德成號

營業中

休息中

記得細個亞媽買ｄ蛋卷好好味！原來就係呢間(住左北角咁多年先知),總之一開就食左半盒，你話好唔好味嗱！

唔係老點各位﹕２０年前我住晌德成附近﹐﹐每年過年過節屋企一定訂幾十箱蛋卷送比人。後來移民﹐家下回流翻香港﹐間德成仲晌到﹖有無搞錯…因為當年蛋卷最出名做既精記都生產北移﹐德成係老香港﹐於是火速訂幾盒大棷哈哈哈仍然好好味﹐有質感，好香蛋味椰子味就仲香濃，真係又好又抵食，幾驚老闆唔同哂走哂樣。

睇之前禁多既食評，我諗住去訂番一盒來食下~一入到去，問下佢係唔係要訂，佢話有現貨賣喎！！勁開心，買左一盒大既椰汁蛋卷！！食左一條之後，諗：原來都係名大於實JEI~但係過左一會兒，重覺得椰汁既SWEET 重係個口入面，好香，好好味！就好想再食！食下食下，真係覺得好好味！！實在係停唔到呀！！哈哈！！真係好好味呀！！下一次試埋原味先得~

以前在北角打工,見到間店有蛋卷賣,買了一罐細的雞蛋蛋卷回家吃,怎知一吃就愛上了!!蛋卷的蛋味香濃,又不會太甜,鬆化得一咬鍾情,之後男友也一同愛上這些蛋卷,男友買給他媽咪嘗試,連他媽咪也很愛吃,現在男友的媽咪每次過年前也訂貨用來送禮,因為有送貨服務非常方便!店中的伯伯也很友善,大家有機會到北角,真的要買一罐蛋卷回家與家人分享,真的很好吃的!!

佢地有三隻味蛋卷：雞蛋，牛油，椰汁，每款有兩隻ｓｉｚｅ，亦有蛋卷碎賣。我三隻都買晒，細盒，但送兩盒俾人，自己試左椰子味，因為送禮點都要求穩，雖然呢度出品一向有信譽，但點都係雞蛋同牛油味更易令人接受。椰汁味蛋卷：外皮係蜂巢形，夠鬆化，但唔易散爛。鬆化同易散係兩樣野，無衝突，我拿著三盒野去左好多地方又過海又入跑馬地，都無事，但食落又鬆化唔硬。而椰汁味只係淡淡的，唔會蓋過蛋味，所以食落都唔錯。佢地都會包定幾堆放係度，你要包裝佢地就拿給你，唔駛自己包，岩晒。入面的叔叔又風趣，我問佢已包裝的蛋卷有冇寫明係邊隻打邊隻，佢話：有．．．我讀得書少，但我識得椰汁個椰字，拿，呢盒咪椰汁囉！咁我答：係喎，我都係讀得書少，識ｄ字無你咁深，但我識得個汁字，咁呢盒真係椰汁喎！

新年勁多人買蛋卷送禮, 你1月去買買唔到都唔出奇. 不過要等到三月咁誇?

見到有咁好食評就諗住買盒來食, 點知去到話無零售只有批發, 不過之後又講話有零售, 但要排到3月先有, 我心諗買一盒都無? 有無咁寸呀, 唔食走人, 算!!!

買左罐椰汁蛋卷.買左差不多成個月,因為一直唔得閒+唔記得食,開左咁耐除左買個日食左條之外今日先正式食.估唔到仲係咁鬆脆.味道又香, 真係唔錯.

呢間D蛋卷真係好正，蛋味夠香，又鬆脆，而且佢D蛋卷好新鮮架！！唔係好似其他常見o個D 整左幾個月！如果想訂黎新年送禮，就要係農曆八月十六開始可以訂，手快有手慢冇，因為佢一訂滿quota 就唔再收order 架喇！！我試過有兩年一時唔記得，遲左訂就冇喇！

訂左兩個星期0既蛋卷終於到手，加多$10送埋貨，仲要用花紙包得靚靚的(雖然D花紙有點"娘")，真係唔話得。返到屋企急不及待開黎試，一條條好整齊咁排好晒，拎一條出黎，見到真係好厚身，一口咬落去，真係好鬆脆呀﹗雖然咁厚，但都仲好鬆，真難得，而且蛋味好濃，好香。攬住個罐食完一條又一條，差唔多食左十條都唔識停，下次都係拎定幾條出黎先，閂埋個罐唔准再攞，唔係好快會食晒架﹗

曾經同店家8過下，佢地唔係好恨錢。第一，佢地堅持唔入超市，認為會影嚮質素。以佢地名氣，上得架一定去貨。第二，佢地唔肯做薄身D，話佢地D蛋卷就係咁樣。如果好似出便咁薄，慳好多料，實賺多D。

講真呢度D蛋卷質感係唔同奇華、榮華o既，你有冇發現德成號o既係厚身D，即每條份量都比其他牌子多D，但係佢哋 仍然脆口，只是你可能習慣了其他較薄、鬆化的蛋卷啦，我介紹過俾朋友食，佢哋 有D都覺得佢D蛋卷較"硬"，唔係咁鐘意。但係我就覺得佢好有質感，好香蛋味，如果係椰子味就仲香濃，真係又好又抵食，不過口味o既嘢 都係因人而異o既，各有所好吧！(註：如果D蛋卷買番去即開發現"淋"或有問題，係可以攞 番去換o架，我之前都試過，佢哋 仲好樂意換過另一罐俾我。)

個次男友去開北角專登去德成買盒番黎, 係幾脆幾新鮮,但其實德成號同榮華蛋卷兩者個texture係唔同, 德成係脆d滑面個隻, 榮華係蜂巢蛋卷, 脆卷通常個圈數少d, 所以食落脆d薄d, 但蜂巢就係多層d, 所以食落口感強d同飽肚d,兩者好難相題並論但我本人就鐘意蜂巢多d, 同埋我覺得德成個d味淡了點, anyway, 我都係鐘意榮華多d

香係幾香,但點解它的質地怪怪的,好像沒有一般蛋卷如榮華的脆.係唔係正宗蛋卷應該係咁?會唔會我買到的不是新鮮即製的呢?我買的是原味鐵罐裝$35, 星期二早上購買.

真的不錯，有蛋味，夠脆，好吃，價錢夠平！