德成號

營業中

休息中

百物騰貴,這店的蛋卷也加了$1,現價$46,蛋卷食落鬆化,香脆,蛋香和牛油香味一齊進佔味蕾,好!一盒蛋卷25至26條,四個人一齊食,也很勉強才能清罐,因為食落都幾滯.

每次大時大節都想買德成號0既蛋卷送禮,點知次次都話要半年前訂,不過散買就可以,所以好唔忿氣買左一盒自己試食食落覺得有D失望,唔係因為佢唔好食,而係我覺得無乜必要半年前訂定貨,感覺又係吹噓效應我買原味蛋卷,都算有蛋味,但覺得唔夠香,可能因為無乜牛油吧...蛋卷本身太鬆,好多碎跌出黎,我覺得實少少會好D不過可能下次我都會提早去訂定俾人,因為佢出名要早早訂,所以人地會覺得好開心好有誠意

因為婆婆生日, 家姐和|Simon買了兩盒德成號蛋卷賀禮因為椰汁較不健康, 所以買了原味和牛油蛋卷和之前的食友說的一樣, 外面真係有小小諗, 不過內裡都幾鬆脆我自己本身好鍾意食蛋卷! 這個的蛋味幾香濃, 不過唔係話十分之濃這個真係食完一條有再吃多條的衝動! 正! 剛幹掉一盒很期待第二盒的開封! 也期待試試椰汁味!

德成號嘅蛋卷, 允其係牛油味, 好香好脆好鬆化, 肯定係全港NO. 1, 澳門嗰啲乜記、乜香園唔該行埋一面!

一位朋友行開北角, 特意帶來原味蛋卷一盒。我是一位甜牙齒, 德成號的原味蛋卷, 只夠香, 不夠甜。俾著我平時, 九秒九食曬一罐的蛋卷, 有本事責過年, 勁唔勁!一定要叫朋友儲齊一套, 試齊味再評過!呢d係咪叫犯賤?! 下面的服務分, 是給送貨上門的朋友, 與德成號無關。

去到見到成鋪裡面都係一條條由蛋卷罐榙到有一個人咁高既柱。買左一罐原味雞蛋卷。味道幾好﹐幾鬆化﹐亦唔係好甜。

某天搭車見到"德成號"的鋪面, 心想這間定必老字號店, 有機會都來買雞蛋卷試一試; 回到家又見到有推介, 心想:真的這麼好味??終於有機會去北角, 立刻去買罐試試, 食第一條, 已覺得與一般蛋卷不同, 好鬆化, 又沒一般那麼甜和"死實實", 好好味! 連奶奶都讚不絕口呢!!

大家都知一本天書係不能讀到老, 皆因世界無時無刻都喺度轉變. 但我同你講一罐蛋卷卻能走天涯.此店的蛋卷, 小弟食過後, 就再冇興趣食其他品牌的蛋卷, 當然我並非頑固之人, 期間都有試過其他品牌的, 但質素卻有十萬九千里之差, 可以話係佢敢認第二, 冇人敢認三, 四, 五, 六, 七, 八嗰隻!其蛋卷, 甚有蛋香味, 十分鬆化, 隨時食到唔停得口, 超正的!如果食完一條而不追加第二條, 就等於你可以忍到有人請你免費去現場睇世界盃決賽連食宿, 而你卻不去咁囉! 佩服, 佩服!

味道係OK,但絕非好味到受氣都要死去買!!,唔試唔得law!我去過呢間舖頭三次,但每次都唔係我自己想食去買的!,而是我家人見我返工近成日叫我去幫佢訂幫佢地拿,咁我就去啦,點知,三次都一肚氣咁走,因為呢間舖頭d人服務太差,似住自己有點名氣老治號,就不可一世咁!更係啦,唔優做麻,態度咪差law,到第四次我家人再叫我去,我就同佢地講,幫你地去邊間都得,不過呢間唔洗諗!死我都唔會再去!第一次去的時候,我唔知原來要訂的,家人無講,咁個日收工去啦,去到佢話買晒,我見到仲有好多喎,佢話個d全部都係有人訂左的,咁我就問佢可以讓一盒比我嗎?個叔好唔客氣咁話,無啦,人地訂左點比你呀?你下次打來訂啦!第二次,家人又叫我去啦,咁我見第一次去話要訂,我打去訂,點知個叔話有呀,你落黎買得啦,我話: 下?你地上次話要打來訂喎,.一陣黎到無點萛,佢問我幾點來到,我話我一點收,點幾鐘應該到啦!!我話訂左好d喎,佢話你來買有架啦,點知,我去到佢竟然話買晒!!我嬲啦,話你地頭先話唔洗訂落買有,現在又話買晒???咁你比住你舖頭個D我先啦,佢話人訂左,咁萛點呀???佢話買晒無辦法!!第三次,我已經非常不願意去,但家人話今次佢地

