快樂小羊火鍋餐廳

營業中

休息中

星期二晚上，朋友訂位，四個人來打邊爐。用Open Rice 可以85折。雖然是平日晚上，想不到1樓都坐滿，他們還有2樓，裝修很有火鍋氣氛，樓底高，坐得不擠，很舒服的進餐環境。我們點了羊肉牛肉，柔滑等火鍋必選料。還有烤生蠔，都不錯。隔壁作點了羊全烤還有串燒，看起來都可以，不過要人多先食得晒。火鍋料都新鮮，價錢比一些網紅店底食，打折後人均300多。唔錯嘅火鍋店。

🔹旺角//快樂小羊火鍋餐廳🔹人均約$370🔹▫️成雙鍋 辣湯&清湯 $128 湯底嚟講我覺得算平，辣湯係一開始唔太辣，之後越煲越辣🤣我就食唔到了😝幾香既～清湯正常甜甜地咸咸地果種味精，入面都係冇乜料既～▪️土豆粉半份 $16好好食超推介😝😝好煙靭qq😍😍而且半份我覺得2-3人食已經好夠，價錢好抵🤣講緊出面平時食半份烏冬已經$40幾🤓🤓而且真係好食依個！mvp👑▫️快樂吉祥三寶 $498價錢來講都算有少少貴😗，但係通常打邊爐泡肉係不嬲最貴🤣反而呢款羊冇乜味，牛會比較好食啲😝▪️蒙式烤羊串 $28 呢款都好推介！超級有羊味！孜然味好香🤣🤣講完好肚餓🤓😝▫️功夫萵筍 $21我個人比較鍾意食萵筍，合格以上！😝出面有啲打邊爐舖頭，浸咗好多水會臭😂😂，呢款唔會臭同埋佢切得比較薄，好快就熟😍◾️鴨血半份 $34同個辣湯好夾！總之叫一份😝😝好食！▫️巨峰提子沙冰 $30好甜🤣🤣但幾好飲既🤓打邊爐一定要飲凍嘢😋🔹好飽評語主打唔使點醬嘅打邊爐餐廳，野食比較咸，有味🤓其實成間餐廳就比較大陸風😂但有兩層環境真係好闊落，坐得比較舒服，唔會好似傳統打邊爐餐廳走廊位嗰啲勁窄🥹蔬菜類普遍比較平10幾蚊都有半份！🧠回頭指數：7️⃣🧏🏻‍

次次都限時限侯咁食火煱，星期日就限住1.5小時，閒日就限住2小時，入座講明如果無人等位就可以繼續坐，但每次都明明無人等位都幾個伙記埋嚟趕你埋單走嘅。我嗰枱有點海鮮同酒，其實都貴過一般2人枱啲單，點解唔可以睇情況去處理呢？ 連續兩次咁樣比人趕走，我唔會再去架啦。

好耐冇打邊爐，索性夜晚同屋企人一起食快樂小羊。就算係平日，夜晚等候嘅人都唔少，所以建議想食都最好book位。兩個人嗌咗鴛鴦湯底，食物則係牛肉拼盤、羊肉串、魚片等。而牛肉拼盤份量十足，兩個人而言好夠食。再加埋其他野食，這次真係食唔曬😂至於羊肉串令人眼前一亮，保留肉汁同時味道亦唔錯。美中不足嘅位就係沙冰杯設計不良，杯口設計高低不一。沙冰裝到滿，我又冇第一時間飲大量芒果沙冰，結果冰融得好快，沙杯就咁滿瀉曬😕

耐唔耐就想食羊肉🐑，由小肥羊升級到快樂小羊都久唔久幫襯，鋪頭以草食羊肉而聞名而且有好多唔同部位，一定滿足到我鐘意食羊肉嘅慾望！😍😋激情鍋麻辣湯底用上大量乾辣椒花椒、蒜頭、大蔥、肉荳蔻同各種香料製成，夠麻夠辣好刺激。😜😜😜塔拉上快樂卷是偏瘦嘅肉，但好嫩。😋😋😋草原大羊片脂肪含量都均衡，羊肉味道都很濃，但中間有筋所以有點韌。😋😋😋千層肋腹比開心卷比較肥，食起來更肥更軟更香。😋😋😋😋😋鋪頭寬敞高樓底，仲有寬闊街道景觀，鐘意食羊嘅朋友係唔錯選擇。😊

点了个烤羊筒骨和几串烤肉串，以及一份小油条。筒骨烤肉味道真是OK，完全没有羊肉膻味，肉质好嫩，虽然是外卖翻屋企食，但是肉汁都仲有，唔会太干太柴。羊肉串上面撒了孜然，但唔会太多，所以烧烤味不重，羊肉唔会太肥。小油条就麻麻哋，有滴硬。

