心夜來潮 (已結業)

呢晚係旺角打完波，心血來潮想去心夜來潮，估唔到成九點鐘，去到都仲要等位。不過好彩我地兩個人，好快就有位坐啦。黎到呢度點可以唔食最出名既海鮮砂鍋粥呀，兩個人叫左個細，揀膏蟹同埋蠔仔。膏蟹唔算太大隻，但勝在多膏，蠔仔＄60一份，估唔到都有幾多隻喎。見到隔離叫蝦蟹粥，有D後悔點解唔整多份蝦落去，應該會鮮甜好多。不過依家叫左兩樣海鮮，個粥都已經好甜啦。我地黎到呢度又點會淨係食粥咁dry呀，仲叫左個炒蟶子，蟶子同埋D青椒、紅椒、洋蔥一齊去炒，小小辣多多香。最後仲整左個脆炸獅子頭，雖然有D熱氣，不過咁好味就無所謂啦。佢個外皮真係炸得好脆好香口！做完運動，而家又食返咁多野，唔怪得知個肚腩一直都收唔到啦......

呢晚夜收工, 同同事一齊食野先返屋企.  響地鐵附近見呢間通宵營業, 咁即係唔洗食得咁趕, 就食呢間. 由樓梯上兩層, 左右都有入口, 右邊先係收銀位置. 裝修較中式, 木枱凳, 好似返左圍村. 餐牌有圖片, 睇圖隨便要左幾樣.先要炒蜆, 蜆肉份量足, 而且幾大隻, 入口煙韌, 無沙乾淨. 個汁炒得夠香夠惹味, 唔會太辣, 配啤酒唔錯.仲有送酒好夾既鹵鴨, 鴨肉肉味濃, 夠入味, 肉質幾嫩無起渣, 而且成碟都唔係太多肥位, 就算食皮都好香.要多碟炒芥蘭, 翠綠新鮮, 而且份量都算多, 蒜蓉吊味剛剛好.

朋友仔知道我成日鍾意返大陸食砂鍋粥，今次專登帶我黎心夜來潮試，潮式野真係第一次食喎。石板燒汁茄子見到都知惹味，茄子用鐵板上，上面淋滿燒汁，熱辣辣！而且茄子夠腍，晒我！無論賣相定係味道都非常吸引。脆炸潮式獅子頭獅子頭就食得多，咁做法就第一次。外面炸到脆卜卜，好香口！佢仲有一款獅子頭係用高湯燉，但我呢重口味人士當然揀炸啦。砂鍋粥等左一陣，主角終於來啦。今次叫一隻中size膏蟹、一份蠔仔同埋一份帶子。本身想叫埋鮑魚，不過賣晒。叫幾樣海鮮，個粥吸收晒佢鮮味，變得好甜 呀。膏蟹唔算太大隻，但係D膏夠香，蟹肉夠嫩。蠔仔叫一份，份量都唔少。不過帶子就冇咁抵食，三十蚊一隻。雖然兩個人，但粥份量都唔少啊，一人都食 幾碗。總括講，呢度砂鍋粥值得一試，有時粥癮起，我就知道去邊度止痕啦。

心夜來潮從旺角塘尾道那邊搬到西洋菜南街，就在旺角中心對面，除了地方變得十分寬敞，還潔淨了很多。這是一家較年輕的潮州菜食肆，雖然店員全數也是年青人，但也不乏風味，不感老派。食物選擇比以前多，從醬油蝦、醬油蟹至蠔仔粥、醬油鴨、潮式炒飯等也有提供，而且價錢還算相當划算呢。天地壹號在國內是相當普遍的蘋果醋飲品，可是香港卻鮮有所聞，難得這裡有售，當然先點兩罐，還可要求添加冰塊，甜甜酸酸，而且清爽冰涼。石板燒汁茄子($52): 燒汁相當香濃惹味，令平平無奇的茄子變得香口入味，即時不感單調。這別有一番風味。滷水鵝翼($38): 滷水汁非常濃郁，相信鵝翼也浸泡了一段時間，顯得相當入味，味道方面確實造得不錯。唯一是鵝翼較韌，較花牙力撕開。小鍋的砂鍋粥從$160元起，揀選最少$160元的配料再送粥底，例如我倆點了小膏蟹($100)和蠔仔($60)。小份量的粥已能盛出最少十碗八碗，起碼能讓三人食用，這當然我倆就算多努力也吃不完。蠔仔粥是潮州菜的精選，光是蠔仔的鮮甜已能粥底十分香，加上這膏蟹的蟹香，粥底當然鮮味十足。加點白胡椒粉更能勾畫出更香的味道。

