快樂小羊火鍋餐廳

營業中

休息中

行過旺角舊戲院呢邊，總會見到有呢間佔地都幾大嘅火鍋店。招牌大大個，隔幾條街都見到。喺旺角呢個咁貴租嘅地方，開咗幾年都仲係人頭湧湧，總有佢嘅生存之道。先來講湯底，有人食辣，有人唔食得，咁就自然叫個鴛鴦底。麻辣嗰邊唔算好勁，算係一般香港人接受到嘅辣度，另一邊雖然叫清湯，但係味道都係十足，用嚟淥菜都好好味😋有個拼盤大大盤上枱好有氣勢，入邊有晒豬牛羊三寶，牛同埋羊都係肥瘦均勻，自問平時都幾怕羊肉嗰浸騷味，但係呢度嘅羊肉唔會令人反感，所以平時就算唔太好羊既我，都食完一塊又一塊。其他火鍋配料都一應俱全，全部都新鮮好食。最咪梗係要睇價錢值唔值，幾個人食到飽晒，埋單除開一人都係$300左右，算係物有所值👍

同事請吃午餐，慶祝業績增長。火鍋店內部環境優雅，座位寬闊。成雙鍋。辣湯和清湯的鴛鴦鍋。塔拉上的快樂卷。賣相美麗，羊肉嫩滑，沒有羶味。三併滑。蝦滑彈牙。墨魚滑惹味。羊肉滑味道一般。總結：食物美味

經OpenRice 訂坐就有85折，6個大人成到飽哂都係2000蚊，計落同去任食果d差唔多，不過限時2個鐘就真係2個鐘就催埋單，想坐耐少少都唔得除咗打旁爐，個烤羊串推介一試，堅好食

大佬我都想飲凍既茶姐 打開menu 凍既全部得即沖甜野 同 汽水甘飲法 會唔會糖尿病呀 見佢有鹹檸檬 諗住拎8蚊出黎 要杯冰同檸檬啦佢拎到出黎 竟然係沖好既鹹檸檬七如果係甘 我叫罐裝好過啦張圖係罐裝 加杯冰出到黎比沖好既我有得選擇我就唔想飲沖好既汽水我真係介意圖文不符 唔係罐裝汽水 我好介意人人都有介意既野 唔開心呀 我都係想凍杯好凍既汽水有咩錯錯就錯在今日黎左呢到打邊爐打上黎講下 認真講 唔叫貴 但唔叫好好食我係某d食雞煲既地方 食過更好食既

昨天07/06晚與同事一齊，叫了野食，食物新鮮，但湯底要咗，番茄、麻辣同清湯，但點知，番茄湯濃好味，麻辣有味但就淡而無麻辣，清湯都係淡而小甜，而且間店另我再失望就係點解無咗羊肉醬汁嘅，傳統係有。湯底不如街市買重好味過佢，麻辣都係，另我去一次吧！無下次了。希望如有市民去食，請加留意有否改善。

今日約咗一大班朋友去快樂小羊打邊爐，之前冇晚市嘅時候，外賣過幾次嚟食，都幾滿意，今次就試吓堂食睇吓會唔會有驚喜。••••••••••••••••••••••••••••••店員叫我哋落湯底，有4款揀3款，我哋就叫除咗清湯之外嗰3款，有麻辣，蕃茄，同酸菜。三款湯底，各有特色，非常入味好食。好在我哋人多，可以叫多幾個拼盤，有羊拼盤，有牛羊拼盤，仲叫咗啲羊肉串燒同埋烤羊扒，全部都非常好食，水準之上，冇令人失望。••••••••••••••••••••••••••••••

