德發牛丸粉麵

營業中

休息中

每每想食牛丸都想去橋底牛丸米(尖沙咀一帶打工仔統稱)即這裏「德發」，自從搬離工作地方關系，很久沒有來這裹食牛丸，今次特登食，有點失望，個人覺得以前味道好"D"皆因以前"D"牛丸有少許果皮味、彈牙、體積不及現時般大，以前沒有菜跟碗丸米(除另外order)，仲有碗米粉比以前粗身湯底又差"D"總而言之大不如前；不過現時"D"牛丸又比起其他買粥粉麵的茶餐廳(味精牛丸)好味好多！仲有掛係鐵絲網上之餐牌有麵食，係以前「德發」係無麵叫的；邊個叫麵就知佢係新！另外拍住「德發」兄弟班組合「合香園」茶檔之水準就不變。

lunch果陣黎呢度食，都幾多人。叫左牛丸粗凍檸水，ｄ牛丸真係好好味，食落幾彈牙又夠味，正！ｄ麵都ｏｋ既。埋單２６蚊走人。全程用左約１５分鐘ｏｎｌｙ！

呢篇感想可能有d 唔公平, 我係同20+ 年前既回憶比較, 好似話賣盤轉了老細囉…而家d牛丸無以前o甘好味, 西多士都係, 但比起其他大排檔佢都唔係話差. 牛丸仲彈彈地牙, 西多算厚, 仲有花生醬在中間

我覺得呢間牛丸同樂園差唔多,味道都唔錯兼彈牙,大家都係手打.但係d米粉真係好粗好鞋口,令到碗牛丸米要扣分!環境方面因為預係大排檔我又覺得可接受,不過有潔癖話都唔使幫襯.

牛丸的確牛肉味濃，大大粒，辣椒油夠蒜香味辣，與郁香園不分上下。

i have dine at "tai pei dong" for more than 10 years and the standard is quite presistant. But it is really to hot at summer time, so i have come here in early nov. I dont know why they do not provide red vinegar for the noodle even i have suggested many times with the boss.

呢兩日下晝都在尖咀，尋日得十分鐘食飯，在海坊道二話不說就入了來食麵。環境一樣的「大排檔」，當然好極有個譜，但還是坐滿人的，好在我一個人比較易搵位。坐了在隔離茶餐廳的位置，不過照叫牛粗丸麵。如FoodKing 兄所言，平滑的牛丸外表實在難以令人相信其是手打的，咬落仍爽口，但肉質卻嫌不夠緊緻，旺角樂園的是好D。麵仍舊是有鹼水味，湯底亦不去考究了。整體而言，好像是比以前差了一點，可能呢兩、三年吃了很多出色的牛丸吧！埋單16蚊，全程食左十分鐘都無。

今日有大事要搞，中午不能給自己多餘時間食Lunch，路經此地，就走入去快快的整個牛丸麵食下。舖位係入到最入的area，明顯比起其他舖頭多人。去到呢d 正宗的本地大排檔，對環境方面都唔會有咩要求有，見到有位就坐啦，話知路中心定埋牆位丫，一條友就最簡單不過。叫了碗牛丸麵同凍奶茶。牛丸幾彈牙，食到陣陣的莞茜味，牛丸心亦淥得非常熱。但個人認為，牛丸如果可以做得粗糙一點，會比較像人手打出，而這裡的，我就略嫌外層做得滑了一點，算是雞蛋裡挑點骨頭吧。而個凍奶茶就有點失色了，飲落帶點酸味，大排檔有此出品不能收貨。很快的食完碗牛丸麵，倒水方式的飲完杯凍奶茶，又要趕著去完成下一個任務了。

地方唔好座,牛丸唔覺特別好食,都唔知咩咁出名,我同意郁香園好味好多.

唔知呢間係咪你地講個間,因為我唔係向海防道入而係向裕華個邊入.我去個間係個熟食中心,間野頭頂係三角形煙囪.叫左一碗丸腩麵,油菜.先講牛丸,應該唔係手唧,見唔到氣孔,味道ok,但口感不足.同郁香園比都係差一皮.牛腩好韌,麵一般,湯好似味精水,極屎.我既評語係名大於實.

彈就幾彈牙, 不過湯底淡左d, 同埋d 牛丸太咸, 整體上ok la, 無傳聞中咁好味

剛才同各位食家去illy飲coffee, 之後就同朋友食飯~~大家知道我約左男仔, 都提議我要大開殺界, 一於有大食大!! 不過.......最後, 我地居然去左呢樹!都好! 好耐冇幫親大排檔!!我地食左牛丸麵(粗), 同埋淨牛筋丸, 整體上我覺得唔係特別好食! 因為兩者都太咸! 而當中我比較喜歡牛筋丸, 質感比牛丸豐富; 牛丸混左莞茜, 搞到得咸味同莞茜味! 我覺得如果有人唔食莞茜, 呢粒牛丸都幾難吞!um...至於d 麵呢...原汁原味好鹼水! 都ok 啦! 爽爽地....哈哈哈! 如果有我至愛大紅浙醋相伴就更好啦!!

其實我係附近上班,所以有時收工都會食碗米粉至走,如果要乾淨就迷諗,但係十零蚊有兩溝,十分鐘可以食完走人,當冇眼屎乾淨盲,不過佢d米粉可唔可以用滑口d既貨,比起群記仲差............唉!

好污糟的環境，真係好得人驚，但又真係好食。上次打8號風前咪有幾日瘋狂咁熱，濕濕立立悶悶熱熱的天氣下，整個淨黑椒牛丸菜去一去濕。底得污糟先好去，唔係的話就買廿蚊八粒的牛丸外賣好了。記得帶火酒去，因為快子筒內的快子係濕的。

牛丸和牛腩必食！環境係差d，但食物好味就ok啦！