心夜來潮 旺角菜茶（$38）菜茶是我很喜歡的，配料有椰菜、菜甫、土魷、花生、肉碎和炸米等！香辣魚仔炒蟶子（$98）蟶子大隻脆美，香辣魚仔不會很辣，而且又香又惹味！潮汕砂鍋粥分為小$160起和大$300起，可以自選海鮮、肉類等配料。我們選了中膏蟹$150、田雞$20/隻、鮑魚$20/隻、海蝦$60/份、鮮蜆$40/份，因為所選配料超過了$300，所以粥底是大的，大約可分到九碗！粥底鮮甜味美，粥底綿滑入味，海鮮非常新鮮，我一口氣吃了幾碗呢！

入到去見到枱枱都有叫粥，咁緊係死唔執輸叫理一份，叫左個鮑魚蟹粥，用砂鍋上，D粥仲滾，熱辣辣，很鮮甜，蟹很新鮮又夠多肉，鮑魚亦很嫰。炒聖子味道不錯，聖子肥嘟嘟，好好肉，炒芥蘭，翠口不老。

叫左個蟹粥，比想像中的要好好味，潮州粥底，杰杰的，口感很好，蟹肉夠實又多膏，成煲粥都好甜，一口牙籤雞，我以為會好辣，原來唔辣而且很香口，咬落很鬆化，手打牛肉丸大大粒，彈牙，牛肉鮮。

潮式砂鍋粥配料自由選擇，選擇了一隻細膏蟹、帶子、魚片作為配料，煲出嚟嘅粥軟綿綿，味道鮮甜。雖然係細size嘅蟹，但都啖啖肉，抵食！蒜蓉炒通菜非常惹味，除了蒜蓉，仲加入了蝦米辣椒，更加好食！但啲菜好多油，感覺唔太健康！炒蜆加入了豉椒和辣椒作為配料，炒得非常香辣有鑊氣！蜆嘅份量適中，蜆肉唔算細粒，但有三四隻蜆未炒到開口，有點不足！

推介心夜來潮一口牙籤雞（$26）抵食夾大件！雞件外層沾左麵包粒炸，非常爽脆！本身雞件有啲辣味，再點埋酸辣醬惹味指數爆哂燈！滷水鵝（$98）唔會好大陣蘇味，滷水汁唔會太鹹，調味合到好處👍🏻整體黎講，環境乾淨寬敞，大燈籠燈飾佈置好有中秋節感覺！

心夜來潮搬左之後，就正正係旺角中心對面，方便左好多，所以今日同朋友行完街，就一齊去左嘆反餐潮州美食。 潮汕砂鍋粥（小$160起；大$300起）可以自選海鮮、肉類等配料，推介大家加入海鮮，令粥底更加鮮味！ 選了中膏蟹$150、田雞$20/隻、鮑魚$20/隻、海蝦$60/份、鮮蜆$40/份，因為所選配料超過了$300，所以粥底是大的，大約可分到九碗！ 粥底鮮甜味美，海鮮非常新鮮，尤其是蟹肉和海蝦，肉質非常鮮甜爽口，粥底棉滑入味，還附上蔥花、芫茜等配料很惹味！ 吃潮州菜點少得點些醬醃小食，點了原隻醬醃膏蟹 小（$88）和醬醃螄蚶（$36），非常好吃！ 醬鹵鵝（$98） 醬鹵鵝醃味足夠，嫩滑可口，肉質有嚼口！ 香辣魚仔炒蟶子（$98） 蟶子大隻新鮮，伴上香辣魚仔一起炒又香又惹味！ 正宗汕頭手打牛肉丸（$34） 牛肉丸果然好吃，食落肉牛肉味鮮，爽口彈牙，跟一般吃到的牛肉丸截然不同。 脆炸潮式獅子頭（$32） 爽口彈牙，外層香口，作小食一流！ 菜茶（$38） 很少地方可以吃到正宗菜茶，難得來到，當然要吃一碗！菜茶入面有椰菜、菜甫、土魷、花生、肉碎和炸米等，湯頭鮮甜！ 潮式薄餅卷（$32） 薄餅卷包