疫情緩和之下，晚市重開，但上網見到午市有68折優惠，即刻約埋兩個朋友聚下，一解邊爐相思之苦😋😋同行有位朋友唔食辣同羊，所以揀左個成雙鍋 - 清湯 + 酸辣湯，亦冇叫羊肉串，但冇損各人心情。今次叫左快樂吉祥三寶 - 有黃金羊王🐑 / 美國牛小排 🐮/ 西班牙黑毛豬🐷，岩晒大家口味。花膠鴨血手打墨魚丸/蝦丸響鈴萵筍山藥雜菌芝士丸鬼馬墨魚滑芒果🥭沙冰同巨蜂提子🍇沙冰好大杯，好正。擺到成枱都係，每人只係3百幾蚊，好抵食👍🏻餐廳有一樣係好抵讚👍🏻，就係好多配料都可以叫半份，岩晒人少少或兩口子，可以叫多幾樣又唔怕食唔晒，做大嘥鬼。

好少中午打邊爐，有老友誠意推介一於嚟試吓。地方闊落，招呼好。中午有7折，係幾抵食。因為食物都幾有水準。首推，呢個羊肉串不得了，曾經喺上海食過好好味，好鬼香，有辣味但又唔會辣口。今日呢串算係重溫番箇中味道。呢個唔記得係咩，不過係就咁食既，好食！三種最愛麻辣湯底，香味好濃，但唔會好辣。落到最後幾乎每樣嘢都係落呢個湯底😅不過食到最尾就有少少辣。呢個都好食，不過可能好遲先上，食到有啲飽飽地嘅時候先食，有啲漏漏地。羊肉非常之出色，同湯底好襯！👍👍另外都有叫到一點牛頸脊，不過冇影相，正常水準呀。打邊爐舖頭黎講總體都算有質素，但係如果萬事冇折黎食，可能就要每個人5舊落樓。

一解羊痴嘅相思，決定呢晚去涮痴痴。羊同榴槤都好似，好極端，愛就好愛，不愛就不愛，愛恨分明的食物。肉類最重味嘅部份通常係油脂部份，羊都係，所以羊架羊排羊串羊腩只要有一定脂肪，這份羊氈味就會散發得淋漓盡致，而這味道亦是不好羊朋友仔所講的騷味。其實想搵間專食羊嘅店真係少之又少，今次去蒙古火鍋店頂下癮。聽聞此店係小肥羊被收購後，國外分店逐步就由小肥羊改名為 ，所以整體感覺都會很近似。今次去位於旺角店，即以前Neway 舊址，共有2層，地方非常大，大部份都係卡位，非常寬敞。食物都主要羊為主。成雙鍋藥材湯 / 蕃茄湯 藥膳湯有蒜頭，桂圓，杞子，大蔥，紅棗... 個湯底跟羊肉味道夾到暈，如果天氣凍這啖湯真係不得之了，但蕃茄湯底就真的比下去，只是咸同酸味嘅推砌，同蕃茄完全扯不上關係。蒙式烤羊排 一大塊羊排，用一堆調味料鋪在羊上烤，燒得香脆，用手逐枝骨撕落黎，油份夠，肉骨好易分離，羊脂甘香而不膩，羊肉亦好嫩滑，正！黑松露羊肉丸黑松露跟羊肉都係重味朋友，併埋出奇地夾，不會出現誰搶誰，再加上羊肉唔知係未手打關係，肉質會比較軟身。薄皮韮菜盒韮菜加上粉絲，煎得脆口，味道唔錯，但略嫌油了點！整體用膳後感覺唔錯

羊肉羶，喜歡吃的稱為香味。羊肉有豐富的維他命和抗氧化成分，它含有的白胺酸（Leucine，也稱亮氨酸），對細胞組織的修復很有幫助，是不錯的蛋白質食物。近年，優質的羊肉在香港越來越普及。仔細的分割，媲美世界級肉類。《 快樂小羊火鍋餐廳 》每日每個時段有不同的優惠。今次選擇在五點前結帳的六八折優惠。羊肉大拼盤、羔羊肋卷 : 因為非常好食，所以點多一份愛吃的羔羊肋卷。它的肉味多濃郁呀 ! 食不停口呀 !蒙古烤羊串 : 肉質嫩滑，油脂充足，加上麻辣，產生另類口感呢溫馨提示 : 留意折扣時段，入座時請教職員，著數滿分呀

