心夜來潮 (已結業)

小食潮州菜, 今日跟朋友去威威先!! 位於旺角既呢間心夜來潮都幾方便, 係旺角鬧市中, 旺角中心對面, 樓下已經見到佢地既招牌, 非常易搵, 一直跟住招上二樓就見到ga la~~~地方都算幾大, 佔晒二樓全層, 但是分開了兩邊的, 還有vip房, 以中式裝修, 用上舊式木製餐卓, 配以中式傢具, 還高高掛了古式吊燈, 感覺置身於古時一樣...呢道連餐牌都好似秘笈甘, 好特別呀!! 而且仲有好多菜式揀, 花多眼亂呀~~~心夜小炒王   HK$88心夜小炒王係用韮菜, 菜脯同蝦炒成的, 食落帶鹹香, 幾惹味的!! 唯獨蝦有點偏乾~~ 醬鹵併盤      HK$128醬鹵併盤有牛脷, 腩肉, 豬腸, 紅腸同豆腐, 整體幾入味, 豬肚也不會太肥, 豆腐又夠滑, 而我最喜歡係牛脷, 夠爽同有嚼口, 正~~香辣醬爆墨魚仔   HK$76墨魚仔配以豆腐乾, 洋蔥, 青椒同紅椒醬爆而成的, 墨魚仔夠爽又彈牙帶微辣, 豆腐乾又會太乾而且非常惹味~~小米餃     HK$26 小米餃有點似魚皮餃, 但皮比魚皮餃厚同煙韌, 而且肉咪濃又夠鮮, 價錢又經濟, 必食之選呀~~白果糊椒豬肚湯     HK$88呢

呢間心夜來潮之前喺塘尾道時已幫襯開，但搬咗去新位都未幫襯過，呢日就去潮一番啦！地方大咗又光猛咗，不過冇咗街頭風味，基本都知叫咩食，不過似多咗D新菜色。整枝藍妹先食潮州嘢唔係唔飲啤酒吖嘛。必食嘅醬醃螄蚶加了少少價但多跟咗粥上又多咗啲螄蚶，味道同之前一樣鮮甜，個粥唔似一般潮州粥比較綿，加入螄蚶汁真係好好味呀同老婆大人一人一碟唔使爭呢個爆炒醬啫秋葵係新菜式，上枱時真的啫啫叫而且勁香，食落香到無論，有啲肉碎在內加埋秋葵真係好味到飛起石板蟯汁茄子，味道唔錯不過係有啲油，但我接受到喎！小米餃又係必食之選，充滿大地魚香又煙又韌，口感好過癮又好味。

上完堂原本諗住食南記，行到樓下見到樓上竟然新開咗間心夜來潮！所以決定轉軚去食！其實上年我喺大角咀食過一次，無諗過佢竟然搬咗去旺中對面，地點就腳好多！而且餐廳面積比大角咀大好幾倍，又坐得舒服好多！由於一個人食，所以只係食咗兩樣嘢。手工捻面猴，有肉粒，蝦米，土魷絲，翠玉瓜粒，冬菇絲，粉皮，湯底味道似食狗仔粉同油渣麵，幾好味。小米餃，口感同味道好似蒸魚皮餃，好鮮味，點醬好食啲，但千奇唔好點太多，係咁意high一high d醬就夠，唔係會好咸。地道潮州菜風味，價錢亦大眾化，唔錯嘅選擇。

食咁多次今次最差，叫炒菜心生嘅 ， 攞番入去唔洗一陣就攞返出嚟一樣都係生既只係多左油，叫六隻聖子嚟得五只， 再翻炒全部食落都係有沙嘅，叫炸饅頭得兩個係脆嘅其他全部都冇炸過， 樓面冇一個話得事嘅只係同我講左句唔好意思就算， 以廚房出比我嘅嘢同埋呢個價錢我覺得一啲都唔抵食， 如果廚房唔想做講一聲等人哋唔好咁失望

今日同老公去旺角行街街，行到餓見到有間潮州菜餐廳，老公平時好鐘意食潮州菜，就一於上去試下方魚炒芥蘭嘩！估唔到好香喎！芥蘭又炒到好爽脆！見呢間餐廳招牌係砂鍋粥。。。黎到當然要試下！我地叫左1隻蟹&2隻鮑魚成鍋粥的蟹味都好濃郁呀！隻蟹有好多膏個味好香好濃郁！鮑魚就好失望下。。。超細粒！真係搵佢出黎都好有難度。。。菜莆煎蛋呢味餸好有屋企feel好香蛋味！炸獅子頭其實無諗過獅子頭可以炸。。。估唔到又幾好食喎！好香口，好惹味！