今日來到旺角吃潮州菜，走到樓上鋪發現到古色古香的味道。木製餐桌。簡單裝飾擺設。手打牛肉丸。彈牙的肉丸粒粒都非常飽滿，肉味濃香爽甜，手打肉丸入口彈牙不霉身，膠質頗高入口清甜出色，熱湯更是精華，香甜不會過咸。鐵板茄子。滾滾的醬汁放在鐵板上，加上少量辣椒粒帶點微辣，茄子爽甜香口，入口滋味。砂窩蟹粥+雞件+鮑魚。清甜的砂窩粥，粥底綿滑，味道非常香甜咸香，鮮蟹充滿蟹膏，雞肉滑溜，鮑魚尚算爽嫩，味道非常香甜出色。吃到最後有蟹殻和碎骨，要吃得比較小心。

平時日本菜食得多 潮州野係第一次晚市6.30上到黎 人流未算多地方寬敞 枱同枱之間既距離好大比一般餐廳舒服得多朋友話潮沙砂鍋粥必試我地叫左個細既饀料要響螺片同蟹呢2者夾埋一齊鮮味十足而且真材實料 可以見到原隻蟹件粥底吸收晒D精華 食落好棉滑我地5個人 每人分到2碗有多$160黎計真係抵小菜叫左石板燒汁茄子茄子條形煎成外硬內軟 好惹味成碟配白飯一流試左個汕尾特色小食:小米佢一口size肉餡係豬肉加魚乾粉食個時點埋個秘製蠔油+辣醬 PERFECT

同細佬同成班同事OT到差唔多晚上12點大家都覺得好肚餓喇決定食完野再返公司作戰大家諗緊食咩之際...我突然醒起細佬同我講過係旺角有間好好食既蟹粥店於是..我地一行4人...決定渣車出去食心夜來潮 位於旺中對面既福苑3樓好記得...好耐以前...呢到既2樓仲係元綠壽司宜家就變左其他餐廳行到上3樓.. 見到佢分左右門口, 我入左其中一邊, 其實去到都凌晨12點鐘但竟然都全場爆滿咁我地被安排去左餐廳另一邊餐廳既裝潢都係中國味重但又唔會覺得好老土而餐牌亦設計得好潮坐定後, 慢慢睇下個餐牌係食咩原來係食潮洲菜醬醃螄蚶鮮味十足但份量小左DD豬油炒菜心加入豬肉去炒, 更香更惹味巨形脆香手打魚蛋以新鮮魚打成, 外皮炸得非常脆口而內裡肉質彈牙可惜胡椒過重, 遮蓋左魚味牙籤雞呢個雞好特別雞肉外層加入左脆米一齊炸口感好好而雞肉除左嫩滑外亦好JUICY好好食 最後主角上場原來我地唔係食蟹粥而係黎食潮汕砂鍋粥佢分左左2個SIZE (大同細)我地4個人叫左個大SIZE $300 佢會有唔同配料, 每樣配料計, 計到$300就OK!咁我地就叫哂海鮮 有中既膏蟹, 蠔仔, 蝦, 鮑魚*4隻所以海鮮好鮮甜 爽口而粥吸

因為店名太得意，所以都有留意開呢間店.前日去旺角食宵夜就試下入到去比懷舊裝潢吸引住！好似客棧！😂坐住古式木椅食打冷感覺良好😁兩個人叫左三樣野 埋單$185炒腸粉同鐵板茄子都幾好味，不過吾夠大排檔食到的咁香口，如果重口味d會更好😋個炒蜆係三樣菜色中最好食，蜆肉算大粒👍🏼都夠味道 不過辣多少少會更好

我第一次系OPENRICE打食評,因為我真系未試過態度差到甘既餐廳! 仲要新開張都可以甘趕客 就算你既食物再好食都好, 請D甘既員工都吾會有人食過番轉頭! (見到有其他客人都不滿員工服務態度)第一次去到旺角既分店, 入到鋪頭等左2分鐘可以一個員工都無, 由坐低開始態度極有問題, 問佢餐牌既野完全答吾到 食物尼到靜系拎住 要我自己放 完全吾會幫手放落枱,食物真系吾錯 但絕對吾會再尼.. 吾明白點解服務性行業會差到甘既地步!!!!! 系香港生活20幾年,從來未試過食餐飯可以嬲到第二日!!! 真系差到無人有 blacklist