好喜歡約三五知己一齊到快樂小羊火鍋打邊爐，位於旺角豉油街60-104號XX Arcade部分地下至2樓。 其實我已經食過好多次🤩， 依然都幾鍾意， 今次我們一行五人點了成雙鍋(清湯+麻辣湯)、 蒙式烤羊串、 熊本一口牛、 薄皮韭菜盒、 快樂吉祥三寶、 羊羊大拼盤、滑嫩青蝦、 脆肉鯇魚、 手打Q彈鮮蝦丸、 水魷魚、鴨血、響鈴、油條、手拍青瓜、 皇帝菜、粟米、山藥、自製土豆粉、鬼馬墨魚滑。 有四款食物每一次我都必點的，蒙式烤羊串🍢肥瘦適中， 特別喜愛孜然粉香料。薄皮韭菜盒🫔口感鮮嫩美味，韭菜非常香。 快樂吉祥三寶有豬牛羊三款😋， 一次過可以滿足曬三個願望。 另外我每一次都會再點羊羊大拼盤，肉質嫩滑 ，羶味唔算好勁。 香港人基本上一年四季都好鍾意打邊爐🫕， 香噴噴的湯底加上各款不同的配料，飽腹又滿足。 🏷️溫馨提示～ 整個用餐體驗均屬個人分享意見， 只作參考😊。

朋友好即興問我一唔一齊食快樂小羊打邊爐，咁啱朋友識人唔洗等位又比好抵嘅折扣我地，咁當然要捧下場啦。第一次去食呢間火鍋店，主打菜式係羊肉☺️，諗起食羊肉好興奮，餐廳環境好大，冷氣好夠涼唔洗食到流晒汗，湯底方面叫咗個鴛鴦湯（清湯+麻辣），而火鍋配料可以係qr code到落單。我地4個人叫咗個快樂拼盤（羊肉+豬肉+牛肉），一次過食晒你想食嘅肉，肉類切得厚薄均勻，涮一陣好快就食得，羊肉好夠羶食落好有羊味，而牛同豬食落唔會好靭，一樣咁嫩。滑嫩太陽卷一樣好食，羊肉味重，賣相好靚，鐘意食羊嘅你可以試試呢幾道菜式。蒙式羊棒骨嚟到好大枝好吸引，係鐵板上面熱辣辣，用咗好多調味料鋪係羊棒上面，燒到好香脆，咬第一啖好多肉汁爆出嚟，油份好夠，食落辣辣地好惹味，肉質嫩滑超正！除咗羊肉吸引其他火鍋配料都好好食！！

今日一行七人嚟到旺角打邊爐。餐廳樓底好高，空間感十足，總共三層，座位極度寬闊有點像深圳海底撈的用餐環境～以鬧市嚟講，咁既用餐環境算係唔錯！餐廳服務非常周到貼心，女侍應時不時過來加湯和加茶，又耐心介紹菜式。嚟到快樂小羊當然要點羊肉啦。事先聲明，我係唔太中意食羊既人，因為好怕羶味。但今次我竟然食左好多羊，因為我覺得唔羶！睇返d介紹先知原來快樂小羊標榜自己係用六個月大嘅蒙古放牧羊，羊既年歲越大肉既羶味都會越重，所以呢度啲羊肉食落去會無咁重羶味，我覺得鐘意食羊肉嘅朋友一定要嚟品嚐一吓，同埋同我一樣本身好怕羊羶味既朋友都可以黎一試。

鍾意食羊嘅你哋絕對唔可以錯過呢間位於旺角鬧市既快樂小羊 唔知道大家以前有冇食過一間叫小肥羊 佢直頭係小肥羊嘅高階版 🍲🍽🐑🧚🏻‍♀️餐廳不定期都會推出唔同嘅優惠 🌟🌟識食嘅你哋記得留意吓拉😎今次我去食就係有68折嘅優惠✌🏻成雙鍋即是麻辣🌶️配清湯 佢個湯底味道非常之特別蒙古湯底 就算係唔使再另加醬汁都已經非常之夠味 🤤🤤👍🏻今次我哋嗌咗兩款羊肉🐑一款係塔拉上的快樂卷 另一款係千層肋腹 兩款羊肉火滾之後放5至10秒已經可以食得 羊肉帶有非常濃烈羊羶味 肉質嫩滑 佢仲有牛同埋其他好多羊嘅部位選擇🥢🍽🍻

每逢想打邊爐 都一定會諗起既火鍋店！快樂小羊顧名思義就係一個食羊既地邊，但係除咗羊肉之內，佢嘅牛肉都好正，價錢都好合理～我哋揀咗麻辣湯底同蕃茄湯底，餐廳冇豉油提供，因為好嘅湯底已經好夠味，的確係唔需要。麻辣湯底幾香，唔油，不過唔夠辣。蕃茄湯好濃，超鍾意！除左火鍋既肉之外 我仲好鍾意佢既烤羊肉串燒，因為真係有大陸風味！勁香既之然味，羊肉亦唔穌，好好味。四個人我建議可以叫一盤大拼盤肉～因為佢既肉都好多，又靚，再加其他配料，當然薯粉都係必點！