今晚與媽媽來吃個潮州菜，地點選了人流旺盛的旺角區，要吃就要吃最地道的潮洲菜。牙簽雞。件件炸雞好似脆米的口感，雞肉炸得香脆香口，雞肉嫩滑不乾身，小小一件每口都非常滋味，沾上酸甜醬汁，酸香不油膩，感覺開胃。手打肉丸。牛肉丸打得爽口彈牙，每粒牛丸大大粒，口感爽彈鮮甜，湯底清香清甜，喝完不覺咸膩味道濃厚，牛丸肉香不太突出，但口感非常豐富彈嫩。小米餃。小米餃有點似魚皮餃，餃皮煙韌彈牙，餃皮有點厚粉但口感彈牙，內裡肉味濃厚肉汁豐富，每口肉香濃濃味道滋味，沾上醬汁味道更是味濃。白果胡椒豬肚湯。喜歡清甜的豬肚湯，豬肚洗得乾淨味道鮮甜鮮嫩，豬肚爽口彈牙，胡椒味道不會太嗆口，湯汁味道甜美不會太咸太濃。潮洲炒飯。穫氣夠炒得咸香不油膩，乾身炒飯粒粒分明，炒得濃味咸香，雞蛋菇粒蔥香等等潮式食材，炒得香口惹味。

行到攰搵個地方食飯, 新之城附近好多食肆, 朋友記得呢間潮州野出名. 正宗手打肉丸, 肉丸爽口彈牙, 個湯幾好飲, 有少少胡椒既辣, 唔會太咸, 連埋肉丸一齊食剛剛好.鐵板茄子一上枱真係感受到鐵板既熱力, 熱到吱吱聲. 茄子夠軟腍入味, 燒汁惹味而且豐富, 唔太重味, 不錯之選.要多碟潮式炒飯, 炒飯一粒粒唔會太濕, 潮式原來有菜圃, 肉粒, 蝦米, 魷魚粒等等, 菜圃增加咬口又夠爽, 份量足夠3-4人食.

工作完畢揾飯食，行了兩層樓梯終於到店舖環境不錯，2個人叫了3個菜，炸鏝頭，牛腩煲，鴨蛋炸蠔餅，下次有機會試吓沙鍋粥，菜牌圖畫令人吸引，只是可能因特色問題，椅子不好坐，如果同朋友仔傾計食飯就不太舒適

又黎到旺角接男朋友放工兼搵食，記得之前食過荃灣心夜來潮唔錯，見旺角又有間，所以今晚決定食潮州菜！呢間旺角分店中國風味好足，餐牌成本故事書一樣，每一款都有圖文並茂，勁吸精🙈位置黎講非常方便，正正就係新之城同旺角中心對面，南記樓上，唔使左搵右搵😆首先食男友至愛手打牛丸，牛丸湯底清淡，肉丸既大細不一，明顯係自家手打👍🏻，牛味濃郁，非常彈牙！醬醃海膽，上面有小許花生，味度鹹鹹的，海膽味較腥（但我鐘意😆），店家會配合一碗白粥同吃非常合襯！牙籖雞好有特色而美味既小食，外脆內軟，外表金黃，雞肉滑同多汁，好味到停唔到口，點上酸辣醬，更添美味！黎到當然要食最出名既砂鍋粥粥的配料可以自由搭配，我地揀左中膏蟹！蟹膏散落於全鍋粥當中，蟹肉鮮甜！另外我地加左田雞，同蟶子，不過美中不足係蟶子有沙粥底將所有精華鎖上，綿綿既粥帶點蟹鮮味，令人回味無窮！

去開旺角，兩小口隨便搵啲野食一向都好潮洲野食的我們，沒有去南記，試試這間潮汕食店。餐牌幾有心思的。每款菜色有圖片參考，醃製生的食物也不少。男友不愛吃生的，還是留待下次再試吧。我們點了其他菜式誠意跟大家推介這款秋葵👍🏻👍🏻秋葵少小少淋身太爽口，微辣炒得很香，肉碎亦令味覺生色不少，出色的一碟點菜後最快來的一款，份量頗為多，味道單調偏鹹但還可接受，若只點小食不夠飽，2-3人分享也足夠著名的菜茶，傳統潮汕風味味道清清的，主要就是菜、粉絲、菇絲，家鄉風味不過不失，紅腸有點兒奇怪，有種像椰汁的甜味，這碟併盤是一般的質素，4人份量左右是次用餐二人共$300左右(有加一服務費)，不過不失。炒秋葵是出色的，我們都推介這款

