德成號

營業中

休息中

剛剛買了一罐大嘅原味試o下, 祇不過普普通通啫, 又或者是我冀望太高la, 面頭ge 蛋卷同中間ge 唔同, 面頭ge 好似淋d, 中間ge 比較鬆化, 總之試一次就夠了!

農曆新年過ｏ左ｏ甘耐，屋企ｏ既賀禮食品重有排清．．．　其實多數都係金莎﹑藍罐曲奇﹑壽桃牌．．．　心意或許有，但新意則欠奉ｓｕｒｐｒｉｓｉｎｇｌｙ，老豆有個ｆｒｉｅｎｄ　竟然十分識貨，買ｏ左老字號德成號ｏ既蛋卷一打開個蓋，一陣牛油香隨即飄散出來．．．令人不能控制雙手咬第一口經發現蛋卷好足料，事關佢比普通ｏ既粗，蛋味＆牛油味都濃．．．　重極鬆化蛋卷哩樣野邊鬼個未食過，但德成號ｏ既可謂平凡中的不平凡！

媽咪話要排隊先買到，買了幾罐大及細，蛋卷夠鬆化，皮薄多層。

琴日去問, 想訂新年既貨, 幾時開始有得訂. 點知個女人答我"滿左額啦!今年8月16號就接受預訂, 滿左好耐啦!" 唉, 唯有而家買番盒返屋企嘆啦.

冇得傾...有濃烈蛋香，鬆化，入口即溶...就算之前食得點飽都可以塞幾條落肚...best of the town...

這家出產的蛋卷是否好味是見人見智的, 因為這裡的蛋卷是最傳統那款, 如果你是喜歡蜂巢狀的蛋卷就會非常like it,它夠厚夠粗夠長, 好有口感; 若果你食慣時下即做即捲, 皮身薄而又鬆脆, 像澳門出產的那款, 這杯茶不合你喝了，因為你會覺得疏了氣, 淋身, 質地厚, 不過你無論是好評或劣評, 這家的出產一到這些大節送禮節日，不需靠廣告，也能賣過缺貨，又要排隊，還要一早預訂，店務員態度也很囂張，真是唔休做。細$40, 大$70

早前買左盒椰汁蛋卷, 一開盒, d蛋卷淋bare bare, 又冇椰汁味, 仲衰過超市賣果d!真係唔明, 點解d人話好食!

如果你搵到一間賣蛋卷好食過呢間，唔該話我知。但so far呢間係我食過最好的。上女友屋企要帶d手信，唔想成日買生果，送合蛋卷都唔錯。蛋卷香，脆，厚度適中。好易一條一條唔經唔覺食哂。應該係牛油咪最正。

I have eat thier 蛋卷many years already. They have 雞蛋, 牛油, 椰汁三隻味and i love all 3. I can finish up a big box less then a week. Because everytime i eat i can't stop. Also, i like the way they call 大棷, 大牛, 大蛋(but why they don't call 大雞la) hahaha. Anyways for me their 蛋卷is the best in the World!!!

嘩...好好食呀！(係原味大罐裝喎)一咬落去，就知咩叫做鬆脆，好耐無食過呢種質感喇，平時食到既，一係就鬆但唔脆(即好似恆春d蜂巢蛋卷咁，好鬆但唔脆，一咬即散)，一係就脆但唔鬆(即好似奇華d咁，好脆但唔鬆，似食炸春卷皮)，但呢間d呢就...咬個陣d牙要用少少力，咬開後就好鬆化，正呀！另外佢d蛋味好真好香，唔似個d係商場，所謂民間懷舊小食攤檔即做既蛋卷，完全係用吉士粉谷蛋味，而且...可能佢火侯夠,食落仲有陣蛋既焦香味，即係如果你炒飯或者整蕃茄煮蛋前，將d蛋炒得微焦時個陣味，果然係老字號！我猛話好食時，阿媽話其實我好細個住柴灣時，曾經買過比我食，係我個陣太細唔記得左咋！

去開北角，知到德成號出名，就嚟買兩罐蛋卷試吓：「家鄉雞蛋卷」同「鮮牛油蛋卷」，兩樣都係一磅裝，前者$38，後者$40。兩款蛋卷都好香，咬落質感差不多，唔係好脆嗰隻，但係夠鬆化。相比之下，「鮮牛油蛋卷」係好食啲，牛油味重啲真係吸引啲。

我想, 香港的蛋卷之王,非它莫屬。我從小就不大喜歡蛋卷,鳳凰卷之類的傳統家鄉食品。但, 我只會食出自鉅記的紫菜肉鬆鳳凰卷新年的時候, grandma送我家一盒蛋卷,說要早一個月訂的。我見如此的特別, 就破例吃一條。誰料, 此蛋卷香口鬆化,不像我從前食過的蛋卷, 得個脆字。它的濃濃的雞蛋牛油香, 真係令人會不停口的吃。一盒小裝的蛋卷, 可以在一小時內消失。於是,每次經過北角,都令想去買一盒回家吃。如此難忘的蛋卷,盛惠$38 (小) / $70 (大)都頗貴架!!

從灣仔乘小巴落東區，常常會經過這兒。某天在附近開會後，跑入來買了，幫兄長買了兩罐「家鄉雞蛋卷」（$38 / 一磅裝）。雖說是一磅裝，連金屬罐，仲要係兩罐，…，再拎埋我開會用的notebook，經過三十多分鐘車程，手掌酸了。留一盒比兄長，一盒交給家母以作家裡食用。某晚，小表弟妹上來睇飯，老爸老媽用來招呼那他們。四個人，一下子，便掃了大半盒！當我發現時，僅剩三條而已。可想而知，係幾咁好味！我吃著那僅存的三條蛋卷，相當珍惜。因為實在係太好味！風味程度猶如吃著「勁辣xxx掌門」的雞蛋仔的「邊」咁香脆惹味，停唔到口，零食嘛！質素高，是其他市販蛋卷行埋一邊。比「恆x」、「榮x」、「華x」香酥N 倍。

我係德成超級擁躉, 凡有外地朋友來港, 例必買幾盒做手信, 因為有信心朋友會喜歡, 唔會無面. 有朋友食完仲要求我買多幾盒寄俾佢!蛋卷通街都有, 但我懷疑仍然用真雞蛋做既就好少, 一食味道就唔同, 德成係無可替代既. 唯一投訴係有時佢地話俾人訂晒(尤其過時過節), 唔肯賣俾我!!!p.s. to editor: 去買嘢啫, 環境點評分呀?

上星期三(12/9)，同細佬行過呢度，諗起好多年無買過黎食，見唔係成日行過呢頭，所以忍唔住買番盒細0既椰汁雞蛋卷返屋企。但要成四十一蚊盒，幾貴，因為唔係好多架ja。原本想買盒大0既，但太貴啦，成八十蚊，太肉痛，所以只係買左盒細ja，返到屋企仲要唔捨得食，琴晚先食ja。佢d蛋卷幾脆，薄身d，如果厚番少少會好d。我記得佢加過幾次價，原本無咁貴架。原本想買番盒0既黎送禮俾人，但諗諗下，買左俾人，人地都估唔到原來咁貴，加上呢排好窮，所以最後都無買。奇華0個d都好好食，都唔駛咁貴啦。佢地0既態度比以前好左，好！