最近朋友介紹下食左間，快樂小羊！！旺角鼓油街新寶戲院旁邊唔知是否小肥羊的fd但就好抵食🉐🉐🉐是散叫形式打邊爐🍲午市6.8折💯💯難怪中午都好多人,我還奇怪咁多人排隊圖中超誇張的牛肉牛舌四拼盤，都是二百多！ 羊肉三十多塊，折後90!!服務叫有禮，仲叫我地不用鼓有一份有半份叫，兩個人食十多元就有了！正喎！？係呀 London澳洲都有分店 #hkfoodie

Good food quality and helpful nice service attitude!The open rice booking service broke down but the restaurant would still like to provide extra discount by themselves. Really good service attitude, which is quite seldom to be met with in hk.

每次想食打邊爐/想食羊，就會諗起快樂小羊😆我既愛店之一。佢同好多大陸比較靚同大間既餐廳一樣，都會將個價訂得比較高，然後打折。處度5pm前埋單有68折，折完真係好抵食。今次畀咗張大枱我哋，所以可以嗌三味鍋，我哋嗌咗麻辣酸辣同埋清湯。清湯真好好味，可以就咁飲，有淡淡既藥材味。麻辣開頭會覺得唔夠辣，要等佢滾耐d, 等d辣椒味出咗嚟之後先會變得好食。至於酸辣。。可以唔洗嗌，唔岩打邊爐😂由於我哋兩個都係勁鍾意食羊，所以今次淨係嗌兩盆羊肉。塔拉上的快樂卷（$148） & 太陽半肉（$148）。由於我哋好鍾意羊既騷味，所以快樂卷對我哋講真話太淡了，太陽個隻好味得多！羊味比較濃，口感亦都比較爽。好食！另外仲嗌咗三併滑，蝦滑，墨魚滑&羊肉滑。蝦滑同墨魚滑好新鮮，食落非常爽滑鮮甜。反而羊肉滑我覺得一般，唔爽唔彈仲好重羊騷味。雲吞 & 韮菜餃令人好surprise ! 大大粒，材料勁多，蝦肉勁大隻勁鮮甜，真係好大粒，一啖食唔晒，食得好爽好滿足。超好味！另外請一定要點土豆粉&鴨血，唔會令你失望。仲有每次嚟到都一定必點既烤羊串 （$22/串）！真係每次都冇令我失望，表面烤得香脆，內裏充滿肉汁，加上孜然粉，非常香

和朋友慶祝生日，友人喜愛吃啖啖肉兼愛啤酒，所以就選定了快樂小羊來大吃大喝一番🤩👉🏻食物: 4.2/5各種肉品擺盤(羊肉、肥牛)都非常精美，打卡一流！🤗看上去極多，但其實頗薄，我和朋友一下子就吃完了😂味道方面中規中矩，但不夠有記憶點🤔本來對招牌羊肉抱極大期望，但個人覺得不太夠羶（可能為符合大眾口味，我是重口味派😝)。必點之選必屬烤羊串🤤🤤羊肉半肥瘦，配上香料，烤完香脆惹味！吃完一串想再加！

好多同学推荐这家店，我就跟朋友来了一波，怕没有座位我们提前预定了一下，我们下午去的话，是不限制时间的，餐品味道都不错，就是麻辣锅刚开始一点都不辣后来才稍微辣一些，刚来的时候，一个叔叔辈的店员耐心引座且指导我们点餐，然而部分服务员的态度，已经到了让我恼火的程度，上锅的服务员把汤弄撒了，撒到我的手机上去，却全程没有道歉，如果不是我当场怒了他甚至打算直接走人，好在到现在手机没什么事，但是进水之后手机会不会出现问题，我不敢说，并且在上了肉之后，没有一个服务员告诉我们怎么加热火锅，导致肉的口感都不如开始，最后结账时，我直接去找他们的负责人投诉了一波，负责人非常耐心地听我说完，且做出了一些处理。