小妹對之前大排檔形式嘅心夜來潮印象深刻，知道今日又出旺角，即刻search返個地址先知原來搬左上樓咦！原來就係旺中對面南記上面，仲方便就腳喎同南記一樣有兩邊入口同座位，位於2樓只可以行樓梯另一邊係二人座位，我地4個人坐呢邊圓枱，店面保留以前木枱椅子，最不同係室內冷氣充足以前淨係叫過菜茶同醃野，趁人多要試下個粥！砂鍋粥嘅叫法，係用配料叫滿$160就包細粥底，滿$300就有大粥底，可自由配搭，今次試下 雞件、鮮魷、蟶子，加埋剛剛好$160等左大概半個鐘有粥食！估唔到都幾大鍋，非常熱粥底煲到好鮮甜我食左幾件雞件，隻蟶子甩左😩應該去左朋友嗰碗好穩陣的一款，大家都喜歡食，酸酸辣辣有個鉗俾大家開螄蚶得個鹹字....係鹹得好誇張，亦食唔出鮮味，跟嚟嘅一碗粥係完全無味的白粥，你可以話咁鹹要嚟送粥，但實在太誇張了🙅🏻🙅🏻應該係呢度其中一款招牌，以前有分大細碗，宜家只有大碗，菜同湯清清地，好家常便食的味道方魚令成碟菜好香，芥蘭爽脆無苦味，火侯岩岩好推介睇相以為好大兜，原來個兜同蜆都好細其實味道係唔錯的，少少辣亦幾香口，但咁細嘅蜆，個殻好似女仔指甲嘅大小，食都食唔到咁制服務方面，比以前係好左，不過宜家有加一

那天經過望到心夜來潮的招牌，記得之前和朋友去過塘尾街的地舖，原來現在搬了地方，上了樓。上次的印象不錯，便帶男人上去試試。新店面積大了不少，佔了整層兩邊，地方也更明亮企理。雖知道這裡的粥和生醃海鮮較出名，但男人沒甚興趣，唯有試其他。小米餃必吃之選，價錢便宜又好味，煙韌的皮層加上味道濃郁的肉餡，不用點醬已經讓人想吃了再吃。正宗汕頭手打牛肉口感真的不一樣，爽口彈牙，牛味重。鹵水拼盤除了豆腐，其他幾樣鹵得算入味，牛脷和腩肉鹵得夠軟稔，豬腸不會太肥，豆腐也很滑嫩。家常牙籤雞其實也不太知道外層包著的是什麼，但一粒粉的口感有興，而且炸得剛好，香口但雞肉仍然鮮嫩。蒜蓉椒絲炒通菜蒜味夠重，帶微辣，但略嫌味道太鹹。傳統鴨蛋煎蠔餅一開始便點，但吃到尾聲才上桌，相信製作需時。蠔餅吃過不少，鴨蛋煎的是第一次，蛋香特別濃，蠔仔肥美新鮮，只是煎得有點乾，入口有點粗，而且有吃到殻，很扣分。眼闊肚窄，吃到捧著腹走。食物方面大部分也不錯，不過一餐飯時間，不停聽到店員說沒有餐牌要找餐牌，而當時還不是太多人，感覺有點好笑。另外，又常聽到有人追單，然後店員對客人說海鮮粥要等30-45分鐘，如果一些要等得較長時間的食物，下單時便

屋企係潮州人 所以間中都會去九龍城食潮州菜但九龍城因爲太唔方便 所以依家都少去左無意中發現新之城附近有一家新開潮州餐廳今日於去左試下餐廳以砂鍋粥為主打 一定為必食之選最好係可以自己任選配料 自由組合今次就選擇左雞件 蠔仔 蜆 象拔仔砂鍋粥堅好食 即刻生滾 粥底非常鮮味叫左小鍋已經夠兩至三人食除左叫左招牌砂鍋粥 仲有叫左d小食另一推薦炒蟶子價格合適 蟶子肥美 配合豉椒炒 非常惹味潮州最出名就係手打牛丸 所以一定要試試牛丸果然同平時的粥粉面店不同牛丸牛肉味很重 食落口很juicy 食左六粒都唔夠想再叫之後仲叫左樣菜色叫 小米是一種非常細粒的餃食落口感覺似魚皮餃 但煙煙軔軔 很特別食中餐一定要叫菜叫左個椒絲通菜 炒得夠火喉 唔錯整體對餐廳印象都好好想試潮州菜既人可以去試如果餐廳另有潮州家鄉豬頭肉 就更加開心!!!!

係屯門食完飯後...出左去等同事收工佢地話肚餓.... 要食野..為食既我緊係跟埋去啦又黎返大家食堂心夜來潮一坐低... 諗都唔洗諗先叫2碟醬醃螄蚶上次食過覺得太好味...今次要打孖上醬醃海膽呢一款海膽味道偏咸用黎送粥係最好配搭鍋燒肉肉既外層炸到好脆口而肥膏同肉既比例係1:1送酒一流紅燒醬香骨味道濃郁,而且好入味質感好林我覺得D汁拎黎送飯一流今次呢個砂鍋粥我地叫左蠔仔, 雞件, 豬潤, 元貝粥底味道濃郁雞件有D'鞋'而豬潤爽口

本來很期待到來嘗嘗菜茶、煎肉丸、薄餅，但未坐低已經大打折扣，呢度既服務態度差到不得了，好彩係膠碗碟，否則老細應該要日日入貨！如果個老細冇心做餐廳真係吾好浪費食材叫咩冇咩！極度失望我去食南記好過！呢碟煎肉丸已經非常非常失敗了！食材吾係咁浪費架！