但係都冇乜所謂，反正兩個字「好食」😆因為我太太唔食羊，所以叫個「西班牙黑毛豬」俾佢，肉色花紋已經好吸睛，我食咗一兩片都覺得唔錯👍另外個「手打蟹籽墨魚滑」都值得一試，食落好彈牙及墨魚肉味😋除此之外，我哋仲點左鮮蝦雲吞、脆肉鯇、鴨血、毛肚、凍豆腐、山根、響鈴…..等等好多不同火鍋料子，每樣都好新鮮好高質

天氣涼涼地 又可以開始打邊爐🤗🤗嗌左三味鍋 有麻辣湯 清湯 蕃茄湯 一次過食晒三種口味 唔使諗 😋蒙式烤串 （$22/串）羊肉串烤得香噴噴 未食已經開始流口水😋 配上孜然調味 就算唔食羊既朋友 都無覺得有羊騷味 👏👏軟嫩既羊肉加上脂肪油香 好惹味 極力推介👍快樂丸滑拼盤 （$168）第一次見 好特別既黑松露羊肉丸 味道同牛丸無分別 😳😳食落完全分唔到 而黑松露羊肉滑 口感無咁結實 墨魚丸同蝦丸食落好彈牙😙😙嫩滑青蝦 （$88）賣相吸引 稍稍淥一淥 肉質鮮嫩彈牙👍👍仲嗌左唔少火鍋配料 豬 牛 羊 肉質新鮮 ☺️每盤份量十足 片片薄薄的 放入鍋內 好快就食得👏👏食食下連相都唔記得影 就知道幾好食la🤪🤪

今年秋天嚟得有啲快 🍂 一早訂咗 10 月尾船 P 點知突然降溫，得 22°C 都要頂硬上👙 吹完成日海風真係要暖暖佢，香港人出名鍾意打邊爐 🍲 一直想試呢間喺旺角嘅快樂小羊，永遠都排晒長龍，建議提早用 OpenRice 訂檯享受折扣，人均 $250 左右已經食得好滿足 🥰湯底揀咗三味鍋 ( 清湯 • 麻辣 • 番茄 )，加入咗香葉、草果等香料 🌿 麻辣湯應該加咗孜然，具蒙古特色，辣度非常 friendly 🌶 清湯帶藥膳風味，濃郁得嚟唔會太油膩，本身鍾意食辣嘅朋友都話實在太好食，被清湯征服 🤣火鍋配料種類好豐富，各類食材選擇繁多，剩係蔬菜都有近 20 種，特別一提杏鮑菇同冬瓜刨成薄片，前者爽脆、後者軟滑，吸湯一流 😋 肉類食材用料新鮮完全無雪味 / 霉味，即使當中有朋友唔食羊都一樣食得盡興 👅小食選擇都幾吸引，蒙式烤串係必點之選，用滾燙嘅鐵板上檯，脂肪烤得透徹油香四溢，配上孜然調味絕對無得輸 🤤而薄皮韮菜盒表面太油膩，而且餡料煮得唔夠透，相對遜色。整體十分推薦，最貼心係所有火鍋配料都有得叫半份，唔使驚人少少浪費食物 ❣️

最出名食羊肉，我哋點左個大拼盤，羊、牛、豬肉。湯底選了三味鍋—清湯、蕃茄、麻辣。最出色係個清湯，好鮮味，食物既鮮味同湯好夾，唔洗點醬料係快樂小羊既特色。一定要去試下！

火鍋味道還可以，羊肉質素還可以，但比較博身，牛肉影張一般般，串燒確係唔錯，中午時間七折去食，價錢算貴，晚餐平均人頭800😅！地方乾淨到整體唔算乾淨，我自己唔會再幫襯啦？

本人係非常之熱愛打邊爐，天氣熱時想打，天氣開始涼涼地更加想打個熱辣辣邊爐暖下身，朋友經常去食呢間火鍋話佢嘅羊肉串好好味，今次一於黎試試佢。湯底叫左鴛鴦鍋，一邊係麻辣，一邊係蕃茄，麻辣湯得個咸字，一d都唔辣，蕃茄都唔錯，都夠濃郁蕃茄味，食火鍋黎講，湯底都幾重要，麻辣湯麻同辣都滿足唔到就認真麻麻火鍋料方面當然有叫招牌嘅羊肉片，佢嘅羶味真係十分之勁，如果平時唔食開羶味嘅真係未必頂得住，最得係佢嘅羊肉串，好多調味粉喺上面，好有大陸嘅風味

一班朋友黎食呢間專食羊嘅火鍋店，一早係OpenRice到訂坐會有85折，當日book左7:30到左好快就有位，一上去好大間連裝修都好大角feel，店員都有啲聽得出都係國內嘅人，一坐低叫左個鴛鴦鍋，一辣一唔辣，唔辣個個好似係養生鍋！當我地想睇下出面有冇豉油拎，點知店員同我地講唔需要豉油都好夠味，就係咁我地開始食喇😍呢度最好嘅係有半份叫😍食物價錢唔算貴👍🏻燒生蠔-當然無大陸咁好食，但都好食嘅牛粒串-正常野牛小排-佢呢間切得比較薄，完全唔覺得似食緊牛小排😂我覺得唔洗叫咁貴嘅牛，太薄同食緊羊差唔多😂羊卷-呢個細細塊羊蘇味較重，鐘意食羊一定喜歡👍🏻牛羊拼盤-佢無寫係咩部位，牛都ok嘅但大塊啲羊就有啲靭喇就算淥一陣再食都係咁，麻麻地呢個食落幾特別，都好食😋正常野👍🏻其他食物都好正偏好，好再去食😍