幾個月前剛轉了新工在北角上班，由同事口中得知這間老字號，心癢癢便去買了三數罐回家，因為本人十分喜愛吃蛋卷，幾乎甚麼牌子也試過，家中亦隨時有一兩罐不同品牌的standby~品嚐過後，覺得名過其實，心想傳言亦實在誇張，當然，味道和口感是不錯的；過一兩天，口痕之下再開其他品牌的蛋卷來吃（此品牌以前本人亦是常吃的比較好的一款），怎知一吃之下，便不想再吃下去，然後再拿德成的來吃，才發覺味道和口感相差實在太多.......現在，我幾乎每個月都會買三數罐來吃呢～～

以多年吃的經醶，個人覺得它仍是非常美味，無論是色 ( 均勻金黃色 )、香 ( 蛋香，牛油香 )、味 ( 適中的甜 )，都比人高幾班。要想買到最好吃的鮮牛油雞蛋卷，穩陣是中午前去到。如果碰到那位年長老闆看舖，他會很樂意向你介紹，那部己用了四十多年的古董收銀機。吃光之後，通常仍遺留不少蛋卷碎在罐內，有人會用匙羹，甚至用手，也不想浪費它。你又知否，許多年前此店就是將此等焗製過程中產生之蛋卷碎，裝入透明膠裝，用橡筋箍口，然後放在店口售賣。小時下課後回家，偷偷地吃它三兩羹，便是一頓豐富的美食 ! 以前三幾元一大袋，十分搶手，現今社會變得較富庶，再也用不着了…

約咗同學去北角東寶食飯。原先去德成號買蛋卷比我拍檔和同學仔試吓。所以叫同學仔先去東寶霸定位。自已就速速走去德成買蛋卷，點知去到時，嗰亞姐話啲蛋卷賣晒啦。我話地下卡板上重有好多喎，但亞姐話卡板上嘅蛋卷全都比人訂晒，我話我喺專誠來買蛋卷嘅，請佢讓兩盒比我，亞姐喺都唔肯賣，真喺比佢吹脹。於是只好死死氣哋上東寶揾番同學仔。後來朋友通知，原來德成號蛋卷喺可以用電話訂貨，遠近送到。每次送貨費用喺香港區15元，九龍區20元。

呢間老字號:既食評捧到天咁高，有冇咁好食呀，自從當年西貢榮華摺埋之後，好耐都冇食過一條真正好食o既蛋卷。坐言不如起行，買盒試下。去到話袛有椰汁蛋卷? 我乜卷都o岩，冇得揀對我來講完全唔係問題。返到屋企第一時間整條，前人提及乜o野"濃烈蛋香，鬆化，入口即溶" 祗係覺得係笑話o者! d食評出o左到而家可能事隔一段時間，而家d蛋冇味啦；入口係鬆，但唔係化而係散，仲係散到碎濕濕，成地都係，都唔知算點；至於"入口即溶"，哈哈，笑完算啦。我唔係搵來講，德成號o既蛋卷真真正正祗係中上而已；當然，唔好同我講如果同鉅記比又點，鉅記根本唔入流。

我覺得所有對此蛋卷的好評都有點過譽了...首先,除了蛋卷顏色與罐外觀的分別外,我完全食不出雞蛋與雞蛋牛油味有什麼分別,而所謂鬆化,與其他牌子的蛋卷,亦沒有太大分別,總之連味道/口感/都同樣與其他的牌子沒啥分別,蛋卷本身亦做得薄,我覺得以80多元1罐的價錢(還只得40條,可不便宜啊),不可能只做得那麼薄身,影響口感;幫襯過這第1次,相信我不會再幫襯第2次了,很是失望...>_<

識飲識食復活節(五)從家人得知這蛋卷好吃，兒時也吃過，但總想不起味道是怎樣的。吃過了街邊小吃，便來買兩罐家鄉雞旦卷，一罐孝敬父母，一罐自己回宿舍享用。吃過晚飯後，忍不住開了一罐來吃，試試味。質感較鬆化，但偏向是鬆軟而不是鬆脆，也好；外層較諗，內裡較鬆化。吃過一口而感受到濃濃的雞旦甜味，真的是很濃得甜。沒有想象中那麼厚，而且吃落也不膩。果然不出所料，是會很想拿起另一條放進口中的...怪不得有會員說就算很飽都依然能吃上幾條蛋卷了！感到身受。希望父母鍾意啦！會來Encore。