天氣雖然熱，但都無阻我打邊爐既興致😂只要有冷氣就乜都無問題架啦😅其實係有日去行街，個朋友無啦啦話想打邊爐🤔我心諗：咁鬼熱🥵仲打邊爐想中暑咩🤨佢又話冷氣好夠而且lunch period 後無咩人，講到唔食會錯過北極光咁🥹最後我都屈服左陪佢去食。餐廳門面光亮，冷氣又真係好夠既，雖然佢主打食羊，但都有其他菜式比唔食羊既人🙋🏻‍♀️我就係唔食既一份子，所以我地點菜只點左牛同一啲配菜，湯底我地簡左光陰鍋😅即係清湯$128，而嘢食我哋就揀咗呢啲：💁🏻‍♀️美國牛肩胛$188💁🏻‍♀️快樂涮涮牛舌$168💁🏻‍♀️巨峰提子沙冰$32💁🏻‍♀️荔枝沙冰$32💁🏻‍♀️土豆粉$38💁🏻‍♀️娃娃菜$38💁🏻‍♀️山藥半份$18以我哋兩個女仔嚟講份量其實都算多，佢一份肉好大盆夠三到四個人食，佢呢間火鍋店主張唔使點醬料，食番食物本身嘅原味👍🏻個湯底其實好濃味， 啲肉淥4到5秒已經可以食得，絕對夠味，牛舌係必食嘅item😝一上到枱成朵花咁樣好靚，同埋啲肉切得好薄食落唔會韌👍🏻牛肩胛好重牛肉味同埋都幾香嫩，都可以一試，土豆粉吸咗湯嘅味道，煙煙韌韌都好好食💪🏻其他蔬菜可以幫助解膩，唔係食肉獸可以唔需要理會😏🙅🏻‍♀️如果唔係太口渴

今日又來我最愛嘅快樂小羊打邊爐🍲😍對於我呢啲一年四季都鍾意打邊爐嘅人來講，好多餐廳都係主打食牛，但我就最鍾意食羊。🐏🐏一入到嚟第一時間就叫咗激情鍋（麻辣）湯底香濃，食落去，配上羊肉，好match🤭叫左2個羊羊大拼盤，肉質鮮嫩，好香濃。再叫咗個草原大片羊🤭飲品方面，叫咗百果香特飲，好香百香果嘅味，芒果沙冰，清爽嘅感覺，大熱天時飲感覺好爽🤭🥤🥤環境方面，裝修得好雅致，啲位又闊落，唔使逼住逼住，如果坐近窗口，仲有落地大玻璃😍

鍾意食羊嘅一流好難得先搵到情投意合嘅朋友一齊黎食羊 晏晝過黎 好好坐 枱櫈都比較闊 坐得都舒服叫咗個鴛鴦湯底 因為諗住食菜佢有唔同款嘅羊 叫個拼盤都食得晒由於我同我啲朋友都係好鍾意食羊 所以一次過叫幾隻唔同款反而我哋就冇叫豬同埋牛 因為佢呢度個麻辣配羊肉真係好味啤酒都好抵飲我哋三個人都飲咗一個Tower不過真係睇住時間訂位唔同時間有唔同嘅Offer最終我正價時段去左 …睇返OpenRice先知道有優惠😭😭😭😭

第三次嚟快樂小羊，貪佢大間易book位，火鍋配料新鮮，羊又整得好味啱曬飯聚等左五分鐘左右就安排好座位，座位闊落好坐，每次都叫鴛鴦鍋底（清湯+麻辣），麻辣唔會太辣，連我平時少食辣都食到，湯底同醬汁要向職員order，其他火鍋配料就可以用QR code落單牛肉+太陽卷（羊）快樂牛肉拼盤快樂涮涮牛舌肉類嘅厚薄均勻，涮一陣好快熟，羊羶味唔重，牛羊都一樣咁嫩滑。仲叫左鴨血、萵筍同娃娃菜等配料，同樣新鮮。芝士和牛水餃免治和牛食落同隻芝士真係好唔夾😅仲要8粒百幾蚊，唔推薦孜然羊肉串羊肉好嫩好易咬，調味啱啱好，用鐵枝羊肉唔會黏住更易拆落嚟，更增添風味烤羊架諗住同羊肉串應該一樣咁好食，食落都易咬嘅，可惜調味太濃薄皮韮菜盒見到幾得意叫嚟試下，個皮應該加左唔少蛋黃去搓，煎到金黃色幾養眼，裡面完全得韮菜，口感單調，食多舊仲會覺得太油膩，如果加入肉碎會比較好。職員收碟時倒瀉左朋友杯飲品，就送左牛乳甜品比我地，質感界乎於布甸同啫喱之間，表面嘅糖水就太甜喇。網上book枱有85折，6個人埋單兩千都幾抵食，會繼續嚟！